Bragi Halldórsson skákmeistari öðlinga

Bragi Halldórsson (2230) er skákmeistari öðlinga en skákmóti öðlinga lauk í gær.  Bragi sigraði Þorstein Þorsteinsson (2271) í lokaumferðinni og hlaut 6 vinninga af 7 mögulegum.  Kristján Guðmundsson (2259) varð annar með 5,5 vinning.  Í 3.-7. sæti, með 5 vinninga, urðu Eiríkur Björnsson (2013), Haukur Bergmann (2142), Halldór Pálsson (1947), Magnús Kristinsson (1415) og Jón Úlfljótsson (1695).

Ólafur S. Ásgrímsson var skákstjóri á mótinu en hann hefur haldið utan um mótið frá upphafi.

Úrslit 7. umferðar:

Name	Pts.	Result	Pts.	Name
Bjornsson Eirikur K	4½	½ - ½	5	Gudmundsson Kristjan
Halldorsson Bragi	5	1 - 0	4½	Thorsteinsson Thorsteinn
Ulfljotsson Jon	4½	½ - ½	4	Thorsteinsson Bjorn
Bergmann Haukur	4	1 - 0	4	Thrainsson Birgir Rafn
Kristinsson Magnus	4	1 - 0	4	Jonsson Loftur H
Palsson Halldor	4	1 - 0	3½	Hjartarson Bjarni
Gudmundsson Einar S	3½	- - +	3½	Ragnarsson Johann
Sigurmundsson Ulfhedinn	3½	1 - 0	3½	Breidfjord Palmar
Sigurdsson Pall	3	1 - 0	3½	Hreinsson Kristjan
Sigurmundsson Ingimundur	3	1 - 0	3	Jonsson Sigurdur H
Isolfsson Eggert	3	1 - 0	3	Einarsson Thorleifur
Thorarensen Adalsteinn	3	1 - 0	3	Matthiasson Magnus
Gunnarsson Magnus	2½	0 - 1	2½	Jonsson Pall G
Fridthjofsdottir Sigurl  Regin	2½	1 - 0	2½	Gudmundsson Sveinbjorn G
Schmidhauser Ulrich	2½	0 - 1	2	Jensson Johannes
Ingason Gudmundur	2	0 - 1	2	Gardarsson Halldor
Bjornsson Gudmundur	2	½ - ½	2	Vikingsson Halldor
Thoroddsen Arni	1½	1 - 0	2	Eliasson Jon Steinn
Kristbergsson Bjorgvin	1	½ - ½	1	Johannesson Petur
Adalsteinsson Birgir	1½	1		bye
Halldorsson Haukur	1	0		not paired

Lokastaðan:

