Guðmundur vann í fimmtu umferð

FIDE-meistarinn Guðmundur Kjartansson (2328) sigraði Tyrkjann Aydin Acarbay (1825) í fimmtu umferð heimsmeistaramóts unglinga sem fram fór í dag í Gaziantep í Tyrrklandi.  Guðmundur hefur 2½ vinning og er í 48.-70. sæti. 

Í sjöttu umferð, sem fram fer á morgun, teflir Guðmundur við,  ungverska alþjóðlega meistarann, Denes Boros (2472).  

Stórmeistararnir Chao B Li (2590), Kína, og David Howell (2561), Englandi, eru efstir með 4½ vinning.  

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Fulltrúar Íslands á EM ungmenna

Stjórn SÍ hefur valið 10 fulltrúa sem tefla fyrir íslands hönd á EM ungmenna sem fram fer í Hercog Novi í Svartfjallalandi 14.-25. september nk.  

Fulltrúar Íslands eru:

• U18: Sverrir Þorgeirsson (2102)
• U18: Daði Ómarsson (2029)
• U18: Tinna Kristín Finnbogadóttir (1655)
• U16: Hjörvar Steinn Grétarsson (2299)
• U16: Patrekur Maron Magnússon (1872)
• U16: Hallgerður Helga Þorsteinsdóttir (1907)
• U16: Jóhanna Björg Jóhannsdóttir (1655)
• U14: Dagur Andri Friðgeirsson (1812)
• U14: Geirþrúður Anna Guðmundsdóttir (1585)
• U12: Friðrik Þjálfi Stefánsson (1455)

Heimasíða mótsins

Rimaskóli endaði í fimmta sæti

Skáksveit Rimaskóla gerði 2-2 jafntefli við pólsku sveitina Publicze Gimnazjum í lokaumferð EM grunnskólasveita sem fram fór í gær í Varná í Búlgaríu.  Hjörvar Steinn Grétarsson ogSigríður Björga Helgadóttir unnu en Hörður Aron og Hrund Hauksbörn töpuðu.  Sveitin hlaut 15 vinninga í 28 skákum og endaði í fimmta sæti.  Hjörvar Steinn fór mikinn á fyrsta borði og hlaut 6½ vinning í sjö skákum. 

Fleiri myndum hefur verið bætt við í myndaalbúm mótsins.

• Heimasíða mótsins (Mjög seinvirk en virkar þokkalega í Explorer en illa í Firefox og Operu)
• Heimasíða liðsins
• Myndaalbúm mótsins

Jafntefli gegn hvít-rússneskri sveit

Skáksveit Rimaskóla gerði 2-2 jafntefli við hvít-rússnesku sveitina Olympic Reserves Special School 11 í sjöttu og næstsíðustu umferð EM grunnskólasveita sem fram fór í dag í Varná í Póllandi.  Hjörvar Steinn Grétarsson og Hörður Aron Hauksson unnu en Sigríður Björg Helgadóttir og Hrund Hauksdóttir töpuðu.   Sveitin hefur 13 vinninga af 24 vinninga. 

Í lokaumferðinni, sem fram fer í fyrramálið, teflir Rimaskóli við pólsku sveitina PUBLICZE GIMNAZJUM Sarnaki.

Í gær var bætt við fleiri myndum í myndasafn mótsins.   

Alls taka átta sveitir þátt í flokki sveita 16 ára og yngri og hefur Rimaskóli þriðju hæstu meðalstigin. 

• Heimasíða mótsins (Mjög seinvirk en virkar þokkalega í Explorer en illa í Firefox og Operu)
• Heimasíða liðsins
• Myndaalbúm mótsins

Rimaskóli tapaði í fjórðu umferð

Skáksveit Rimaskóla tapaði 1-3 fyrir  búlgarska skólanum PMG "Nancho Popovich" í fjórðu umferð EM grunnskólasveita sem fram fór í Varná í gær.   Hjörvar Steinn Grétarsson sigraði en Hörður Aron Hauksson, Sigríður Björg Helgadóttir og Hrund Hauksdóttir töpuðu.  Sveitin hefur 9 vinninga af 16 mögulegum og er í fimmta sæti.  

