Hraðskákmót Hellis fer fram á mánudag

Hraðskákmót Hellis verður haldið mánudaginn 16. mars nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 15.000.  Tefldar verða 7 umferðir 2*5 mínútur.  Núverandi hraðskákmeistari Hellis er Gunnar Björnsson. Þetta er í fimmtánda sinn sem mótið fer fram.  Björn Þorfinnsson hefur hampað titlinum oftast eða þrisvar sinnum.  Í upphafi móts verður verðlaunaafhending Meistaramóts Hellis.  

Verðlaun skiptast svo:

1. 7.500 kr.
2. 4.500 kr.
3. 3.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra.

Kristófer skólaskákmeistari Vestmannaeyja

Í gær fór fram Skólaskákmót Vestmannaeyja fyrir árið 2009. Góð þátttaka var í yngri flokki (1-7 bekkur), en 23 mættu til leiks.

Hörð barátta var um 2 efstu sætin sem gefa rétt til þátttöku á Kjördæmismót Suðurlands sem haldið verður í byrjun apríl. Kristófer og Daði Steinn tóku snemma forystu og leiddu mótið lengst af en að lokum hafði Kristófer betur og sigraði með hálfum vinningi.

Í eldri flokki (8-10 bekkur) var einungis einn keppandi, Nökkvi Sverrisson og er hann þar með fulltrúi Grunnskóla Vestmannaeyja á Kjördæmismóti Suðurlands.

Staðan í yngri flokki

sæti	Nafn	vinn
1	Kristófer Gautason	8½
2	Daði Steinn Jónsson	8
3	Ólafur Freyr Ólafsson	6½
4	Lárus Garðar Long	6
5	Sigurður Arnar Magnússon	6
6	Davíð Már Jóhannesson	5½
7	Róbert Aron Eysteinsson	5
8	Eyþór Daði Kjartansson	5
9	Jörgen Freyr Ólafsson	5
10	Jóhann Helgi Gíslason	5
11	Ágúst Már Þórðarson	4½
12	Thelma Lind Halldórsdóttir	4½
13	Guðlaugur Guðmundsson	4
14	Daníel Hreggviðsson	4
	Þórður Sigursveinsson	4
16	Hafdís Magnúsdóttir	4
17	Eydís Þorgeirsdóttir	3½
18	Sigríður Margrét Sigþórsdóttir	3½
19	Arna Þyrí Ólafsdóttir	3½
20	Daníel Scheving	3
21	Þráinn Sigurðsson	3
22	Sigurjón Þorgeirsson	3
23	Auðbjörg Sigþórsdóttir	2

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

Smári einn efstur fyrir síðustu umferð Skákþings Goðans

Sjötta umferð í skákþingi Goðans var tefld í gærkvöldi.  Smári Sigurðsson er einn efstur þegar ein umferð er eftir. 

Úrslit kvöldsins:

Benedikt Þorri Sigurjónsson - Rúnar Ísleifsson                1 - 0
Ævar Ákason                        - Smári Sigurðsson               0 - 1
Baldvin Þór Jóhannesson     -  Ármann Olgeirsson           1 - 0
Hermann Aðalsteinsson       -  Pétur Gíslason                  0 - 1
Sighvatur Karlsson              -  Benedikt Þ Jóhannsson     1 - 0
Ketill Tryggvason                -   Sigurbjörn Ásmundsson 0,5 - 0,5
Sæþór Örn Þórðarson         -   Snorri Hallgrímsson           1 - 0

Staðan fyrir lokaumferðina:

                                              vinn           stig       Rpfm

Smári Sigurðsson                     5            19,5       1832
Benedikt Þorri Sigurjónsson    4.5          21,5      1647
Rúnar Ísleifsson                      4             21         1737
Pétur Gíslason                        4             21         1697
Baldvin Þ Jóhannesson           4            18,5       1590
Ævar Ákason                          3,5          20,5      1485
Ármann Olgeirsson                 3             17         1351
Sighvatur Karlsson                 3             15         1427
Hermann Aðalsteinsson          2,5         20         1346
Ketill Tryggvason                    2,5         14         1103
Benedikt Þór Jóhannsson       2             17,5      1213
Sigurbjörn Ásmundsson          2           15,5       489
Snorri Hallgrímsson                1            17          1218
Sæþór Örn Þórðarson             1            14          378

