Henrik endaði í 5.-7. sæti í Köben

Stórmeistarinn Henrik Danielsen (2495) endaði í 5.-7. sæti á ØBRO-nýársmótsins sem lauk í dag í Kaupmannahöfn.  Henrik hlaut 5 vinninga í 7 skákum.  Í sjöttu umferð tapaði hann fyrir David Bekker-Jensen (2325) og í sjöundu umferð sigraði hann Klaus Yssing (2073).

Efstir með 5,5 vinning urðu sænski stórmeistarinn Jonny Hector (2572), dönsku alþjóðlegu meistararnir Thorbjorn Bromann (2438) og Simon Bekker-Jensen (2407) og David Bekker-Jensen.

• Heimasíða mótsins
• Skákirnar í beinni (hefjast kl. 12 og 18)

Guðmundur með jafntefli í 3. umferð í Hastings

Alþjóðlegi meistarinn Guðmundur Kjartansson (2391) gerði jafntefli við bandaríska alþjóðlega meistarann Vladimir Prosviriakov (2391) í þriðju umferð Hastings-mótsins sem fram fór í dag.  Guðmundur hefur 2 vinninga og er í 13.-43. sæti.  

Í fjórðu umferð, sem fram fer á morgun, teflir Guðmundur við enska skákmanninn Jason McKenna (2147).  Enski stórmeistarinn David Howell (2597) sem stóð sig svo vel á London Chess Classic um daginn er efstur með full hús. 

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

Heimasíða mótsins

 

Henrik sigraði í fimmtu umferð í Köben

Stórmeistarinn Henrik Danielsen (2495) vann Kristian Hovmöller (2279) í fimmtu umferð í fimmtu umferð ØBRO-nýársmótsins sem fram fór í kvöld.  Henrik hefur 4 vinninga og er í 3.-5. sæti. Á morgun teflir Henrik við David Bekker-Jensen (2407).  Skákin er sýnt beint og hefst útsendingin kl. 12.

Efstir með 4,5 vinning eru sænski stórmeistarinn Jonny Hector (2572) og danski alþjóðlegi meistarinn Thorbjörn Bromann (2404).

Í mótinu taka þátt 64 skákmenn og þar af 2 stórmeistarar (Henrik og Johnny Hector (2572)) og 2 alþjóðlegur meistarar.  Mótið er 7 umferðir og er teflt bratt en mótið tekur aðeins fjóra daga.

• Heimasíða mótsins
• Skákirnar í beinni (hefjast kl. 12 og 18)

Guðmundur sigraði í 2. umferð í Hastings

Alþjóðlegi meistarinn Guðmundur Kjartansson (2391) vann enska skákmanninn Philip Tozer (2106) í 2. umferð Hastings-mótsins sem fram fór í dag.  Guðmundur hefur 1,5 vinning og er í 9.-29. sæti.  Í 3. umferð, sem fram fer á morgun, teflir Guðmundur við bandaríska alþjóðlega meistarann Vladimir Prosviriakov (2391).   

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

Heimasíða mótsins

 

Guðmundur með jafntefli í fyrstu umferð í Hastings

Alþjóðlegi meistarinn Guðmundur Kjartansson (2391) gerði jafntefli við enska skákmanninn John Sudgen (2219) í fyrstu umferð Hastings-mótsins sem hófst í dag.  Í 2. umferð, sem fram fer á morgun, teflir Guðmundur við annan Englending, Philip Tozer (2106) að nafni.  

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

Heimasíða mótsins

 

Henrik sigrar enn í Köben og er í 1.-4. sæti

Stórmeistarinn Henrik Danielsen (2495) sigraði FIDE-meistarann Jacob Karstensen (2317) í þriðju umferð ØBRO-nýársmótsins sem fram fór í Kaupmannahöfn í dag.  Henrik er með fullt hús og er í 1.-4. sæti.  Í 4. umferð, sem fram fer í kvöld og verður sýnd beint á vefnum og hefst kl. 18, teflir Henrik við FIDE-meistarann Thorbjörn Bromann (2434).

Broman, Hector (2572) og alþjóðlegi meistarinn Simon Bekker-Jensen (2407) eru efstir ásamt Henrik.  

