EM: Hannes vann - Henrik gerði jafntefli

Hannes Hlífar Stefánsson (2574) vann austurríska alþjóðlega meistarann Martin Neubaer (2465) í sjöttu umferð EM einstaklinga, sem fram fór í Rijeka í Króatíu í dag.  Henrik Danielsen gerði jafntefli við rússneska alþjóðlega meistarann Alexander Chudinovskikh (2314).  Hannes hefur 4 vinninga og Henrik hefur 3 vinninga.  Skák Hannesar verður sýnd beint á vefnum á morgun og hefst kl. 14:30.

Hann mætir þá þýska stórmeistaranum Daniel Fridman (2650) en Henrik mætir Rússanum Nikolay Maevsky (2275).

Í sjöttu umferð, sem fram fer á morgun, teflir Hannes við austurríska alþjóðlega meistarann Martin Neubaer (2465) en Henrik við rússneska alþjóðlega meistarann Alexander Chudinovskikh (2314).

Efstir í opnum flokki, með 5½ vinning, eru stórmeistararnir Zahar Efimenko (2640), Úkraínu, og Baadur Jobava (2695), Georgíu.

Efstar í kvennaflokki með 5 vinninga eru Monika Socko (2465), Póllandi, Anotoaneta Stefanova (2555), Búlgaríu, Viktorija Cmilyte (2485), Litháen og Lilit Galjjan (2380), Armeníu.

• Heimasíða mótsins
  
• Chess-Results
• Skákirnar í beinni
• Chessdom

EM: Hannes og Henrik sigruðu báðir

Hannes Hlífar Stefánsson (2574) og Henrik Danielsen (2494) sigruðu báðir í fimmtu umferð EM einstaklinga sem fram fór í Rijeka í Króatíu í dag.  Hann sigraði króatíska alþjóðlega meistarann Josip Rukavina (2409) en Henrik ítalska alþjóðlega meistarann Mario Lanzani (2371).  Hannes hefur 3 vinninga í Henrik 2½ vinning.

Í sjöttu umferð, sem fram fer á morgun, teflir Hannes við austurríska alþjóðlega meistarann Martin Neubaer (2465) en Henrik við rússneska alþjóðlega meistarann Alexander Chudinovskikh (2314).

Efstir í opnum flokki, með 4½ vinning, eru stórmeistararnir Zahar Efimenko (2640), Úkraínu, Liviu-Dieter Nisipeanu (2661), Rúmeníu, Artyom Timofeev (2655), Rússlandi, og Baadur Jobava (2695), Georgíu.

Efstar í kvennaflokki með 4½ vinning eru Ketevan Arakhamia-Grant (2447), Skotlandi, Tatian Kosintseva (2524), Rússlandi, og Monika Socko (2465), Póllandi, en þær eru allar stórmeistarar.  

Heimasíða mótsins

• Chess-Results
• Skákirnar í beinni
• Chessdom

EM: Hannes gerði jafntefli - Henrik tapaði

Hannes gerði jafntefli við austurríska alþjóðlega meistarann Gerhard Schroll (2411) í 4. umferð EM einstaklinga sem fram fór í dag í Rijeka í Króatíu.  Henrik Danielsen (2494) tapaði fyrir króatíska FIDE-meistarann Emilijo Fucak (2280).  Hannes hefur 2 vinninga og Henrik hefur 1½ vinning.  

Í fimmtu umferð, sem fram fer á morgun teflir Hannes við króatíska alþjóðlega meistarann Josip Rukavina (2409) en Henrik við ítalska alþjóðlega meistarann Mario Lanzani (2371).

Efstir í opnum flokki, með fullt hús, er stórmeistararnir Baadur Jobava (2695), Georgíu, og Zahar Efimenko (2640), Úkraínu.   Ivan Sokolov (2638) og Michael Adams (2704) eru meðal 15 keppenda sem hafa 3½ vinning.

Monika Socko (2465), Póllandi, er efst í kvennaflokki með fullt hús.

• Heimasíða mótsins
• Chess-Results
• Skákirnar í beinni
• Chessdom

EM einstaklinga: Henrik tapaði fyrir Petrosian - Pörun 4. umferðar

Henrik Danielsen (2494) tapaði fyrir armenska stórmeistaranum Tigran Petrosian (2612) í þriðju umferð EM einstaklinga sem fram fór í dag í Rijeka í Króatíu.  Hannes og Henrik hafa báðir 1½ vinning.  Í 4. umferð, sem fram fram fer á morgun, teflir Hannes við austurríska alþjóðlega meistarann Gerhard Schroll (2411) og Henrik við króatíska FIDE-meistarann Emilijo Fucak (2280).

Hvorug skákin verður í beinni.

• Heimasíða mótsins
• Chess-Results
• Skákirnar í beinni
• Chessdom

EM einstaklinga: Hannes tapaði fyrir Bareev

Hannes Hlífar Stefánsson (2574) tapaði slysalega fyrir rússneska stórmeistaranum Evgeny Bareev (2667) í þriðju umferð eftir að hafa leikið af sér manni.   Henrik Danielsen (2494) situr enn að tafli gegn armenska stórmeistaranum Tigran Petrosian (2612)

Skák Hannesar má nálgast á vefsíðu mótsins, einnig á Chessdom, auk þess sem settur hefur verið upp þráður um skákina á Skákhorninu. 

• Heimasíða mótsins
• Chess-Results
• Skákirnar í beinni
• Chessdom

EM einstaklinga: Bareev og Petrosian í 3. umferð

Íslensku skákmennirnir fá enga aukvissa í 3. umferð EM einstaklinga sem fram fer á morgun í Rijeka í Króatíu en báðir hafa þeir 1½ vinning.   Hannes mætir rússneska stórmeistaranum Evgeny Bareev (2667) og Henrik teflir við armenska stórmeistarann Tigran Petrosian (2612).  Skák Hannesar verður sýnd beint á vefsíðu mótsins.

Best er hins vegar að fylgjast með skák Hannesar í gegnum Chessdom en hún hefst kl. 14:30.

EM einstaklinga er ægisterkt mót.  Þátt taka 306 skákmenn og þar af 187 stórmeistarar!   Hannes er númer 120 í stigaröðinni en Henrik er númer 186.   Níu skákmenn hafa yfir 2700 skákstig en stigahæstur keppenda er Ungverjinn Zoltan Almasi (2720).

• Heimasíða mótsins
• Chess-Results
• Skákirnar í beinni

 

Irina fór illa með Landsbankamenn

Bandaríska skákkonan Irina Krush fór illa með Landsbankamenn í fjöltefli sem fram fór í höfuðstöðvum bankans sl. fimmtudagskvöld.   14 skákmenn mættu til leiks og þar af sterkir skákmenn eins og Bergsteinn Einarsson, verri helmingur dúettsins Sigsteins, og Vinameistarinn frá Selfossi, Ingimundur Sigurmundsson.

Krush, einfaldlega malaði (krushed) bankamennina og leyfði aðeins eitt jafntefli, gegn Guðmundi Kristni Lee sem hafði um tíma unnið tafl.

Gott hjá Guðmundi en úrslitin hljóta að vera öðrum bankamönnum vonbrigði, sérstaklega Bergsteini sem hafði lýst því yfir fyrir fjöltefli að hann myndi hætta hjá bankanum næði hann ekki punkti.   Ritstjóri hefur haft ánægju að því að starfa með Bergsteini í gegnum tíðina.  

Það var hin öfluga Tafl- og spilanefnd starfsmannafélag Landsbankans sem stóð fyrir fjölteflinu. 

Myndir frá fjölteflinu

 

 

Þröstur sigraði í lokaumferðinni í Cappelle

Stórmeistarinn Þröstur Þórhallsson (2426) vann Frakkann Frakkann Alan Houriez (2120) í níundu og síðustu umferð opna mótsins í Cappelle La Grande sem fram fór í dag.  Þröstur fékk 5,5 vinning og endað í 81.-159. sæti.

Sigurvegari mótsins var úkranínski stórmeistarinn Yaroslav Zherbukh (2527) en hann hlaut 7,5 vinning.

Árangur Þrastar samsvaraði 2246 skákstigum en næsta verkefni Þrastar er þátttaka í MP Reykjavíkurskákmótinu.  

Mótið í Cappelle er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur var 107. stigahæsti keppandi mótsins en bosníski stórmeistarinn Ivan Sokolov (2649), sem einnig tekur þátt í MP Reykjavíkurskákmótinu, var stigahæstur keppenda.  

Heimasíða mótsins

Henrik sigraði Høi og endar í þriðja sæti

Stórmeistarinn Henrik Danielsen (2495) vann fyrrum landa sinn, danska stórmeistarann, Carsten Høi (2393), í níundu og síðustu umferð afmælismóts Brjönsöj skákklúbbsins, sem jafnframt var Meistaramót Kaupmannahafnar.  Henrik hlaut 6,5 vinning og endaði í þriðja sæti.  Sigurvegari mótsins varð sænski stórmeistarinn Jonny Hector (2572) sem hlaut 8 vinninga og annar varð landi hans og kollegi Tiger Hillarp-Persson (2581) sem hlaut 7 vinninga.  Henrik hækkar um 6 stig fyrir frammistöðu sína.

Henrik heldur nú heim á leið eftir langa skákútgerð og teflir í Reykjavíkurskákmótinu.  Það gerir einnig Tiger-inn.   

Í mótinu tóku þátt 36 skákmenn og þarf af 5 stórmeistarar og var Henrik fjórði stigahæsti keppandinn.

• Heimasíða mótsins
• Skákirnar í beinni

Þröstur sigraði í áttundu umferð í Cappelle

Stórmeistarinn Þröstur Þórhallsson (2426) vann hollenska skákmanninn Ton Montforts (1500) í áttundu og næstsíðustu umferð opna mótsins í Cappelle La Grande sem fram fór í dag.  Þröstur hefur 4,5 vinning. 

Efstur með 7 vinninga er úkranínski stórmeistarinn Yaroslav Zherbukh (2527).  Í 2.-3. sæti, með 6,5 vinning, eru stórmeistararnir Parimerjan Nagi (2621), Indlandi, og Julian Raduliski (2577), Búlgaríu

Í lokaumferðinni, sem fram fer á morgun, teflir Þröstur við Frakkann Alan Houriez (2120). 

Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Heimasíða mótsins