Pörun 7. umferðar:

Smári Sigurðsson           -           Pétur Gíslason
Ármann Olgeirsson         -          Benedikt Þorri Sigurjónsson
Rúnar Ísleifsson             -          Baldvin Þ Jóhannesson
Sighvatur Karlsson          -         Ævar Ákason
Benedikt Þ Jóhannsson  -          Ketill Tryggvason
Snorri Hallgrímsson         -         Hermann Aðalsteinsson
Sigurbjörn Ásmundsson  -         Sæþór Örn Þórðarson

7. og síðasta umferð verður tefld á miðvikudagskvöldið 18 mars kl 20:00 á Húsavík.  Athugið að þetta er breytt tímasetning frá áður auglýstri dagskrá.

Heimasíða Goðans

 

Skráningu lokið á skákmót Árnamessu

Allt stefnir í frábæra þátttöku grunnskólanemenda á boðsmót Lýðheilsustöðvar, Skákmót Árnamessu í Stykkishólmi laugardaginn 14. mars.

Eftir hið fjölmenna Íslandsmót barnaskóla hefur stanslaus skráning borist mótshöldurum. Aðeins skákfélög landsins geta skráð þátttakendur í framhaldinu. Ljóst er að allir sterkustu skákmenn höfuðborgarsvæðisins  á grunnskólaaldri mæta á mótið fyrir utan Hjörvar Stein sem verður staddur erlendis. Íslands-og Norðurlandameistarar úr Rimaskóla, A sveit Salaskóla, úrvalsflokkur Skákskólans og Íslandsmeistarar stúlkna eru í hópi þátttakenda í eldri flokk. Íslandsmeistarar Rimaskóla og fjöldi krakka sem stóðu sig frábærlega á Íslandsmóti barnaskólasveita taka þátt í yngri flokk.

Keppt verður í þremur flokkum; fæddir 1993 - 1996, fæddir 1997 - 2002 og flokki Snæfellinga. Lýðheilsustöð gefur verðlaunagripi og verðlaunapeninga í öllum flokkum. Verðlaunin eru ekki af veri endanum: Peningaverðlaun, gjafabréf fyrir allt að 10.000 kr, páskaegg og  fatnaður frá 66°N. Hátíðinni lýkur með happadrætti þar sem tveir aðalvinningarnir eru hvorki meira né minna en sumarbúðadvöl í Vatnaskógi eða Vindáshlíð í boði KFUM og K. Kaffiveitingar í skákhléi eru í boði Sæfells hf. Allir þátttakendur fá viðurkenningarskjal. Allir sem koma að skipulagi skákmóts Árnamessu og gefa vinninga vilja með því heiðra minningu Árna Helgasonar og þess æskulýðsstarfs sem hann vann sem gæslumaður í barnastúkunni Björk í Stykkishólmi í áratugi.

Rútuferð frá BSÍ kl. 9:00 laugardaginn 14. mars og frá ESSÓ Ártúnshöfða kl. 9:10. Starfsfólk skákmótsins þau Inga María og Þór verða í rútunni og gæta þess að allir krakkar komist öruggir á leiðarenda og til baka síðdegis. Fyrir þá foreldra sem vilja aka börnum sínum og fá sér um leið laugardagsbíltúr í Hólminn þá er leiðin malbikuð og greið alla leið um 170 km. Skákmótið hefst kl. 13:00. í grunnskólanum Stykkishólmi.

FEB vann Riddarann í Sveitakeppni öldunga

Árleg sveitakeppni  Skákklúbbs FEB (félags eldri borgara) og Riddarans SEB (skákklúbbs eldri borgara) fór fram í 8. sinn þriðjudaginn 10. mars, í Ásgarði við Stangarhyl, á vegum hins fyrrnefnda. Að þessu sinni var keppt á 18 borðum sem skipt var í þrjár 6 manna sveitir eftir styrkleika.

Keppnin var tvísýnni en oft áður og lauk með óvæntum sigri Skákklúbbs FEB, 56 v. gegn 52 v.  en þeir "Æsir" höfðu ekki unnið viðureignina  í 5 ár eða allar götur síðan 2003, í annað skipti sem keppnin var haldin.  Nánari  úrslit  urðu sem hér segir:                               

Sk. FEB       Riddarinn     

             A-sveit             20.5  v  :    15.5  v      

             B-sveit             16.0  v  :    20.0  v      

             C-sveit             19.5  v  :    16.5  v     

                                     56.0  v  :     52.0  v 

 

Bestum árangri í A-riðli náðu þeir Björn Þorsteinsson og Gunnar Kr. Gunnarsson, báðir fyrrv. Íslandsmeistarar í skák, með 5 v. af 6 mögulegum, en þeir telfdu fyrir FEB.  Næstir komu Þór Valtýsson (F) með 4 v.. og þeir Sigurður Herlufsen og Sæbjörn G. Larsen, með 4 v. fyrir Riddarana.     

Í B-riðli  varð efstur: Magnús Gunnarsson (F) með fullt hús 6 v.;  Páll G. Jónsson (R) annar með 5 v. og  Haraldur A. Sveinbjörnsson (F) með 4 v.;  Gísli Gunnlaugsson og  Sigurður E. Kristjánsson, (R) með 3v.      Í C-riðli var Bragi G. Bjarnason (FEB) efstur með 6v.; Sigurberg Elentínusson (R) og Eíríkur Viggósson (R) með 4 v.  Gísli Hafliðason (F) 3.5v.  Sæmundur Kjartansson (F); Leifur Eiríksson (R) og Einar S. Einarsson (R) 3 v.

Keppt er um veglegar farandbikar sem Magnús Pétursson, forstjóri í  Jóa Útherja, hefur gefið til keppninnar.  

Úrslitin keppninnar frá upphafi hafa orðið þessi:

 Ár           FEB          Riddarinn          

2002        27.5 v          47.5 v

2003        47.5 v          27.5 v

2004        34.5 v          55.5 v

2005        27.5 v          47.5 v

2006        35.0 v          55.0 v

2007        48.5 v          59.5 v

2008        61.0 v          86.0 v

2009        56.0 v          52.0 v

Taflæfingar þessara tveggja skáklúbba eldri borgara á höfðuðborgarsvæðinu eru haldnar hjá FEB, í Ásgarði, Stangarhyl 4, á þriðjudögum kl. 13-16.30 (7 umferðir / 15 mín. skákir)  og hjá Riddaranum, Strandbergi, félagsheimili Hafnarfjarðarkirkju,  á miðvikudögum kl. 13-17 (11 umferðir, 10 mín. skákir)

Allir velkomnir. 

Myndir frá Einari S. Einarssyni má finna í myndaalbúmi.

Vorið komið í Vin

Vormót Skákfélags Vinjar fór fram mánudaginn 9. mars í Vin að Hverfisgötunni. Tólf manns skráðu sig til leiks og tefldar voru 6 umferðir með sjö mínútna umhugsunartíma.

Að venju var hart barist og að venju hafði Fide meistarinn og skákstjórinn, Róbert Lagerman, sigur að lokum.  áði hann að snúa erfiðri stöðu móti Ólafi B. Þórssyni sér í hag í blálokin og gerði jafntefli við Björn Sölva Sigurjónsson.

Rómaðar kaffiveitingar voru að loknum fjórum umferðum og allir þátttakendur fengu bókavinninga.

Úrslit:
Róbert Lagerman 5,5 vinningar
Ólafur B. Þórsson 5
Björn Sölvi Sigurjónsson 4,5
Arnljótur Sigurðsson 4
Hjalti Reynisson 4

og aðrir minna...

Heimasókn Skákskóla Íslands á Höfn í Hornafirði

Helgina 6.-8. mars heimsótti undirritaður fyrir hönd Skákskóla Íslands Grunnskóla Hornafjarðar.  Föstudagurinn fór í það að heimsækja alla bekki skólans sem var hin besta skemmtun því nemendur voru mjög líflegir og vel með á nótunum.  Ekki skemmdi fyrir að Mugison var einnig á ferðinni um skólabyggingarnar og flutti nokkur lög ásamt gríðarlega skemmtilegum sögum af sjálfum sér.  Tilgangur föstudagsins var sá að kynna öllum nemendum skáklistina og hvetja þá til að mæta á helgarnámskeiðið.

