Pistill frá EM landsliða

Neðangreindur pistill ritaður af Birni Þorfinnssyni, einum keppenda Íslands á EM landsliða, var birtur fyrr í kvöld á spjallþræði skákmanna, Skákhorninu, og er endurbirtur hér skákahugamönnum sem ekki lesa Hornið til upplýsingar.

Sælir félagar,

Þessi orð eru skrifuð úr íbúð okkar félaganna í Novi Sad, Acenter Birotel. Hér fer ágætlega um okkur að mörgu leyti, rúmgott, ódýrt og snyrtilegt. Hinsvegar erum við víst eina liðið sem að tók sér það bessaleyfi að gista ekki á opinberu hótelunum (enda voru þau tvöfalt dýrari) og það gerir það reyndar að verkum að við erum ekki í neinu sambandi við önnur lið (og í raun og veru mótið). Eftir á þá hefði ég sennilega kosið að punga út meira fé fyrir gott hótel og lifa og hrærast þannig meira í stemmingunni sem fylgir óneitanlega þátttöku í móti sem þessu.

Við vorum að koma heim eftir sárt tap gegn stórmeistarasveit frá Makedóníu - enn og aftur með minnsta mun. Ég reif mig loksins upp eftir ömurlega frammistöðu hingað til og vann stórmeistarann Stojanovski með hvítu í Benkö-inum. Jón Viktor gerði jafntefli í hörkuskák þar sem Makedóníumaðurinn sá sér leik á borði og þráskákaði til að tryggja tvö matchpoint í hús. Bragi tefldi hinsvegar því miður sína verstu skák hingað til og Dagur lenti í einhverju afbrigði í skoska leiknum sem að andstæðingurinn kunni upp á sína tíu fingur (enda teflir hann eingöngu skoska leikinn með hvítu).

Ég get ekki sagt að við séum stoltir af stöðu okkar í mótinu hingað til og þrátt fyrir að ég greini ákveðna bölsýni í ákveðnum pennum á okkar ágæta skákhorni þá get ég fullvissað skákáhugamenn um að við erum hvergi nærri hættir þá staðan sé slæm eins og er. Við erum harðákveðnir í því að klára þetta mót með sæmd og tryggja okkur sæti ofar en upphaflegu stigin sögðu til um. Sú staðreynd að við erum með talsverðan fjölda af vinningum býður upp á ákveðna möguleika ef að matchpointin fara að detta okkur í vil á lokasprettinum.

Eins og fram hefur komið þá höfum við tapað þremur viðureignum með minnsta mun - 2,5-1,5 (gegn Tékkum, Norðmönnum og Makedónum). Þær viðureignir hafa verið gríðarlega spennandi - enda hafa úrslitin verið að ráðast oft í tímahraki í síðustu skák. Við vorum eiginlega mest svekktir yfir því að ná ekki matchpointi í hús gegn Tékkum enda var sú viðureign alveg rosaleg að mörgu leyti.

Í gær töpuðum við svo fyrir Litháen, 3-1. Þau úrslit líta engan veginn nógu vel út en eftir sem áður þá áttum við samt góða möguleika. Bragi var með gjörunnið tafl á fjórða borði og Jón Viktor var einnig með unnið tafl eftir að hafa barist á hæl og hnakka í ögn strembinni byrjun. Dagur var svo með mun betra tafl eftir byrjunina en missteig sig því miður í miðtaflinu og lenti í vonlausri stöðu. Ég brást hinsvegar algjörlega með því gefa peð í byrjun sem ég taldi vera jafnteflisvaríant en svo byggðist það á algjörum misskilningi.

Talsvert hefur verið talað um Tyrkjaviðureignin og að mörgu leyti er hún náttúrulega óafsakanleg. Ég og Jón Viktor tefldum einfaldlega hrikalega illa en Bragi og Dagur virtust vera að bæta okkur það upp með vænlegum stöðum. Á tímabili var ég orðinn bara nokkuð bjartsýnn á að ná jafntefli en í viðureigninni en þá misstíga þeir félagar sig báðir og fáránlega stórt tap var staðreynd.

Viðureignina gegn Mónakó þarf ekki að ræða - þar áttu eðlilegir hlutir sér stað og við unnum stóran sigur.

