HM ungmenna: Bjarni Jens og Tinna Kristín sigrðu

Nú hafa íslensku keppendurnir allir lokið skákum sinum i 5 umferð HM  i Tyrklandi.  Bjarnı og Tinna unnu sinar skakir en Kristófer og Mikael töpuðu. Bjarni lenti i langri og erfiðri skak sem hann vann að lokum en andstæðingur Tinnu fell a tíma i jafnteflisstöðu. Kristófer náði ágætri stöðu og jafnvel betra i miðtaflinu en missti síðan tökin og tapaði á rúmum 3 tímum.

Öll hafa þau 2 vinninga.   Sjötta umferð fer fram síðar í dag. 

Úrslit 4. umferðar:

Naoum Spyridon (1885) Grikklandi - Kristofer Gautason ( 0) İslandi = 1 - 0.
Mikael J Karlsson (1703) İslandı - Stoyanov Ivaylo (2031) Bulgariu = 0 - 1.
lnaami Hashem AK ( 0) Libiu - Bjarni Jens Kristins. (2023) İslandi = 0 - 1.
Tınna Finnbogad. (1710) İslandi - Orehek Spela (1890) Slovenia = 1 - 0.

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV

HM ungmenna: Tinna, Mikael og Kristófer sigruðu í 3. umferð

Það gekk vel í 3. umferð Heimsmeistaramóts ungmenna sem fram fór í dag í Antalya í Tyrklandi.  Tinna Kristín Finnbogadóttir, Mikael Jóhann Karlsson og Kristófer Gautason sigruðu öll en Bjarni Jens Kristinsson tapaði.  Kristófer hefur 1,5 vinning, Tinna og Mikael hafa 1 vinning og Bjarni Jens 0,5 vinning.

Úrslit 3. umferðar:

Aydemir Deniz (1807) Tyrklandı - Kristofer Gautason ( 0) Islandi : 0 - 1
Kamanu Dennis ( 0)  Kenya     -  Mikael Karlsson  (1703) Islandi :   0 - 1
Yilmazyerli Mert (2295) Tyrkl.  - Bjarni J Kristinsson (2023) Islandi : 1 - 0
Tınna Finnbogad. (1710) Islandi - Hamza Amira (1883) ALG : 1 - 0.

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV

HM ungmenna: Töp í fyrstu umferð

Allir íslensku skákmennirnir töpuðu í fyrstu umferð HM ungmenna sem fram fór í dag í Antalya í Tyrklandi í dag.  Allir tefldu þeir uppfyrir sig.  

Úrslit 1. umferðar:

 

Kristinsson Bjarni J	2023	ISL	0  -  1	Kulakov Viacheslav	2380	RUS
Finnbogadottir Tinna	1710	ISL	0  -  1	Dudas Eszter	2147	HUN
Yuan Yi	2097	AUS	1  -  0	Karlsson Mikael Johann	1703	ISL
Bilguun Sumiya	MGL	0	1  -  0	Gautason Kristofer	0	ISL

 

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV

HM ungmenna hefst í dag í Tyrklandi

Heimsmeistaramót ungmenna hefst í Antalya í Tyrklandi í dag.  Fjórir íslenskir fulltrúar taka þátt og svo skemmtilega vill til að allir þeir keppendur koma af landsbyggðinni og hver úr sínum landsfjórðungi!   Það eru þau Bjarni Jens Kristinsson, frá Hallormsstað á Austurlandi, sem teflir í flokki drengja 18 ára og yngri, Tinna Kristín Finnbogadóttir, frá Borgarnesi, sem teflir í flokki stúlkna 18 ára og yngri, Mikael Jóhann Karlsson, frá Akureyri, sem teflir í flokki drengja 15 ára og yngri, og Kristófer Gautason, frá Vestmannaeyjum, sem teflir í flokki drengja 12 ára og yngri.   Þátt taka í mótinu 1375 skákmenn frá 88 löndum. 

Helgi Ólafsson er fararstjóri krakkanna og með í för er einnig Karl Gauti Hjaltason, faðir Kristófers.

Umferðin í dag hefst kl. 13.  Ritstjóra er ekki kunnugt um hvort einhverjar skákir krakkanna verði sýndar beint í fyrstu umferð en mun að sjálfsögðu segja frá ef svo verður.