Í mótinu taka þátt 64 skákmenn og þar af 2 stórmeistarar (Henrik og Johnny Hector (2572)), 1 alþjóðlegur meistari og 2 FIDE-meistarar.  Mótið er 7 umferðir og er teflt bratt en mótið tekur aðeins fjóra daga.

• Heimasíða mótsins
• Skákirnar í beinni (hefjast kl. 12 og 18)

Henrik byrjar vel í Köben

Stórmeistarinn Henrik Danielsen (2495) byrjaði vel á ØBRO-nýársmótinu sem hófst í Kaupamannahöfn í dag en en þá voru tefldar 2 umferðir.  Henrik sigraði Esben Christiansen (2008) í fyrri skák dagsins og Klaus Paulsen (2029) í þeirri síðari.  Á morgun verða einnig tefldar tvær umferðir.  Í þeirri fyrri teflir Henrik við FIDE-meistarann Jacob Karstensen (2317) og verður hægt að fylgjast með þeirri skák beint á netinu. 

Í mótinu taka þátt 64 skákmenn og þar af 2 stórmeistarar (Henrik og Johnny Hector (2572)), 1 alþjóðlegur meistari og 2 FIDE-meistarar.  Mótið er 7 umferðir og er teflt bratt en mótið tekur aðeins fjóra daga.

• Heimasíða mótsins
• Skákirnar í beinni (hefjast kl. 12 og 18)

Íslenskt lið teflir á EM öldungasveita

Íslenskt lið tekur þátt í EM öldungasveita sem fram fer í Dresden í Þýskalandi í febrúar.  Liðið skipa m.a. tveir fyrrverandi forsetar Skáksambandsins.

	Name	EloRtg	NatRtg
1	Gunnar Gunnarsson	2231
2	Gunnar Finnlaugsson	2121
3	Magnus Gunnarsson	2107
4	Ingimar Jonsson		1915
5	Ingimar Halldorsson

Það er Gunnar Finnlaugsson sem á heiðurinn á þátttöku íslenska liðsins.  Í Dresden verða margar kunnar keppur og má þar nefna Korchnoi, Uhlmann, Jansa og Westerinen.

Heimasíða mótsins

Róbert og Jorge með jafntefli í lokaumferðinni

Bæði Róbert Lagerman (2358) og Jorge Fonseca (2032) gerðu jafntefli í lokaumferð opins flokks London Chess Classic sem fram fór í dag.  Róbert gerði jafntefli við norska alþjóðlega meistarann Eirik Gullaksen (2400).  Róbert hlaut 6 vinninga og endaði í 10.-23. sæti en Jorge hlaut 4½ vinning og endaði í 53.-68. sæti.

Norski stórmeistarinn Jon Ludvig Hammer (2588) vann öruggan sigur á mótinu en hann hlaut 8 vinninga.  Í 3.-4. sæti með 7 vinninga urðu ensku stórmeistararnir Simon Williams (2550) og Mark Hebden (2522) og enska skákkonan Jovanka Houska (2391).

Jorge hækkar um 7 stig fyrir frammistöðu sína en Róbert lækkar um 5 stig. 

125 skákmenn tefldu í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic

Róbert lagði Player

Róbert Lagerman (2358) sigraði enska skákmanninn Edmund C Player (2149) í áttundu og næstsíðustu umferð opins flokks London Chess Classic sem fram fór í dag. Jorge Fonseca (2032) tapaði hins vegar.  Eftir góðan sprett hefur Róbert 5½ vinning en hann hefur fengið 3½ vinning í síðustu 4 skákum en Jorge hefur 4 vinninga.   

Norski stórmeistarinn Jon Ludvig Hammer (2588) er efstur með 7½ vinning, hefur vinnings forskot á næstu menn, og sýnir að árangur hans á EM landsliða var enginn tilviljun.  Í 2.-3. sæti eru ensku stórmeistararnir Simon Williams (2550) og Mark Hebden (2522) með 6½ vinning.

Róbert teflir við norska alþjóðlega meistarann Eirik Gullaksen (2400) í lokaumferðinni sem fram fer í fyrramálið.  

125 skákmenn tefla í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic