Friðriksmót Landsbankans fer fram 20. desember

Sterkasta hraðskákmót ársins á Íslandi verður haldið í aðalútibúi Landsbankans þann 20. desember.   Gera má ráð fyrir að flestir sterkustu skákmenn landsins taki þátt.  Skráning fer fram á Skák.is.  Skákmenn eru hvattir til að skrá sig flest enda takmarkast þátttaka við 70 manns.

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Verðlaun eru sem hér segir:

• 1) 100.000 kr.
• 2) 60.000 kr.
• 3) 50.000 kr.
• 4) 30.000 kr.
• 5) 20.000 kr.

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Aukaverðlaun er miðað við nýjustu útgefin íslensk skákstig.  

Tefldar verða 11 umferðir með 7 mínútna umhugsunartíma á mann og er reiknað með að mótinu ljúki um kl. 16.30.

Þetta er sjötta árið í röð sem Landsbanki Íslands og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Jólapakkamót Hellis fer fram á laugardag

Jólapakkamót Hellis verður haldið laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Búið er að opna fyrir skráningu á mótið hérna á heimasíðu Hellis.  Hægt er að nálgast upplýsingar um skráða keppendur hér.

Róbert með jafntefli í 6. umferð

Róbert Lagerman (2358) gerði jafntefli við litháíska FIDE-meistarann Povilas Lasinkas (2187) í sjöttu umferð opins flokks London Chess Classic sem fram fór í gær.  Jorge Fonseca (2035) sigraði sinn andstæðing.  Baðir hafa þeir 3,5 vinning.

Norski stórmeistarinn Jon Ludvig Hammer (2588) er efstur með 5,5 vinning.

125 skákmenn tefla í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic

Hannes teflir í tékknesku deildakeppninni

Stórmeistarinn Hannes Hlífar Stefánsson teflir öðru hverju í tékknesku deildakeppninni.   Hannes teflir fyrir klúbbinn ŠK Mahrla Prague og teflir þar á þriðja borði.  Eftir fjórar umferðir hefur Hannes hlotið 2,5 vinning.

Árangur Hannesar:

Round 1 - 07.11.2009
Stefansson Hlifar 2574 0.5 - 0.5  Hráček Zbyněk 2591

Round 2 - 08/11/2009
Petr Neuman 2432 0.5 - 0.5 Stefansson Hlifar  2574

Round 3 - 05/12/2009
Stefansson Hlifar 2574  0.5- 0.5  Dydyshko Viacheslav 2585
        
Round 4 - 06/12/2009
Piotr Murdzia 2485 0 - 1 Stefansson Hlifar  2574

Heimasíða tékknesku deildakeppninnar

Enn jafnt hjá Pono og Gelfand

Jafntefli varð í 3. einvígisskák Ponomariov (2739) og Gelfand (2758) um sigurinn á Heimsbikarmótinu í skák sem fram fór í dag.   Staðan í einvíginu er 1,5-1,5.   Fjórða og síðasta einvígisskákin fer fram á morgun.  Verði einnig jafnt þá verður einvíginu framhaldið með styttri umhugsunartíma á mánudag.

Jafntefli varð í 2. umferð skák einvígis Ponomariov (2739) og Gelfand (2758) um sigurinn á Heimsbikarmótinu sem fram fór í dag í Khanty Mansiysk í Síberíu. Staðan í einvíginu er í 1-1.

 

• Heimasíða mótsins
• Chessdom (skákirnar beint - hefjast kl. 10)

 

Róbert og Jorge unnu í fimmtu umferð

Róbert Lagerman (2358) og Jorge Fonseca (2032) sigruðu báðir í fimmtu umferð opins flokks London Chess Classic sem fram fór í dag. Ekki gekk jafn vel í fjórðu umferð, sem fram fór fyrri partinn,  því þá töpuðu þeir félagarnir.  Róbert hefur 3 vinninga en Jorge 2, 5 vinning.

