Þorsteinn sigraði í fyrstu umferð í Þessalóníku

FIDE-meistarinn Þorsteinn Þorsteinsson (2271) tekru þátt í skákhátíð í Þessaloníku dagana 5.-11. apríl.  Á þessari fara fram einnig hliðarviðburðir og má þar nefna Evrópumeistaramót skóla - einstaklingakeppni og Evrópumót öldunga.  Svo er einnig keppt m.a. keppt í Bridge, pílukasti og suduku!

En snúum okkur að skákinni.  Í fyrstu umferð, sem fram fór í gær, sigraði Þorsteinn heimamanninn Nikolas Boutsioukis (1959).  Í 2 dag verða tefldar tvær umferðir og í þeirri fyrri teflir Þorsteinn við annana Grikkja, Eleni Nikolaidou (1807) að nafni.

Alls taka 106 skákmenn þátt í mótinu.  Þar er eru 5 stórmeistarar (stigahæstur Serbinn Dejan Antic (2502), 8 alþjóðlegir meistarar og 3 FIDE-meistarar.  Þorsteinn er nr. í 20 stigaröðunni.

• Heimasíða mótsins 
• Chess-Results

 

 

Hrannar endaði í 3. sæti í Osló

Hrannar Baldursson (2129) tapaði fyrir FIDE-meistaranum Frode Olav Olsen Urkeda (2420) í sex tíma skák í sjöundu og síðustu umferð páskamóts sem lauk í Osló í dag.  Hrannar varð þriðji með 5,5 vinning.  Urkeda og Inge Sandstad Skrondal (2238) urðu efst með 6 vinninga.  

Heimasíða mótsins

Hrannar efstur fyrir lokaumferðina í Osló

Hrannar Baldursson (2129) er efstur með 5,5 vinning að lokinni sjöttu og næstsíðustu umferð Páskamóts sem fram fer í Osló um páskana.  Í dag gerði hann jafntefli við Inge Sandstad Skrondal (2238).  Skrondal, FIDE-meistarinn Frode Olav Olsen Urkeda (2420) og Viggo Guddahl (2054) eru í 2.-4. sæti með 5 vinninga.

Hrannar mætir Urkeda í lokaumferðinni sem fram fer á morgun.

Heimasíða mótsins

Hrannar efstur á Páskamóti i Osló

Hrannar Baldursson (2129) er efstur með fullt hús að loknum fimm umferðum á Páskamóti í Osló sem fram fer um páskana.  Góður árangur hjá Hrannar en eftir eru tvær umferðir sem fram fara á morgun og hinn en 53 skákmenn taka þátt.

Heimasíða mótsins

EM: Hannes og Henrik enduðu með sigri - Nepomniachtchi og Cramling Evrópumeistarar

Stórmeistararnir Hannes Hlífar Stefánsson (2574) og Henrik Danielsen (2494) unnu báðir í lokaumferð EM einstaklinga sem fram fór í Rijeka í Króatíu í dag.    Hannes sigraði þýska alþjóðlega meistarann Mathias Womacka (2452) en Henrik vann makedónska alþjóðlega meistarann Dusan Lekic (2396).   Ian Nepomniachtchi (2656) og Pia Cramling (2523) urðu Evrópumeistarar.   

Hannes hlaut 6,5 vinning og Henrik 6 vinninga.  Hannes hækkar um 3 stig fyrir frammistöðu sína sem samsvaraði 2589 skákstigum en Henrik lækkar um 2 stig fyrir frammistöðu sína sem samsvaraði 2443 skákstigum.

Hinn 19 ára, rússneski stórmeistari Ian Nepomniachtchi (2656) varð Evrópumeistari en hann var aðeins 35. stigahæsti keppandinn.  Í 2.-3. sæti urðu stórmeistararnir Baadur Jobava (2695), sem leiddi lengst af, og Artyom Timofeev (2655), Rússlandi. Tíu skákmenn komust beint áfram á Heimsbikarmótið (World Cup) en 30 skákmenn þurfa að tefla atskák til úrslit um 12 laus sæti og þar á meðal eru Íslandsvinirnir Movsesian og Sokolov. 

Enginn norðurlandabúi komst áfram en Emanuel Berg stóð sig best þeirra en hann fékk 7 vinninga.  Það er athyglisvert að ekkert norðurlandanna sendi fleiri fulltrúa á opin flokk en litla Ísland.  Svíar áttu einnig tvo fulltrúa en Danir, Finnar og Norðmenn áttu hvern sinn fulltrúa og sumir þeirra fóru á eigin vegum.  

Pia Cramling Evrópumeistari kvenna var eini fulltrúi norðurlandanna í kvennaflokki.   Í öðru sæti varð litháíska skákkonan Viktorija Cmilyte (2485) en Cramling vann hana í lokaumferðinni.  

• Heimasíða mótsins
• Chess-Results
• Skákirnar í beinni
• Chessdom

EM: Hannes með jafntefli - Henrik tapaði

Hannes Hlífar Stefánsson (2574) gerði jafntefli við þýska stórmeistarann Jens-Uwe Maiwald (2474) í 10. og næstsíðustu umferð EM einstaklinga sem fram fór í dag.   Henrik Danielsen (2494) tapaði fyrir gríska stórmeistarann Ioannis Papaioannou (2630).   Hannes hefur 5,5 vinning en Henrik hefur 5 vinninga.

Í elleftu og síðustu umferð, sem fram fer á morgun, teflir Hannes við þýska alþjóðlega meistarann Mathias Womacka (2452) en Henrik við makedónska alþjóðlega meistarann Dusan Lekic (2396).   

