Henrik vann í 2. umferð í Kaupmannahöfn

Stórmeistarinn Henrik Danielsen (2516) vann Danann Nicolai Kvist Brondt (2156) í 2. umferð ØBRO-nýársmótinu sem fram fór í kvöld.  Henrik hefur 2 vinninga og er í 1.-13. sæti.   Á morgun eru tefldar 2 umferðir og fer sú fyrri fram kl. 12.  Þá teflir Henrik við Alexander Rosenkilde (2190)þ  Skák Henrik verður sýnd beint.   

Alls taka 64 skákmenn þátt í mótinu og þar af 2 stórmeistarar, Henrik, sem er næststigahæstur og Jonny Hector (2576), sem er stigahæstur, og tveir alþjóðlegir meistarar.

• Heimasíða mótsins
• Skákirnar í beinni

Jóla- og nýársskákmót Riddarans fer fram 29. desember

Jóla- og nýársskákmót Riddarans fer fram miðvikudaginn 29. desember og hefst kl. 13.  Tefldar verða 11 umferðir með 10 mín tímamörkum eins og venjulega.  Góð verðlaun og vinningalottó. Flugeldasýning á hvítum reitum og svörtum. 

Þetta er jafnframt 53 skákfundur ársins, en teflt er alla miðvikudaga á um kring í Firðinum. Geri aðrir betur.  Frítt kaffi og kruðerí.   Allir skákmenn 50 ára og eldri hjartanlega velkomnir til tafls.

Íslandsmótið í netskák fer fram í kvöld

Íslandsmótið í netskák fer fram, þriðja í jólum, mánudaginn 27. desember  á ICC og hefst kl. 20. Mótið er öllum opið og er teflt er einum flokki.  Skráning fer fram á Skák.is.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.   Tímamörk eru 4 2 (4 mínútur + 2 viðbótarsekúndur á hvern leik).    

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forriti (mælt er með Blitzin eða Dasher).   Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Núverandi Íslandsmeistari í netskák er Jón Viktor Gunnarsson. 

Verðlaun:

1. kr. 10.000
2. kr. 6.000
3. kr. 4.000

Undir 2100 skákstigum (miðað við nýjustu íslensku skákstig):

1. Fjórir frímánuðir á ICC
2. Tveir frímánuðir á ICC

Undir 1800 skákstigum (miðað við nýjustu íslensku skákstig):
1. Fjórir frímánuðir á ICC
2. Tveir frímánuðir á ICCStigalausir:
1. Fjórir frímánuðir á ICC
2. Tveir frímánuðir á ICC

Unglingaverðlaun (15 ára og yngri):
1. Fjórir frímánuðir á ICC
2. Tveir frímánuðir á ICC

Kvennaverðlaun:
1. Fjórir frímánuðir á ICC
2. Tveir frímánuðir á ICC

Öldungaverðlaun (50+)
1. Fjórir frímánuðir á ICC
2. Tveir frímánuðir á ICC

Hægt er að fylgjast með skráningu hér.  

 

Hraðskákmót Goðans fer fram í kvöld

Hraðskákmót Goðans 2010 verður haldið mánudagskvöldið 27. desember á Húsavík.  Mótið fer fram í Framsýnar-salnum að Garðarsbraut 26 og hefst stundvíslega kl 20:00.   Reiknað er með því að mótslok verði um kl 23:00.

Tefldar verða 11 umferðir eftir monrad-kerfi. Verðlaun verða veitt fyrir þrjú efstu sætin, auk farandbikars fyrir sigurvegarann. Núverandi hraðskákmeistari Goðans er Jakob Sævar Sigurðsson. Einnig verða veitt verðlaun fyrir þrjá efstu í yngri flokki (16 ára og yngri)

Þátttökugjald er 500 krónur fyrir fullorna en 250 krónur fyrir 16 ára og yngri. 

Áhugasamir eru beðnir um að skrá sig til keppni hjá formanni í síma 821 3187.

