Barna-og unglingameistaramót Reykjavíkur sem og Stúlknameistaramót Reykjavíkur

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 2. maí  í félagsheimili T.R. Faxafeni 12. Taflið hefst kl.14 og stendur til ca. kl. 18.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2010, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2010, sé hún búsett í Reykjavík eða félagi í reykvísku taflfélagi.

Til viðbótar verða veitt verðlaun fyrir þrjú efstu sætin í aldursflokknum 12 ára og yngri.  

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 2. maí. frá kl. 13.30- 13.45. 

Aðgangur á mótið er ókeypis.

Skólaskákmót Reykjavíkur: Örn Leó og Dagur efstir í eldri og Breki og Gauti Páll í yngri

Örn Leó Jóhannsson og Dagur Kjartansson eru efstir í eldri flokki Skólskákmóts Reykjavíkur eftir fyrri dag mótsins.  Breki Jóelsson og Gauti Páll Jónsson eru hins vegar efstir í yngri flokki.  Mótinu lýkur í dag.

 

 

Eldri flokkur:

 

Níu þátttakendur taka þátt í eldri flokki Skólaskákmóts Reykjavíkur. Í ljósi þess var ákveðið að tefldar yrðu níu umferðir, allir við alla, með 10 mín. umhugsunartíma. Alls voru tefldar fimm umferðir fyrsta daginn og er staðan þessi:

 

1-2.sæti: Örn Leó Jóhannsson (Laugalækjarskóla) og Dagur Kjartansson (Hólabrekkuskóla) - 4,5 v.

3-4.sæti: Emil Sigurðarson (Laugalækjarskóla) og Brynjar Steingrímsson (Hólabrekkuskóla) - 4 v.

5-6.sæti: Jóhann Bernhard Jóhannsson (Hlíðaskóla) og Alexander Már Brynjarsson (Laugalækjarskóla) - 2,5 v.

7.sæti: Franco Soto (Laugalækjarskóla) - 2 v.

8.sæti: Jóhann Karl Hallsson (Laugalækjarskóla) - 1 v.

9.sæti: Elín N. Viggósdóttir (Engjaskóla) - 0 v.

 

Örn og Dagur gerðu innibyrðis jafntefli í fimmtu umferð mótsins og hafa teflt af miklu öryggi hingað til. Dagur sigraði Emil snemma móts og Örn Leó knésetti Brynjar. Þessi fjórir virðast vera í nokkrum sérflokki og ljóst að hart verður barist þar sem aðeins eru þrjú sæti í boði á Landsmótinu í skólaskák.

 

Síðustu fjórar umferðirnar fara fram frá kl.17-19 á morgun í Skákhöllinni Faxafeni 12.

 

Pörun 6.umferðar:

 

Jóhann Karl - Elín

Örn Leó - Emil

Jóhann Bernhard - Dagur

Alexander - Brynjar

Franco situr yfir.

 

Yngri flokkur:

 

Skólaskákmót Reykjavíkur hófst í dag með fjórum umferðum. Vesturbæingarnir Breki Jóelsson og Gauti Páll Jónsson eru efstir í yngri flokki með fullt hús eða fjóra vinninga. Árangur þeirra kemur nokkuð á óvart enda reyndir skákmenn meðal þátttakenda. Gauti Páll hefur stundað laugardagsæfingar TR af miklu kappi í allan vetur og sýnt töluverðar framfarir. Breki er í Melaskóla og sækir skákæfingar í Frostaskjólinu sem eru haldnar af Skákakademíu Reykjavíkur og KR. Fleiri Vesturbæingar hafa staðið sig vel í mótinu og er það til marks um það góða skákstarf sem unnið er vestur í bæ. Mótið heldur áfram á morgun þegar þrjár síðustu umferðirnar verða tefldar. Tvö efstu sætin gefa þátttökurétt á landsmót og verður spennandi að sjá hvort Vesturbæingarnir halda sinni forustu á morgun en án efa verður sótt að þeim úr öllum áttum.

 

Staða efstu manna:

1.-2. Gauti Páll Jónsson og Breki Jóelsson 4 v.

