Reykjavíkurmót grunnskólasveita í skák fer fram á mánudag

Reykjavíkurmót grunnskólanna í skák 2010 fer fram mánudaginn 12. apríl n.k. og hefst kl.17. Tefldar verða 7 umferðir með 10 mín. umhugsunartíma á skák.  Allar sveitirnar keppa í einum opnum flokki, og veitt verða verðlaun fyrir þrjár efstu sveitirnar sem og þrjár efstu stúlknasveitirnar. 

Hver sveit skal skipuð fjórum nemendum frá hverjum skóla auk 1-4 varamanna. Hverjum skóla er heimilt að senda fleiri en eina sveit til þátttöku og skal þá sterkasta sveitin nefnd A, sú næststerkasta B, o.s.frv. Sigursveitin verður Reykjavíkurmeistari grunnskólasveita 2010 og hlýtur farandbikar til vörslu í eitt ár. Mótið hefst, sem áður segir, kl.17 og lýkur um kl.20.  Verðlaunaafhending verður strax að móti loknu.

Sveitakeppni grunnskóla í Reykjavík er haldin í samvinnu Taflfélags Reykjavíkur og Íþrótta- og tómstundasviðs Reykjavíkur og fer keppnin fram í félagsheimili T.R., Faxafeni 12, Reykjavík. 

Mikilvægt er að skólarnir sendi fylgdarmann með sínu liði, keppendum til halds og trausts. Þátttaka tilkynnist til skrifstofu Íþrótta- og tómstundasviðs eða á netfang: [e-mail] einnig er hægt að senda skráningu á [e-mail]  eigi síðar en kl 14 mánudaginn 12. apríl. Skráning í síma 411-5000  Þátttökurétt hafa eingöngu nemendur í grunnskólum Reykjavíkur.

Grænlandsfarar á Rás 2 í fyrramálið

Sverrir Unnarsson verður í viðtali við Grænlandi á Rás 2 í fyrramálið.  Viðtalið verður um kl. 7:15.  

Gífurleg spenna á Íslandsmótinu í skák - fjórir skákmenn efstir og jafnir!

Fjórir skákmenn eru efstir og jafnir á Íslandsmótinu í skák, með 5,5 vinning, að lokinni sjöundu umferð umferð sem fram fór í kvöld í íþróttamiðstöðinni í Lágafelli í Mosfellsbæ.  Það eru bræðurnir Björn (2376) og Bragi Þorfinnssynir (2396), Guðmundur Gíslason (2382) sem sigraði Stefán Kristjánsson (2466), sem var meðal efstu manna fyrir umferðina, og stórmeistarinn Hannes Hlífar Stefánsson (2574).    Stefán Kristjánsson er svo fimmti með 4,5 vinning. 

Björn vann Ingvar Þór Jóhannesson í hörkuskák þar sem lengi virtist halla á Björn, Bragi lagði Daða Ómarsson, Hannes Hlífar hafði betur gegn Sverri Þorgeirssyni.  Róbert Lagerman og Þorvarður F. Ólafsson gerðu jafntefli.

Það situr nokkurn svip á stöðuna að Dagur Arngrímsson hefur hætt á mótinu vegna veikinda.  Þar sem Dagur teflir ekki helming skákana telst árangur hans ekki með og í stöðu mótsins er skráður vinningur á alla sem hafa átt að hafa mætt Degi í þegar loknum umferðum.  

Efstu menn mætast ekkert innbyrðis í áttundu umferð.  Björn teflir við stórmeistarann Þröst Þórhallsson, Hannes við Ingvar Þór Jóhannesson og Guðmundur við Daða Ómarsson.  Bragi á að mæta Degi og verður því með 6,5 vinning að lokinni umferðinni á morgun.   

Úrslit 7. umferðar:

	Gislason Gudmundur	1 - 0	IM	Kristjansson Stefan
	Omarsson Dadi	0 - 1	IM	Thorfinnsson Bragi
IM	Arngrimsson Dagur	- - +	GM	Thorhallsson Throstur
IM	Thorfinnsson Bjorn	1 - 0	FM	Johannesson Ingvar Thor
GM	Stefansson Hannes	1 - 0		Thorgeirsson Sverrir
	Olafsson Thorvardur	½ - ½	FM	Lagerman Robert

Staðan:

+ í aftasta dálk þýðir að menn eigi eftir að mæta Degi.

Rk.		Name	Rtg	Club/City	Pts.	Rp	rtg+/-	Fr.
1	IM	Thorfinnsson Bjorn	2376	Hellir	5,5	2587	8,2
2		Gislason Gudmundur	2382	Bolungarvik	5,5	2565	23,7	+
3	IM	Thorfinnsson Bragi	2396	Bolungarvík	5,5	2551	13,5	+
4	GM	Stefansson Hannes	2574	Hellir	5,5	2527	-1,9
5	IM	Kristjansson Stefan	2466	Bolungarvík	4,5	2485	2,4	+
6	FM	Johannesson Ingvar Thor	2343	Hellir	4	2359	2,3
7		Olafsson Thorvardur	2206	Haukar	3	2329	7,2
8		Thorgeirsson Sverrir	2177	Haukar	2,5	2276	10,5
9	GM	Thorhallsson Throstur	2407	Bolungarvík	2,5	2122	-21,9
10	FM	Lagerman Robert	2347	Hellir	2	2071	-30,3
11		Omarsson Dadi	2127	TR	1,5	2120	-2,5	+

• Heimasíða mótsins
• Chess-Results
• Skákirnar í beinni
• Myndir frá mótinu