Fyrri hluta Íslandsmóts skákfélaga fer fram 3.-5. október

Fyrri hluti Íslandsmóts skákfélaga 2008-2009 fer fram dagana 3.-5. október nk.  Mótið fer fram í Rimaskóla í Reykjavík.  1. umferð mun hefjast kl. 20.00 föstudaginn 3. október, 2. umferð kl. 11.00 laugardaginn 4. október og 3. umferð kl. 17.00 sama dag.  4. umferð verður síðan teflt kl. 11.00 sunnudaginn 5. október.

Seinni hluti Íslandsmóts skákfélaga 2008-2009 fer fram á Akureyri dagana 21. og 22. mars 2009.

Tímamörk:  90 mín. + 30 sek. til að ljúka.

Þátttökugjöld:

• 1. deild                       kr. 110.000.-
• 2. deild                       kr.   90.000.-
• 3. deild                       kr.   10.000.-
• 4. deild                       kr.   10.000.-

Skáksamband Íslands mun greiða fargjöld utan stór-Reykjavíkursvæðisins samkvæmt reikningum fyrir sveitir í 1. og 2. deild.  Miða skal við einn brottfararstað á hverju svæði, t.d. Akureyri, Egilsstaði, Ísafjörð.  Sami háttur verður hafður í 3. og 4. deild og áður, þ.e. þátttökugjöld höfð lág en sveitirnar verða sjálfar að sjá um ferðakostnað á skákstað.

Meðfylgjandi er reglugerð um Íslandsmót skákfélaga og 3. kafli skáklaga Skáksambands Íslands sem varða Íslandsmót skákfélaga.

Þátttökutilkynningar þurfa að berast Skáksambandi Íslands fyrir 20. september með bréfi, tölvupósti ([e-mail]) eða símleiðis.  Að gefnu tilefni er minnt á að nauðsynlegt er að skrá sveitir í keppnina, ekki síst í 4. deild.

Ath.  Skákir í Íslandsmóti skákfélaga verða reiknaðar til alþjóðlegra skákstiga.

 

 

3. kafli

Íslandsmót skákfélaga

 15. grein.
Stjórn Skáksambands Íslands gengst árlega fyrir Íslandsmóti skákfélaga.  Keppnin er sveitakeppni og eiga öll skuldlaus taflfélög eða svæðasambönd innan S.Í þátttökurétt.  Stjórn S.Í. skal ákveða keppnisdaga og þátttökugjöld fyrir 1. september ár hvert.  

16.grein.
Keppninni skal skipt í fjórar deildir.  Efsta sveit í 1. deild er sigurvegari keppninnar. Fjöldi vinninga skal ráða úrslitum um endanlega röð sveita.  Verði vinningar jafnir, skulu liðsstig (matchpoints) ráða.  Hvert félag á rétt á að senda svo margar sveitir til keppninnar sem það óskar.  Þó mega ekki vera fleiri en tvær sveitir frá nokkru félagi í fyrstu deild og ekki fleiri en fjórar samanlagt í fyrstu og annarri deild.  Þó er félögum sem hafa með sér svæðissamband, heimilt að sameinast um eina eða fleiri sveitir.

 
17. grein.
8 lið skulu vera í tveim efstu deildunum.  Stjórn S.Í. hefur rétt til að fjölga eða fækka liðum í 3. og 4. deild þyki henni ástæða til.  Tvö efstu lið 2. 3. og 4. deildar færast upp í lok keppnistímabils en tvö neðstu í fyrstu, annarri og þriðju deild færast niður.

