Daði sigraði á öðru Sumarmóti Vinnuskólans og Skákakademíunnar

Annað sumarmót Vinnuskólans í Reykjavík og Skákakademíu Reykjavíkur var vel sótt af keppendum og áhorfendum. Alls tóku 26 keppendur þátt í mótinu og var hart barist í veðurblíðunni.

Krakkar af skák- og leikjanámskeiði Skákakademíunnar voru áberandi í hópi þátttakenda sem og unglingar í Landnemahópi Vinnuskólans en einnig létu nokkrir kunnir meistarar sjá sig eins og Róbert Lagerman, Rúnar Berg, Daði Ómarsson, Stefán Bergsson, Ingi Tandri Traustason og Birgir Berndsen.

Það má því með sanni segja að mótið hafi verið litskrúðugt enda vakti það töluverða athygli meðal gangandi vegfarenda nutu veðurblíðunnar.

Daði Ómarsson og Rúnar Berg urðu efstir í mótinu með 4,5 vinninga af 5 mögulegum. Þeir gerðu innbyrðis jafntefli í baráttuskák en lögðu aðra andstæðinga sína að velli.  Til gamans ákváðu skákstjórarnir, Björn Þorfinnsson og Davíð Kjartansson, að tefld yrði ein úrslitskák á stóra útitaflinu með 10 mín. umhugsunartíma. Rúnar og Daði tóku vel í hugmyndina og varð úr hin besta skemmtun, sérstaklega í byrjun þar sem skákmennirnir úðuðu út leikjunum með ógnarhraða enda vill enginn lenda í tímahraki á þessu stóra borði! Þegar upp var staðið hafði Daði sigur og var því úrskurðaður sigurvegari mótsins.

Í þriðja sæti á stigum varð Ólafur Gauti Ólafsson en hann hlaut fjóra vinninga eins og nokkrir aðrir skákmenn. Ólafur vann fjórar fyrstu skákirnar sínar og var einn efstur fyrir síðustu umferð en varð að játa sig sigraðan eftir mikla baráttu gegn Daða Ómarssyni. 

Efnilegasti keppandinn var svo útnefndur Sigurður Kjartansson, átta ára gamall labbakútur úr Kópavogi en hann hlaut þrjá vinninga.

Skemmtilegu móti var svo slitið með því að sigurvegararnir fengu afhent gómsæt verðlaun frá Hamborgarbúllunni.

Næsta sumarmót verður haldið miðvikudaginn 15.júlí, kl.13.00. við útitaflið í Lækjargötu.

Skákkeppni Landsmóts UMFÍ hefst á morgun - liðsskipan liggur fyrir

Skákkeppni Landsmóts UMFÍ hefst á morgun.  Liðsskipan liðanna liggur nú fyrir og er lið Bolvíkinga langsigurstranglegast.  Akureyringar eru næststerkastir á pappírnum en skammt á eftir eru núverandi meistarar Fjölnis.   

Meðalstig liðanna:

1. HSB - Bolar (2299) 
2. UFA/UMSE - SA (2197)
3. Fjölnir (2123)
4. ÍBA - SA (2073)
5. ÍBV - TV (1998)
6. HSK - SSon (1975)
7. UMSK - TG (1938)
8. UMFN - SR (1841)
9. ÚÍA - SSaust (1796)
10. HSÞ - Goðinn (1684)
11. UMSB - (1385)

Liðsskipan:

 

