Unglingaæfingar Hellis hefjast í dag

Barna- og unglingaæfingar Hellis hefjast aftur mánudaginn 27. ágúst 2007. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

 

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með unglingaæfingunum hefur Vigfús Ó. Vigfússon.

Atkvöld hjá Helli í kvöld

Taflfélagið Hellir heldur atkvöld mánudaginn 27. ágúst 2007 og hefst mótið kl. 20:00. Teflt er í félagsheimili Hellis í Álfabakka 14, Mjódd.   Tilvalin upphitun fyrir þá sem ætla að tefla á Íslandsmótinu sem hefst degi síðar!

Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. 

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Sævar sigraði á Vinnslustöðvarmótinu

Sævar Bjarnason (2250) sigraði á Vinnslustöðvarmóti Taflfélags Vestmannaeyja, sem lauk í dag í Eyjum.  Sævar gerði jafntefli í lokaumferðinni við sjálfan formann félagsins Karl Gauta Hjaltason (1540) og hlaut 4,5 vinning í 5 skákum.  Spánverjinn Jorge Fonseca (2085) varð í 2.-3. sæti ásamt með Karli Gauti með 3,5 vinning.  Bjartur Týr Ólafsson (1230) varð efstur unglinga.

Lokastaða efstu manna:

1. Sævar Bjarnason (2250) 4,5 v. af 5
2.-3. Jorge R. Fonseca (2085) og Karl Gauti Hjaltason (1540) 3,5 v.
4.-8. Einar K. Einarsson (2010), Kjartan Guðmundsson (1850), Sverrir Unnarsson (1900), Ólafur Týr Guðjónsson (1655) og Bjartur Týr Ólafsson (1230) 3 v.

Nánari upplýsingar eins og mótstöflu sem og skákir mótsins má finna á heimasíðu TV.

Heimasíða TV 

Friðrik hafnaði í 5.-8. sæti

Öllum skákum níundu og síðustu umferð Euwe-mótsins í Arnhem í Hollandi er nú lokið og ljóst að Friðrik Ólafsson hafnaði í 5.-8. sæti.  Friðrik fékk 4 vinninga í 9 skákum, vann tvær skákir, gerði fjögur jafntefli og tapaði þremur skákum.  Taflmennska Friðriks á mótinu var frískleg og vonandi að Friðrik láti hér ekki staðar numið heldur haldi áfram að tefla! Sigurvegari mótsins var hinn 25 ára Amon Simutowe frá Sambíu.   

Lokastaðan:

1. AM Amon Simutome (2421), Sambía, 7,5 v.
2. SM  Dibyendru Barua (2462), Indlandi  6,5 v.
3. FM Puchen Wang (2348), Nýja Sjálandi, 6 v.
4. SM Nona Gaprindasvili (2364), Georgíu, 5 v.
5.-8. SM Friðrik Ólafsson (2452) 4 v.
5.-8. AM Willy Hendriks (2420), Hollandi, 4 v.
5.-8. SM Oscar Panno (2457), Argentínu, 4 v.
5.-8. KSM Bianca Muhren (2334), Hollandi, 4 v.
9. AM Helgi Dam Ziska (2408), Færeyjum, 3,5 v.
10. Vincent Rothuis (2441), Hollandi, 0,5 v. 

• Heimasíða mótsins
• Skákirnar í beinni (virkar í Explorer en ekki í Firefox)
• Skákhornið (Eyjólfur Ármannsson fer yfir skákina leik fyrir leik og skýrir gang mála)
  

Friðrik gerði jafntefli við Panno í lokaumferðinni

Friðrik Ólafsson gerði stutt jafntefli, í 15 eikjum, við argentíska stórmeistarann Oscar Panno (2457) níundu og síðustu umferð Euwe Stimulans skákmótsins sem fram fór í dag í Arnhem í Hollandi.  Friðrik fékk fjóra vinninga á mótinu.  Aðeins einni annari skák er lokið en Færeyingurinn Helgi Dam Ziska /2408) vann Hollendinginn Vincent Rothuis (2441) í aðeins 14 leikjum!

Staðan fyrir síðustu umferð:

1. AM Amon Simutome (2421), Sambía, 7 v.
2. SM  Dibyendru Barua (2462), Indlandi  6 v.
3.-4. SM Nona Gaprindasvili (2364), Georgíu, 5 v.
3.-4. FM Puchen Wang (2348), Nýja Sjálandi, 5 v.
5.-8. SM Friðrik Ólafsson (2452) 3,5 v.
5.-8. AM Willy Hendriks (2420), Hollandi, 3,5 v.
5.-8. SM Oscar Panno (2457), Argentínu, 3,5 v.
5.-8. KSM Bianca Muhren (2334), Hollandi, 3,5 v.
9. AM Helgi Dam Ziska (2408), Færeyjum, 2,5 v.
10. Vincent Rothuis (2441), Hollandi, 0,5 v. 