Eins og áður segir er mótið hinsvegar hvergi nærri búið og við félagarnir óskum einfaldlega eftir því að menn ræði niðurstöðuna eftir umferðirnar níu því ýmislegt getur breyst. Það sem við erum að fara í gegnum á þessu móti er gríðarlegur skóli og ég er viss um að við verðum sterkari skákmenn fyrir vikið. Okkur finnst einnig að mörgu leyti ósanngjarnt að menn séu að tala um að við séum að eyðileggja heiður skáklandsins Íslands (kannski sterk túlkun hjá mér!). Skáksambandið ákvað einfaldlega að gera þetta með þessum hætti - að óska eftir stigahæstu mönnunum sem væru til í að taka þátt í mótinu því sem næst algjörlega á eigin kostnað. Eðlilega hafði það þær afleiðingar að atvinnumennirnir okkar gáfu ekki kost á sér en mennirnir sem vilja ná auknum vegsemdum voru óðir og uppvægir að taka þátt. Persónulega fannst mér (og finnst mér) að þetta sé ágætis tilraun þótt að hún sé ef til vill að mistakast (eins og er!). Frændþjóðir okkar hafa sent "veikari lið" til leiks, meira að segja á ÓL-móti til að gefa nýjum mönnum tækifæri og til lengri tíma skilaði það sér ríflega.

Menn virðast gjörsamlega gleyma hjákátlegri frammistöðu íslenska Ólympíuliðsins á síðasta Ólympíumóti þar sem atvinnumennirnir okkar lentu fyrir neðan Færeyjar í mótinu og töpuðu fyrir liðum sem voru mun slakari en þau sem við erum að tapa fyrir hérna. Eftir þann árangur var orgað á breytingar en núna þykir algjörlega fáránlegt að sama lið sé ekki hérna á staðnum og allur kostnaður greiddur (sem væri ekki undir 2 milljónum fyrir Skáksambandið).

Hinsvegar er það ljóst að mikill metnaður verður lagður í Ólympíumótið á næsta ári og ljóst að þar verður hart barist um sætin. Eftir upplifun okkar félaganna hérna í Novi Sad þá er alveg ljóst að erlendur þjálfari fyrir ÓL-liðið er skref sem Skáksambandið þyrfti að stíga. Á þessu móti eru nánast öll lið með sterkan erlendan þjálfara - t.a.m. eru meira að segja Lúxemborgarar með Jansa sem þjálfara. Liðsfélagar mínir ræddu þessi mál við Kiril Georgiev, Búlgarann snjalla, og hann tjáði okkur að fyrirkomulag slíkrar þjálfunar væri það að liðsmenn hugsuðu um að hvílast og nærast en hann ynni bróðurpart næturinnar við undirbúning. Að morgni væri hver og einn liðsmaður svo tekinn í massífan undirbúning af honum fyrir viðureign dagsins. Slík þjónusta kostar víst 200 evrur á dag hjá Kiril - talsverðir peningar í dag en var klink árið 2007

Allar sveitirnar sem við höfum teflt við hingað til hafa verið með massífa umgjörð í kringum sig. Til dæmis er Peter Heine Nielsen liðstjóri Norðmanna og ég get alveg sagt ykkur að það er ekkert þægilegt að vera að þjösnast í einhverju afbrigði (eins og sérstaklega Jón Viktor lenti í) með aðstoðarmann Carlsens og Anands að horfa á og jafnvel brosandi til liðsmanna. Ákveðið óöryggi sem fer að blossa upp! Tyrkirnir eru síðan með massíft prógram í gangi og m.a. fylgist forseti tyrkneska skáksambandsins með bróðurparti umferðarinnar. Algjör áfellisdómur yfir Gunnari Björnssyni - HVAR ER FORSETI VOR

Sumsé það er hægt að draga gríðarlega lærdóm af þessu móti. Að mörgu leyti finnst mér sárast að Gummi Kjartans og Hjörvar séu ekki hérna með liðinu því eins og komið hefur fram þá munu þeir pottþétt skipa þetta lið í framtíðinni og mót sem þetta jafnast á við svona tíu alþjóðleg mót að mínu mati.