3.-4. Leifur Þorsteinsson og Rafnar Friðriksson 3,5 v.

5.-11. Kristófer Jóel Jóhannesson, Jóhannes Kári Sólmundarson, Heimir Páll Ragnarsson, Garðar Sigurðarson, Donika Kolica, Dagur Logi Jónsson og Dagur Ragnarsson 3 v.

 

Þátttakendur er 34 og skákstjórar eru Stefán Bergsson og Björn Þorfinnsson.

 

86 tóku þátt í skákmóti grunnskóla á Fljótsdalshéraði

Skákmót grunnskóla á Fljótsdalshéraði fór fram í Egilsstaðaskóla þriðjudaginn 20. apríl. Alls tóku 86 nemendur úr skólunum fjórum þátt í mótinu og komust færri að en vildu.

Tefldar voru 5 umferðir og að þeim loknum stóð Nökkvi Jarl Óskarsson í 9. bekk í  Egilsstaðaskóla uppi sem sigurvegari. Hann var einnig sigurvegari í fyrra þegar mótið var haldið í fyrsta skipti. Nökkvi hlaut að launum farandbikar og eignarbikar. Það var Bólholt sem lagði til verðlaunin en auk bikaranna voru veittir verðlaunapeningar fyrir þrjú efstu sætin í drengja- og stúlknaflokki  í aldurshópunum 1.-4. bekkur, 5.-7. bekkur og 8.-10. bekkur.

Úrslit voru mótsins voru þessi:

1.-4. bekkur

Stúlkur

1. Æsa Katrín Sigmundsdóttir, 4.b  Brúarásskóla

2. Anna Birna Jakobsdóttir, 3.b Hallormsstaðarskóla

3. Jófríður Úlfarsdóttir, 3.b Hallormsstaðarskóla

Drengir

Ágúst Már Þórðarson, 4. b Hallormsstaðarskóla

Steingrímur Örn Þorsteinsson, 4.b Egilsstaðaskóla

Hafsteinn Hallgrímsson, 3.b Hallormsstaðarskóla

 

5.-7. bekkur

Stúlkur

Ársól Eva Birgisdóttir, 6.b Fellaskóla

Hjördís Sveinsdóttir, 7.b Hallormsstaðarskóla

Guðný Edda Guðmundsdóttir, 6.b Brúarásskóla

 

Drengir

1. Atli Geir Sverrisson, 6.b Egilsstaðaskóla

2. Mikael Máni Freysson, 7.b Hallormsstaðarskóla

3. Jónas Hallgrímsson, 7.b Hallormsstaðarskóla

 

8.-10. bekkur

Stúlkur

1. Signý Ingólfsdóttir, 10.b Fellaskóla

2. Emma Líf Jónsdóttir, 8.b Hallormsstaðarskóla

3. Anna Katrín Harðardóttir, 9.b Hallormsstaðarskóla

 

Drengir

1. Nökkvi Jarl Óskarsson, 9.b  Egilsstaðaskóla

2. Ingvar Þorsteinsson, 8.b Egilsstaðaskóla

3. Kolbeinn Lárusson, 8.b Hallormsstaðarskóla

 

Mótið var jafnframt skólamót allra skólanna sem gefur sigurvegurum í 1.-7.b og 8.-10.b rétt til að taka þátt í kjördæmismóti Austurlands sem fyrirhugað er í Fellaskóla í næstu viku. Þeir sem unnu sér inn þennan rétt eru:

Brúarásskóli:

1.-7. bekkur: Magnús Fannar Benediktsson

8.-10. bekkur: Enginn nógu aldraður!