Rk.		Name	Rtg	Club/City	Pts.	Rp	rtg+/-
1		Halldorsson Bragi	2230	Hellir	6	2366	18,8
2		Gudmundsson Kristjan	2259	TG	5,5	2245	3,5
3		Bjornsson Eirikur K	2013	TR	5	2163	16,2
4		Bergmann Haukur	2142	SR	5	2023	0,4
5		Palsson Halldor	1947	TR	5	2146	25,4
6		Kristinsson Magnus	1415	TR	5	1951
7		Ulfljotsson Jon	1695	Víkingaklúbburinn	5	2096
8	FM	Thorsteinsson Thorsteinn	2271	TV	4,5	2075	-14,1
9		Thorsteinsson Bjorn	2226	TR	4,5	1944	-13,4
10		Ragnarsson Johann	2124	TG	4,5	1964	-10,8
11		Sigurmundsson Ulfhedinn	1775	SSON	4,5	1808
12		Jonsson Loftur H	1510	SR	4	1769
13		Thrainsson Birgir Rafn	1636	Hellir	4	2010	17
14		Isolfsson Eggert	1845	TR	4	1748
15		Sigurdsson Pall	1881	TG	4	1807	6,4
16		Sigurmundsson Ingimundur	1760	SSON	4	1762
17		Thorarensen Adalsteinn	1741	Haukar	4	1642	3
18		Hjartarson Bjarni	2112		3,5	1681	-18
19		Fridthjofsdottir Sigurl  Regin	1810	TR	3,5	1664	-10,1
20		Breidfjord Palmar	1746	SR	3,5	1583	12,5
21		Gudmundsson Einar S	1705	SR	3,5	1773	13,9
22		Hreinsson Kristjan	1610	KR	3,5	1680
23		Jonsson Pall G	1710	KR	3,5	1756
24		Matthiasson Magnus	1838	SSON	3	1652	-22,3
25		Gardarsson Halldor	1978	TR	3	1623	-21,8
26		Jonsson Sigurdur H	1862	SR	3	1452	0
27		Einarsson Thorleifur	1525	SR	3	1511
28		Jensson Johannes	1535		3	1486
29		Gunnarsson Magnus	2124	SSON	2,5	1596	-9,9
30		Gudmundsson Sveinbjorn G	1665	SR	2,5	1620
31		Vikingsson Halldor	0		2,5	1291
32		Adalsteinsson Birgir	0	TR	2,5	1250
33		Thoroddsen Arni	1555	KR	2,5	1637
34		Bjornsson Gudmundur	0		2,5	1357
35		Schmidhauser Ulrich	1375	TR	2,5	1462
36		Ingason Gudmundur	0	KR	2	1449
37		Eliasson Jon Steinn	0	KR	2	1481
38		Kristbergsson Bjorgvin	1165	TR	1,5	1011
39		Johannesson Petur	1020	TR	1,5	967
40		Halldorsson Haukur	1500	Vinjar	1	0

 

 

• Heimasíða TR
• Chess-Results

Jón Viktor með skákkennslu

Alþjóðlegi meistarinn Jón Viktor Gunnarsson býður uppá einkatíma fyrir skákmenn sem hafa áhuga á að bæta sig sem skákmenn. Kennslan fer fram með þeim hætti að nemandinn fær sér símaforritið Skype, sé hann ekki með það fyrir. tímarnir eru hugsaðir fyrir skákmenn með um og yfir 1600 eló stig til allt að 2200 stig.

Á Skype er boðið uppá myndbandssamtal og því horfir nemandinn einfaldlega á skjá kennarans á meðan kennslustundinni stendur. Að loknum tímanum fær svo nemandinn efnið sent á pgn-formi og getur þá haldið öllum kennslustundunum til haga. Það er ekki nauðsynlegt að eiga gagnagrunnsforrit eins og Chessbase eða Chess-Assistant þar sem hægt er að niðurhala Chessbase Light sem er forrit til að lesa pgn-skrá.

Hver tími er cirka 75-90 mín. langur og kostar stakur tími 3.000 kr. Hafi nemendur áhuga á að festa marga tíma verður verður veittur sanngjarn afsláttur samkvæmt samkomulagi.

Áhugasamir geta haft samband í þetta netfang [e-mail] eða síma 848 8666.

Aðalfundur TR fer fram á mánudag

Aðalfundur Taflfélags Reykjavíkur verður haldinn mánudaginn 17. maí kl. 20 í húsnæði félagsins að Faxafeni 12.  Dagskrá fundarins er venjuleg aðalfundarstörf.

 

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Guðmundur vann - Hannes og Bragi með jafntefli

Guðmundur Gíslason (2372) sigraði Bosníumanninn Srdjan Zlobec (2215) í áttundu og næstsíðustu umferð Bosna Sarajevo-mótsins sem fram fór í dag.  Hannes Hlífar Stefánsson (2588) og Bragi Þorfinnsson (2422) gerðu jafntefli.  Hannes við sænska alþjóðlega meistarann Nils Grandelius (2476) og Bragi við tyrkneska FIDE-meistarann Ogulcan Kanmazalp (2287).   Hannes hefur 15 stig (5½ v.), Guðmundur hefur 12 stig (4 v.) og Bragi hefur 11 stig (4 v.)