En að öðru! Margt skondið hefur átt sér stað í mótinu, eins og t.d. sigur Conquest gegn Delchev þar sem gsm-sími þess síðastnefnda hringdi eftir fyrsta leik hans. Hann lét hinsvegar eins og ekkert hefði í skorist og endaði þetta fíaskó með því að skákstjórar þurftu að leita á manninum, fundu þar símann og dæmdu þá umsvifalaust tap. Annað fíaskó átti sér stað útaf "zero tolerance" stefnu Evrópska Skáksambandsins. Reglurnar hérna eru einfaldlega þær að ef rassinn er ekki á stólnum þegar skákstjórinn tilkynnir að umferðin byrji þá tapa menn skákinni umsvifalaust. Tékkinn Laznicka hélt t.d. upp á tapið gegn Degi Arngrímssyni með því að gleyma sér í örstutta stund og var án gríns svona fimm sekúndum of seinn að setjast gegn Pons Vallejo frá Spáni í 2.umferð. Umsvifalaust tap og Spánverjar 1-0 yfir!

Við félagarnir löbbum yfirleitt á skákstað sem tekur rúmlega 20 mín. Þótt að við leggjum af stað rúmlega 30 mín. fyrir umferð þá erum við alltaf á tauginni - erum við að labba of hægt? Voru klukkurnar vitlausar o.s.frv. Gjörsamlega óþolandi regla!

En þá er best að fara að lúlla enda ætlum við okkur epískan lokasprett. Óska eftir góðum straumum frá Íslandi - it aint over till its over.

Bestu kveðjur,
Bjössi

EM: Skotar í sjöundu umferð

Íslenska liðið mætir sveit Skota í sjöundu umferð  EM landsliða sem fram fer á morgun.  

Aserar eru efstir með 11 stig.  Í næstum sætum með 9 stig eru Rússar, Armenar og Georgíumenn.  Danir eru efstir norðurlandabúa með 6 stig.  Það hafa einnig Norðmenn en þar hefur frammistaða Jon Ludwig Hammer (2585) vakið mikla athygli en hann hefur 5 vinninga þrátt fyrir að meðalstig andstæðinga hans séu 2600 skákstig.  Hann hefur því leyst Carlsen af með miklum sóma.  Rússar eru efstir í kvennaflokki með 10 stig en Georgíumenn eru aðrir einnig með 10 stig.

Skáksveit Skota:

Bo.		Name	Rtg
1	FM	Morrison Graham	2353
2	IM	Muir Andrew J	2327
3		Tate Alan	2175
4		Stevenson James	2089

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

EM: Tap með minnsta mun fyrir Makedóníu

Íslenska liðið tapaði með minnsta mun fyrir stórmeistarasveit Makedóníu í sjöttu umferð EM landsliða sem fram fór í dag í Novi Sad í Serbíu.  Björn Þorfinnsson (2395) sigraði stórmeistarann Zvonko Stanojoski (2492) og Jón Viktor Gunnarsson (2462) gerði jafntefli við stórmeistarann Vladimir Georgiev (2537).  Íslenska sveitin hefur 2 stig og 9 vinninga og er sem fyrr í 36. sæti.

Úrslit 6. umferðar:

Bo.	33	Ísland	Rtg	-	27	Makedónía	Rtg	1½:2½
1	IM	Gunnarsson Jon Viktor	2462	-	GM	Georgiev Vladimir	2537	½ - ½
2	IM	Arngrimsson Dagur	2396	-	GM	Nedev Trajko	2511	0 - 1
3	IM	Thorfinnsson Bjorn	2395	-	GM	Stanojoski Zvonko	2492	1 - 0
4	IM	Thorfinnsson Bragi	2360	-	IM	Pancevski Filip	2432	0 - 1

Árangur íslensku sveitarinnar:

 

 

Bo.		Name	Rtg	FED	Pts.	Games	Rp	rtg+/-
1	IM	Gunnarsson Jon Viktor	2462	ISL	1,5	6	2359	-7,9
2	IM	Arngrimsson Dagur	2396	ISL	2	6	2356	-4,9
3	IM	Thorfinnsson Bjorn	2395	ISL	2,5	6	2380	-1,4
4	IM	Thorfinnsson Bragi	2360	ISL	3	6	2361	0,6

 

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

EM öldungaliða

EM öldungaliða fer fram í Dresden í Þýskalandi 10. febrúar nk.   Gunnar Finnlaugsson vinnur nú að því að senda a.m.k. eitt lið til leiks frá Íslandi.

Áhugasamir skákmenn, 60 ára og eldri, eru hvattir til að hafa samband við Gunnar í netfangið, [e-mail]

ítarlegar upplýsingar um mótið má finna á heimasíðu mótsins.