Laugardagurinn fór svo allur í kennslu og var mæting grunnskólanemenda til mikillar fyrirmyndar en það mættu 67 krakkar á námskeiðin á laugardeginum þrátt fyrir að allnokkrir þeirra sem mest tefla kæmust ekki vegna keppnisferðar í körfubolta.  Aldursdreifing krakkanna spannaði allan skólann en þeir yngstu voru úr 1. bekk og þeir elstu úr 10. bekk.  Allir krakkarnir fengu svo skákverkefni með sér heim til að rifja upp það sem kennt var um daginn.

Á sunnudeginum var svo haldið skákmót þar sem rétt rúmlega þrjátíu nemendur mættu til leiks þrátt fyrir að mótið hæfist klukkan 10 að morgni.  Eftir harða keppni stóð Helgi Pálmason (8. bekk) uppi sem sigurvegari í eldri flokki, Guðbjartur Freyr Gunnarsson (10. bekk) varð annar og Agnar Jökull Imsland (7. bekk) varð þriðji. 

Í yngri flokki bar Sverrir Ketill Gunnarsson (4. bekk) sigur úr býtum, Jóel Ingason (4. bekk) varð annar og Björn Ómar Egilsson (4.bekk) varð þriðji.  Þetta var því sérlega góður dagur hjá 4. bekk.

Hjá stelpunum varð Adisa Mesetovic (5. bekk) efst eftir stigaútreikning en á eftir henni komu jafnar í 2.-4. sæti þær Alrún Irine Aparnita (6. bekk), Ylfa Beatrix Nilenjana (7. bekk) og Sigrún Salka Hermannsdóttir (5. bekk). 

Allir þessir krakkar fengu skákbók í verðlaun, en auk þess voru nokkrir keppendur dregnir út í happadrætti og fengu eftirtaldir einnig skákbók í verðlaun:  Jóhann Klemens (7. bekk), Bjarney Anna Þórisdóttir (4. bekk), Agnes Jóhannsdóttir (4. bekk), Oddleifur Eiríksson (2. bekk), Dagur Freyr Sævarsson (2. bekk), Margrét Ásgeirsdóttir (3. bekk) og Lellí (3. bekk) en stúlkan sú sagðist alltaf vera kölluð Lellí og taldi það algjörlega óþarft að skrá sig í mótið undir fullu nafni líkt og aðrir keppendur.

Aðrir keppendur í mótinu voru Darri Snær Nökkvason (7. bekk), Marteinn Eiríksson (7. bekk), Guðjón Vilberg Sigurðarson (3. bekk), Auðunn Ingason (2. bekk), Björgvin Ingi Valdimarsson (2. bekk), Birkir Þór Hauksson (7. bekk), Júlíus Aron Larsson (1. bekk), Alexandra Vieslva ( 3. bekk), Malín Ingadóttir (2. bekk), Björgvin Freyr Larsson (1. bekk), Hafdís Ýr Sævarsdóttir (2. bekk), Hafþór Logi Heiðarsson (2. bekk), Salóme Morávek (3. bekk) og Helgi Steinarr Júlíusson (3. bekk).

Tveir mjög ungir þátttakendur, tvíburarnir Júlíus Aron og Björgvin Freyr úr 1. bekk náðu eftirtektarverðum árangri í mótinu en Júlíus fékk 2,5 vinninga en Björgvin fékk 2 vinninga af 5 mögulegum.

Að lokum vil ég þakka krökkunum og kennurunum á Höfn fyrir stórskemmtilega helgi og vona ég skáklífið á Höfn eigi eftir að blómstra, því það er sannarlega nægur efniviður í krökkunum í bænum.  Að loku vil ég þakka Eygló Illugadóttur fyrir skipulagningu komu minnar og flutninga um bæinn.