Fellaskóli:

1.-7. bekkur: Ólafur Tryggvi Þorsteinsson

8.-10. bekkur: Signý Ingólfsdóttir

Egilsstaðaskóli:

1.-7. bekkur: Atli Geir Sverrisson

8.-10. Bekkur: Nökkvi Jarl Óskarsson

Hallormsstaðarskóli:

1.-7. bekkur: Mikael Máni Freysson

8.-10. bekkur: Kolbeinn Lárusson

Myndaalbúm

Síðustu dagar Skáklistahátíðar

Skáklistahátíð leikskólabarna er nú í fullum gangi í Ráðhúsi Reykjavíkur. Skáklistahátíðin er haldin af Skákakademíunni sem hefur sl. 2 ár staðið fyrir kennslu í 4 leikskólum höfuðborgarinnar undir handleiðslu Róberts Lagerman. Það eru krakkar á Lindaborg, Barónsborg, Hlíðaborg og Njálsborg sem eiga heiðurinn af listaverkunum.

Við listsköpunina var skákin höfð að leiðarljósi og sýnir afraksturinn hvernig ungir krakkar hugsa um skáklistina. Sýningin hefur staðið yfir í nær tvær vikur og eru síðustu sýningardagarnir nú um helgina. Eru skákmenn á öllum aldri hvattir til að ganga í hóp þeirra hundruða sem lagt hafa leið sína í Ráðhúsið til að bera þessa skemmtilegu sýningu augu og grípa í tafl í leiðinni.

Sjón er sögu ríkari!

Skólaskákmót Reykjavíkur hefst á mánudag

Skólaskákmót Reykjavíkur í yngri flokki (1.-7. bekkur) og eldri flokki (8.-10. bekkur) fer fram mánudaginn 26. apríl og þriðjudaginn 27. apríl. Taflið hefst báða dagana klukkan 17:00. Á mánudeginum verða tefldar 4 umferðir en 3 á þriðjudeginum.  

Athygli skal vakin á því að mótið er ekki opið að þessu sinni. Þeir einir hafa rétt til þátttöku sem hafa unnið skólamót síns skóla. Einstaka skólum verða gefin fleiri en eitt sæti ef tilefni er til þess. Í þeim tilvikum verður einkum litið til íslenskra skákstiga. Mælst er til þess að strax eftir páska fari fram skólaskákmót í þeim skólum sem hafa ekki þegar haldið þau. Tilkynna skal keppendur og skóla á netfangið [e-mail] í síðasta lagi föstudaginn 23. apríl.  

Tefldar verða 7 umferðir á mótinu með 15 mínútna umhugsunartíma. Teflt verður í Taflfélagi Reykjavíkur að Faxafeni 12. Þrjú efstu sætin í eldri flokki gefa sæti á landsmót og tvö efstu sætin í yngri flokki gefa sæti á landsmó

Mikael Jóhann og Jón Kristinn kjördæmismeistarar Norðurlands eystra

Mikael Jóhann Karlsson, Brekkuskóla, Akureyri, og Jón Kristinn Þorgeirsson, Lundarskóla, Akureyri, urðu kjördæmismeistarar í skólaskák á Norðurlandi eystra. 

Kjördæmismótið á Norðurlandi eystra í skólaskák fór fram sl. mánudag í Valsárskóla á Svalbarðseyri við Eyjafjörð. Alls voru 16 keppendur, 7 í eldri flokki og 9 keppendur í yngri. Mikael Jóhann Karlsson vann örugglega í flokki, 8. - 10. bekk, vann allar sínar sex skákir og Hjörtur Snær Jónsson, Glerárskóla, Akureyri, varð annar með fimm vinninga.   Þetta var fimmta árið í röð sem Mikael sigrar á kjördæmismóti, tvö síðustu ár í eldri flokki en þar á undan í yngri flokki.

Jón Kristinn Þorgeirsson sigraði einnig örugglega í yngri flokknum (1. - 7. bekk), fékk fullt hús, 8 vinninga af 8 mögulegum.  Andri Freyr Björgvinsson, Brekkuskóla, varð annar með 7 vinninga. Þetta var annað árið í röð sem Jón sigrar á Kjördæmismóti.