 18.grein.
Tilkynning skákmanns skv. 12.gr. laga S.Í. skal hafa verið send 20 dögum fyrir mótið ella getur hann ekki teflt fyrir sitt nýja félag á því.  Félög sem hyggjast taka þátt í Íslandsmóti skákfélaga skulu minnst 14 dögum fyrir keppnina skila félagaskrá til S.Í.  Á félagaskrám skulu tilgreind nöfn, heimilisföng og kennitölur félagsmanna.  Aðeins þeir sem eru á skránni teljast löglegir með viðkomandi félagi í Íslandsmótinu (fyrri - og seinni hluta).  Enginn hefir rétt til að tefla fyrir nema eitt félag, sjá þó ákv. 16. greinar um svæðissambönd.  Sé sami maður á félagaskrá tveggja eða fleiri félaga skal mótsstjórn strika hann út af báðum eða öllum félagaskrám þar til leiðrétting fæst.  Fáist ekki leiðrétting viku fyrir keppnina telst skákmaðurinn ekki löglegur með neinu félagi.

 19. grein.
Keppendur skulu vera fullgildir félagsmenn þeirra taflfélaga sem þeir tefla fyrir.  Raða skal keppendum í sveitir og borð eftir styrkleika.  Ekki er leyfilegt að breyta röð keppenda eftir að keppni hefst.  Keppandi getur flust upp eða niður um sveit hvenær sem er keppninnar en heildarröð keppenda verður að haldast.  Komi lið ekki til keppni án orsaka tapar það skákum á öllum borðum.  Komi slíkt fyrir tvisvar skal liðið dæmt úr keppninni.  Í hverri viðureign skal a.m.k. helmingur liðsmanna hverrar sveitar vera íslenskir ríkisborgarar eða hafa verið með lögheimili sitt á Íslandi undanfarið ár.

 20.grein.
Stjórn Skáksambandsins skal árlega skipa sérstaka mótsstjórn sem sker úr um lögmæti keppenda ef beiðni um athugun á lögmæti viðkomandi liggur fyrir eða ef kæra berst mótsstjórninni. Beiðni um athugun og/eða kæra skal berast mótsstjórn, eða skákstjórum fyrir hennar hönd, áður en keppni lýkur í þeirri umferð sem ólöglegur keppandi telst hafa teflt í. Úrskurður skal liggja fyrir áður en næsta umferð mótsins hefst. Ef keppandi er úrskurðaður ólöglegur er dreginn einn vinningur frá liði hans fyrir hverja viðureign sem hann tekur þátt í. Úrskurði mótsstjórnar má skjóta til Dómstóls SÍ og skulu slík erindi hafa verið send Dómstólnum innan þriggja sólarhringa frá upphafi þeirrar umferðar, sem keppandinn var á meðal þátttakenda. Dómur Dómstóls S.Í. skal liggja fyrir eigi síðar en 5 sólarhringum eftir að erindið barst. Skákstjóri úrskurðar um önnur vafaatriði.

21.grein
Stjórn S.Í. setur reglugerð um nánari framkvæmd Íslandsmóts skákfélaga. 

 

Reglugerð um Íslandsmót skákfélaga

 

1. gr. Fyrri hluti Íslandsmóts skákfélaga, fjórar umferðir, skal tefldur á tímabilinu september til desember. Síðari hluti mótsins skal fara fram eftir áramótin og ljúka fyrir lok apríl.

2. gr.

Framkvæmdanefnd Íslandsmóts skákfélaga, sem skipuð er af stjórn Skáksambands Íslands, ákveður töfluröð og skipar skákstjóra og umsjónarmenn Íslandsmóts skákfélaga.

3. gr.

Tefla skal einfalda umferð í 1. og 2. deild, en stjórn SÍ skal ákveða fyrirkomu­lag í 3. og 4. deild, miðað við fjölda þátttökuliða.

Ef stendur á stöku í deild skal liðið sem situr hjá fá 4 vinninga í yfirsetunni.

Stjórn SÍ ákveður tímamörk skáka, en þau skulu ekki vera skemmri en kappskákartímamörk FIDE.

4. gr.

Liðsstjóra þess liðs, sem svart hefur á 1. borði, er skylt að gefa skákstjóra skýrslu um úrslit viðureignarinnar, strax að henni lokinni.

