Fundargerð aðalfundar

Fundargerð aðalfundar SÍ frá 29. maí er komin á heimasíðu SÍ.

Fundargerðir SÍ

B-flokki Íslandsmótsins í skák frestað fram í ágúst

B-flokki Íslandsmóts kvenna í skák hefur verið frestað fram í ágúst.  Flokkurinn fer mjög líklega fram í kringum helgina 20.-22. ágúst.  A-flokkurinn hefst hins vegar á fimmtudag og verður endanlegur keppendalisti og pörun í einstaka umferðir kynnt á morgun.  

 

Sumarskákmót og skákskýringar í Vin í dag

Óli B. Þórs, hinn síðhærði skákvíkingur, verður með skýringu á einni af sínum uppáhalds skákum í Vin á mánudaginn, 7. júní kl. 13:00 Það tekur 20-30 mínútur og af því loknu verður haldið sumarmót Skákfélags Vinjar undir stjórn þeirra félaga Óla og Róberts Lagerman. Tefldar verða 5-6 umferðir með 7 mínútna umhugsunartíma og Bókaforlagið Bjartur hefur gefið vinninga fyrir efstu sætin og auk þess verða dregnir út happadrættisvinningar.

Boðið verður upp á kaffi að sjálfsögðu og þvílíkt vinalegt andrúmsloft, þó baráttan verði hörð. Vin er að Hverfisgötu 47 í Reykjavík og er athvarf fyrir fólk með geðraskanir, rekið af Rauða krossi Íslands. Síminn er 561-2612 en skráning á staðnum og mótið algjörlega opið öllum.