Skákþáttur Morgunblaðsins: Friðrik liðsstjóri gömlu meistaranna

Friðrik Ólafsson er liðsstjóri „Reynslunnar" sem þessa dagana etur kappi við úrvalslið kvenna í Marianske Lazne í Tékklandi, smábæ sem er rómaður fyrir heilsulindir.

Friðrik Ólafsson er liðsstjóri „Reynslunnar" sem þessa dagana etur kappi við úrvalslið kvenna í Marianske Lazne í Tékklandi, smábæ sem er rómaður fyrir heilsulindir. Friðrik er að þessu sinni í hlutverki liðsstjóra en Viktor Kortsnoj, Vlastimil Hort, Robert Hubner og Jan Timman heyja keppni á fjórum borðum gegn indversku skákdrottningunni Humpy Koneru, Katerinu Lahno frá Úkraínu og tékknesku skákkonunni Jönu Jackovu og Önnu Muzychuku frá Slóvakíu. Heiðursgestur er fyrrverandi heimsmeistari, Boris Spasskí.

Hinir nafntoguðu jaxlar af gamla skólanum eiga við ramman reip að draga; eftir fimm umferðir af átta höfðu konurnar náð öruggri forystu: 11½ : 8½.

Margvísleg vopnaviðskipti hafa átt sér stað millum sexmenninganna um áratuga skeið. Sumir hafa háð fleiri en eitt einvígi sín í milli. Þar ber hæst tvö mögnuð einvígi sem Spasskí og Kortsnoj háðu með tíu ára millibili en sigurvegarinn vann sér þá inn rétt til skora á heimsmeistarann. Spasskí vann í Kænugarði árið 1968 6½ : 3½ en í Belgrad í ársbyrjun 1978 snerist dæmið við og Kortsnoj vann 10½ : 7½.

16 ára Filippseyingur sló út Ivantsjúk og Kamsky

Fyrir daga Anand og kínversku skákbyltingarinnar voru Filippseyingar herraþjóðin á skáksviðinu í Asíu. Eftir mikinn uppgang á áttunda áratug síðustu aldar var eins og einhver stöðnun tæki við og lítil endurnýjun átti sér þar til nú að 16 ára Filippseyingur Wesley So kveður sér hljóðs á heimsbikarmóti FIDE sem stendur yfir í Khanty Mansiysk í Siberíu. Slær úr keppni tvo af sigurstranglegustu keppendunum, þá Vasilí Ivantsjúk og Gata Kamsky. Ekki vakti minni athygli hvernig nýjar reglur FIDE um mætingu urðu Kínverjunum Wang Yue og Li Chao að fótakefli í 3. umferð; rétt fyrir umferð virðist Wang Yue hafa „slakað jurt" til landa síns Li Chao en þar sem þeir stóðu í hvíldarherberginu og svældu hvor sína rettuna var skáklukkan sett í gang. Engin viðvera þýðir tap: þeir féllu báðir úr keppni.

Yfir 130 skákmenn hófu keppni á heimsbikarmótinu sem fram fer með útsláttarfyrirkomulagi. Gaman var að sjá Judit Polgar mætta til leiks. Hún sigraði Rúmenann í Nisipeanu í 2. umferð 4½ : 3½. Svo mætti hún Boris Gelfand. Fyrri kappskákinni af tveimur tapaði hún svo ekkert nema sigur dugði.

Baráttukraftur hennar í þessari mikilvægu skák er athyglisverður. Kraftmiklir leikir eru 19. g4 og 21. Rf5 en 21. Hxf7 virðist sterkara með hugmyndinni 21. ... Rxd2 22. Rf5! Gelfand er með dágóð færi en flækjurnar eiga illa við hann og þegar hann opnar allt upp á gátt með 27. f5 lifna biskuparnir við, 32. Hg6 er skemmtilegur lokahnykkur.

Heimsbikarmót FIDE:

Judit Polgar - Boris Gelfand

Vínartafl

1. e4 e5 2. Bc4 Rf6 3. d3 c6 4. De2 Be7 5. Rf3 0-0 6. Bb3 d6 7. 0-0 Rbd7 8. c3 a5 9. a4 b5 10. Bc2 Ba6 11. axb5 cxb5 12. Rbd2 Dc7 13. d4 a4 14. Bd3 Hfb8 15. Rh4 g6 16. f4 exf4 17. Rdf3 Rh5 18. Bd2 Rb6 19. g4 fxg3 20. Rg5 Rc4 21. Rf5 Bxg5 22. Bxg5 f6 23. Bh4 gxh2+ 24. Dxh2 Hf8 25. Be2 gxf5 26. Bxh5 fxe4 27. Df4 f5? 28. Kh1! Kh8 29. Hg1 Hf7 30. Bxf7 Dxf7 31. Dh6 Hf8

32. Hg6 - og svartur gafst upp.

Eftir þetta var gripið til skáka með styttri umhugsunartíma og þar varð Ísraelsmaðurinn hlutskarpari. Lokatölur urðu 3½ : 1½ .

Helgi Ólafsson [e-mail]

Arnar og Sigurbjörn mætast í úrslitum

Arnar E. Gunnarsson og Sigurbjörn Björnsson munu mætast í úrslitum Íslandsmótsins í atskák.  Arnar vann Magnús Örn Úlfarsson, 2-1 eftir bráðabana og Sigurbjörn Björnsson sigraði Björn Þorfinnsson á sama hátt.

Úrslitaeinvígið er fyrirhugað þann 27. desember nk. og verður nánar kynnst þegar nær dregur.   

Arnar, Björn, Magnús og Sigurbjörn í undanúrslitum

Arnar E. Gunnarsson, Björn Þorfinnsson, Magnús Örn Úlfarsson og Sigurbjörn J. Björnsson eru komnir í undanúrslit Íslandsmótsins í atskák.  Undanúrslitin hefjast kl. 13 á morgun, sunnudag, og fara fram í húsnæði SÍ. 

Úrslit 3. umferðar:

 

 

Nr.	Nafn	Stig	Úrslit	Nafn	Stig
1	Arnar E. Gunnarsson	2470	2-0	Davíð Ólafsson	2315
2	Þröstur Þórhallsson	2440	0,5-1,5	Magnús Örn Úlfarsson	2320
3	Guðmundur S. Gíslason	2395	0-2	Sigurbjörn J. Björnsson	2300
4	Björn Þorfinnsson	2375	2-0	Þorsteinn Þorsteinsson	2270

Röðun 4. umferðar:

 

Nr.	Nafn	Stig	Úrslit	Nafn	Stig
1	Arnar E. Gunnarsson	2470		Magnús Örn Úlfarsson	2320
2	Björn Þorfinnsson	2375		Sigurbjörn Björnsson	2300

 

 

 

Allt eftir bókinni í 2. umferð

Allt var eftir bókinni í 2. umferð (16 manna úrslitum) Íslandsmótsins í atskák.  Átta stigahæstu skákmenn mótsins eru því komnir í 3. umferð (8 manna úrslit) sem nú er í gangi.

 

Nr.	Nafn	Stig	Úrslit	Nafn	Stig
1	Arnar E. Gunnarsson	2470	2-0	Jóhann Örn Ingvason	2050
2	Þröstur Þórhallsson	2440	1,5-0,5	Hallór Brynjar Halldórsson	2260
3	Guðmundur S.Gíslason	2395	1,5-0,5	Ólafur B. Þórsson	2135
4	Björn Þorfinnsson	2375	2-0	Halldór Pálsson	1915
5	Magnús Örn Úlfarsson	2320	2-0	Kjartan Óskar Guðmundsson	1855
6	Davíð Ólafsson	2315	2-0	Friðrik Þjálfi Stefánsson	1540
7	Sigurbjörn J. Björnsson	2300	1,5-0,5	Vigfús Ó. Vigfússon	1920
8	Þorsteinn Þorsteinsson	2270	2-0	Ágúst Örn Gíslason	1600

Pörun 3. umferðar:

 

 

Nr.	Nafn	Stig	Úrslit	Nafn	Stig
1	Arnar E. Gunnarsson	2470		Davíð Ólafsson	2315
2	Þröstur Þórhallsson	2440		Magnús Örn Úlfarsson	2320
3	Guðmundur S. Gíslason	2395		Sigurbjörn J. Björnsson	2300
4	Björn Þorfinnsson	2375		Þorsteinn Þorsteinsson	2270

 

 

 

Friðrik Þjálfi og Ágúst Örn áfram

Fyrstu umferð Íslandsmótsins í skák fór fram í dag.  Alls taka 30 skákmenn þátt í mótinu og þar af einn stórmeistari og 2 alþjóðlegir meistarar.  Ágúst Örn Gíslason gerði sér lítið fyrir og sigraði sjálfan Kristján Örn Elíasson í spennandi einvígi.  Hinn ungi og efnilegi skákmaður, Friðrik Þjálfi Stefánsson, sigraði varaforseta SÍ, Magnús Matthíasson, í einvíg 2-1 eftir langan bráðabana.

Önnur umferð er nú í gangi.

Úrslit 1. umferðar:

 

Arnar E. Gunnarsson	2470	Áfram
Þröstur Þórhallsson	2440	Áfram
Guðmundur S.Gíslason	2395	2-0	Aðalsteinn Thorarensen	1660
Björn Þorfinnsson	2375	1,5-0,5	Emil Sigurðarson	1425
Magnús Örn Úlfarsson	2320	2-0	Dagur Kjartansson	1475
Davíð Ólafsson	2315	2-1	Dagur Andri Friðgeirsson	1680
Sigurbjörn J. Björnsson	2300	2-0	Róbert Leó Jónsson	0
Þorsteinn Þorsteinsson	2270	2-0	Pétur Jóhannesson	1210
Hallór Brynjar Halldórsson	2260	1,5-0,5	Guðmundur Kristinn Leee	1600
Ólafur B. Þórsson	2135	2-0	Birkir Karl Sigurðsson	1580
Jóhann Örn Ingvason	2050	2-0	Ólafur S. Ásgrímsson	1650
Kristján Örn Elíasson	1995	0-2	Ágúst Örn Gíslason	1600
Vigfús Ó. Vigfússon	1920	2-0	Örn Leó Jóhannsson	1490
Halldór Pálsson	1915	2-0	Pétur Olgeir Gestsson
Kjartan Óskar Guðmundsson	1855	2-0	Stefán Mér Pétursson	1560
Magnús Matthíasson	1735	1-2	Friðrik Þjálfi Stefánsson	1540

 

 

Íslandsmótið í atskák hefst í dag - skáningu lokið

Íslandsmót í atskák 2009 fer fram laugardag og sunnudag,  5.-6. desember í húsnæði Taflfélags Reykjavíkur að Faxafeni 12.  Tefldar verða tvær 25 mínútna skákir og verði jafnt skal tefla 7 mínútna bráðabana þar til hreins úrslit fást. 

 

32 keppendur eru skráðir til leiks og eru beðnir um að mæta stundvíslega.  

Dagskrá mótsins:

• Laugardagur 5. desember, kl. 13:00, 1. umferð
• Laugardagur 5. desember, kl. 15:00, 2. umferð
• Laugardagur 5. desember, kl. 17.00, 3. umferð
• Sunnudagur 6. desember, kl. 13:00, 4. umferð
• Sunnudagur 6. desember, kl. 15.00, 5. umferð

Dagskráin gæti hnikast til dragist einstök einvígi á langinn.  Úrslitaeinvígið verður teflt í desember eða janúar.