             Lokastaðan:

	8. - 10. bekkur.
			vinn.
1.	Mikael Jóhann Karlsson	Brekkuskóla	6	af 6!
2.	Hjörtur Snær Jónsson	Glerárskóla	5
3.	Benedikt Þór Jóhannsson	Borgahólsskóla	4
4.	Hersteinn Heiðarsson	Glerárskóla	3
5.	Samuel Chaen	Valsárskóla	1
6.	Aron Fannar Skarphéðinsson	Hlíðaskóla	1
7.	Svavar Jónsson	Valsárskóla	1
	Tefldar voru 15.	mínútna skákir.
	1. - 7. bekkur.		vinn.
1.	Jón Kristinn Þorgeirsson	Lundarskóla	8
2.	Andri Freyr Björgvinsson	Brekkuskóla	7
3.	Snorri Hallgrímsson	Borgahólsskóla	5  +	15 stig.
4.	Hlynur Snær Viðarsson	Borgahólsskóla	5  +	11 st.
5.	Sigtryggur Vagnsson	Stórutjarnarskóla	4
6.	Tinna Ósk Rúnarsdóttir	Hrafnagilsskóla	3
7.	Gunnar Arason	Lundarskóla	2
8.	Jóhanna Þorgilsdóttir	Valsárskóla	1
9.	Sævar Gylfason	Valsárskóla	1

 

Tefldar voru 12 mínútna skákir, allir við alla. Skákstjórar voru Gylfi Þórhallsson og Hjörleifur Halldórsson.

Landsmót í skólaskák fer fram í næsta mánuði og keppa minnsta kosti þrír keppendur að norðan á mótinu, en það eru Mikael Jóhann Karlsson í eldri flokki og úr þeim yngri þeir Jón Kristinn Þorgeirsson og Andri Freyr Björgvinsson. 

Páll Andrason sigraði á fjölmennu og gríðarsterku sumarskákmóti Fjölnis

Rúmlega 40 grunnskólanemendur mættu til leiks á sumardagsskákmót Fjölnis sem haldið var á hátíðarsvæði Grafarvogshverfis í Rimaskóla.  Páll Andrason nýbakaður Íslandsmeistari og fyrirliði grunnskólasveitar Salaskóla í Kópavogi vann mótið og hlaut 5,5 vinninga af 6 mögulegum. Í stúlknaflokki sigraði Elín Viggósdóttir úr Engjaskóla sem leitt hefur öfluga stúlknasveit skólans síðustu tvö árin.  Elín hlaut 4 vinninga.

Mótið var bæði fjölmennt og mjög vel skipað okkar efnilegustu krökkum á grunnskólaaldri. Það kom því ekki á óvart að keppni yrði jöfn og úrslit ekki ljós fyrr en síðustu skákinni lauk. Næstir á eftir Páli komu þeir Jón Trausti Harðarson, Dagur Ragnarsson og Kristinn Andri Kristinsson allir í Rimaskóla með 5 vinninga.

Svandís Rós Ríkharðsdóttir í Rimaskóla varð önnur í stúlknaflokki einnig með 4 vinninga eins og Elín. Þær Aldís Birta Gautadóttir og Honey Grace úr Engjaskóla hlutu 3 vinninga.

Fjöldi foreldra og gesta fylgdust með mótinu sem að allra mati tókst frábærlega í allri framkvæmd.
Rótarýklúbbur Grafarvogs gaf sigurvegurum í drengja og stúlknaflokki verðlaun og afhenti Jón Sigurðsson formaður klúbbsins sigurvegurum verðlaunabikara og peninga í lok mótsins. Hrói höttur pítsustaður í Rimahverfi styrkti mótið og fengu 15 þátttakendur gjafabréf frá fyrirtækinu fyrir frábæra frammistöðu.

