Úrslit á Unglingalandsmóti UMFÍ

Úrslit í skákkeppni Unglingalandsmóts 2009 fór fram í dag á Sauðárkróki.  Alls tók 21 keppandi þátt í mótinu og var teflt í einum flokki.

Úrslit eftir flokkum voru eftirfarandi:

15-16 ára strákar

1. Jóhann Óli Eiðsson - UMSB - 5 v.
2. Jón Óskar Jóhannesson HSK - 3 v.

15-16 ára stúlkur

1. Elisa Marie Valjaots - UFA - 5 v.
2. Auður Eiðsdóttir - UMSB - 4 v.

13-14 ára strákar

1. Mikael Jóhann Karlsson - UFA - 7 v.
2. Hjörtur Snær Jónsson - UFA - 4 ½ v.
3. Emil Sigurðsson - HSK - 4 ½ v.

Jafn þeim að vinningum var Hersteinn Hreiðarson UFA, en eftir stigaútreikning reyndist hann í 4. sæti.

13-14 ára stelpur

1. Hulda Rún Finnbogadóttir - UMSB - 4 v.
2. Alda Björk Egilsdóttir - UMSK - 3 v.
3. Hulda Vilhjálmsdóttir - UMSE - 3 v (3. sæti eftir stigaútreikning)

11-12 ára strákar

1. Snorri Hallgrímsson - HSÞ - 4 ½ v
2. Arnþór Ingi Ingvason - Keflavík - 4 v
3. Hjörtur Smári Sigurðsson - HSÞ - 2 v .

Jafn Hirti að vinningum var Eysteinn Hrafnkelsson en reyndist í 4. sæti eftir stigaútreikning.

Það var Skákfélag Sauðárkróki sem bar ábyrgð á mótshaldinu.  

Guðmundur gerði jafntefli í lokaumferðinni

Alþjóðlegi meistarinn Guðmundur Kjartansson (2356) gerði sitt eina jafntefli í níundu og síðustu umferð Czech Open sem fram fór í Pardubice í Tékklandi í dag.  Andstæðingur hans í lokaumferðinni var rússneski stórmeistarinn Alexander Potapov (2461).  Guðmundur hlaut 5,5 vinning og endaði í 46.-83. sæti.  Árangur hans á mótinu samsvaraði 2536 skákstigum og hækkaði hann um heil 33 stig fyrir frammistöðu sína og verður með um 2413 skákstig á næsta stigalista.  

Efstur með 8 vinninga varð úkraínski stórmeistarinn Anton Korobov (2623).   Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið

Guðmundur tapaði í áttundu umferð

Alþjóðlegi meistarinn Guðmundur Kjartansson (2356) tapaði fyrir tyrkneska alþjóðlega meistarann Mert Erdogdu (2463) í áttundu og næstsíðustu umferð Czech Open sem fram fór í Pardubice í Tékklandi í dag.  Guðmundur hefur 5 vinninga og er í 41.-81. sæti.

Árangur Guðmundar samsvarar 2550 skákstigum og er hann nú 31 stig í plús. 

Í níundu og síðustu umferð, sem fram fer á morgun, teflir Guðmundur við rússneska stórmeistarann Alexander Potapov (2461). Skák Guðmundar verður ekki sýnd beint á netinu. Ekki er gerlegt fyrir Guðmund að ná stórmeistaraáfanga þótt hann vinni á morgun.

Efstir með 7 vinninga eru stórmeistararnir Anton Korobov (2623) og Martyn Kravtsiv (2527), Úkraínu, og Viktor Laznicka (2617), Tékklandi.   

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið

Maze í TV

Franski stórmeistarinn Sebastien Maze (2546) hefur gengið til leiks við Taflfélag Vestmannaeyja úr Taflfélagi Reykjavíkur.