Ekki liggur enn fyrir pörun níundu og síðustu umferð sem fram fer á morgun en ljóst er þó að skák Hannesar verður sýnd beint.   Umferðin hefst kl. 12:30.

Alls taka 169 skákmenn þátt í mótinu og þar af 44 stórmeistarar og 38 alþjóðlegir meistarar.  Stigahæstur er kínverski stórmeistarinn Wang Hao (2722) en meðal annarra keppenda má nefna Ivan Sokolov (2654) sjálfan sem er mótsstjóri.  Hannes er nr. 18 á stigum, Bragi nr. 66 og Guðmundur nr. 81.  Veitt eru 3 stig fyrir sigur, 1 stig fyrir jafntefli og 0 stig fyrir tap.

 

• Heimasíða mótsins
• Beinar útsendingar
• Chess-Results

Ísland styður framboð Karpov sem forseta FIDE

Stjórn Skáksambands Íslands ákvað nýlega á stjórnarfundi að styðja Karpov sem næsta forseta Alþjóðskáksambandsins, FIDE.   Tilkynning þess efnis send á skrifstofu hans í gær.

 Anatoly Karpov, fyrrverandi heimsmeistari í skák, árið 1951 og varð heimsmeistari í skák árið 1975 og hélt titlinum í 10 ár samfleytt. Karpov hefur teflt tvívegis á Íslandi.  Kirsan Ilyumzhinov, sem hefur verið forseti síðustu 15 ár, er einnig í kjöri. 

Samkvæmt upplýsingum Gunnars Björnssonar, forseta Skáksambands Íslands, hafði Garry Kasparov samband við íslenska skákhreyfingu og óskaði eftir stuðningi við Karpov. „Að Kasparov skuli óska eftir stuðningi við sinn forna fjanda er út af fyrir sig merkileg staðreynd," segir Gunnar.

Vefsíða framboðs Karpovs

Anand heimsmeistari í skák!

 

 

 

Indverjinn Anand varði heimsmeistaratitilinn í skák.  Tólfta og síðasta skák heimsmeistaraeinvígis hans og Topalov fór fram í Sofíu í Búlgaríu í dag.  Topalov hafði hvítt og var teflt drottningarbragð í fyrsta skipti.  Lengi vel stefndi í fremur bragðdaufa en heldur lifnaði yfir stöðunni í kringum 30. leik þegar Indverjinn sprengdi upp miðborðið.  Topalov svaraði ónákvæmt og  lék illa af sér í 32. leik.  Anand tefldi lokin óaðfinnanlega og mátti Topalov gefast upp eftir 56 leiki með koltapað leik.  Heimsmeistarinn sigraði því 6½-5½ og heldur heimsmeistaratitlinum.  

• Heimasíða einvígisins
• Chessdom (bein útsending með skýringum)
• Skákhornið (íslenskir skákmenn skýra skákirnar)

 

[Event "Sofia BUL, WCC 2010 Game_12"] [Site "Sofia BUL"] [Date "2010.05.11"] [Round "12"] [White "Topalov, V."] [Black "Anand, V."] [Result "0-1"] [ECO "D56"] [WhiteElo "2805"] [BlackElo "2787"] [PlyCount "112"] [EventDate "2010.04.24"] [EventType "match"] [EventRounds "12"] [EventCountry "BUL"] 1. d4 d5 2. c4 e6 3. Nf3 Nf6 4. Nc3 Be7 5. Bg5 h6 6. Bh4 O-O 7. e3 Ne4 8. Bxe7 Qxe7 9. Rc1 c6 10. Be2 Nxc3 11. Rxc3 dxc4 12. Bxc4 Nd7 13. O-O b6 14. Bd3 c5 15. Be4 Rb8 16. Qc2 Nf6 17. dxc5 Nxe4 18. Qxe4 bxc5 19. Qc2 Bb7 20. Nd2 Rfd8 21. f3 Ba6 22. Rf2 Rd7 23. g3 Rbd8 24. Kg2 Bd3 25. Qc1 Ba6 26. Ra3 Bb7 27. Nb3 Rc7 28. Na5 Ba8 29. Nc4 e5 30. e4 f5 31. exf5 e4 32. fxe4 Qxe4+ 33. Kh3 Rd4 34. Ne3 Qe8 35. g4 h5 36. Kh4 g5+ 37. fxg6 Qxg6 38. Qf1 Rxg4+ 39. Kh3 Re7 40. Rf8+ Kg7 41. Nf5+ Kh7 42. Rg3 Rxg3+ 43. hxg3 Qg4+ 44. Kh2 Re2+ 45. Kg1 Rg2+ 46. Qxg2 Bxg2 47. Kxg2 Qe2+ 48. Kh3 c4 49. a4 a5 50. Rf6 Kg8 51. Nh6+ Kg7 52. Rb6 Qe4 53. Kh2 Kh7 54. Rd6 Qe5 55. Nf7 Qxb2+ 56. Kh3 Qg7 0-1