Verðlaun:       

• 1. verðlaun      kr. 100.000.-
• 2. verðlaun      kr.   50.000.-
• 3.-4. verðlaun  kr.   25.000.-
• 5.-8. verðlaun  kr.     5.000.-

Þátttökugjöld:           

• kr. 1.000.- fyrir fullorðna
• kr.    500.- fyrir 15 ára og yngri.

Núverandi Íslandsmeistari í atskák er Arnar E. Gunnarsson. 

Skráðir keppendur

Hraðkvöld hjá Helli á mánudag

Taflfélagið Hellir heldur hraðkvöld mánudaginn 7. desember og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Elsa María sigraði á fimmtudagsmóti

Elsa María Kristínardóttir sigraði á fimmtudagsmóti Taflfélags Reykjavíkur en hún hlaut 6 vinninga í 7 umferðum. Elsa sigraði alla karlmótherja sína en tapaði aðeins einni skák gegn Sigurlaugu Regínu. Fyrir lokaumferðina voru Elsa María, Jón Úlfljótsson og Páll Andrason öll jöfn með 5 vinninga. Þeir Páll og Jón tefldu þá innbyrðis og í lok skákarinnar kom upp sú staða að þeir áttu aðeins um tvennt að velja; að þráleika eða tapa skákinni!  Þeir þráléku og höfnuðu því í 2.-3. sæti með 5,5 vinning hvor.

Lokastaðan:

 

Nr.	Nafn	Vinn.
1	Elsa María Kristínardóttir	6
2-3	Jón Úlfljótsson	5,5
	Páll Andrason	5,5
4	Örn Leó Jóhannsson	5
5-7	Sigurlaug Regína Friðþjófsdóttir	4
	Örn Stefánsson	4
	Dagur Kjartansson	4
8-9	Birkir Karl Sigurðsson	3,5
	Gunnar Ingibergsson	3,5
10-11	Róbert Leó Jónsson	3
	Jóhann Bernhard	3
	Björgvin Kristbergsson	3
13	Pétur Jóhannesson	2
14-15	Friðrik Daði Smárason	1
	Alexander Már Brynjarsson	1

 

Íslandsmótið í atskák fer fram á laugardag og sunnudag

Íslandsmót í atskák 2009 fer fram laugardag og sunnudag,  5.-6. desember í húsnæði Taflfélags Reykjavíkur að Faxafeni 12.  Tefldar verða tvær 25 mínútna skákir og verði jafnt skal tefla 7 mínútna bráðabana þar til hreins úrslit fást.  

Öllum er heimil þátttaka!

Dagskrá mótsins:

• Laugardagur 5. desember, kl. 13:00, 1. umferð
• Laugardagur 5. desember, kl. 15:00, 2. umferð
• Laugardagur 5. desember, kl. 17.00, 3. umferð
• Sunnudagur 6. desember, kl. 13:00, 4. umferð
• Sunnudagur 6. desember, kl. 15.00, 5. umferð

Dagskráin gæti hnikast til dragist einstök einvígi á langinn.  Úrslitaeinvígið verður teflt í desember eða janúar.

Verðlaun:       

• 1. verðlaun      kr. 100.000.-
• 2. verðlaun      kr.   50.000.-
• 3.-4. verðlaun  kr.   25.000.-
• 5.-8. verðlaun  kr.     5.000.-

Þátttökugjöld:           

• kr. 1.000.- fyrir fullorðna
• kr.    500.- fyrir 15 ára og yngri.

Skráning fer fram á Skák.is.   Hægt er einnig að skrá sig í tölvupósti á [e-mail] eða tilkynna í síma 694 9140 virka daga kl. 10-13.  

Núverandi Íslandsmeistari í atskák er Arnar E. Gunnarsson. 

Skráðir keppendur

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.