• Heimasíða mótsins
• Skákirnar í beinni (virkar í Explorer en ekki í Firefox)
• Skákhornið (Eyjólfur Ármannsson fer yfir skákina leik fyrir leik og skýrir gang mála)
  

Sævar efstur fyrir lokaumferðina

Sævar Bjarnason (2250) hefur eins vinnings forskot fyrir lokaumferð Vinnslustöðvarmótsins, sem fram fer í fyrramálið.  Í 2.-3. sæti er Kjartan Guðmundsson (1850) og Karl Gauti Hjaltason (1540), formaður TV.

Staða efstu manna:

1. Sævar Bjarnason (2250) 4 v. af 4
2.-3 Kjartan Guðmundsson (1850) og Karl Gauti Hjaltason (1540) 3 v.
4.-7. Jorge R. Fonseca (2085), Einar K. Einarsson (2010), Einar Guðlaugsson (1800) og Ólafur Týr Guðjónsson (1655) 2,5 v.

Heimasíða TV 

Sævar efstur á Vinnslustöðvarmótinu

Alþjóðlegi meistarinn Sævar Bjarnason (2250) er efstur með fullt hús að lokinni þriðju umferð Vinnslustöðvarmótsins, sem fram fór í dag í Vestmannaeyjum.  Einar K. Einarsson (2010) er annar með 2,5 vinning.   Alls taka 16 skákmenn þátt í mótinu.  Fjórða umferð fer fram í kvöld en mótinu líkur á morgun með fimmtu umferð. 

Heimasíða Taflfélags Vestmannaeyja 

 

Jafntefli hjá Friðriki í áttundu umferð

Friðrik Ólafsson gerði stutt jafntefli, í 18 leikjum, við hollenska alþjóðlega meistarann Willy Hendriks (2420) í áttundu og næstsíðustu umferð Euwe Stimulans skákmótsins sem fram fór í dag í Arnhem í Hollandi.  Friðrik hefur 3,5 vinning og hefur unnið tvær skákir á mjög skemmtilegan hátt en með svörtu mönnunum en gengið verr með hvítu mönnunum.  

Oscar Panno og Nona Gaprindashvili hafa einnig gert jafntefli en öðrum skákum áttundu umferðar er enn ólokið.  

Í níundu umferð sem fram fer á morgun mætir Friðrik Panno.   

Staðan eftir 7. umferð:

1. AM Amon Simutome (2421), Sambía, 6,5 v.
2. SM  Dibyendru Barua (2462), Indlandi  6 v.
3. SM Nona Gaprindasvili (2364), Georgíu, 4,5 v.
4. FM Puchen Wang (2348), Nýja Sjálandi, 4 v.
5.-7. SM Friðrik Ólafsson (2452) 3 v.
5.-7. AM Willy Hendriks (2420), Hollandi, 3 v.
5.-7. SM Oscar Panno (2457), Argentínu, 3 v.
8. KSM Bianca Muhren (2334), Hollandi, 2,5 v.
9. AM Helgi Dam Ziska (2408), Færeyjum, 2 v.
10. Vincent Rothuis (2441), Hollandi, 0,5 v. 

• Heimasíða mótsins
• Skákirnar í beinni (virkar í Explorer en ekki í Firefox)
• Skákhornið (Eyjólfur Ármannsson fer yfir skákina leik fyrir leik og skýrir gang mála)
  

Sóknarsigur Friðriks í Arnhem

Friðrik Ólafsson sigraði hinn unga Hollending, Vincent Rothuis (2441), sem er aðeins 17 ára, í mikilli sóknarskák í sjöundu umferð Euwe Stimulans skákmótinu sem tefld var í dag í Arnhem í Hollandi.  Friðrik hafði svart og blés Hollendingurinn ungi strax til mikillar sóknar.   Friðrik tók hraustlega á móti og eftir miklar flækjur mátaði Friðrik Hollendinn í 26 leik!  Friðrik hefur 3 vinninga.   

Öðrum skákum sjöundu umferðar er enn ólokið en staðan efstu manna fyrir umferðina var sem hér segir:

1. AM Amon Simutome (2421), Sambía, 5,5 v.
2. KSM  Dibyendru Barua (2462), Indlandi  5 v.
3. KSM Nona Gaprindasvili (2364), Georgíu, 4,5 v.

• Heimasíða mótsins
• Skákirnar í beinni (virkar í Explorer en ekki í Firefox)

Reyknesingar unnu Fjölnismenn

Skákfélag Reykjanesbæjar sigraði Skákdeild Fjölni í 1. umferð Hraðskákkeppni taflfélaga, 39.5 - 32.5,  Viðureignin fór fram í Keflavík síðastliðinn mánudag.

Guðmundur Sigurjónsson stóð sig best heimamanna með 9 vinninga og Jóhann Ingvason fékk 8 vinninga.

Tómas Björnsson Fjölni stóð sig þó best allra og fékk 12 v af 12 mögulegum.  Jón Árni Halldórsson kom næstur Fjölnismanna með 7 vinninga.

Reyknesingar eru því komnir í 8 liða úrslit þar sem þeir mæta Akureyringum.