 

Vachier-Lagrave sigraði í Biel

Franski stórmeistarinn, Maxime Vachier-Lagrave (2703) sigraði á stórmótinu í Biel sem lauk í dag.  Hann hlaut 6 vinninga í 10 skákum.  Í 2.-3. sæti urðu Rússinn Alexander Morozevich (2751) og Úkraíninn Vassily Ivanchuk (2703).

Lokastaðan:

• 1.  Vachier-Lagrave (2703) 6 v.
• 2.-3. Morozevich (2751) og Ivanchuk (2703) 5½ v.
• 4. Alekseev (2714) 5 v.
• 5.-6. Gelfand (2755) og Caruana (2670) 4 v.

Rétt er að benda á fjörlega skák sigurvegara mótsins gegn Morozevich en hana má finna á Skákhorninu.

Heimasíða mótsins

Guðmundur tapaði fyrir Mamedov

Alþjóðlegi meistarinn Guðmundur Kjartansson (2356) tapaði fyrir aserska stórmeistaranum Rauf Mamedov (2645) í sjöundu umferð Czech Open sem fram fór í Pardubice í Tékklandi í dag.  Guðmundur hefur 5 vinninga og er í 11.-37. sæti. Árangur Guðmundar samsvarar 2612 skákstigum og er hann nú 36 stig í plús.  

Í áttundu og næstsíðustu umferð, sem fram fer á morgun, teflir Guðmundur við tyrkneska alþjóðlega meistarann Mert Erdogdu (2463).   Að þessu sinni verður Guðmundur ekki í beinni útsendingu.  

Efstir með 6 vinninga eru stórmeistararnir Anton Korobov (2623), Dmitry Maxmov (2485) og Martyn Kravtsiv (2527), Úkraínu, Viacheslav Zakhartsvo (2541), Rússlandi, og Viktor Laznicka (2617), Tékklandi.   

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið

Einar í Hauka

Einar Bjarki Valdimarsson (1830) hefur gengið til liðs við Skákdeild Hauka úr Kátu biskupunum. 

Guðmundur mætir stigahæsta keppendanum

Alþjóðlegi meistarinn Guðmundur Kjartansson (2356) teflir við stigahæsta keppenda mótsins, aserska stórmeistaranum Rauf Madedoc (2645) í sjöundu umferð Czech Open sem fram fer á morgun.  Skák Guðmundar verður sýnd beint á vefsíðu mótsins og hefst kl. 13.

Guðmundur er í 3.-9. sæti með 5 vinninga og samsvarar árangur hans 2695 skákstigum og er hann 38 stig í plús eins og er.

Efstir með 5½ vinning eru stórmeistararnir Viktor Laznicka (2617), Tékklandi, og Dmitry Maximov (2485), Úkraínu.

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið

Skákkeppni Unglingalandsmóts UMFÍ fer fram á Sauðárkróki á laugardag

Skákkeppni á Unglingalandsmóti UMFÍ fer fram á Sauðárkróki um Verslunarmannahelgina. Keppt verður í 8 flokkum, þ.e. 4 stráka og 4 stelpna.

• Flokki 17-18 ára
• Flokki 15-16 ára
• Flokki 13-14 ára
• Flokki 11-12 ára

Telft verður laugardaginn 1. ágúst og hefst keppnin kl. 10. Gert er ráð fyrir 10 mín upphugsunartíma, en fyrirkomulag keppninnar ræðst að öðru leiti af þátttöku.

Skráning fer fram á www.umfi.is.

Guðmundur sigraði í sjöttu umferð í Pardubice!

Alþjóðlegi meistarinn Guðmundur Kjartansson (2356) sigraði þýska alþjóðlega meistarann Thorsten Michael Haub (2483) í sjöttu umferð Czech Open sem fram fór í dag í Pardubice í Tékklandi.  Guðmundur hefur 5 vinninga og er í hópi efstu manna.

Ekki liggur enn fyrir við hvern Guðmundur teflir í sjöundu umferð, sem fram fer á morgun, Skák Guðmundar verður sýnd beint á vefsíðu mótsins og hefst kl. 13.

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið