Reykjavíkurmót grunnskólasveita fer fram í kvöld

Reykjavíkurmót grunnskólasveita í skák fer fram í húsakynnum Taflfélags Reykjavíkur í Skákhöllinni í Faxafeni 12 miðvikudaginn 2. apríl. Þátttökurétt hafa allir grunnskólar í Reykjavík og getur hver skóli sent eins margar sveitir og kostur er. Hver sveit skal skipuð fjórum liðsmönnum og skal þeim raðað í sveitir eftir styrkleika.  Skólastjórar eru hvattir til að mynda sem flest lið og senda til skemmtilegrar keppni. Mótið hefst kl. 17 miðvikudaginn og fer skráning sveita fram á staðnum frá kl. 16:30.

Núverandi Reykjavíkurmeistari grunnskólasveita er Laugalækjarskóli.

Íslandsmót grunnskólasveita

Íslandsmót grunnskólasveita 2008 fer fram í húsnæði Taflfélags Reykjavíkur dagana 12. og 13. apríl nk.  Tefldar verða 9 umferðir eftir Monradkerfi - umhugsunartími 20 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1. - 10. bekkjar grunnskóla (auk varamanna).  Keppendur skulu vera fæddir 1992 eða síðar.

Dagskrá:                     

• Laugardagur 12. apríl  kl. 13.00          1., 2., 3., 4. og 5. umf.
• Sunnudagur 13. apríl   kl. 13.00          6., 7., 8. og 9. umf.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer í Noregi í september næstkomandi.  Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands aðstoðar við þjálfun sé þess óskað.  

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti [e-mail].  Skráningu skal lokið í síðasta lagi 10. apríl.

Stúlknameistaramót Reykjavíkur

Stúlknameistaramót Reykjavíkur fer fram í Skákhöllinni í Faxafeni laugardaginn 5. apríl nk. og hefst kl. 14.

Tefldar verða sjö umferðir eftir Monrad-kerfi og er umhugsunartími fyrir hverja skák 15 mínútur á hvorn keppanda.

Þetta er í fimmta skipti sem Taflfélagi Reykjavíkur heldur mótið, en þess má geta að Hallgerður Helga Þorsteinsdóttir hefur borið sigur úr býtum fjögur ár í röð!

Keppt er í þriðja sinn um veglegan farandbikar sem hjónin Ólafur S. Ásgrímsson og Birna Halldórsdóttir gáfu. Einnig verða eignarbikarar fyrir þrjú efstu sætin.

Öllum stúlkum á grunnskólaaldri í landinu er heimil þátttaka og geta unnið eignarbikar, en titilinn og farandbikarinn hreppir sú sem efst er að vinningum þeirra er búsettar eru í Reykjavík.

Að lokinni verðlaunaafhendingu verður pizzuveisla fyrir keppendur í boði TR. Skráning fer fram á staðnum og hefst kl.13:30. Skákstjóri verður Sigurlaug R. Friðþjófsdóttir.

Hallgerður Helga og Dagur Andri efst á Unglingameistaramóti Reykjavíkur

Unglingameistaramót Reykjavíkur fór fram í Skákhöllinni í Faxafeni sl. laugardag. Átján keppendur voru skráðir til leiks og voru tefldar sjö umferðir eftir Monrad-kerfi með 15 mínúta umhugsunartíma á skák.

Keppnin var jöfn. Fóru leikar svo að Hallgerður Helga Þorsteinsdóttir og Dagur Andri Friðgeirsson urðu jöfn í efsta sætinu og munu tefla til úrslita um Unglingameistaratitilinn nk. fimmtudagskvöld kl 19:45 í Skákhöllinni. Þriðja sætið hreppti Hörður Aron Hauksson. Jöfn Herði Aroni að vinningum, en lægri á Monrad- stigum, urðu þau Geirþrúður Anna Guðmundsdóttir og Birkir Karl Sigurðsson.  

 

Reykjavíkmót grunnskólasveita

Reykjavíkurmót grunnskólasveita í skák fer fram í húsakynnum Taflfélags Reykjavíkur í Skákhöllinni í Faxafeni 12 miðvikudaginn 2. apríl. Þátttökurétt hafa allir grunnskólar í Reykjavík og getur hver skóli sent eins margar sveitir og kostur er. Hver sveit skal skipuð fjórum liðsmönnum og skal þeim raðað í sveitir eftir styrkleika.  Skólastjórar eru hvattir til að mynda sem flest lið og senda til skemmtilegrar keppni. Mótið hefst kl. 17 miðvikudaginn og fer skráning sveita fram á staðnum frá kl. 16:30.

Núverandi Reykjavíkurmeistari grunnskólasveita er Laugalækjarskóli.

Opinn fundur um æskulýðsmál fer fram í dag

Stjórn SÍ hefur boðað til opins fundar um æskulýðsmál sem haldinn verður laugardaginn 29. mars í húsakynnum Skákskóla Íslands, Faxafeni 12 og hefst um kl. 13:30. 

Dagskrá:

Barna og unglingamál frá A til Ö. þar með talið hugsanlegar laga og reglubreytingar, nýjar reglur, stigalágmörk-stúlkur og strákar, styrktarreglur barna og unglinga, skákstig o.s.frv., Íslandsmót í skólaskák. Kannski verður hlutunum ekki breytt en þá er a.m.k. hægt að fara af stað með umræðuna og hugsanlega er hægt að leggja fram einhverjar tillögur til stjórnar fyrir 2 apríl, ef vilji sé fyrir því sem og lagabreytingar eða ábendingar til stjórnar um reglugerðarbreytingar.