Efstir með 4,5 vinning eru stórmeistararnir Jon Ludvig Hammer (2588), Noregi, og Simon Williams (2550) og Mark Hebden (2522), Englandi.

125 skákmenn tefla í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic

Jólamót Skákfélags Vinjar á mánudag

Mótið er í Vin, Hverfisgötu 47 í Reykjavík og skráning hefst kl. 13:00. Tefldar verða sjö umferðir með sjö mínútna umhugsunartíma og skákstjóri er Hrannar Jónsson.óka- og tónlistarútgáfan SÖGUR hefur gefið aldeilis glæsilega vinninga og auk verðlauna fyrir fimm efstu sætin verða veitt verðlaun fyrir bestan árangur 60 ára og eldri, 18 ára og yngri auk kvennaverðlauna. Svo verður  dregið þrisvar í happadrætti þar sem séns er á að eignast glænýja bók úr jólabókaflóðinu.

Eftir fjórðu umferð er hægt að gíra sig upp með kaffi og piparkökum.

Allir velkomnir, kostar ekki neitt, bara tóm hamingja.

Jafntefli hjá Gefland og Pono í skák 2

Jafntefli varð í 2. umferð skák einvígis Ponomariov (2739) og Gelfand (2758) um sigurinn á Heimsbikarmótinu sem fram fór í dag í Khanty Mansiysk í Síberíu. Staðan í einvíginu er í 1-1.

Þriðja skák af fjórum verður tefld á morgun. 

 

• Heimasíða mótsins
• Chessdom (skákirnar beint - hefjast kl. 10)

 

Björn Ívar atskákmeistari Vestmannaeyja

Björn Ívar Karlsson varð í kvöld Atskákmeistari Vestmannaeyja eftir harða baráttu við Nökkva Sverrisson sem lenti í 2. sæti. Þeir hlutu báðir 4,5 vinning en Björn Ívar varð hærri á stigum. Þrír komu jafnir í 3. sætið og þurfa þeir að há aukakeppni um verðlaunin.

 

Rank	Name	Rtg	Pts	BH.
1	Bjorn Ivar Karlsson	2230	4½	15½
2	Nokkvi Sverrisson	1800	4½	13½
3	Olafur Tyr Gudjonsson	1615	3	14
	Karl Gauti Hjaltason	1605	3	14
	Dadi Steinn Jonsson	1545	3	14
6	Sverrir Unnarsson	1955	2	11½
7	Kristofer Gautason	1435	2	11
8	Larus Long	0	2	9
9	Robert Aron Eysteinsson	0	1	11
10	Sigurdur A Magnusson	1360	0	11½

Stefán Bergsson sigraði á fimmtudagsmóti í TR

Á fimmtudagsmóti TR sem fram fór í gær sigraði Stefán Bergsson eftir harða keppni við Stefán Þór Sigurjónsson. Þeir nafnar gerðu jafntefli í innbyrðis viðureign og voru jafnir að vinningum fram að síðustu umferð.

Tefldar eru sjö umferðir með sjö mínútna umhugsunartíma; mótið hefst kl. 19:30 og er yfirleitt lokið um 21:30.  Síðasta fimmtudagsmótið á þessu ári verður næsta fimmtudagskvöld (17. des.) og þráðurinn síðan tekinn upp á nýju ári, þ. 7. janúar 2010.

• 1   Stefán Bergsson                           6.5
• 2   Stefán Þór Sigurjónsson               6
• 3-4  Sverrir Sigurðsson                      4.5
•        Elsa María Kristínardóttir            4.5
• 5-8  Magnús Aronson                         4
•       Örn Leó Jóhannsson                    4
•       Jóhann Bernhard                          4
•       Eiríkur K. Björnsson                      4
• 9   Jón Úlfljótsson                                3.5
• 10   Gunnar Friðrik Ingibergsson         3
• 11-12 Friðrik Daði Smárason               2
•           Sigurður Kjartansson                 2
• 13   Margrét Rún Sverrisdóttir             1
• 14   Kristinn Andri Kristinsson             0