5. gr.

Hver sveit í 1. deild skal skipuð 8 keppendum, en í öðrum deildum skulu sveitir skipaðar 6 keppendum.

6. gr.

Við uppstillingu í lið skal keppendum raðað í styrkleikaröð, þannig að sterkasti skákmaðurinn teflir á fyrsta borði, sá næststerkasti á öðru borði o.s.frv.

Ef félag teflir fram fleiri en einu liði í keppninni skulu þau auðkennd með A, B, C o.s.frv. Lið A skal vera sterkasta lið félagsins, lið B það næststerkasta o.s.frv.  Efsta borð í neðri sveit skal vera skipað af aðila sem hefur svipaðan eða minni styrkleika en neðsta borð í efri sveit.

Hverju félagi er heimilt að hafa unglinga-öldunga-og  kvennasveitir sem ekki þurfa að uppfylla framangreind skilyrði.  Skákmönnum þessara sveita er heimilt að tefla með öðrum sveitum, sem ekki eru unglinga-öldunga-eða kvennasveitir, hvenær sem er í keppninni en geta að því loknu ekki teflt aftur með unglinga-öldunga-eða kvennasveit.  Hafi félög fleiri en eina unglinga-öldunga-eða kvennasveit skal raða þeim í styrkleikaröð og er félögunum heimilt að flytja skákmenn á milli þessara sveita á sama hátt og um almennar sveitir væri að ræða.

Brjóti félag gegn ákvæðum þessarar greinar við röðun í lið teljast þeir keppendur sem rangt er raðað ólöglegir og skal meðferð málsins þá vera skv. 20. gr. skáklaga.

7. gr.

Framkvæmdanefnd er heimilt að fresta viðureign ef um samgönguerfiðleika er að ræða.  Sé viðureign frestað skal ákveða nýjan keppnisdag innan hálfs mánaðar.  Umferð skal lokið innan mánaðar frá töfludegi.

 

8. gr.

Ef lið hættir keppni, hvort sem er fyrir upphaf móts, eða eftir að það er hafið, eða ef liði er vísað úr keppni, þá skal það hefja þátttöku í neðstu deild, þegar það hyggst taka þátt í mótinu næst.

Ef lið kýs að taka ekki sæti sitt, skv. úrslitum á næsta Íslandsmóti á undan, sbr. 17. gr. skáklaga, telst það hafa sagt sig úr mótinu.

9. gr.

Ef flytja þarf fleiri lið upp á milli deilda en gert er ráð fyrir skv. 17. gr. skáklaga, eða ef lið sem á að flytjast upp skv. sömu grein kýs að taka ekki sæti sitt í efri deild skal bjóða öðrum liðum úr sömu deild að taka sæti þess í efri deild. Öðrum liðum en þeim sem samkvæmt 17. gr. skáklaga eiga að færast upp er heimilt að hafna slíku boði án skýringa. Liðum úr neðri deildinni skal boðið að færast upp um deild í eftirfarandi forgangsröð:

1.     Liðið sem lenti í þriðja sæti

2.     Það liðanna tveggja sem féll úr efri deildinni sem lenti þar í næstneðsta sæti

3.     Liðið sem lenti í fjórða sæti deildarinnar

4.     Það liðanna tveggja sem féllu úr efri deildinni sem lenti þar í neðsta sæti

5.     Liðið sem lenti í fimmta sæti deildarinnar og svo koll af kolli.

Almennt gildir sú regla að næsta lið sem á að fara upp hefur forgang en annars virkar á víxl.

10. gr.

Reglugerð þessi er sett með heimild í 21. gr. skáklaga SÍ og tekur gildi við útgáfu hennar.                            