1. UMSK (RtgAvg:1938 / TB1: 0 / TB2: 0)
Bo.		Name	Rtg
1		Ragnarsson Johann	2100
2		Sigurdsson Pall	1890
3	WFM	Thorsteinsdottir Gudlaug	1925
4		Vilmundarson Leifur Ingi	1835
2. UFA/UMSE (RtgAvg:2197 / TB1: 0 / TB2: 0)
Bo.		Name	Rtg
1		Sigurpalsson Runar	2305
2		Karason Askell O	2070
3		Thorhallsson Gylfi	2140
4	FM	Naes Flovin Tor	2262
5		Kristjansson Olafur	2080
6		Hansson Gudmundur Freyr	1710
7		Halldorsson Hjorleifur	1855
3. Fjölnir (RtgAvg:2123 / TB1: 0 / TB2: 0)
Bo.		Name	Rtg
1	FM	Kjartansson David	2335
2		Halldorsson Jon Arni	2045
3		Thorsteinsson Erlingur	2100
4		Petursson Gudni	2010
5		Helgadottir Sigridur Bjorg	1650
4. HSK (RtgAvg:1975 / TB1: 0 / TB2: 0)
Bo.		Name	Rtg
1		Jonsson Pall Leo	2110
2		Gunnarsson Magnus	2050
3		Sigurmundsson Gudbjorn	1820
5		Sigurmundsson Ingimundur	1920
6		Matthiasson Magnus	1725
7		Gudbjornsson Arni	0
5. HSÞ (RtgAvg:1684 / TB1: 0 / TB2: 0)
Bo.		Name	Rtg
1		Gislason Petur	1825
2		Isleifsson Runar	1710
3		Sigurdsson Jakob Saevar	1685
4		Baldursson Gestur Vagn	1440
5		Akason Aevar	0
6		Olgeirsson Armann	1515
7		Asmundsson Sigurbjorn	1265
6. UMFN (RtgAvg:1841 / TB1: 0 / TB2: 0)
Bo.		Name	Rtg
1		Jonatansson Helgi E	1990
2		Ingason Olafur G	1865
3		Jonsson Sigurdur H	1750
4		Snorrason Snorri	1760
5		Svansson Patrick	1735
7. ÍBA (RtgAvg:2073 / TB1: 0 / TB2: 0)
Bo.		Name	Rtg
1		Halldorsson Halldor	2275
2		Bergsson Stefan	2010
3		Valtysson Thor	2020
4		Arnarson Sigurdur	1830
5		Eiriksson Sigurdur	1985
6		Karlsson Mikael Johann	1690
8. ÍBV (RtgAvg:1998 / TB1: 0 / TB2: 0)
Bo.		Name	Rtg
1		Karlsson Bjorn-Ivar	2220
2		Einarsson Einar Kristinn	2095
3		Unnarsson Sverrir	1950
4		Sverrisson Nokkvi	1725
9. ÚÍA (RtgAvg:1796 / TB1: 0 / TB2: 0)
Bo.		Name	Rtg
1		Kristinsson Bjarni Jens	1685
2		Jonsson Vidar	1910
3		Gestsson Sverrir	1870
4		Geirsson Albert Omar	1720
5		Valgeirsson Magnus	1680
10. HSB (RtgAvg:2299 / TB1: 0 / TB2: 0)
Bo.		Name	Rtg
1	IM	Gunnarsson Jon Viktor	2440
2	IM	Arngrimsson Dagur	2205
3	FM	Gudmundsson Elvar	2395
4		Ornolfsson Magnus P	2155
5		Arnalds Stefan	1810
11. UMSB (RtgAvg:1385 / TB1: 0 / TB2: 0)
Bo.		Name	Rtg
1		Finnbogadottir Tinna Kristin	1480
2		Eidsson Johann Oli	1660
3		Ingolfsson Finnur	0
4		Finnbogadottir Hulda Run	1105

 

• Heimasíða Landsmótsins
• Chess-Results

 

Landsmót UMFÍ hefst á morgun á Akureyri - 11 lið taka þátt

Keppni í skák á Landsmóti UMFÍ 2009 hefst kl 13.00 á morgunn föstudag 10. júlí í Glerárskóla.

Keppnisliðin eru ellefu:

Ungmenna- eða Íþróttafélög	skammst.
Ungmennafélag Fjölnir	UMFF
Héraðssamband Bolungarvíkur	HSB
Ungmennasamb. Eyjaf. og Umf.Ak.	UMSE/UFA
Íþróttabandalag Akureyrar	ÍBA
Héraðssamband Þingeyinga	HSÞ
Ungmenna - og Íþróttasamband Austurlands	UÍA
Héraðssambanið Skarphéðins	HSK
Ungmennasamband Kjalarnesþings	UMFK
Ungmennafélag Njarðvíkur	UMFN
Ungmennasamband Borgarfjarðar	UMSB
Íþróttabandalag Vestmanneyja	ÍBV

Fjölnir sigraði á síðasta Landsmóti haldið í Kópavogi 2007.

Hver sveit er skipuð 4 einstaklingum plús varamanna

Teflar verða atskákir, 25 mínútur á keppenda.  Mótið er reiknað til skákstiga(atskákstig) Tefldar verða 11. umferðir, allir við alla, hefst kl. 13.00.  á föstudag 5. umf. og á laugardag 11. júlí 6 umf og hefst taflið kl. 13.00.

Tæknifundur verður haldinn föstudaginn 10. júlí 2009 kl. 12.00 á mótsstað, og verður þá dregið um töfluröð.