30 krakkar á Vorhátíðaræfingu TR

Vorhátíðarskákæfing Taflfélags Reykjavíkur fór fram laugardaginn 8. maí. Þetta var 32. laugardagsæfingin frá því í september. Rúmlega 100 börn hafa mætt á æfingarnar í vetur og sífellt bætast fleiri börn í hóp þeirra sem mæta að staðaldri.

Myndaalbúm frá æfingunni

Laugardaginn 8. maí mættu 30 hressir krakkar á þessa lokaæfingu vetrarins og var mjög skemmtileg stemning. Þar sem Landsmótið í skólaskák fór fram á sama tíma í sal T.R. vorum við með æfinguna í sal Skáksambands Íslands sem er hinum megin á ganginum. Torfi byrjaði á því að skella upp skákþraut á sýningarborðið og fékk fullt af tillögum um lausn á þrautinni. Krakkarnir hafa skólast heilmikið í endatöflum í vetur í gegnum skákþrautirnar sem Torfi hefur lagt fyrir þau á æfingunum.

Að því loknu hófst verðlaunaafhending fyrir ástundun, samanlögð stig (ástundun og árangur) svo og skákþrautirnar.

Verðlaun fyrir ástundun:

Börn fædd 2002-2003 (í 1. -2. b.)
1. Vignir Vatnar Stefánsson
2. Axel Bergsson
3. Viktor Breki Guðlaugsson

Börn fædd 2000-2001 (í 3.-4.b.)
1. Eysteinn Högnason, Halldóra Freygarðsdóttir og Sólrún Elin Freygarðsdóttir
2. Dawid Kolka
3. Erik Daníel Jóhannesson

Börn fædd 1997-1999 (í 5.-7.b)
1. Gauti Páll Jónsson
2. Rafnar Friðriksson
3. Jakob Alexander Petersen

Verðlaun fyrir samanlögð stig fyrir ástundun og árangur á æfingarmótunum:
1. Gauti Páll Jónsson og Vignir Vatnar Stefánsson
2. Rafnar Friðriksson
3. Dawid Kolka

  Verðlaun fyrir skákþrautirnar:
1. Gauti Páll Jónsson
2. Vignir Vatnar Stefánsson
3. Axel Bergsson

Þess má geta að mörg önnur börn en þau sem fengu þessar viðurkenningar voru með feikigóða mætingu og mörg stig fyrir skákþrautirnar. Verðlaunin í þessum flokkum eiga að vera hvetjandi líka fyrir þau sem ekki voru með alveg eins mörg stig og verðlaunahafarnir. Þess má einnig geta að með góðri mætingu aukast möguleikarnir á verðlaunum, það sýnir sig á því að Gauti Páll og Vignir Vatnar voru báðir með 100% mætingu á vorönninni.