Omar og Elsa efst á hraðkvöldi

Omar Salama og Elsa María Kristínardóttir urðu efst og jöfn á hraðkvöldi Hellis sem haldið 8. september.  Þau fengu bæði 6½ vinning í 7 skákum og voru líka jöfn á öllum stigum og innbyrðis viðureignin endaði með jafntefli þannig að grípa þurfti til hlutkestis til að fá úrslit. Þá hafði Omar betur þegar fiskurinn kom upp. Þriðji varð svo Andri Áss Grétarsson með 5 vinninga. 

 

 

Lokastaðan á hraðkvöldinu:

• 1.   Omar Salama                     6,5v/7 (22, 25, 28)
• 2.   Elsa María Kristínardóttir    6,5v   (22, 25, 28)
• 3.   Andri Áss Grétarsson         5v
• 4.   Ólafur Gauti Ólafsson         4v
• 5.   Vigfús Vigfússon                4v
• 6.   Arnar Valgeirsson              3v
• 7.   Brynjar Steingrímsson        3v
• 8.   Finnur Sveinbjörnsson        3v
• 9.   Björgvin Kristbergsson       3v
• 10.  Pétur Jóhannesson            2,5v
• 11.  Ottó Hörður Guðmundsson 1,5v

Pálmi í Mátar

Pálmi R. Pétursson (2105) hefur gengið úr Skákfélagi Akureyrar og tilkynnt félagaskipti yfir í nýstofnað taflfélag, Taflfélagið Mátar.

Ritstjóri veit ekkert meira um það nýja félag og óskar hér með með eftir meiri upplýsingum!

Unglingaæfingar TR hefjast á laugardag

Skákæfingar (skákkennsla og skákmót) fyrir stelpur og stráka 15 ára og yngri
hefjast að nýju hjá Taflfélagi Reykjavíkur laugardaginn 13. september kl. 14
í húsnæði félagsins Faxafeni 12. Laugardagsæfingarnar verða í allan vetur
frá kl. 14 - 16. Þátttaka er ókeypis.

Ný íslensk skákstig

Ný íslensk skákstig komu út í dag og eru þau miðuð við 1. september.  Íslandsmótið er t.d. ekki inn í stigaútreikningum.  Hannes Hlífar Stefánsson er sem fyrr stigahæstur.  Enginn nýliði er að þessu á listanum.  Hástökkvari listans er Andrzej Misiuga, sem hækkaði um 75 stig.  Næstir voru Friðrik Þjálfi Stefánsson (55), Matthías Pétursson (55), Birkir Karl Sigurðsson (50) og Patrekur Maron Magnússon (50).

Stigahæstu skákmenn landsins:

NafnÍsl.stig

1	Hannes H Stefánsson	2645
2	Jóhann Hjartarson	2635
3	Margeir Pétursson	2600
4	Helgi Ólafsson	2540
5	Jón Loftur Árnason	2525
6	Friðrik Ólafsson	2510
7	Héðinn Steingrímsson	2505
8	Helgi Áss Grétarsson	2500
9	Henrik Danielsen	2500
10	Karl Þorsteins	2495
11	Jón Viktor Gunnarsson	2470
12	Stefán Kristjánsson	2465
13	Þröstur Þórhallsson	2460
14	Guðmundur Sigurjónsson	2445
15	Bragi Þorfinnsson	2435
16	Björn Þorfinnsson	2415
17	Arnar Gunnarsson	2405
18	Magnús Örn Úlfarsson	2375
19	Guðmundur Kjartansson	2370
20	Sigurður Daði Sigfússon	2360
21	Björgvin Jónsson	2360
22	Ingvar Jóhannesson	2360

 
Mestu hækkanir:

 

Nr.	Nafn	Ný stig	Eldri	Br.
1	Andrzej Misiuga	2235	2160	75
2	Friðrik Þjálfi Stefánsson	1510	1455	55
3	Matthías Pétursson	1785	1730	55
4	Birkir Karl Sigurðsson	1325	1275	50
5	Patrekur Maron Magnússon	1870	1820	50
6	Guðmundur Kjartansson	2370	2325	45
7	Hrund Hauksdóttir	1190	1150	40
8	Örn Stefánsson	1350	1310	40
9	Daði Ómarsson	2135	2100	35
10	Omar Salama	2220	2195	25

 

Reiknuð mót:

• Meistaramót Skákskóla Íslands
• Alþjóðlegt Boðsmót TR
• Einvígi vegna Ól-16
• Helgarskákmót Hellis og TR
• Alþjóðlegt mót Hellis

Jafnframt komu út ný atskákstig.

Skákstigasíða SÍ

 

 

Hraðkvöld hjá Helli í kvöld

Hraðkvöld hjá Helli verður haldið mánudaginn 8. september í Hellisheimilinu í Mjódd og hefst kl. 20.  Eins og venjulega eru tefldar 7 umferðir með 7 mínútna umhugsunartíma þannig að mótið tekur tiltölulegan stuttan tíma!  Ljúffeng verðlaun í boði!   Sigurvegarinn fær pizzu fyrir tvo frá Dominos auk þess sem einn heppinn útdreginn keppandinn fær sömu verðlaun. 

Þátttökugjald er kr. 300 fyrir félagsmenn en kr. 500 fyrir aðra.

Þátttökugjald er kr. 200 fyrir 15 ára og yngri félagsmenn en kr. 300 fyrir aðra.

Teflt er í Hellisheimilinu, Álfabakka 14a.  

Allir velkomnir!

Sigurður startaði vel

Vetrastarf Skákfélags Akureyrar hófst í dag með startmóti (hraðskákmóti).  Sigurður Arnarson sigraði eftir jafna og tvísýnu baráttu en hann hlaut 8½ vinning af 12 mögulegum.  Annar varð Tómas Veigar Sigurðarson og þriðji varð Þór Valtýsson.

 

Lokastaðan:

 

1. Sigurður Arnarson 8,5 af 12.

2. Tómas V Sigurðarson 8

3. Þór Valtýsson        7,5

4. Sigurður Eiríksson  3

5. Sveinbjörn Sigurðsson 3.

 

Næsta mót er 10 mínútna mót á fimmtudag sem hefst kl. 20.00 í Íþróttahöllinni.

MH endaði í öðru sæti - MR með stóran sigur í lokaumferðinni

Skáksveit Menntaskólans við Hamrahlíð endaði í öðru sæti á Norðurlandamóti framhaldsskóla, sem lauk í dag í félagsheimili TR.  Skáksveit Noregs varð norðurlandameistari.  Skáksveit Menntaskólans í Reykjavíkur vann stóran sigur á dönsku sveitinni, 3½-½ og endaði í fjórða sæti.  Hjá MH stóð Atla Freyr Kristjánsson sig frábærlega og fékk 3½ vinning í fjórum skákum og hækkar um heil 26 skákstig.  Daði Ómarsson náði jafnframt bestum árangri allra á öðru borði en hann fékk 3 vinninga. 

Úrslit 5. umferðar:

  

Iceland 2, MR	Rtg	-	Danmark, Sankt Annæ Gymnasium	Rtg	3½: ½
Asbjornsson Ingvar	2026	-	Thestrup Sixten	1883	½ - ½
Kristinsson Bjarni Jens	1912	-	Christanssen Andreas Ryding Lund	1300	1 - 0
Oskarsson Aron Ingi	1888	-	Torp-Hansen Mathias Frost	1300	1 - 0
Frigge Paul Joseph	1826	-	Schulz Albert Johannes Mardechai	1200	1 - 0

 

Lokastaðan:

Rk.	Team	TB1	TB2
1	Norge, Toppidrettsgymnas (NTG)	12,5	8
2	Iceland 1, MH	10,5	4
3	Sverige, Gymnasieskolen Metapontum	9,0	5
4	Iceland 2, MR	7,0	3
5	Danmark, Sankt Annæ Gymnasium	1,0	0