Útiskákmót á Lækjartorgi í dag

Skákakademía Reykjavíkur og Vinnuskóli Reykjavíkur standa að dag í að útiskákmóti við útitaflið á Lækjartorgi.  Mótið hefst kl. 13 og er öllum opið.  Ókeypis aðgangur.   Tefldar verða 6 umferðir með 7 mínútna umhugsunartíma og munu bragðgóð verðlaun (ís) vera í boði.

Slíkt útimót mun vera haldið alla miðvikudag út júlí.   

 

Björn og Davíð efstir í Rauðakrosshúsinu

Tíu manns mættu til leiks á hraðskákmót Skákfélags Vinjar og Hróksins sem haldið var í Rauðakrosshúsinu, Borgartúni 25, á mánudaginn. Á meðan Jóhann Thoroddsen, sálfræðingur hjá Rauða krossinum, var með fyrirlestur um sálrænan stuðning í einu horninu og hressar konur í prjónahóp voru á fullu í öðru, föndruðu skákmenn með fléttur og gambíta í miðjum sal og börðu klukkur.

Tefldar voru fimm umferðir með sjö mínútna umhugsunartíma og hart var tekist á. Þeir Björn Þorfinnsson og Davíð Kjartansson, sem eru ekki síður frægir fyrir takta á knattspyrnuvelli en við borðið, gerðu jafntefli en unnu annars andstæðinga sína og voru efstir með 4,5 vinninga. Hrannar Jónsson, Elsa María Kristínardóttir og Sigurjón Friðþjófsson fengu 3 og aðrir minna.  

Boðið var upp á heljarinnar súkkulaðikökur með kaffinu auk þess sem allir þátttakendur fengu bókavinning. Björn og Hrannar stýrðu mótinu af stakri snilld og allir fóru búttaðir og sáttir heim

Vinjarskákmót í Rauðakrosshúsinu í dag

Mánudaginn 6. júlí, kl. 13:30 halda Skákfélag Vinjar og Hrókurinn skákmót í Rauðakrosshúsinu, Borgartúni 25.

Tefldar verða fimm umferðir eftir Monradkerfi þar sem umhugsunartími er sjö mínútur.

Vinningar fyrir efstu sætin auk þess sem dregnir verða út happadrættisvinningar.

Skákstjórar eru snillingarnir Björn Þorfinnsson og Hrannar Jónsson.

Allir hjartanlega velkomnir og auðvitað er heitt á könnunni.

Rauðakrosshúsið var opnað í byrjun mars sl. og þar er boðið upp á dagskrá alla daga: fyrirlestra, námskeið ýmiskonar auk þess sem sálfræðingar, prestar og ráðgjafar veita viðtöl. Tölvur eru á staðnum auk margskonar afþreyingar. Opnunartími er 12-17.

Guðmundur enn með jafntefli í Lundúnum

FIDE-meistarinn Guðmundur Kjartansson (2388) gerði jafntefli við enska alþjóðlega meistarann Simon Ansell (2394) í sjöundu umferð Big Slick-skákmótsins, sem fram fór í London í dag.  Fjórða jafntefli Guðmundar í jafn mörgum skákum.  Guðmundur hefur 2 vinninga og er í 9. sæti.

Rússarnir Alexander Cherniav (2423), stórmeistari, og Alexei Slavin (2308) eru efstir með 5 vinninga.  Í 3.-4. sæti, með 4,5 vinning, eru stórmeistararnir Keith Arkell (2517), Englandi, og Luis Galego (2454), Portúgal. 

Guðmundur teflir við Galego í áttundu og næstsíðustu umferð, sem fram fer á morgun.

Alls taka 10 skákmenn þátt í efsta flokki og tefla þeir allir við alla.  Til að ná áfanga að stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5,5 vinning.

Heimasíða mótsins

Davíð Kjartansson sigraði á fyrsta sumarmóti Vinnuskólans og Akademíunnar

Fyrsta sumarmót Vinnuskóla Reykjavíkur og Skákakademíu Reykjavíkur fór fram miðvikudaginn 1.júlí síðastliðinn við útitaflið í Lækjargötu. Mótið hófst kl.13.00 og voru tefldar fimm umferðir með 7 mín. umhugsunartíma. Veðrið var afar milt og gott þótt að sólin hafi ekki látið á sér kræla að þessu sinni. Alls tóku 24 skákmenn þátt í mótinu og settu börn úr skák-og leikjanámskeiði Skákakademíu Reykjavíkur sem og unglingar úr Landnemahópi Vinnuskólans í Reykjavík mikinn svip á mótið.