Þau sem einnig voru með á vorhátíðarskákæfingunni voru: Kristján Gabríel Þórhallsson, Guðmundur Agnar Bragason, Veronika Steinunn Magnúsdóttir, Smári Arnarson, Arnar Ingi Njarðarson, Páll Ísak Ægisson, Björn Axel Agnarsson, Sölvi Halldórsson, Matthías Ævar Magnússon, Eyþór Páll Stefánsson, Helgi Sæmundsson, Fannar Sigurðsson, Bjarki Sigurðsson, Sigurður Alex Pétursson, Svava Þorsteinsdóttir, Leifur Þorsteinsson, Ólafur Örn Ólafsson, Þórður Valtýr Björnsson, Dagur Logi Jónsson, Þorsteinn Freygarðsson. Eysteinn Högnason var ekki með að þessu sinni, en verðlaunin hans bíða eftir honum þar til hann kemur næst.

Eftir verðlaunaafhendingu og myndatöku var að sjálfsögðu teflt! Torfi raðaði krökkunum saman og þau tefldu tvær skákir við sama andstæðing, fyrst tvær 7 mín. skákir og síðan var raðað upp á nýtt og tefldar tvær 5 mín. skákir. Ekki var um að villast að krökkunum hefur farið mikið fram í vetur. Snilldartaktar sáust víða á skákborðunum!

Að lokum var svo öllum boðið upp á kökuhlaðborð og djús, en það var sameiginlegt með krökkunum sem voru að tefla á Landsmótinu í skólaskák. Birna Halldórsdóttir sá um þetta flotta kökuhlaðborð og Elín Guðjónsdóttir umsjónarmaður kom einnig með dýrindis skúffuköku og lagði á borðið! Allt þetta féll vel í kramið hjá krökkunum og þetta voru skemmtileg lok á þessari vorhátíðaræfingu.

Þar með er vetrarstarfið hjá T.R. á laugardögum lokið að sinni. Þó verður boðið upp á eina staka laugardagsæfingu 5. júní kl. 14-16!
Umsjónarmennirnir Elín, Magnús og Sigurlaug svo og Torfi skákþjálfari þakka öllum krökkunum sem mætt hafa á laugardagsæfingar T.R. í vetur fyrir ánægjulega samveru!

Allir eru velkomnir aftur 5. júní og svo aftur eftir sumarfríið!

Gleðilegt sumar!

• Pistill vorhátíðaræfingarinnar
• Pistlar allra æfinga vetrarins

• Myndir frá vorhátíðaræfingunni
• Myndir frá páskaæfingunni 2010
• Myndir frá jólaæfingunni 2009

 

__________________________

Umsjónarmenn á þessari æfingu voru Elín Guðjóndóttir og Sigurlaug Regína Friðþjófsdóttir. Torfi Leósson sá um skákstjórn. Jóhann H. Ragnarsson tók ljósmyndir sem birtast munu á heimasíðu T.R. Birna Halldórsdóttir sá um kaffi og kökuhlaðborð.

Skákþjálfari er Torfi Leósson. Umsjón með laugardagsæfingunum skipta þau með sér þau Elín Guðjónsdóttir, Magnús Kristinsson og Sigurlaug Regína Friðþjófsdóttir. Öll eru þau í stjórn Taflfélags Reykjavíkur.

Veffang: http://www.taflfelag.is/

KR-ingar töpuðu í Berlínarslag

KR-ingar töpuðu naumlega fyrir fyrna sterku liði öflugasta og virtasta skáklúbbs Berlinar, Kreuzberg, á laugardaginn var. Keppnin fór fram á 21 borði og var tefld tvöföld umferð með skiptum litum, atskákir með 20 mín. umhugsunartíma + 5 sek. á leik.  KR vann fyrri umferðina með 11-10, en tapaði þeirri síðari með  8 1/2 v. gegn 12 1/2, heildarúrslit því 22 1/2 gegn 19 1/2 Þjóðverjunum í vil.  Slagurinn var einkar spennandi en tvær skákir skiptu um eigendur á síðustu metrunum sem riðu baggamuninn.