Heimasíða mótsins 

Sverrir með 1½ vinning eftir 2 umferðir í Uppsölum

Sverrir Þorgeirsson (2184) teflir á Meistaramóti skákklúbbsins í Uppsölum í Svíþjóð þessa dagana og er teflt einu sinni á viku.  Í fyrstu umferð gerði hann jafntefli við Thomas Johansson (2193) og í 2. umferð sigraði hann Henryk Dolata (2081).

Alls taka 8 skákmenn þátt í flokknum og er Sverrir sá þriðji stigahæsti keppandinn.

Heimasíða mótsins

 

Sverrir með 2 vinninga eftir 3 umferðir í Stokkhólmi

Sverrir Þorgeirsson (2142) hefur 2 vinninga að loknum þremur umferð á skákmóti sem fram fer í Stokkhólmi um helgina.

Á laugar- og sunnudag verða tefldar 2 umferðir hvorn dag.

Úrslit Sverris:

 

Rd.	Name	Rtg	FED	Res.
1	Sparv Joakim	1772	SWE	w 1
2	Wenzel Birger	1908	GER	s 0
3	Johansson Christer	1790	SWE	w 1
4	Jansson Gilbert	1937	SWE	s

 

Alls taka 42 skákmenn þátt í mótinu og er Sverrir sá sjöundi í stigröðinni.   

• Heimasíða mótsins
• Chess-Results

EM: Sigur gegn Lúxemborg í lokaumferðinni - endaði í 34. sæti

Íslenska liðið á EM landsliða sigraði sveit Lúxemborg 3-1 í níundu og síðustu umferð EM landsliða sem fram fór í dag í Novi Sad í Serbíu.  Dagur Arngrímsson og bræðurnir Björn og Bragi Þorfinnssynir unnu en Jón Viktor Gunnarsson tapaði.  Íslenska sveitin hlaut 6 stig og 15,5 vinning og endaði í 34. sæti, einu sæti neðar en meðalstig sveitarinnar sögðu til um.   Björn og Bragi fengu flesta vinninga íslenska liðsins eða 5 talsins.    

Aserar urðu Evrópumeistarar, Rússar urðu aðrir og Úkraínumenn þriðju.  Danir urðu efstir norðurlandanna.    Rússar urðu Evrópumeistarar í kvennaflokki.   Árangur fyrsta borðs manns Norðmanna, Jon Ludvig Hammer (2585), vakti mikla athygli en hann fékk 6,5 vinning á fyrsta borði en árangur hans samsvarar 2792 skákstigum. 

Viðureignin gegn Lúxemborg:

 

Bo.	36	Luxemborg	Rtg	-	33	Ísland	Rtg	1 : 3
1	IM	Berend Fred	2371	-	IM	Gunnarsson Jon Viktor	2462	1 - 0
2		Jeitz Christian	2253	-	IM	Arngrimsson Dagur	2396	0 - 1
3		Linster Philippe	2230	-	IM	Thorfinnsson Bjorn	2395	0 - 1
4		Serban Vlad	2206	-	IM	Thorfinnsson Bragi	2360	0 - 1

Árangur íslensku sveitarinnar:

 

Bo.		Name	Rtg	Pts.	Games	Rp	rtg+/-
1	IM	Gunnarsson Jon Viktor	2462	2	9	2264	-22,5
2	IM	Arngrimsson Dagur	2396	3,5	9	2342	-10,5
3	IM	Thorfinnsson Bjorn	2395	5	9	2409	1,9
4	IM	Thorfinnsson Bragi	2360	5	9	2328	-2,9

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

Tap gegn Wales

Íslenska liðið tapaði, 1-3, fyrir liði Wales í áttundu og næstsíðustu umferð EM landsliða sem fram fór í dag í Novi Sad í Serbíu. Bræðurnir Björn og Bragi Þorfinnssynir gerðu jafntefli.   íslenska sveitin er í 36. sæti með 4 stig og 12½ vinning.   Íslenska sveitin mætir sveit Lúxemborg á morgun.

Rússar og Aserar eru efstir með 13 stig.  Rússar hafa 20½ vinning á móti 19½ vinningi Asera.    Danir eru efstir norðurlandanna með 8 stig.  Rússar og Georgíumenn eru efstir í kvennaflokki með 14 stig.  Rússar hafa 2 vinninga forskot. 

