Áskorendaeinvígin: Gelfönd vann Mamedyarov

Þriðja skák 1. umferðar (8 manna úrslita)  áskorendaeinvíga FIDE fór fram í dag í Kazan í Rússlandi.  Gelfand (2733) vann Mamedyarov (2772) en öðrum skákum lauk með jafntefli.  Gelfand leiðir því 2-1 rétt eins og Kamsky gegn Topalov.  Lokaskák einvíganna, með venjulega umhugsunartíma, verður á morgun.  Verði jafnt að henni lokinni verður teflt til þrautar á mánudag með styttri umhugsunartíma.   Rétt er að benda á að Henrik Danielsen verður með daglegar skákskýringar á Chessdom.

Staðan í 8 manna úrslitum:

Topalov (BUL) - Kamsky (USA) 1-2
Kramnik (RUS) - Radjabov (AZE) 1½-1½
Aronian (ARM) - Grischuk (RUS) 1½-1½
Gelfand (ISR) - Mamedyarov (AZE) 2-1

• Heimasíða áskorendakeppninnar
• Skákirnar í beinni

 

Skáklist án landamæra - mót í Vin á mánudag

Mánudaginn 9. mai verður haldið skákmót í Vin, Hverfisgötu 47.

Mótið hefst klukkan 13:00 og skráning á staðnum.

Í tilefni þess að „List án landamæra" er í fullum gangi, þar sem listamönnum á öllum aldri hefur staðið til boða að sýna verk sín í hvaða formi sem er, þá höldum við að sjálfsögðu skáklistarmót.

Þó er þetta ei s og í öðrum íþróttum, það eru stigin sem telja á endanum, ekki verða veitt fegurðaverðlaun.

Tefldar verða sjö umferðir með sjö mínútna umhugsunartíma og skákstýra er Ingibjörg Edda Birgisdóttir.

Í miðju móti verður „café a la Vin" til að bústa upp mannskapinn.

Bókaverðlaun fyrir efstu sætin auk happadrættis.

Allt skákáhugafólk þvílíkt velkomið í Vin sem er að Hverfisgötu 47 í Reykjavik,

síminn er 561-2612.

EM öldungasveita: Tap gegn svissneskri sveit

Íslenska sveitin, Polar Bears Iceland, tapaði fyrir svissneskri sveit, 1-3, í 5. umferð EM öldungasveita sem fram fór í Þessalóníku í Grikklandi í morgun.  Íslenska sveitin hefur 5 stig og 8½ vinning og er í 20. sæti.  Arnþór Sævar Einarsson og Gunnar Finnlaugsson gerðu jafntefli en aðrir töpuðu. Arnþór hefur staðið sig afar vel á fyrsta borði og hefur 3½ vinning.  Rússar eru efstir á mótinu með 9 stig en Ísraelar og Svartfellingar hafa 8 stig.  Íslenska sveitin mætir austurrískri sveit í næstu umferð. 

Sterkir skákmenn taka þátt í keppninni, þar á meðal 12 stórmeistarar.  Stigahæstur keppenda er Evgeni Vasjukov (2480).  

Úrslit 5. umferðar:

Bo.	20	Polar Bears Iceland	Rtg	-	11	Switzerland	Rtg	1 : 3
7.1		Einarsson Arnthor	2227	-	FM	Vucenovic Dragomir	2249	½ - ½
7.2		Gunnarsson Gunnar K	2209	-	IM	Bhend Edwin	2257	0 - 1
7.3		Finnlaugsson Gunnar	2075	-	FM	Hohler Peter	2157	½ - ½
7.4		Kristjansson Sigurdur	1945	-		Illi Hans-Joerg	2141	0 - 1

 

Íslensku sveitina skipa:

1. Arnþór Sævar Einarsson (2227) 3½ v.
2. Gunnar Gunnarsson (2209) 3 v.
3. Gunnar Finnlaugsson (2075) 1½ v.
4. Sigurður Kristjánsson (1945) ½ v.

Sveitin er sú 20. sterkasta af 35 samkvæmt stigum.

• Heimasíða mótsins
• Myndaalbúm mótsins
• Chess-Results