20 keppendur hafa forskráð sig til keppni. Það stefnir því allt í fjölmennasta skákmót sem Goðinn hefur haldið frá stofnun félagsins. Fjölsóttasta mót Goðans hingað til var hraðskákmótið 2009, en þar kepptu 16 skákmenn og árið 2006 voru 15 keppendur á hraðskákmóti félagsins.  Ekki er útilokað að nokkrir bætist við hópinn áður en mótið hefst. 

Skákþáttur Morgunblaðsins: Þriggja stiga reglan færði Magnúsi Carlsen sigur

Þökk sé upptöku þriggja stiga reglunnar og öðrum sérstæðum ákvæðum náði Magnús Carlsson að endurtaka afrek sitt frá því í fyrra og vinna London chess classic-mótið. Eftir ævintýralegan endasprett þar sem Magnús náði 3½ vinningi úr síðustu fjórum skákum sínum, þar af jafntefli gegn Vladimir Kramnik eftir 85 leiki, en staða hans í þeirri skák var langtímum saman gjörtöpuð og eiginlega vonlaus að flestra mati. Í lokaumferðinni lagði Magnús heillum horfinn Nigel Short, sem átti sitt lélegasta mót frá upphafi, og náði aðeins tveimur jafnteflum í sjö skákum. Lokaniðurstaðan var þessi:

1. Magnús Carlsen 13 stig (4 ½ v.) 2. – 3. Wisvanatahan Anand og Luke McShane 11 stig (4½ v.) 4. Hikaru Nakamura 10 stig (4 v.) 5. Vladimir Kramnik 10 stig (4 v.) – Sigur Nakamura yfir Kramnik gilti. 6. Michael Adams 8 stig (3½ v.) 7. David Howell 4 stig (2 v.) 8. Nigel Short 2 stig (1 v.)

Þess má geta að ef gamla kerfinu hefði verið fylgt væri Magnús í 3. sæti samkvæmt Sonneborg-Berger stigakerfinu en hann tapaði fyrir bæði Anand og Luke McShane.

Eftir dapurt gengi á Ólympíumótinu í Khanty Manisk og síðan í Bilbao er Norðmaðurinn aftur kominn með byr í seglin, sigraði á „perlumótinu“ í Kína og sýndi mikla keppnishörku eftir tvö töp í fyrstu þremur skákum sínum. Spá greinarhöfundar um að Kramnik ynni þetta mót virtist ætla að rætast en hann yfirspilaði Magnús eftir öllum kúnstarinnar reglum í næstsíðustu umferð. Kramnik var manni yfir en í fremur einföldu endatafli leitaði hann eftir enn meiri uppskiptum. Þegar þessi staða kom upp varð mönnum skyndilega ljóst að vinningurinn var ekki svo einfaldur:

London; 6. umferð:

Kramnik – Carlsen

Þessi staða er unnin á hvítt en baráttan var orðin lýjandi og hafði staðið í u.þ.b. sjö klst. samfellt. Kramnik taldi sig sennilega getað náð sigri án þess að leggja á sig flókna útreikninga. En eftir næsta leik er vinningurinn úr greipum hans genginn.

69. Kg3? Vinningleiðin hefst með 69. g5! eins og nokkur óskeikul tölvuforrit bentu á: Aðalleiðin er þessi. 69. .. hxg5 70. g3!! Kd4 71. Kg4 Ke3 72. Kxg5 Kf3 73. Kh4 og svartur lendir í leikþröng: 73. ... g6 74. Be6 g5+ 75. Kh3 Kf2 76. Kg4 Kg2 77. Ba2 Kf2 78. Bd5! – svartur er í leikþröng.

69. ... Ke3 70. Kh4 Kf2 71. Bd5 g6! 72. Kh3 g5 73. Kh2 Kf1 74. Be6 Kf2 75. c4 Ke3 76. Kg3 Kd4 77. Be6 Ke3 78. Kh2 Kf2 79. Bc4 Ke3 80. Kg1 Kf4 81. Be6 Ke5 82. Bb3 Kf4 83. Be6 Ke5 84. Bb3 Kf4 85. Be6 Ke5 86. Bb3

– og hér sættist Kramnik á jafnteflið.

Þröstur Þórhallsson tefldi í B- flokki mótsins en þar voru keppendur 182 talsins. Þröstur náði sinum besta árangri í langan tíma, hlaut 7 vinninga af 9 mögulegum, hafnaði í 3. – 7. sæti.

Friðriks-mótið er jafnframt Íslandsmót í hraðskák

Hið árlega jólamót Landsbanka Íslands, Friðriks-mótið, fer fram í dag, 19. desember. Árni Emilsson útibússtjóri kom þessu móti á laggirnar á sínum tíma og bankinn vill eindregið halda uppi heiðri fyrsta stórmeistara Íslendinga. Mótið er jafnframt hraðskákmót Íslands. Þegar hafa skráð sig til leiks yfir 70 skákmenn og má búast við geysiharðri keppni en tefldar verða 11 umferðir eftir svissneska kerfinu.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 19. desember 2010.

Skákþættir Morgunblaðsins

[Event "2nd London Chess Classic"] [Site "London ENG"] [Date "2010.12.14"] [Round "6"] [White "Kramnik, Vladimir"] [Black "Carlsen, Magnus"] [Result "1/2-1/2"] [WhiteTitle "GM"] [BlackTitle "GM"] [WhiteElo "2791"] [BlackElo "2802"] [ECO "D07"] [Opening "QGD"] [Variation "Chigorin defence"] [WhiteFideId "4101588"] [BlackFideId "1503014"] [EventDate "2010.12.06"] 1. d4 d5 2. c4 Nc6 3. Nf3 Bg4 4. Nc3 e6 5. Bf4 Bd6 6. Bg3 Nf6 7. e3 O-O 8. a3 Ne7 9. Qb3 b6 10. Ne5 c5 11. Nxg4 Nxg4 12. Rd1 Bxg3 13. hxg3 Nf6 14. cxd5 exd5 15. Be2 Qd6 16. Qc2 h6 17. O-O c4 18. b3 Qxa3 19. bxc4 dxc4 20. Bf3 Rab8 21. Ra1 Qd6 22. Nb5 Qd7 23. Qxc4 a5 24. e4 Rfc8 25. Qe2 Rc6 26. Rab1 Rd8 27. Rfd1 Rdc8 28. d5 Rc2 29. Qe3 R2c5 30. Nd4 Re8 31. Qd3 Qd6 32. Qa6 Rb8 33. Nb3 Rc2 34. Nd4 Rc5 35. Nb3 Rc2 36. Qd3 Rcc8 37. Nd2 Ng6 38. Be2 Qc5 39. Rb5 Qc3 40. f4 a4 41. e5 Nd7 42. Qxc3 Rxc3 43. Ne4 Rc7 44. Ra1 Ra7 45. d6 Ngf8 46. Nc3 Nc5 47. Nd5 Ra5 48. Rxb6 Rxb6 49. Nxb6 Nfe6 50. Bc4 Kf8 51. f5 Nd8 52. Rf1 Ncb7 53. Re1 a3 54. e6 fxe6 55. fxe6 Nxd6 56. e7+ Ke8 57. exd8=R+ Kxd8 58. Rd1 Kc7 59. Ba2 Rg5 60. Nd5+ Kc6 61. Nc3 Rc5 62. Rxd6+ Kxd6 63. Ne4+ Kc6 64. Nxc5 Kxc5 65. Kf2 Kd4 66. Kf3 Kd3 67. g4 Kd2 68. Be6 Kd3 69. Kg3 Ke3 70. Kh4 Kf2 71. Bd5 g6 72. Kh3 g5 73. Kh2 Kf1 74. Be6 Kf2 75. Bc4 Ke3 76. Kg3 Kd4 77. Be6 Ke3 78. Kh2 Kf2 79. Bc4 Ke3 80. Kg1 Kf4 81. Be6 Ke5 82. Bb3 Kf4 83. Be6 Ke5 84. Bb3 Kf4 85. Be6 Ke5 86. Bb3 1/2-1/2

Jólahraðskákmót TR fer fram 29. desember

Jólahraðskákmót Taflfélags Reykjavíkur verður haldið miðvikudaginn 29. desember kl. 19.30.  Tefldar verða 9 umferðir með 5 mínútna umhugsunartíma.  Mótið fer fram í húsnæði T.R. að Faxafeni 12.  Þátttökugjald er kr. 500 en frítt fyrir 15 ára og yngri.