Viðureignin gegn Wales:

Bo.	33	Iceland (ISL)	Rtg	-	35	Wales (WLS)	Rtg	1 : 3
1	IM	Gunnarsson Jon Viktor	2462	-	FM	Jones Richard S	2321	0 - 1
2	IM	Arngrimsson Dagur	2396	-	FM	Rees Ioan	2336	0 - 1
3	IM	Thorfinnsson Bjorn	2395	-		Dineley Richard	2270	½ - ½
4	IM	Thorfinnsson Bragi	2360	-		Bennett Alan	2108	½ - ½

 

Lið Lúxemborgar:

 

Bo.		Name	Rtg
1	IM	Berend Fred	2371
2		Jeitz Christian	2253
3		Linster Philippe	2230
4		Serban Vlad	2206
5	FM	Mossong Hubert	2179

Árangur íslensku sveitarinnar:

Bo.		Name	Rtg	Pts.	Games	Rp	rtg+/-
1	IM	Gunnarsson Jon Viktor	2462	2	8	2306	-16,3
2	IM	Arngrimsson Dagur	2396	2,5	8	2302	-15,1
3	IM	Thorfinnsson Bjorn	2395	4	8	2383	-0,9
4	IM	Thorfinnsson Bragi	2360	4	8	2295	-5,8

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

EM: Sigur gegn Skotum

Íslenska liðið sigraði sveit Skota í sjöundu umferð EM landsliða sem fram fór í dag í Novi Sad í Serbíu.  Björn Þorfinnsson (2396) sigraði skákmeistara Skota Alan Tate (2175) en öðrum skákum lauk með jafntefli.  Íslenska liðið er nú í 33. sæti.  Í áttundu og næstsíðustu umferð, sem fram fer á morgun, tefla Íslendingar við Wales.

Þrjár þjóðir eru efstar með 11 stig.  Það eru Rússar, sem eru efstir með 18 vinninga, Armenar sem eru aðrir 17,5 vinning og Aserar sem eru þriðju með  16,5 vinning.  Danir eru efstir norðurlandanna, eru í 16. sæti með 8 stig.  Rússar og Georgíumenn leiða í kvennaflokki með 12 stig.  Rússarnir þar hafa hins vegar 2 vinningum meira og eru því í forystu í báðum flokkum.

Skáksveit Wales

 

Bo.		Name	Rtg
1	FM	Jones Richard S	2321
2	FM	Rees Ioan	2336
3		Dineley Richard	2270
4		Kett Tim	2238
5		Bennett Alan	2108

Árangur íslensku sveitarinnar:

 

Bo.		Name	Rtg	Pts.	Games	Rp	rtg+/-
1	IM	Gunnarsson Jon Viktor	2462	2	7	2366	-9,4
2	IM	Arngrimsson Dagur	2396	2,5	7	2357	-6,4
3	IM	Thorfinnsson Bjorn	2395	3,5	7	2399	0,8
4	IM	Thorfinnsson Bragi	2360	3,5	7	2322	-2,7

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

Pistill frá EM landsliða

Neðangreindur pistill ritaður af Birni Þorfinnssyni, einum keppenda Íslands á EM landsliða, var birtur fyrr í kvöld á spjallþræði skákmanna, Skákhorninu, og er endurbirtur hér skákahugamönnum sem ekki lesa Hornið til upplýsingar.

Sælir félagar,

Þessi orð eru skrifuð úr íbúð okkar félaganna í Novi Sad, Acenter Birotel. Hér fer ágætlega um okkur að mörgu leyti, rúmgott, ódýrt og snyrtilegt. Hinsvegar erum við víst eina liðið sem að tók sér það bessaleyfi að gista ekki á opinberu hótelunum (enda voru þau tvöfalt dýrari) og það gerir það reyndar að verkum að við erum ekki í neinu sambandi við önnur lið (og í raun og veru mótið). Eftir á þá hefði ég sennilega kosið að punga út meira fé fyrir gott hótel og lifa og hrærast þannig meira í stemmingunni sem fylgir óneitanlega þátttöku í móti sem þessu.