Ívar Örn Sverrisson, leiðbeinandi Landnemahópsins, hóf fyrstu umferð með því að etja kappi við hinn átta ára gamla Sigurð Kjartansson, sem er mikið efni. Til að byrja með leit staða Ívars ekkert sérstaklega vel út en svo kom að því að hann náði að snúa á litla labbakútinn og tryggja sér unnið tafl. Þá tók að saxast allverulega á tíma keppenda sem endaði með því að Ívar pattaði Sigurð! Báðir stóðu sig vel í mótinu, Ívar endaði með 3,5 vinninga en Sigurður 2,5.

Það kom hinsvegar engum á óvart að FIDE-meistarinn Davíð Kjartansson bar sigur úr býtum með fullu húsi en næstir komu þeir Stefán Bergsson og Ólafur Kjaran með fjóra vinninga. Þar sem léttleikinn var svo sannarlega í fyrirrúmi á mótinu var ákveðið að Davíð myndi leggja sigurinn í mótinu að veði gegn Stefáni Bergssyni (sem var hærri á stigum en Ólafur) í einni úrslitaskák í lokin. Sú skák fór fram á sjálfu útitaflinu og var tefld með klukku. Tilgangurinn var sá að afsanna að skák væri ekki íþrótt en viðbúið að viðureignin yrði verulega athyglisverð ef keppendur kæmust í mikið tímahrak. Úrslitaskákin var spennandi og vel tefld af báðum keppendum en þegar þeir félagar voru farnir að herða verulega á gönguhraðanum þá varð Stefáni á fingurbrjótur sem Davíð nýtti sér til sigurs.

Báðir fengu þeir bragðgóð verðlaun frá ísbúðinni Dairy Queen á Ingólfstorgi. Það sama gilti um Odd Stefánsson, níu ára gamlan þátttakenda í skák-og leikjanámskeiði Skákakademíunnar, en hann var útnefndur „efnilegasti keppandinn" enda hlaut hann þrjá vinninga sem var afar vel gert. Smári Arnarson, jafnaldri Odds, fékk einnig þrjá vinninga en var lægri á stigum. Þá var brugðið á það ráð að veita sárabótarverðlaun sem var pakki af Match Attax fótboltamyndum. Mátti ekki á milli sjá hvor var sáttari með verðlaunin sín, Smári eða Oddur.

En fyrsta sumarmótið var afar velheppnað og er ráðlagt að slík mót verði haldin vikulega út júlí.

Skákmót í Rauðakrosshúsinu, Borgartúni 25, á mánudag

Mánudaginn 6. júlí, kl. 13:30 halda Skákfélag Vinjar og Hrókurinn skákmót í Rauðakrosshúsinu, Borgartúni 25.

Tefldar verða fimm umferðir eftir Monradkerfi þar sem umhugsunartími er sjö mínútur.

Vinningar fyrir efstu sætin auk þess sem dregnir verða út happadrættisvinningar.

Skákstjórar eru snillingarnir Björn Þorfinnsson og Hrannar Jónsson.

Allir hjartanlega velkomnir og auðvitað er heitt á könnunni.

Rauðakrosshúsið var opnað í byrjun mars sl. og þar er boðið upp á dagskrá alla daga: fyrirlestra, námskeið ýmiskonar auk þess sem sálfræðingar, prestar og ráðgjafar veita viðtöl. Tölvur eru á staðnum auk margskonar afþreyingar. Opnunartími er 12-17.

Guðmundur með jafntefli í fimmtu umferð

FIDE-meistarinn Guðmundur Kjartansson (2388) gerði jafntefli við rússneska skákmanninn Alexei Slavin (2308) í fimmtu umferð Big Slick-skákmótsins, sem fram fór í dag í Lundúnum.  Guðmundur hefur 1 vinning og er tíundi.  Í sjöttu umferð, sem fram fer á morgun, teflir Guðmundur við enska stórmeistarann Daniel W. Gormally (2487).   

Efstir með 3,5 vinning eru enski stórmeistarinn Keith Arkell (2517), rússneski stórmeistarinn Alexmder Cherniav (2423) og áðurnefndur Slavin. 

Alls taka 10 skákmenn þátt í efsta flokki og tefla þeir allir við alla.  Til að ná áfanga að stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5,5 vinning.


Heimasíða mótsins