Frídagur er í dag en í fimmtu umferð, sem fram fer á morgun mætir Rimaskóli pólskri sveit sem er í efsta sæti.  

Fleiri myndir hafa nú bæst við í myndaalbúm mótsins.   

Alls taka átta sveitir þátt í flokki sveita 16 ára og yngri og hefur Rimaskóli þriðju hæstu meðalstigin.  Einhverjar skákir eiga vera sýndar beint í hverri umferð en það hefur ekki virkað sem skyldi. 

• Heimasíða mótsins (Mjög seinvirk en virkar þokkalega í Explorer en illa í Firefox og Operu)
• Skákir í beinni (hefjast kl. 12 dag hvern en hefur ekki virkað hjá ritstjóra)
  
• Heimasíða liðsins
• Myndaalbúm mótsins

Stórsigur Rimaskóla í fyrstu umferð

Skáksveit Rimaskóla vann stórsigur, 3½-½ á búlgörsku skáksveitinni Mlad grosmaistor Chess School í fyrstu umferð EM grunnskólasveita sem fram fór í Varná í Búlgaríu í gær.  Hörður Aron Hauksson, Sigríður Björg Helgadóttir og Hrund Hauksdóttir unnu en Hjörvar Steinn Grétarsson gerði jafntefli.  Sveitin er nú í öðru sæti en í dag fer fram önnur umferð.   Þá teflir sveitin við rúmenska sveit.  

Rétt er að benda á að myndaalbúm er komið frá mótinu en myndirnar hefur Helgi Árnason skólastjóri sent.  Væntanlega mun myndum fjölga jafnt og þétt á meðan mótinu stendur.  

Alls taka átta sveitir þátt í flokki sveita 16 ára og yngri og hefur Rimaskóli þriðju hæstu meðalstigin. 

Einhverjar skákir eiga vera sýndar beint í hverri umferð.

• Heimasíða mótsins (virkar fínt í Explorer en illa í Firefox og Operu)
• Skákir í beinni (hefst kl. 12 dag hvern)
  
• Heimasíða liðsins
• Myndaalbúm mótins

EM grunnskólasveita hefst í dag

Evrópumót grunnskólasveita hefst í dag í Varná í Búlgaríu.  Skáksveit Rimaskóla, sem er núverandi Íslandsmeistari, tekur þátt í flokki 16 ára og yngri.

Skáksveit Rimaskóla skipa:

1. Hjörvar Steinn Grétarsson
2. Hörður Aron Hauksson
3. Sigríður Björg Helgadóttir
4. Hrund Hauksdóttir

Liðsstjóri liðsins er FIDE-meistarinn Davíð Kjartansson og með í för auk foreldra er skólastjórinn Helgi Árnason, sem reyndar er einnig foreldri!

Einhverjar skákir eiga vera sýndar beint í hverri umferð en fyrsta umferð hefst kl. 12.   

• Heimasíða mótsins
• Skákir í beinni
• Heimasíða liðsins

Skákbúðir í Reykjavík og á Laugarvatni 12. - 16. júní 2008

Dagana 12. - 16. júní nk. standa Skákskóli Íslands og Skáksambandið fyrir skákbúðum. 

Umsjón með skipulagi og dagskrá skákbúða hefur Guðrún Sóley Guðjónsdóttir [e-mail]; [e-mail]   Umsjón með kennslu hefur Helgi Ólafsson skólastjóri.

Kennarar eru:  Helgi Ólafsson, Þröstur Þórhallsson, Lenka Ptácníková, Bragi Kristjánsson og Gunnar Eyjólfsson sem kennir Qi gong.  Kennt verður í hópum eftir aldri og styrkleika. 