Við vorum að koma heim eftir sárt tap gegn stórmeistarasveit frá Makedóníu - enn og aftur með minnsta mun. Ég reif mig loksins upp eftir ömurlega frammistöðu hingað til og vann stórmeistarann Stojanovski með hvítu í Benkö-inum. Jón Viktor gerði jafntefli í hörkuskák þar sem Makedóníumaðurinn sá sér leik á borði og þráskákaði til að tryggja tvö matchpoint í hús. Bragi tefldi hinsvegar því miður sína verstu skák hingað til og Dagur lenti í einhverju afbrigði í skoska leiknum sem að andstæðingurinn kunni upp á sína tíu fingur (enda teflir hann eingöngu skoska leikinn með hvítu).

Ég get ekki sagt að við séum stoltir af stöðu okkar í mótinu hingað til og þrátt fyrir að ég greini ákveðna bölsýni í ákveðnum pennum á okkar ágæta skákhorni þá get ég fullvissað skákáhugamenn um að við erum hvergi nærri hættir þá staðan sé slæm eins og er. Við erum harðákveðnir í því að klára þetta mót með sæmd og tryggja okkur sæti ofar en upphaflegu stigin sögðu til um. Sú staðreynd að við erum með talsverðan fjölda af vinningum býður upp á ákveðna möguleika ef að matchpointin fara að detta okkur í vil á lokasprettinum.

Eins og fram hefur komið þá höfum við tapað þremur viðureignum með minnsta mun - 2,5-1,5 (gegn Tékkum, Norðmönnum og Makedónum). Þær viðureignir hafa verið gríðarlega spennandi - enda hafa úrslitin verið að ráðast oft í tímahraki í síðustu skák. Við vorum eiginlega mest svekktir yfir því að ná ekki matchpointi í hús gegn Tékkum enda var sú viðureign alveg rosaleg að mörgu leyti.

Í gær töpuðum við svo fyrir Litháen, 3-1. Þau úrslit líta engan veginn nógu vel út en eftir sem áður þá áttum við samt góða möguleika. Bragi var með gjörunnið tafl á fjórða borði og Jón Viktor var einnig með unnið tafl eftir að hafa barist á hæl og hnakka í ögn strembinni byrjun. Dagur var svo með mun betra tafl eftir byrjunina en missteig sig því miður í miðtaflinu og lenti í vonlausri stöðu. Ég brást hinsvegar algjörlega með því gefa peð í byrjun sem ég taldi vera jafnteflisvaríant en svo byggðist það á algjörum misskilningi.

Talsvert hefur verið talað um Tyrkjaviðureignin og að mörgu leyti er hún náttúrulega óafsakanleg. Ég og Jón Viktor tefldum einfaldlega hrikalega illa en Bragi og Dagur virtust vera að bæta okkur það upp með vænlegum stöðum. Á tímabili var ég orðinn bara nokkuð bjartsýnn á að ná jafntefli en í viðureigninni en þá misstíga þeir félagar sig báðir og fáránlega stórt tap var staðreynd.

Viðureignina gegn Mónakó þarf ekki að ræða - þar áttu eðlilegir hlutir sér stað og við unnum stóran sigur.

Eins og áður segir er mótið hinsvegar hvergi nærri búið og við félagarnir óskum einfaldlega eftir því að menn ræði niðurstöðuna eftir umferðirnar níu því ýmislegt getur breyst. Það sem við erum að fara í gegnum á þessu móti er gríðarlegur skóli og ég er viss um að við verðum sterkari skákmenn fyrir vikið. Okkur finnst einnig að mörgu leyti ósanngjarnt að menn séu að tala um að við séum að eyðileggja heiður skáklandsins Íslands (kannski sterk túlkun hjá mér!). Skáksambandið ákvað einfaldlega að gera þetta með þessum hætti - að óska eftir stigahæstu mönnunum sem væru til í að taka þátt í mótinu því sem næst algjörlega á eigin kostnað. Eðlilega hafði það þær afleiðingar að atvinnumennirnir okkar gáfu ekki kost á sér en mennirnir sem vilja ná auknum vegsemdum voru óðir og uppvægir að taka þátt. Persónulega fannst mér (og finnst mér) að þetta sé ágætis tilraun þótt að hún sé ef til vill að mistakast (eins og er!). Frændþjóðir okkar hafa sent "veikari lið" til leiks, meira að segja á ÓL-móti til að gefa nýjum mönnum tækifæri og til lengri tíma skilaði það sér ríflega.

