Atskákmeistaramót SSON hefst í kvöld

Næstkomandi miðvikudag hinn 11. nóvember hefst Atskákmeistaramót SSON, tefldar verða 25 mínútna skákir allir við alla.  Nú hafa þegar 9 skráð sig til leiks, opið er fyrir skráningu fram að fyrstu umferð sem hefst kl. 19:30 á miðvikudag.  Hægt er að skrá sig með athugasemd hér á síðunni eða með því að hafa samband við Magnús Matthíasson í síma 691 2254.

Mótið tekur 3 miðvikudaga, frá og með 11. nóvember.  

Sigurvegari mótsins verður krýndur Atskákmeistari SSON 2009.

Mótið reiknast til íslenskra atskákstiga.

Barna- og unglingameistaramót T.R. fer fram nk. sunnudag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 15. nóvember í Skákhöllinni Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2009. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2009. Til viðbótar verða veitt verðlaun fyrir þrjú efstu sætin í aldursflokknum 12 ára og yngri. 

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 15. nóv. frá kl. 13.30- 13.45. 

Aðgangur á mótið er ókeypis.

Kramnik og Anand efstir í Moskvu

Indverski heimsmeistarinn Anand (2788) sigraði Ungverjann Leko (2752) í fimmtu umferð minningarmótsins um Tal sem fram fór í Moskvu í dag.  Öðrum skákum lauk með jafntefli og því er sem fyrr 80% jafnteflishlutfall á mótinu.  Kramnik (2772) og Anand eru efstir með 3½ vinning og Aronian (2786) er þriðji með 3 vinninga.  Stigahæsti keppandi mótsins, Magnus Carlsen (2801), hefur gert jafntefli í öllum sínum skákum.  Í sjöttu umferð, sem fram fer á morgun, mætast m.a.: Carlsen-Anand og Kramnik-Ponomariov. 

Úrslit 5. umferðar:

Anand, Viswanathan	- Leko, Peter	1-0
Aronian, Levon	- Morozevich, Alexander	½-½
Gelfand, Boris	- Kramnik, Vladimir	½-½
Ivanchuk, Vassily	- Carlsen, Magnus	½-½
Svidler, Peter	- Ponomariov, Ruslan	½-½

Staðan:

 

Nr.	Nafn	Land	Stig	Vinn	Rpf.
1.	Kramnik, Vladimir	RUS	2772	3½	2919
2.	Anand, Viswanathan	IND	2788	3½	2900
3.	Aronian, Levon	ARM	2786	3	2831
4.	Carlsen, Magnus	NOR	2801	2½	2761
5.	Ponomariov, Ruslan	UKR	2739	2½	2765
6.	Gelfand, Boris	ISR	2758	2½	2762
7.	Ivanchuk, Vassily	UKR	2739	2½	2766
8.	Morozevich, Alexander	RUS	2750	2	2701
9.	Svidler, Peter	RUS	2754	1½	2615
10.	Leko, Peter	HUN	2752	1½	2615

Um er að ræða sterkasta skákmót ársins en meðal keppenda eru 10 af 13 stigahæstum skákmönnum heims.  Carlsen er stigahæstur með 2801 skákstig en næstir eru Anand (2788), Aronian (2786) og Kramnik (2772).  Meðalstig mótsins eru 2764 skákstig.

Ýmsar leiðir eru til að fylgjast með skákunum beint sem hefjast kl. 12.  Ritstjóri bendir á eftirfarandi síður. 

• Heimasíða mótsins
• Skákirnar beint á vefsíðu mótsins
• Skákirnar beint á Chessdom
• Skákirnar beint á Chessvibes
• Skákirnar beint á TWIC