Þátttakendur eru 27 ungmenni frá Reykjavík, Akureyri, Borgarfirði, Laugarvatni og Vestmannaeyjum, fædd 1989 - 1997.  Námskeiðið er fullt og skráningu lokið.

Hér má sjá dagskrá skákbúða:

 

12. júní (fimmtudagur) Skákskóli Íslands, Faxafeni

10:00 - 12:00 Opnun, skipt í hópa, skákkennsla

12:00 Hádegisverður

13:00 - 16:00 Skákkennsla

Sund í Laugardal (frjálst)

Bíó kl. 20

13. júní (föstudagur)

10:00 Mæting við Skákskólann  - rúta að Laugarvatni

12:00 Matur/grill / íþróttir

13:15 - 16:00 Skákkennsla

Hressing

16:00  Íþróttahús / fótbolti / göngutúr

17:00 - 19:00 Skákkennsla

19:00 Kvöldverður

20:00 Fjöltefli - "Pragtelagssjak"

Hressing

 

14. júní (laugardagur)

8:30 Morgunverður

9:00 - 12:00 Skákkennsla

12:00 Hádegisverður

Kl. 13:00 - 15:30 Qi Gong - Gunnar Eyjólfsson

Hressing

16:00 - 17:30 Skákkennsla

17:30 Íþróttir /göngutúr/

18:00 Ratleikur

19:00 Kvöldverður

20:00 Fjöltefli eða hraðskákmót

Eftir lokun sundlaugar, sundlaugadiskó

Hressing

15. júní (Sunnudagur)

8:30 Morgunverður

9:00 - 10:30 Skákkennsla

Íþróttir /göngutúr

11:15 - 12:20 Skákkennsla

12:30 Pizza / íþróttir / göngutúr

14:00 Hraðskákmót með þátttöku heimamanna í tilefni 100 ára afmælis UMFL

Verðlaunaafhending

Hressing

17:00 Bátar

19:00 Kvöldverður

20:00 Kvöldvaka

Frjáls tími/ íþróttir / video

Hressing

 

16. júní (mánudagur)

8:30 Pakkað niður/ Morgunmatur

9:00 - 10:00 Skákkennsla

10:00 Íþróttir

10:30 Skákmót

12:00 Verðlaunaafhending 

Hádegisverður

Heimferð

Guðmundur skákmeistari Skákskóla Íslands

Guðmundur Kjartansson varð í dag skákmeistari Skákskóla Íslands eftir harða keppni.  Guðmundur fékk 6½ vinning, leyfði aðeins jafntefli við Patrek Maron Magnússon en vann aðrar skákir.  Hjörvar Steinn Grétarsson varð annar með 6 vinninga og í 3.-4 sæti urðu Ingvar Ásbjörnsson og Patrekur Maron.  Elsa María Kristínardóttir varð efst stúlkna, Dagur Andri Friðgeirsson í flokki skákmanna yngri 14 ára og Friðrik Þjálfi Stefánsson í flokki 12 ára og yngri. 

Skákstjóri var Helgi Ólafsson.   

• Heimasíða Skákskóla Íslands
• Chess-Results
  
• Myndaalbúm mótsins

Guðmundur efstur með fullt hús

Guðmundur Kjartansson vann Hjörvar Stein Grétarsson í aðeins 19 leikjum í 4. umferð Meistaramóts Skákskóla Íslands. Í 5. umferð vann Guðmundur svo Daða Ómarsson er og er einn efstur með fullt hús, 5 vinninga. 

Hjörvar Steinn Grétarsson og Ingvar Ásbjörnsson koma næstir með 4 vinninga. Í 4. - 8. sæti eru svo Sverrir Þorgeirsson, Daði Ómarsson, Bjarni Jens Kristinsson, Matthías Pétursson og Patrekur Maron Magnússon allir með 3 ½ vinning. Sjötta og næst síðasta umferð hófst í morgun.

• Heimasíða Skákskóla Íslands
• Chess-Results