Menn virðast gjörsamlega gleyma hjákátlegri frammistöðu íslenska Ólympíuliðsins á síðasta Ólympíumóti þar sem atvinnumennirnir okkar lentu fyrir neðan Færeyjar í mótinu og töpuðu fyrir liðum sem voru mun slakari en þau sem við erum að tapa fyrir hérna. Eftir þann árangur var orgað á breytingar en núna þykir algjörlega fáránlegt að sama lið sé ekki hérna á staðnum og allur kostnaður greiddur (sem væri ekki undir 2 milljónum fyrir Skáksambandið).

Hinsvegar er það ljóst að mikill metnaður verður lagður í Ólympíumótið á næsta ári og ljóst að þar verður hart barist um sætin. Eftir upplifun okkar félaganna hérna í Novi Sad þá er alveg ljóst að erlendur þjálfari fyrir ÓL-liðið er skref sem Skáksambandið þyrfti að stíga. Á þessu móti eru nánast öll lið með sterkan erlendan þjálfara - t.a.m. eru meira að segja Lúxemborgarar með Jansa sem þjálfara. Liðsfélagar mínir ræddu þessi mál við Kiril Georgiev, Búlgarann snjalla, og hann tjáði okkur að fyrirkomulag slíkrar þjálfunar væri það að liðsmenn hugsuðu um að hvílast og nærast en hann ynni bróðurpart næturinnar við undirbúning. Að morgni væri hver og einn liðsmaður svo tekinn í massífan undirbúning af honum fyrir viðureign dagsins. Slík þjónusta kostar víst 200 evrur á dag hjá Kiril - talsverðir peningar í dag en var klink árið 2007

Allar sveitirnar sem við höfum teflt við hingað til hafa verið með massífa umgjörð í kringum sig. Til dæmis er Peter Heine Nielsen liðstjóri Norðmanna og ég get alveg sagt ykkur að það er ekkert þægilegt að vera að þjösnast í einhverju afbrigði (eins og sérstaklega Jón Viktor lenti í) með aðstoðarmann Carlsens og Anands að horfa á og jafnvel brosandi til liðsmanna. Ákveðið óöryggi sem fer að blossa upp! Tyrkirnir eru síðan með massíft prógram í gangi og m.a. fylgist forseti tyrkneska skáksambandsins með bróðurparti umferðarinnar. Algjör áfellisdómur yfir Gunnari Björnssyni - HVAR ER FORSETI VOR

Sumsé það er hægt að draga gríðarlega lærdóm af þessu móti. Að mörgu leyti finnst mér sárast að Gummi Kjartans og Hjörvar séu ekki hérna með liðinu því eins og komið hefur fram þá munu þeir pottþétt skipa þetta lið í framtíðinni og mót sem þetta jafnast á við svona tíu alþjóðleg mót að mínu mati.

En að öðru! Margt skondið hefur átt sér stað í mótinu, eins og t.d. sigur Conquest gegn Delchev þar sem gsm-sími þess síðastnefnda hringdi eftir fyrsta leik hans. Hann lét hinsvegar eins og ekkert hefði í skorist og endaði þetta fíaskó með því að skákstjórar þurftu að leita á manninum, fundu þar símann og dæmdu þá umsvifalaust tap. Annað fíaskó átti sér stað útaf "zero tolerance" stefnu Evrópska Skáksambandsins. Reglurnar hérna eru einfaldlega þær að ef rassinn er ekki á stólnum þegar skákstjórinn tilkynnir að umferðin byrji þá tapa menn skákinni umsvifalaust. Tékkinn Laznicka hélt t.d. upp á tapið gegn Degi Arngrímssyni með því að gleyma sér í örstutta stund og var án gríns svona fimm sekúndum of seinn að setjast gegn Pons Vallejo frá Spáni í 2.umferð. Umsvifalaust tap og Spánverjar 1-0 yfir!

Við félagarnir löbbum yfirleitt á skákstað sem tekur rúmlega 20 mín. Þótt að við leggjum af stað rúmlega 30 mín. fyrir umferð þá erum við alltaf á tauginni - erum við að labba of hægt? Voru klukkurnar vitlausar o.s.frv. Gjörsamlega óþolandi regla!

En þá er best að fara að lúlla enda ætlum við okkur epískan lokasprett. Óska eftir góðum straumum frá Íslandi - it aint over till its over.

Bestu kveðjur,
Bjössi