Úrslit Sumarskákmóts Fjölnis á sumardaginn fyrsta 2010 Þátttakendur : 41

1   
Páll Andrason                      5,5   vinninga   af   6

2 - 4
Jón Trausti Harðarson        5  vinninga
Dagur Ragnarsson
Kristinn Andri Kristinsson

5-6
Oliver Aron Jóhannesson    4,5  vinninga
Theodór Rocha

7-14
Birkir Karl Sigurðsson             4 vinninga
Guðmundur Lee
Elín Viggósdóttir
Dagur Kjartansson
Heimir Páll Ragnarsson
Vignir Vatnar Stefánsson
Svandís Rós Ríkharðsdóttir
Aldís Birta Gautadóttir

15-19
Kristófer Jóel Jóhannesson        3,5  vinninga
Hafþór Andri Helgason
Honey Grace
Friðrik Ómarsson
Andri Jökulsson

Meistaramót Skákskóla Íslands 2010

Meistaramót Skákskóla Íslands fyrir starfsárið 2009/2010 hefst föstudaginn 28. maí. Tefldar verða sjö umferðir eftir svissneska kerfinu. Þátttökurétt hafa allir nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskólans er Sverrir Þorgeirsson. 

Þátttökuréttur:

• Allir nemendur skólans og þeir sem tekið hafa þátt í námskeiðum á vegum skólans.
• Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

 

Tímamörk: Atskákir 25 10  þ.e 25 mínútur að viðættum 10 sekúndum fyrir hvern leik. 

Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvorn leik

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til At-skákstiga.

Verðlaun:

A:

1. verðlaun:

Meistaratitill Skákskóla Íslands 2009/2010 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

 

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

 

B:

 

Dagskrá:

• 1. umferð: Föstudagurinn 28.maí kl. 18  
• 2. umferð: Föstudagurinn 28.maí kl. 19
• 3. umferð. Föstudagurinn 28.maí kl. 20.
•  
• 4. umferð: Laugardagurinn 29. maí kl. 10-14  
• 5. umferð: Laugardagurinn 29. maí 15 - 19
•  
• 6. umferð: Sunnudagurinn 30. maí kl. 10.-14.
• 7. umferð: Sunnudagurinn 30. maí kl. 15-19.

 

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

 

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 eða á netfangið [e-mail] eða [e-mail]

Mótsnefnd áskilur rétt til að gera breytingar á fyrirfram boðaðri dagskrá.

NM stúlkna frestað

Norðurlandamóti stúlkna sem átti að fara fram um helgina hefur verið frestað vegna þess að flugsamgöngur til og frá Norðurlöndunum þykja ekki vera nógu öruggar vegna gossins í Eyjafjallajökli.

Fyrirhugað er að halda mótið þess í stað í ágúst-september og er helgin 27.-29. ágúst líklegur valkostur.  

Nökkvi og Kristófer skólaskákmeistarar Vestmannaeyja

Skólaskákmót Vestmannaeyja fór fram í dag. Teflt var í tveimur flokkum, yngri (1.-7. bekk) og eldri flokk (8.-10. bekk). Eldri flokkurinn var fámennur, eins og venjan hefur verið undanfarin ár, en þar tefldu Nökkvi Sverrisson og Daði Steinn Jónsson 4 skáka einvígi um titilinn. Nökkvi sigraði með 2,5 vinningi gegn 1,5 vinningi og er því skólaskákmeistari Vestmannaeyja 2010 í eldri flokki. Þeir félagar, Nökkvi og Daði, verða hins vegar báðir fulltrúar Vestmannaeyja á Suðurlandsmótinu.

Í yngri flokki var margt um manninn, en 30 krakkar mættu til leiks. Keppnin var hörð og fjörug en Kristófer Gautason var í sérflokki og lagði alla andstæðinga sína. Næstir voru 4 keppendur, Sigurður Arnar Magnússon, Róbert Aron Eysteinsson, Jörgen Freyr Ólafsson og Lárus Garðar Long. Þeir munu há aukakeppni um sæti á Suðurlandsmótinu.

Árgangaverðlaun:

1. bekkur: Arnar Gauti Egilsson og Richard Óskar Hlynsson

2. bekkur: Máni Sverrisson og Tómas Bent Magnússon

3. bekkur:  Auðbjörg Helga Sigþórsdóttir og Þráinn Sigurðsson

4. bekkur: Birta Birgisdóttir

5. bekkur: Úrslit ráðast í aukakeppni

7. bekkur: Kristófer Gautason

8. bekkur: Daði Steinn Jónsson

10. bekkur: Nökkvi Sverrisson