 

 

Hrannar fékk borðaverðlaun á Noregsmóti skákfélaga

Hrannar Baldursson fékk borðaverðlaun fyrir bestan árangur varamanns á Noregsmóti skákfélaga sem fram fór um helgina.  Hrannar hlaut 5,5 vinning í 6 skákum en hann tefldi með Taflfélagi Osló.  

Góða umfjöllun um Noregsmót skákfélaga má lesa á bloggsíðu hans.

Á myndinni eru Hrannari afhend borðaverðlaunin.

EM: Litháen í fimmtu umferð

Íslenska liðið mætir liði Litháa í fimmtu umferð EM landsliða sem fram fer í Novi Sad í Serbíu á morgun.  Litháíska liðið er með meðalstigin 2488 og liðið því allsterkara á pappírnum en það íslenska.  

Íslenska liðið hefur 2 stig og 6,5 vinning og er í 32. sæti.  Georgíumenn og Aserar eru efstir með fullt hús stiga og 10,5 vinning.  Danir eru efstir norðurlandanna, eru í 21. sæti,  með 4 stig og 8 vinninga.   Það eru sérstakt að sömu þjóðir eru efstar einnig í kvennaflokknum og í opnum flokki.

Skáksveit Litháa:

Bo.		Name	Rtg
1	GM	Sulskis Sarunas	2568
2	GM	Malisauskas Vidmantas	2483
3	IM	Cmilyte Viktorija	2477
4	IM	Sarakauskas Gediminas	2424

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

Jón Kristinn efstur á Íslandsmóti unglinga

Hinn ungi Akureyringur, Jón Kristinn Þorgeirsson (1470), sem er aðeins 10 ára, er efstur með fullt hús vinninga að loknum fimm fyrstu umferðum Íslandsmóts unglinga, 15 ára og yngri, sem fram fer á Akureyri.  Í 4.-5. umferð sigraði Jón þá Birki Karl Sigurðsson (1580) og Páll Andrason (1550) en Salaskóladrengir hafa átt erfitt uppdráttar gegn Akureyringnum unga.  Annar er annar Akureyringar, Mikael Jóhann Karlsson (1702) með 4,5 vinning en þeir mætast einmitt í sjöttu umferð sem hefst kl. 10 í fyrramálið.  Í 3.-5. sæti með 4 vinninga eru Páll, Eiríkur Örn Brynjarsson (1648) og Örn Leó Jóhannsson (1728).

Hildur Berglind Jóhannsdóttir (1075) og Kristjana Ósk Kristinsdóttir eru efstar í telpnaflokki.

Staðan eftir fyrri dag (5 umferðir): 

 

Rk.	Name	RtgI	RtgN	Club/City	Pts.	Rp
1	Thorgeirsson Jon Kristinn	0	1470	SA	5	2349
2	Karlsson Mikael Johann	1702	1930	SA	4,5	1845
3	Andrason Pall	1550	1540	TR	4	1667
4	Brynjarsson Eirikur Orn	1648	1640	TR	4	1550
5	Johannsson Orn Leo	1728	1490	TR	4	1638
6	Sigurdsson Birkir Karl	0	1580	TR	3,5	1563
7	Jonsson Dadi Steinn	0	1545	TV	3	1514
8	Sverrisson Nokkvi	1769	1800	TV	3	1426
	Sigurdarson Emil	0	1425	Hellir	3	1478
10	Lee Gudmundur Kristinn	1496	1600	Hellir	3	1444
11	Heidarsson Hersteinn	0	1270	SA	3	1437
12	Hauksson Birkir Freyr	0	1240	SA	3	1432
13	Jonsson Hjortur Snaer	0	1380	SA	3	1406
14	Yamak Omar	0	0	Hellir	3	1338
15	Jonsson Robert Leo	0	0	Hellir	3	1331
16	Jonsson Logi Runar	0	0	SA	2,5	1339
17	Brynjarsson Alexander Mar	0	1260	TR	2	1252
18	Petersson Baldur Teodor	0	0	Haukar	2	1339
19	Johannsdottir Hildur Berglind	0	1075	Hellir	2	1276
20	Leifsson Adalsteinn	0	0	SA	2	1301
21	Marelsson Magni	0	0	Haukar	2	1356
22	Kjartansson Sigurdur	0	0	Hellir	2	1021
23	Kristinsdottir Kristjana Osk	0	0	TG	2	1179
24	Kristjansson Throstur Smari	0	0	Hellir	1,5	1099
25	Einarsson Valur Heidar	0	0	Godinn	1	505
26	Skarphedinsson Aron Fannar	0	0	SA	1	532
27	Kristjansdottir Heida Mist	0	0	TG	1	474
28	Runarsdottir Tinna Osk	0	0	SA	1	410
29	Palsdottir Soley Lind	0	0	TG	1	974

Pörun sjöttu umferðar má nálgast á Chess-Results.

