Henrik enn með jafntefli í Prag

Stórmeistarinn Henrik Danielsen (2495) gerði jafntefli við tékkneska stórmeistarann Marak Vokac (2479) í fimmtu umferð Prag Open sem fór í morgun.  Henrik hefur 3½ vinning og er í 16.-28. sæti.  Í sjöttu umferð, sem fram fer síðar í dag, teflir Henrik við ítalska FIDE-meistarann Angelo Damia (2315).

Efstir með  4½ vinning eru alþjóðlegu meistararnir David Kanovsky (2471), Tékklandi, og Alexey Yatsenko (2468), Rússlandi.  

Alls taka 133 skákmenn þátt í mótinu og þar af eru 8 stórmeistarar og 17 alþjóðlegir meistarar.  Henrik er fimmti stigahæsti keppandinn.

• Heimasíða mótsins
• Chess-Results

 

Henrik með jafntefli í 3. umferð í Prag

Stórmeistarinn Henrik Danielsen (2495) gerði jafntefli við bosníska FIDE-meistarann Jasmin Bejtovic (2338) í 3. umferð Prag Open sem fram fór í dag.  Henrik hefur 2½ vinning og er í 7.-24. sæti.   Í fjórðu umferð, sem fram fer á morgun, teflir Henrik við bandaríska FIDE-meistarann Erik Andrew Kislik (2336).

Alls taka 133 skákmenn þátt í mótinu og þar af eru 8 stórmeistarar og 17 alþjóðlegir meistarar.  Henrik er fimmti stigahæsti keppandinn.

• Heimasíða mótsins
• Chess-Results

 

Henrik sigraði í 2. umferð í Prag

Stórmeistarinn Henrik Danielsen (2495) sigraði ítalska FIDE-meistarann Marco Corvi (2279) í 2. umferð Prag Open, sem fram fór í gær.  Henrik er meðal 23 skákmanna sem hafa fullt hús.  Í 3. umferð, sem fram fer í dag, teflir Henrik við bosníska FIDE-meistarann Jasmin Bejtovic (2338).

Alls taka 133 skákmenn þátt í mótinu og þar af eru 8 stórmeistarar og 17 alþjóðlegir meistarar.  Henrik er fimmti stigahæsti keppandinn.

• Heimasíða mótsins
• Chess-Results

 

Henrik byrjar vel í Prag

Fáir íslenskir skákmenn eru virkari í dag en stórmeistarinn Henrik Danielsen (2495) sem teflir nú á hverju móti mótinu á eftir öðru.  Í dag hófst í Tékklandi, Prag Open, og er Henrik meðal keppenda.  Í fyrstu umferð, sigraði Henrik Tékkann Martin Rahak (2137).    Í 2. umferð, sem fram fer á morgun, teflir Henrik við ítalska FIDE-meistarann Marco Corvi (2279).

Alls taka 133 skákmenn þátt í mótinu og þar af eru 8 stórmeistarar og 17 alþjóðlegir meistarar.  Henrik er fimmti stigahæsti keppandinn.

• Heimasíða mótsins
• Chess-Results

 

Guðmundur sigraði í lokaumferðinni í Hastings

Alþjóðlegi meistarinn Guðmundur Kjartansson (2391) sigraði enska FIDE-meistarann Dave Ledger (2227) í níundu og síðustu umferð Hastings-mótsins sem fram fór í dag.   Guðmundur hlaut 5½ vinning og hafnaði í 17.-27. sæti.

Frammistaða Guðmundar samsvarar 2310 skákstigum og lækkar hann um 8 skákstig.

Efstir og jafnir með 7 vinninga urðu stórmeistararnir Andrei Istratescu (2624), Rúmeníu, Romain Edouard (2620), Frakklandi, og David Howell (2597) og Mark Hebden (2522), Englandi.

 111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

Heimasíða mótsins

• Skákirnar í beinni

 

Guðmundur tapaði í næstsíðustu umferð í Hastings

Alþjóðlegi meistarinn Guðmundur Kjartansson (2391) tapaði fyrir enska FIDE-meistarann Robert Eames (2276) í áttundu og næstsíðustu umferð Hastings-mótsins, sem fór í dag.  Guðmundur hefur 4½ vinning og er í 28.-46. sæti.

Í níundu og síðustu umferð, sem fram fer á morgun, teflir Guðmundur við enska FIDE-meistarann Dave Ledger (2227). 

Efstir með 6½ vinning er stórmeistararnir  Andrei Istratescu (2624), Rúmeníu, og Mark Hebden (2522), Englandi. 

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

• Heimasíða mótsins
• Skákirnar í beinni

 

Guðmundur tapaði fyrir Hebden í Hastings

Alþjóðlegi meistarinn Guðmundur Kjartansson (2391) tapaði fyrir enska stórmeistaranum Mark Hebden (2522)í hörkuskák í sjöundu umferð Hastings-mótsins, sem fram fór í dag.   Guðmundur hefur 4½ vinning og er í 14.-24. sæti.

Töluvert er fjallað um skák Guðmundar í dag á Skákhorninu.  

Í áttundu og næstsíðustu umferð, sem fram fer á morgun, teflir Guðmundur við enska FIDE-meistarann Robert Eames (2276).  

Efstir með 5,5 vinning eru stórmeistararnir Yuri Drozdovskij (2625), Úkraínu, Zbnynek Hracek (2624), Tékklandi, Andri Istratescu (2624), Rúmeníu, Roman Eduuard (2620), Frakklandi, David Howell (2595) og Hebden, Englandi og enski alþjóðlegi meistarinn Simon Ansell (2387).  

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

• Heimasíða mótsins
• Skákirnar í beinni

 

Guðmundur sigraði í sjöttu umferð í Hastings

Alþjóðlegi meistarinn Guðmundur Kjartansson (2391) sigraði rússneska FIDE-meistarann Boris Furman (2223) í sjöttu umferð Hastings-mótsins sem fram fór í dag.  Guðmundur hefur 4½ vinning og er í 4.-11. sæti, hálfum vinningi á eftir efstu mönnum.  Guðmundur mætir enska stórmeistaranum Mark Hebden (2522) í sjöundu umferð sem fram fer á morgun.  Skákin verður sýnd beint á vefsíðu mótsins en hún hefst kl. 14:15.  

Töluvert er fjallað um skák Guðmundar í dag á Skákhorninu.  

Efstir með 5 vinninga eru stórmeistarnir Yuri Drozdovskij (2625), Úkraínu, Zbynek Hracek (2624), Tékklandi, og Andrei Istratescu (2624), Rúmeníu.

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

• Heimasíða mótsins
• Skákirnar í beinni

 

Guðmundur með jafntefli í fimmtu umferð í Hastings

Alþjóðlegi meistarinn Guðmundur Kjartansson (2391) gerði jafntefli við  enska skákmanninn Peter A. Williams (2012) í fimmtu umferð Hastings-mótsins sem fram fór í dag.  Guðmudur hefur 3½ vinning og er í 9.-20. sæti.  Í sjöttu umferð, sem fram fer á morgun, teflir Guðmundur við rússneska FIDE-meistarinn Boris Furman (2223).  Skákin verður sýnd beint á vefsíðu mótsins og hefst útsendingin kl. 14:15.

Efstur með 4½ vinning er rúmenski stórmeistarinn Andrei Istratescu (2624).

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

• Heimasíða mótsins
• Skákirnar í beinni

 

Guðmundur sigraði í fjórðu umferð í Hastings

Alþjóðlegi meistarinn Guðmundur Kjartansson (2391) sigraði enska skákmanninn Jason McKenna (2147) í fjórðu umferð Masters-flokksins í Hastings sem fram fór í dag.  Guðmundur hefur 3 vinninga og er í 5.-18. sæti.  Guðmundur mætir enska skákmanninum Peter A. Williams (2012) í fimmtu umferð sem fram fer á morgun, nýársdag, og verður sýnd beint á vefsíðu mótsins og hefst kl. 14:15 eða rúmum klukkutíma eftir ræðu Ólafs Ragnars á RÚV.  

Efstir með 3,5 vinning eru stórmeistararnir Yuri Drozdovskij (2625), Úkraínu, Andrei Istratescu (2624), Rúmeníu, Romain Edoard (2620), Frakklandi, og David Howell (2597), Englandi.

111 skákmenn taka þátt í Masters-flokknum og þar 9 stórmeistarar og  12 alþjóðlegir meistarar.  Guðmundur er 15. stigahæsti keppandinn.

• Heimasíða mótsins
• Skákirnar í beinni