Árangur sveitanna:

 

2. Iceland 1, MH (10,5 / 4)
Bo.		Name	Rtg	Pts.	n	rtg+/-
1		Kristjansson Atli Freyr	2070	3,5	4	26,4
2		Omarsson Dadi	2029	3,0	4	6,3
3		Petursson Matthias	1878	2,5	4	5,7
4		Finnbogadottir Tinna Kristin	1655	1,5	4	-1,5
4. Iceland 2, MR (7 / 3)
Bo.		Name	Rtg	Pts.	n	rtg+/-
1	FM	Kjartansson Gudmundur	2328	0,5	1	-4,2
2		Asbjornsson Ingvar	2026	2,0	4	3,3
3		Kristinsson Bjarni Jens	1912	2,0	3	-1,0
4		Oskarsson Aron Ingi	1888	1,0	3	-20,5
5		Frigge Paul Joseph	1826	1,5	4	-18,8

Fimm sveitir tóku þátt.  Engin finnsk sveit tóku þátt og Danirnir munu hafa tilkynnt að þetta verði í síðasta sinn sem þeir taki þátt í keppninni og veitti danska skáksambandið dönsku sveitinni engan fjárhagslegan stuðning.  

• Heimasíða mótsins
• Chess-Results

SA startar starfseminni með Startmóti

"Startmótið" hjá Skákfélagi Akureyrar hefst kl.
14.00 í Íþróttahöllinni í dag, en það eru tefldar fimm mínútna skákir. Startmótið
er upphaf vetrastarf Skákfélags Akureyrar. 

MH með stórsigur - MR tapaði

Skáksveit Menntaskólans við Hamrahlíð vann stórsigur, 4-0, á dönsku sveitinni í fjórðu og næstsíðustu umferð Norðurlandamóts framhaldsskólasveita sem fram fór í dag.  Skáksveit Menntaskólans í Reykjavík tapaði hins vegar 1-3 fyrir norsku sveitinni.  MH er í efsta sæti fyrir lokaumferðina.  Engu að síður er ekki tölfræðilegur möguleiki á sigri sveitarinnar þar sem hún situr yfir í lokaumferðinni og ljóst að annaðhvort norska og/eða sænska fara upp fyrir hana.  

Úrslit 4. umferðar:

 

Norge, Toppidrettsgymnas (NTG)	Rtg	-	Iceland 2, MR	Rtg	3 : 1
Getz Nicolai	2111	-	Kjartansson Gudmundur	2328	½ - ½
Hagen Anders Gjerdum	2084	-	Asbjornsson Ingvar	2026	½ - ½
Haugstad Espen	2032	-	Kristinsson Bjarni Jens	1912	1 - 0
Gandrud Vegar Koi	2002	-	Frigge Paul Joseph	1826	1 - 0
Danmark, Sankt Annæ Gymnasium	Rtg	-	Iceland 1, MH	Rtg	0 : 4
Thestrup Sixten	1883	-	Kristjansson Atli Freyr	2070	0 - 1
Christanssen Andreas Ryding Lund	1300	-	Omarsson Dadi	2029	0 - 1
Torp-Hansen Mathias Frost	1300	-	Petursson Matthias	1878	0 - 1
Schulz Albert Johannes Mardechai	1200	-	Finnbogadottir Tinna Kristin	1655	0 - 1

Staðan:

1. MH 10,5 v.
2. Noregur 9,5 v.
3. Svíþjóð 8 v.
4. MR 3,5 v.
5. Danmörk 0,5 v.

 

Fimm sveitir taka þátt.  Engin finnsk sveit tekur þátt og Danirnir munu hafa tilkynnt að þetta verði í síðasta sinn sem þeir taki þátt í keppninni og veitir danska skáksambandið dönsku sveitinni engan fjárhagslegan stuðning.  

• Heimasíða mótsins
• Chess-Results