 

• Heimasíða SA
• Chess-Results
• Myndaalbúm mótsins

EM: Viðureign dagsins

Nú liggur fyrir liðsuppstilling í viðureign Íslands og Tyrklands.  Umferðin hefst kl. 13.

 

 

Bo.	30	Turkey (TUR)	Rtg	-	33	Iceland (ISL)	Rtg
1	IM	Haznedaroglu Kivanc	2499	-	IM	Gunnarsson Jon Viktor	2462
2	IM	Esen Baris	2494	-	IM	Arngrimsson Dagur	2396
3	IM	Erdogdu Mert	2467	-	IM	Thorfinnsson Bjorn	2395
4	IM	Atakisi Umut	2406	-	IM	Thorfinnsson Bragi	2360

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

EM landsliða: Tyrkir í þriðju umferð

Íslenska liðið mætir liði Tyrkja í þriðju umferða EM landsliða sem fram fer á morgun.  Sem fyrr tefla Íslendingar upp fyrir sig en Tyrkir hafa meðalskákstigin 2467 á móti 2403 hjá íslensku sveitinni.   Sveit Tyrkja skipa alþjóðlegir meistarar rétt eins og sá íslensku.

Íslenska sveitin er í 31. sæti með 0 stig og 3 vinninga.  Ungverjar eru efstir með 4 stig og 7 vinninga, Spánverjar og Serbar í 2.-3. sæti með 4 stig og 6,5 vinning.  Finnar eru efstir norðurlandanna með 2 stig og 4,5 vinning.  Pólverjar eru efstir í kvennaflokki.  

Skáksveit Tyrkja:

 

1	IM	Haznedaroglu Kivanc	2499
2	IM	Esen Baris	2494
3	IM	Erdogdu Mert	2467
4	IM	Atakisi Umut	2406
5	FM	Firat Burak	2365

 

Árangur íslensku keppendanna:

 

Bo.		Name	Rtg	Pts.	rtg+/-
1	IM	Gunnarsson Jon Viktor	2462	0	-5,4
2	IM	Arngrimsson Dagur	2396	1	7,2
3	IM	Thorfinnsson Bjorn	2395	0,5	-1,8
4	IM	Thorfinnsson Bragi	2360	1,5	6,7

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

EM landsliða: Naumt tap gegn Norðmönnum

Íslenska liðið tapaði með minnsta mun aðra umferðina í röð á EM landsliða sem fram fer í Novi Sad í Serbíu.  Að þessu sinni fyrir Norðmönnum.    Bragi Þorfinnsson (2360) sigraði FIDE-meistarann Joachim Thomassen (2332), bróðir hans, Björn (2395) gerði jafntefli við alþjóðlega meistarann Frode Elsenss (2458) en Jón Viktor Gunnarsson (2462) og Dagur Arngrímsson (2396) töpuðu.

Ekki liggur enn fyrir pörun þriðju umferðar.   

Úrslit 2. umferðar: 

 

Bo.	33	Ísland	Rtg	-	29	Noregur	Rtg	1½:2½
1	IM	Gunnarsson Jon Viktor	2462	-	GM	Hammer Jon Ludvig	2585	0 - 1
2	IM	Arngrimsson Dagur	2396	-	GM	Johannessen Leif Erlend	2532	0 - 1
3	IM	Thorfinnsson Bjorn	2395	-	IM	Elsness Frode	2458	½ - ½
4	IM	Thorfinnsson Bragi	2360	-	FM	Thomassen Joachim	2332	1 - 0

Árangur íslensku keppendanna:

 

Bo.		Name	Rtg	Pts.	rtg+/-
1	IM	Gunnarsson Jon Viktor	2462	0	-5,4
2	IM	Arngrimsson Dagur	2396	1	7,2
3	IM	Thorfinnsson Bjorn	2395	0,5	-1,8
4	IM	Thorfinnsson Bragi	2360	1,5	6,7

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results