KORNAX mótið 2011 - Skákþing Reykjavíkur

KORNAX mótið 2011 - Skákþing Reykjavíkur hefst sunnudaginn 9. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Verðlaun:

• 1. sæti kr. 120.000
• 2. sæti kr. 60.000
• 3. sæti kr. 30.000
• Besti árangur undir 2000 skákstigum kr. 15.000 (íslensk stig gilda)
• Besti árangur undir 1800 skákstigum kr. 15.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur undir stigalausra - bókaverðlaun

Sigurvegarinn hlýtur auk þess nafnbótina Skákmeistari Reykjavíkur 2011 og farandbikar til varðveislu í eitt ár.  Núverandi Skákmeistari Reykjavíkur er Hjörvar Steinn Grétarsson. 

 

Jafnframt fær sigurvegarinn sæti í landsliðsflokki Íslandsmótsins í skák sem fram á Egilsstöðum í apríl nk.

 

Þátttökugjöld:

• kr. 4.000 fyrir 16 ára og eldri
• kr. 2.000 fyrir 15 ára og yngri

Dagskrá:

• 1. umferð sunnudag   9. janúar  kl. 14
• 2. umferð miðvikudag 12. janúar  kl. 19.30
• 3. umferð föstudag     14. janúar  kl. 19.30
• 4. umferð sunnudag   16. janúar  kl. 14
• 5. umferð miðvikudag 19. janúar  kl. 19.30
• 6. umferð föstudag      21. janúar  kl. 19.30
• 7. umferð sunnudag    23. janúar  kl. 14
• 8. umferð miðvikudag 26. janúar  kl. 19.30
• 9. umferð föstudag      28. janúar  kl. 19.30

 

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur, http://www.taflfelag.is.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Íslandsmótið í netskák fer fram á ICC 27. desember

Íslandsmótið í netskák fer fram, þriðja í jólum, mánudaginn 27. desember  á ICC og hefst kl. 20. Mótið er öllum opið og er teflt er einum flokki.  Skráning fer fram á Skák.is.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.   Tímamörk eru 4 2 (4 mínútur + 2 viðbótarsekúndur á hvern leik).    

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forriti (mælt er með Blitzin eða Dasher).   Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Núverandi Íslandsmeistari í netskák er Jón Viktor Gunnarsson. 

Verðlaun:

1. kr. 10.000
2. kr. 6.000
3. kr. 4.000

Auk þess verða í boði frímánuðir í einstaka aukaflokkum en frá því verður betur greint fljótlega.

Hægt er að fylgjast með skráningu hér.  

 

Björn Ívar sigraði á Jólamóti TV

Eina skákmótið sem haldið er á jóladag er Jólamót Taflfélags Vestmannaeyja, en það fór fram í dag kl. 13 og var lokið kl. 15:30.  Keppendur að þessu sinni voru 16 og voru átök oft á tíðum hörð.  Tefldar voru 11 umferðir 5 mínútna hraðskákir.  Hinn knái drengur, Björn Ívar Karlsson sigraði með 11 vinningum og vann alla andstæðinga sína.  Í öðru sæti varð Nökkvi Sverrisson og hinn efnilegi Daði Steinn Jónsson varð þriðji.  Í yngri flokki varð því Daði Steinn efstur, en Kristófer Gautason í öðru sæti og Sigurður A. Magnússon í þriðja sæti.

Úrslit.

