Henrik sigraði í fjórðu umferð

Stórmeistarinn Henrik Danielsen sigraði rússneska FIDE-meistarann Grigory Oparin (2343) í fjórðu umferð Marienbad Open sem fram fór í morgun í Tékklandi.  Henrik hefur 2 vinninga og er í 5.-6. sæti.  Í fimmtu umferð, sem fram fer síðar í dag, teflir Henrik við Pólverjann Marcin Sieciechowicz (2386).

Efstir með 3 vinninga, eru alþjóðlegu meistararnir Pavel Simachek (2513), Tékklandi og Richard Rapport (2444), Ungverjalandi.      

Alls taka 10 skákmenn þátt í a-flokknum og er Henrik næststigahæstur.  Meðalstigin eru 2429 skákstig.

• Heimasíða mótsins
• Chess-Results

Ekkert jafntefli í Rauðakrosshúsinu

Skákfélag Vinjar og Hrókurinn slógu upp móti í Rauðakrosshúsinu, Borgartúni 25, strax eftir hádegi í gær, mánudag. Í Rauðakrosshúsinu er dagskrá alla virka daga frá kl. 12-16, og stundum lengur.  Á meðan á mótinu stóð var prjónahópur að, fyrirlestur um  lífsleiðina frá miðjum aldri og til efri ára auk þess sem tálgunarnámskeið var hafið þegar verðlaunaafhending fór fram.

Tefldar voru sex umferðir með sjö mínútna umhugsunartíma og þeir fjórtán sem skráðu sig til leiks lögðu allt undir því engin af þeim 42 skákum sem tefldar voru enduðu með jafntefli. Róbert Lagerman  hélt utan um mótið, svo vel reyndar að hann sigraði örugglega og náði í sex af sex. Birgir Berndsen var með fimm vinninga og Jón Úlfljótsson og Árni Pétursson með fjóra. Veitt voru verðlaun fyrir þrjú efstu sæti auk þess sem dregnir voru út tveir happadrættisvinningar. Léttar veitingar voru í boði á meðan á móti stóð.

Úrslit:

• 1.        Róbert Lagerman                    6
• 2.       Birgir S. Berndsen                    5
• 3.       Jón Úlfljótsson                          4
• 4.       Árni Pétursson                          4
• 5.       Gunnar F. Ingibergsson           3
• 6.       Gunnar Örn Haraldsson           3
• 7.       Kristján Valsson                        3
• 8.       Arnar Valgeirsson                     3
• 9.       Guðmundur V. Guðmundss    3
• 10.   Haukur Halldórsson                  3
• 11.   Jón Birgir Einarsson                  2
• 12.   Óskar Einarsson                         1
• 13.   Zilvinas Balkevicius                    1
• 14.   Jón Gauti Magnússon               1

Henrik með jafntefli í þriðju umferð

Stórmeistarinn Henrik Danielsen gerði jafntefli við ungverska alþjóðlega meistarann Richard Rapport (2444) í þriðju umferð Marienbad Open sem fram fór í dag.   Henrik hefur 1 vinning og er í  6.-8. sæti.   Í fjórðu umferð, sem fram fer í fyrramálið, teflir Henrik við rússneska FIDE-meistarann Grigory Oparin (2343).

Rapport og tékkneski alþjóðlegi meistarinn Pavel Simachek (2513) eru efstir með 2,5 vinning.     

Alls taka 10 skákmenn þátt í a-flokknum og er Henrik næststigahæstur.  Meðalstigin eru 2429 skákstig.

• Heimasíða mótsins
• Chess-Results