Efstur með 8 vinninga er rússneski stórmeistarinn Ian Nepomniachtchi (2656).   Litháíska skákkonan  Vitkorija Cmilyte (2485) er efst í kvennaflokki en hún hefur 8,5 vinning. 

• Heimasíða mótsins
• Chess-Results
• Skákirnar í beinni
• Chessdom

EM: Hannes og Henrik töpuðu

Hannes Hlífar Stefánsson (2574) og Henrik Danielsen (2494) töpuðu báðir í níundu umferð EM einstaklinga sem fram fór í dag í Rijeka í Króatíu.  Hannes tapaði fyrir búlgarska stórmeistarann Kiril Georgiev (2669) en Henrik fyrir rússneska stórmeistarann Sanan Sjugirov (2602)..Báðir hafa þeir 5 vinninga. 

Í tíundu og næstsíðustu umferð, sem fram fer á morgun, teflir Henrik við gríska stórmeistarann Ioannis Papaioannou (2630) en Hannes við þýska stórmeistarann Jens-Uwe Maiwald (2474).

Efstur með 7,5 vinning er rússneski stórmeistarinn Ian Nepomniachtchi (2656).   Litháíska skákkonan  Vitkorija Cmilyte (2485) er efst í kvennaflokki en hún hefur einning 7,5 vinning.

• Heimasíða mótsins
• Chess-Results
• Skákirnar í beinni
• Chessdom

EM: Henrik vann - Hannes tapaði

Henrik Danielsen (2494) sigraði hvít-rússneska stórmeistarann Sergei Azarov (2621) í áttundu umferð EM einstaklinga sem fram fór í Rijeka í Króatíu í dag.   Hannes Hlífar Stefánsson (2574) tapaði fyrir pólska stórmeistarann Bartlomiej Macieja (2625) í hörkuskák þar sem Hannes freistaði þess að tefla til vinningsí tímahraki andstæðingsins en tapaði eftir góða vörn Pólverjans.  Báðir hafa þeir 5 vinninga.

Í níundu umferð, sem fram fer á morgun, teflir Hannes við búlgarska stórmeistarann Kiril Georgiev (2669) en Henrik við rússneska stórmeistarann Sanan Sjugirov (2602).  Skák Hannesar verður sýnd beint á vef mótsins og hefst kl. 14:30. 

Efstur með 7 vinninga er georgíski stórmeistarinn Baadur Jobava (2695), eftir sigur á stigahæsta keppenda mótsins, Zoltan Almasi (2720) í dag, Í 2.-4. sæti með 6,5 vinning, eru stórmeistararnir  Zahar Efimenko (2640), Úkraníu, Íslandsvinurinn Ivan Sokolov (2638), Bosníu, og Ian Nepomniachtchi (2656), Rússlandi. 

Efstar í kvennaflokki með 6,5 vinning eru Monika Socko (2465), Póllandi, sem gerði jafntefli í dag við Piu Cramling, og Vitkorija Cmilyte (2485), Litháen.

 

• Heimasíða mótsins
• Chess-Results
• Skákirnar í beinni
• Chessdom

Hannes í beinni frá Rijeka

Skák Hannesar Hlífars Stefánssonar (2574) gegn hinum þekkta pólska stórmeistara Bartlomiej Macieja (2625) er sýnd beint á vefnum.   Tefla þeir slavneska vörn.  Skákin er sýnd beint á vefsíðu mótsins, einnig á Chessdom, auk þess sem með henni er fylgst á Skákhorninu.   Skák Henriks gegn hvít-rússneska stórmeistaranum Sergei Azarov (2621) er ekki sýnd beint en Henrik beitti þar Pirc-svörn.

Samkvæmt fréttaritara Skák.is í Rijeka eru allar aðstæður til fyrirmyndir og mótið mjög vel skipulagt.  Skákmennirnir tefla í stórum íþróttasal þar sem ekki væsir um þá.   

Fréttaritari Skák.is tók allmargar myndir bæði í gær, en þá fór fram fundur Evrópuskáksambandsins, en meðal gesta þar var Karpov sem nýlega lýsti yfir framboði sem forseti FIDE, og frá umferðinni í dag.  Þar koma vonandi á netið síðar í kvöld, annars síðar.

EM einstaklinga er ægisterkt mót.  Þátt taka 306 skákmenn og þar af 187 stórmeistarar!   Hannes er númer 120 í stigaröðinni en Henrik er númer 186.   Níu skákmenn hafa yfir 2700 skákstig en stigahæstur keppenda er Ungverjinn Zoltan Almasi (2720).

• Heimasíða mótsins
• Chess-Results
• Skákirnar í beinni
• Chessdom

Hannes í beinni á móti Fridman í kl. 14:30

Skák Hannesar Hlífars Stefánssonar (2574) gegn hinum kunna þýska stórmeistara Daniel Fridman (2650) verður sýnd beint frá EM einstaklinga og hefst útsendingin kl. 14:30

Skákin er sýnd beint á vefsíðu mótsins, einnig á Chessdom, auk þess sem líklegt er að með henni verði fylgst á Skákhorninu. 

EM einstaklinga er ægisterkt mót.  Þátt taka 306 skákmenn og þar af 187 stórmeistarar!   Hannes er númer 120 í stigaröðinni en Henrik er númer 186.   Níu skákmenn hafa yfir 2700 skákstig en stigahæstur keppenda er Ungverjinn Zoltan Almasi (2720).

• Heimasíða mótsins
• Chess-Results
• Skákirnar í beinni
• Chessdom