Davíð Ólafsson

Vormót Vinjar fer fram í dag

Mánudaginn 9. mars kl. 13:00 verður vormót haldið í Vin. Skákfélag Vinjar og Hrókurinn sameinast um skemmtilegt mót þar sem tefldar verða sex umferðir með sjö mínútna umhugsunartíma.

Þau sem fara til Akureyrar á Íslandsmótið geta litið á þetta sem aldeilis fyrirtaks æfingu.

Sem fyrr er varaforseti Hróksins, Róbert Lagerman, skákstjóri.

Og sem fyrr eru kaffiveitingar. Nú eftir fjórðu umferð fyrir þá sem eru að missa dampinn og þurfa orku.
Bókavinningar fyrir efstu sætin.

Mótið er að Hverfisgötu 47 og allir eru hjartanlega velkomnir. Vin er athvarf fyrir fólk með geðraskanir þar sem öllum er frjálst að mæta á æfingar á mánudögum kl. 13 og ekki síst á mót. Síminn er 561-2612

Rimaskóli Íslandsmeistari barnaskólasveita

Rimaskóli A sveit varð í dag Íslandsmeistari barnaskólasveita í skák. Í úrslitakeppninni hlaut sveit skólans 9 vinninga af 12 mögulegum og sigraði með yfirburðum.

 Í öðru sæti varð Grunnskóli Vestmannaeyja, Salaskóli í þriðja sæti og Glerárskóli í því fjórða.

Úrslitin urðu annars eftirfarandi:

Röð.	Team	1	2	3	4	Vinn.
1	Rimaskóli A	*	3	2	4	9,0
2	Grunnskóli Vestmannaeyja A	1	*	2½	3	6,5
3	Salaskóli A	2	1½	*	2	5,5
4	Glerárskóli Ak.	0	1	2	*	3,0

Greinilegt er, að skák er vinsæl í skólum landsins. Á síðasta ári tóku 17 sveitir þátt, en nú voru þær vel yfir 40. Jafnframt er ljóst, að efnilegir unglingar af báðum kynjum eru að koma upp í hrönnum.  Úrslit í undankeppninni má sjá á úrslitasíðunni, en þar sigraði Grunnskóli Vestmannaeyja.

Úrslitasveitirnar:

	Sigurlið a-sveitar Rimaskóla skipuðu þau: 1. Jón Trausti Harðarson, 2. Hrund Hauksdóttir, 3. Oliver Aron Johannesson, 4. Dagur Ragnarsson, 1v. Patrekur Þórsson.
	Í öðru sæti var harðsnúið lið Eyjapeyja úr Grunnskóla Vestmannaeyja sem varð efst í undankeppninni daginn áður. Liðið skipuðu: 1. Daði Steinn Jónsson, 2. Kristófer Gautason,  3. Ólafur Freyr Ólafsson, 4. Valur Marvin Pálsson.
	Í þriðja sæti varð svo Salaskóli, en fyrsta borðs maður skólans, Birkir Karl, sigraði allar skákir sínar, báða dagana!  Lið skólans skipuðu: 1. Birkir Karl Sigurðsson 2. Arnar Snæland,  3. Sindri Sigurður Jónsson,  4. Þormar Magnússon, 1v. Kára Stein Hlífarsson.
	Í fjórða sæti varð svo sveit Glerárskóla frá Akureyri.  Lið skólans skipuðu:  1. Hjörtur Snær Jónsson,  2. Hersteinn Heiðarsson,  3. Logi Rúnar Jónsson, 4. Birkir Freyr Hauksson.

Mótshaldarar veittu jafnframt borðaverðlaun fyrir bestan árangur í undankeppninni. Verðlaunahafar þar voru eftirfarandi:

1. borð. Birkir Karl Sigurðsson, Salaskóla A og Friðrik Þjálfi Stefánsson Grunnsk. Seltjarnarness. 7 af 7!
2. borð. Hrund Hauksdóttir, Rimaskóla A 7 af 7!
3. borð. Óliver Aron Jóhannesson, Rimaskóla og Ólafur Freyr Ólafsson Grunnsk. Vestmannaeyja 6 af 7.
4. borð Valur Marvin Pálsson, Grunnsk. Vestmannaeyja 7 af 7!

Nánari upplýsingar um gang mála má finna a heimasíðu SÍ