Þeir sem ekki geta komist á fundinn en hafa áhuga að leggja fram orð í belg er hægt að senda póst til Páls Sigurðssonar.

Unglingameistaramót Reykjavíkur fer fram í dag

Unglingameistaramót Reykjavíkur verður haldið í Skákhöllinni Faxafeni 12 laugardaginn 29. mars kl. 14. Þátttökurétt eiga allir unglingar á grunnskólaaldri en unglingameistaranafnbótina og farandbikarinn hlýtur efsti keppandi sem búsettur er í Reykjavík.

Umhugsunartími er 15 mínútur á mann til að ljúka skák og verða tefldar sjö umferðir. Veittir verða verðlaunagripir fyrir þrjú efstu sætin, auk þess verða happadrættisverðlaun. Núverandi Unglingameistari Reykjavíkur er Daði Ómarsson úr TR.

Skákþing Norðlendinga í yngri flokkum fer fram í dag

Keppni í yngri flokkum á Skákþingi Norðlendinga fer fram á laugardaginn 29. mars og hefst kl. 13.15 í Íþróttahöllinni við Skólastig á Akureyri.

Keppt verður í fjórum flokkum: Unglingaflokki 13 - 15 ára, drengjaflokki 10 - 12 ára, barnaflokki 9 ára og yngri og stúlknaflokki 15 ára og yngri.

Fjöldi umferða ræðst á þátttöku. Tefldar verða 15 mínútna skákir

Jóhann Óli og Hulda Rún skólaskákmeistarar Vesturlands

Þau Jóhann Óli Eiðsson og Hulda Rún Finnbogadóttir voru fyrst í ár að tryggja sér sæti á Landsmóti í skólaskák með sigri í eldri og yngri flokki á Kjördæmismóti Vesturlands sem haldið var í Búðardal í dag.

 

Sigur Huldu var gríðaröruggur og vann hún allar 9 skákir sínar örugglega. Sigur Jóhanns var einnig góður því hann vann allar skákirnar en fyrsta skákin réði í raun úrslitum gegn Antoni Reyni því þar var hörkuskák á ferðinni og svo fór að Jóhann vann á tíma þegar hann átti u.þ.b. 6-7 sekúndur eftir sjálfur á klukkunni.

 

Anton sigraði aðrar skákir örugglega og varð í 2 sæti í eldri flokki en svo komu þau Eyþór, Gunnlaug og Auður öll jöfn í 3-5 sæti. tefldar voru 5 mínútna hraðskákir um bronsið og svo fór að Gunnlaug vann báðar skákirnar og hlaut bronsið.

 

Í yngri flokk voru tvíburarnir Guðmundur og Einar Þorgrímssynir jafnir í 2-3 sæti en þeir töpuðu aðeins innbyrðis og gegn Huldu nema Guðmundur tapaði gegn Eyrúnu sem er litla systir þeirra Jóhanns og Auðar. Guðmundur hlaut 2 sætið á stigum.

 

Lokastaðan varð svo eftirfarandi:

 

 

 

 

Eldri flokkur:

 

 

 

Place Name                        Loc  Club      Score Berg.

  1   Jóhann Óli Eiðsson,         1560 Varmaland 4      6.00
  2   Anton Reynir Hafdísarson,   1325 Varmaland 3      3.00
 3-5  Eyþór Örn Magnússon,             Varmaland 1      1.00
      Gunnlaug Birta Þorgrímsdó,       Búðardal  1      1.00
      Auður Eiðsdóttir,           1250 Varmaland 1      1.00

 

Yngri flokkur:

Place Name                        Club      Score Berg.

  1   Hulda Rún Finnbogadóttir,   Borgarnes 9     32.00
 2-3  Guðmundur Kári Þorgrímsso,  Búðardal  7     25.00
      Einar Björn  Þorgrímsson,   Búðardal  7     22.00
 4-7  Eyrún Margrét Eiðsdóttir,   Varmaland 4     16.50
      Tómas Andri Jörgenson,      Búðardal  4     11.00
      Lísa Margrét Sigurðardótt,  Búðardal  4     10.00
      Kristófer Birnir Guðmunds,  Búðardal  4      6.00
  8   Elín Huld Jóhannesdóttir,   Búðardal  3      9.50
9-10  Matthías Karl Karlsson,     Búðardal  1.5    4.75
      Angantýr Ernir Guðmundsso,  Búðardal  1.5    3.75

Reykjavíkurmót grunnskólasveita

Reykjavíkurmót grunnskólasveita í skák fer fram í húsakynnum Taflfélags Reykjavíkur í Skákhöllinni í Faxafeni 12 miðvikudaginn 2. apríl. Þátttökurétt hafa allir grunnskólar í Reykjavík og getur hver skóli sent eins margar sveitir og kostur er. Hver sveit skal skipuð fjórum liðsmönnum og skal þeim raðað í sveitir eftir styrkleika.  Skólastjórar eru hvattir til að mynda sem flest lið og senda til skemmtilegrar keppni. Mótið hefst kl. 17 miðvikudaginn og fer skráning sveita fram á staðnum frá kl. 16:30.

Núverandi Reykjavíkurmeistari grunnskólasveita er Laugalækjarskóli.