Lenka sigraði í 2. umferð í Olomouc

Lenka Ptácníková (2258) sigraði hollenska skákmanninn Leo Hovestadt (2062) í 2 umferð opins skákmóts í Olomouc í Tékklandi sem fram fór í dag.  

Í þriðju umferð, sem fram fer á morgun, teflir Lenka við hollenska FIDE-meistarann Erik Van den Dikkenberg (2107).

Alls taka 175 skákmenn þátt í flokki Lenku.  Þar af 2 stórmeistarar, 2 stórmeistarar kvenna og 10 alþjóðlegir meistarar.  Lenkna er númer 23 í stigaröð keppenda.

• Heimasíða mótsins
• Chess-Results

 

 

Hraðskákkeppni taflfélaga - 1. og 2. umferð

Búið er að draga 1. umferð (15 liða úrslit) og 2. umferð (8 liða úrslit) Hraðskákkeppni taflfélaga.  Metþátttaka er á mótinu en alls taka 15 lið þátt í keppninni.  Öll lið sem taka þátt í 1.-3. deild Íslandsmóts skákfélaga taka þátt og fara þarf niður í 9. sæti í 4. deild á síðasta Íslandsmóti skákfélaga til að finna lið sem ekki tekur þátt nú. 

Í 1. fyrstu umferð mætast (fyrrnefnda liðið á heimaleik):

• Skákfélag Reykjanesbæjar - Taflfélag Vestmannaeyja
• Taflfélag Bolungarvíkur - Skákdeild KR
• Víkingaklúbburinn - Taflfélag Garðabæjar
• Skákdeild Hauka - Taflfélagið Mátar
• Skákfélag Vinjar - Taflfélagið Hellir
• Skákfélag Selfoss og nágrennis - Skákfélag Akureyrar
• Skákdeild Fjölnis - Taflfélag Akraness

Taflfélag Reykjavíkur, núverandi hraðskákmeistarar, komast beint í 2. umferð.  Fyrstu umferð á að vera lokið eigi síðar en 15. ágúst. Akureyringar hafa þó fengið frest til 17. ágúst vegna landskeppninnar við Færeyinga.  

Í 2. umferð mætast (fyrrnefnda liðið á heimaleik):

• Fjölnir/TA - Taflfélag Reykjavíkur
• Vin/Hellir - Haukar/Mátar
• TB/KR - SR/TV
• Víkingaklúbburinn/TG - Selfoss/SA

2. umferð á að vera lokið eigi síðar en 22. ágúst.

Úrslitum, ásamt einstaklingsúrslitum, skal skilað til Gunnars Björnssonar í netfangið [e-mail] eins fljótt og auðið er. 

Reglugerð keppninnar:

1.  Sex manns eru í hvoru liði og tefld er tvöföld umferð, þ.e. allir í öðru liðinu tefla við alla í hinu liðinu. Samtals 12 umferðir, eða 72 skákir.

2.  Heimalið sér um dómgæslu. Komi til deiluatriða er Ólafur S. Ásgrímsson yfirdómari keppninnar.

3.  Varamenn mega koma alls staðar inn. Þó skal gæta þess að menn tefli ekki oftar en tvívegis gegn sama andstæðingi og hafi ekki sama lit í báðum skákunum.

4.  Ætlast er til þess að þeir sem tefli séu fullgildir meðlimir síns félags. Aðeins má tefla með einu taflfélagi í keppninni.

5.  Liðsstjórar koma sér saman um hvenær er teflt og innan tímaáætlunar.  Komi liðsstjórar sér ekki saman um dagsetningu innan tímaramma getur umsjónaraðili ákvarðað tímasetningu.

6.  Verði jafnt verður tefldur bráðabani. Það er tefld er einföld umferð þar sem dregið er um liti á fyrsta borði og svo hvítt og svart til skiptist. Verði enn jafnt verður áfram teflt áfram með skiptum litum þar til úrslit fást.

7.  Heimalið bjóði upp á léttar veitingar, t.d. kaffi, gos, kökur eða kex.

8.  Viðureignirnar skulu fara innan 100 km. radíus frá Reykjavík nema að félög komi sér saman um annað.  Úrslitaviðureignin fer þó fram í Bolungarvík þann 11. september og er ábyrgst að ferðakostnaður verði greiddur fyrir aðallið hvors liðs.   

9.  Úrslitum skal koma til umsjónarmann eins fljótt og auðið er í netfangið [e-mail] og eigi síðar en 12 klukkustundum eftir að keppni lýkur.

10.Úrslit keppninnar verða ávallt aðgengileg á heimasíðu Hellis, www.hellir.blog.is , sem er heimasíða keppninnar, og á www.skak.is.

11.Mótshaldið er í höndum Taflfélagsins Hellis sem sér um framkvæmd mótsins.

 

Tómas í Máta

Tómas Hermannsson (2249) hefur gengið til liðs við Taflfélagið Máta en á síðasta ári tefldi Tómas með Bolvíkingum. 

Úrslit á Unglingalandsmóti UMFÍ

Úrslit í skákkeppni Unglingalandsmóts 2009 fór fram í dag á Sauðárkróki.  Alls tók 21 keppandi þátt í mótinu og var teflt í einum flokki.

Úrslit eftir flokkum voru eftirfarandi:

15-16 ára strákar

1. Jóhann Óli Eiðsson - UMSB - 5 v.
2. Jón Óskar Jóhannesson HSK - 3 v.

15-16 ára stúlkur

1. Elisa Marie Valjaots - UFA - 5 v.
2. Auður Eiðsdóttir - UMSB - 4 v.

13-14 ára strákar

1. Mikael Jóhann Karlsson - UFA - 7 v.
2. Hjörtur Snær Jónsson - UFA - 4 ½ v.
3. Emil Sigurðsson - HSK - 4 ½ v.

Jafn þeim að vinningum var Hersteinn Hreiðarson UFA, en eftir stigaútreikning reyndist hann í 4. sæti.

13-14 ára stelpur

1. Hulda Rún Finnbogadóttir - UMSB - 4 v.
2. Alda Björk Egilsdóttir - UMSK - 3 v.
3. Hulda Vilhjálmsdóttir - UMSE - 3 v (3. sæti eftir stigaútreikning)

11-12 ára strákar

1. Snorri Hallgrímsson - HSÞ - 4 ½ v
2. Arnþór Ingi Ingvason - Keflavík - 4 v
3. Hjörtur Smári Sigurðsson - HSÞ - 2 v .

Jafn Hirti að vinningum var Eysteinn Hrafnkelsson en reyndist í 4. sæti eftir stigaútreikning.

Það var Skákfélag Sauðárkróki sem bar ábyrgð á mótshaldinu.  

Guðmundur gerði jafntefli í lokaumferðinni

Alþjóðlegi meistarinn Guðmundur Kjartansson (2356) gerði sitt eina jafntefli í níundu og síðustu umferð Czech Open sem fram fór í Pardubice í Tékklandi í dag.  Andstæðingur hans í lokaumferðinni var rússneski stórmeistarinn Alexander Potapov (2461).  Guðmundur hlaut 5,5 vinning og endaði í 46.-83. sæti.  Árangur hans á mótinu samsvaraði 2536 skákstigum og hækkaði hann um heil 33 stig fyrir frammistöðu sína og verður með um 2413 skákstig á næsta stigalista.  

Efstur með 8 vinninga varð úkraínski stórmeistarinn Anton Korobov (2623).   Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið

Maze í TV

Franski stórmeistarinn Sebastien Maze (2546) hefur gengið til leiks við Taflfélag Vestmannaeyja úr Taflfélagi Reykjavíkur.

 

Einar í Hauka

Einar Bjarki Valdimarsson (1830) hefur gengið til liðs við Skákdeild Hauka úr Kátu biskupunum. 

Skákkeppni Unglingalandsmóts UMFÍ fer fram á Sauðárkróki á laugardag

Skákkeppni á Unglingalandsmóti UMFÍ fer fram á Sauðárkróki um Verslunarmannahelgina. Keppt verður í 8 flokkum, þ.e. 4 stráka og 4 stelpna.

• Flokki 17-18 ára
• Flokki 15-16 ára
• Flokki 13-14 ára
• Flokki 11-12 ára

Telft verður laugardaginn 1. ágúst og hefst keppnin kl. 10. Gert er ráð fyrir 10 mín upphugsunartíma, en fyrirkomulag keppninnar ræðst að öðru leiti af þátttöku.

Skráning fer fram á www.umfi.is.

Útiskákmót á Lækjartorgi í dag

Skákakademía Reykjavíkur og Vinnuskóli Reykjavíkur standa í dag að útiskákmóti við útitaflið á Lækjartorgi ef veður leyfir.  Mótið hefst kl. 13 og er öllum opið.  Ókeypis aðgangur.   Tefldar verða 5-6 umferðir með 7 mínútna umhugsunartíma og munu bragðgóð verðlaun (ís) vera í boði. Þetta verður næstsíðasta mótið á útitaflinu sem SR og Vinnuskólinn standa fyrir í sumar.

Gull um háls afmælisbarnsins

Tuttugu og tveir þátttakendur skráðu sig til leiks á stórafmælismót til heiðurs Róberti Lagerman í Vin, athvarfi Rauða kross Íslands, í gær, eftir hádegismatinn.

Frábær þátttaka og mótið firnasterkt. Þó andrúmsloftið hafi verið afslappað þá var hart barist og enginn afsláttur gefinn, en teflt var bæði innan- og utandyra þar sem veðurblíða ríkti.

Fyrir mótið fékk Róbert, aðalleiðbeinandi hjá Skákfélagi Vinjar undanfarin ár, hlýjar kveðjur og bókina "The days run away like wild horses over the hill" eftir Charles Bukowski, sem þótti nokkuð viðeigandi.

Forseti Skáksambandsins, Gunnar Björnsson, vísiteraði Vin og tók þátt auk þess sem varaforsetinn, Magnús Matthíasson, hélt stutta og fallega tölu um afmælidrenginn og lék svo fyrsta leikinn í viðureign Róberts og Stefáns Bergssonar, sem stóð í ströngu sem yfirdómari og aðstoðarskákstjóri.

Sex umferðir voru tefldar með sjö mínútna umhugsunartíma og eftir þrjár umferðir var kaffisamsæti þar sem aðalnúmerið á mögnuðu hlaðborði var 30 manna afmælisterta sem Bakarí Sandholt gaf í veisluna.

Eftir verðlaunaafhendingu dró sjö ára dóttir Róberts,  hún Elísabet, í happadrætti og þeir sem ekki komust á pall eða náðu í happadrættisvinning fengu skákbækur til að æfa sig aðeins betur.

12 tónar gáfu geisladiska fyrir fimm efstu og þrír á toppnum fengu medalíur en Róbert og jókerinn í liði Skákfélags Vinjar, Björn Sölvi Sigurjónsson, voru efstir og hnífjafnir með fimm vinninga. Var þá aldrei spurning um að afmælisdrengurinn fengi gull um hálsinn. Gerðu þeir innbyrðis jafntefli auk þess sem Ólafur Þórs gerði jafntefli við Róbert og höfðinginn og aldursforsetinn, Árni Pétursson, náði jöfnu gegn Birni. Sigríður Björg Helgadóttir tefldi glæsilega og átti séns á fimm vinningum en hún náði ekki að sigra öflugan Birgi Berndsen í lokaumferðinni og féll á tíma í æsispennandi skák þar sem klukkan var barin i buff.

Lokastaðan:

1-2  Róbert Lagerman                              5

     Björn Sölvi Sigurjónsson

3-4  Ólafur Þórsson                               4.5     

      Birgir Berndsen                             4.5      

 5-8  Gunnar Freyr Rúnarsson                       4       

      Gunnar Björnsson                             4        

      Jorge Fonseca                                4        

      Sigríður Björg Helgadóttir                   4       

  9   Árni Pétursson                               3.5      

10-15 Ingi Tandri Traustason                       3        

      Stefán Bergsson                              3        

      Haukur Halldórsson                           3        

      Magnús Matthíasson                           3        

      Dagur Kjartansson                            3      

      Hrannar Jónsson                              3        

 16   Kjartan Másson                               2.5     

17-18 Arnar Valgeirsson                            2       

      Guðmundur Valdimar Guðmundsson               2        

19-21 Atli Thorstensen                             1        

      Einar Björnsson                              1       

      Luigi Formicola                              1      

22   Ingvar Sigurðsson                            0   

Myndaalbúm mótsins