Skák(her)deildin hefur áður herjað á Færeyjar, Skotland, Danmörk og jafnan haft sigur en menn geta samt komið heim hnarreistir enda við ramman reip að draga í þetta sinn og ekki ráðist á garðinn þar sem hann er lægstur.  Eftir tvo ár er fyrirhuguð herför New York eða Hollands  til að lemja á þarlendum. Þessar ferðir hafa verið farnar ásamt mökum og öflugu fylgdarliði en alls voru 45 manns með í för. Eftirtaldir valinkunnir skákmenn öttu kappi:    Andri V. Hrólfsson, Daði Guðmundsson, Einar S. Einarsson (liðstj.), Finnbogi Guðmundsson, Guðmundur Ingason, Gunnar Finnsson, Jónas Elíasson, Jón G. Friðjónsson, Jón Steinn Elíasson, Hálfdán Hermannsson, Kristinn Bjarnason, Kristján Stefánsson (form.), Leifur Eiríksson, Ólafur Gísli Jónsson, Páll G. Jónsson, Sæbjörn G. Larsen, Össur Kristinsson. Stefán Þormar Guðmundsson, Sigurður E. Kristjánsson, Sverrir Gunnarsson, þá hinn gamalkunni meistari   Andrés Fjeldsted, sem býr ytra, með liðinu.

Bestum árangri náðu:  Ólafur Gísli Jónsson, Sigurður E. Kristjánsson, Jón Steinn Elíasson, Guðmundur Ingason sem unnu báðar sínar skákir.  Næstir komu með 1 1/2 vinning þeir:   Andri Hrólfsson; Kristinn Bjarnason; Sæbjörn G. Larsen,og Össur Kristinsson,   Vel var tekið á móti hópnum af þeim Brigitte Grosse-Honebrink sem sá um skipulagninguna og Werner Ott, varaformanni og aldursforseta klúbbsins. Kristján Stefánsson flutti gott ávarp í leikslok og fór með gamanmál að sínum hætti, sem Andrés Fjeldsted túlkaði, og afhenti verðlaun og gjafir frá KR og silfurdrengjunum.

Myndaalbúm frá ESE

Bragi vann - Hannes með jafntefli

Bragi Þorfinnsson (2392) sigraði þýska FIDE-meistarann Jens Hirneise (2294) í sjöttu umferð Bosna Sarajevo sem fram fór í dag í Bosníu.  Hannes Hlífar Stefánsson (2588) gerði jafntefli við rússneska alþjóðlega meistarann Egor Krivoborodov (2490).  Guðmundur Gíslason tapaði fyrir Serbanum Samir Sadikovic (2177).   Hannes hefur 11 stig (4 v.), Bragi 10 stig (3½ v.) og Guðmundur 6 stig (2 v.).   

Stórmeistararnir Artyom Timofeev (2677), Rússlandi, og Jan Gustafsson (2640), Þýskalandi, eru efstir með 16 stig (5½ v.).  Þriðji er kínverski stórmeistarinn Wang Hao (2722) með 15 stig (5 v.).

Í sjöundu umferð, sem fram fer á morgun, tefla Hannes og Bragi við króatíska stórmeistara.   Hannes við Ante Saric (2489) og Bragi við Ivan Saric (2580).  Spurning hvort þeir séu bræður.  Guðmundur teflir við Bosníumanninn Amir Hadzovic (2067).  Skák Hannesar verður sýnd beint og hefst kl. 12:30.

Alls taka 169 skákmenn þátt í mótinu og þar af 44 stórmeistarar og 38 alþjóðlegir meistarar.  Stigahæstur er kínverski stórmeistarinn Wang Hao (2722) en meðal annarra keppenda má nefna Ivan Sokolov (2654) sjálfan sem er mótsstjóri.  Hannes er nr. 18 á stigum, Bragi nr. 66 og Guðmundur nr. 81.  Veitt eru 3 stig fyrir sigur, 1 stig fyrir jafntefli og 0 stig fyrir tap.

 

• Heimasíða mótsins
• Beinar útsendingar
• Chess-Results