1. Björn Ívar Karlsson 11 vinninga
2. Nökkvi Sverrisson 9 vinninga
3. Daði Steinn Jónsson 7.5 vinninga

Yngri en 15 ára.
1. Daði Steinn Jónsson 7,5 vinninga
2. Kristófer Gautason 7 vinninga
3. Sigurður A. Magnússon 5,5 vinninga

Lokastaðan
Sæti	Nafn	FIDE	Vinn	BH.
1	Karlsson Bjorn-Ivar	2200	11	67½
2	Sverrisson Nokkvi	1784	9	68
3	Jonsson Dadi Steinn	0	7½	66
4	Unnarsson Sverrir	1958	7	70
5	Sigurmundsson Arnar	0	7	61
6	Gautason Kristofer	1684	6½	66½
7	Gislason Stefan	0	6½	62
8	Hjaltason Karl Gauti	0	5½	59
9	Magnusson Sigurdur A	0	5½	56
10	Sigurdsson Einar	0	5	57
11	Johannesson David Mar	0	4½	61
12	Kjartansson Tomas Aron	0	4	55½
13	Olafsson Thorarinn I	1707	3½	62½
14	Sigurdsson Johannes Thor	0	3½	50
15	Kjartansson Eythor Dadi	0	2	51½
16	Magnusdottir Hafdis	0	0	54½

Tómas og Davíð sigruðu á Jólamóti Víkingaklúbbsins og Faktory

Jólamót Víkingaklúbbsins og skákklúbbs Factory var haldið á í Þorláksmessu. Mótið var mjög vel sótt þrátt fyrir annríki dagsins. Tuttugu og þrír keppendur mættu til leiks og margir mjög öflugir meistarar, m.a einn alþjóðlegur meistari og þrír fide-meistarar. Á mótinu kepptu m.a fjórar konur. Sigurvegarar á mótinu voru þeir Tómas Björnsson og Davíð Kjartansson.

Félagar í Vikningaklúbbnum röðuðu sér í efstu sætin, því sex efstu menn eru allir félagar í Víkingaklúbbnum. Reyndar er Tómas Björnsson orðinn Goði, en hann er samt enn í Víkingaklúbbnum, þótt hann sé ekki lengur félagi í SKÁKDEILD félagsins! Verðlaun voru vegleg, en veitt voru mörg aukaverðlaun fyrir utan sjóðspott og verðlaunagripi. Flestir voru leystir út með gjöfum. Aukaverðlaun voru m.a stressaðasti pabbinn, þolinmóðasti krakkinn og bezti róninn. Látum það liggja milli hluta hver vann þau eftirsóttu verðlaun. Á mótinu voru tefldar 7. umferðir með 5. mínútna umhugsunartíma og röggsamur skákstjóri mótsins var Haraldur Baldursson yfirvíkingur.

Úrslit jólamótsins:

* 1-2 Tómas Björnsson 6.0
* 1-2 Davíð Kjartansson 6.0
* 3. Stefán Þór Sigurjónsson 5.5
* 4. Ólafur B. Þórsson 5.0
* 5-6 Jón Úlfljótsson 4.5
* 5-6 Gunnar Fr. únarsson 4.5
* 7-10 Sævar Bjarnason 4.0
* 7-10 Kristján Örn Elíasson 4.0
* 7-10 Halldór Pálsson 4.0
* 7-10 Jorge Fonseca 4.0
* 11 Hörður Garðarsson 3.5
* 12 Haraldur Baldursson 3.5
* 13 Ingibjörg Birgisdóttir 3.5
* 14 Ágúst Örn Gíslason 3.5a
* 15 Páll Sigurðsson 3.5
* 16 Óskar Long Einarsson 3.5
* 17 Ingólfur Gíslason 3.0
* 18 Kjartan Ingvarsson 3.0
* 19 Helgi Björnsson 3.0
* 20 Sturla Þórðarson 2.5
* 21 Sóley Pálsdóttir 2
* 22 Saga Kjartansdóttir 2.0
* 23 Þorbjörg Sigfúsdóttir 1.0

Heimasíða Víkingaklúbbsins