Elvar Már sigraði í Kjördæmismóti í skólaskák

Kjördæmismót í skólaskák á Norðurlandi vestra var haldið í gær, í Húsi frítímans á Sauðárkróki. 5 keppendur tóku þátt, 2 í eldri flokki (8-10 bekkur) og 3 í yngri flokki (1-7 bekkur). Sigurvegari varð Elvar Már Valsson, Húnavallaskóla með 4 vinninga af 4 mögulegum. Í öðru sæti varð Ester María Eiríksdóttir, Grunnskólanum austan vatna, með 3 vinninga og jafnframt efst í eldri flokki.  

Þessi tvö unnu sér þátttökurétt í Landsmóti í skólaskák, sem haldið verður á Akureyri 5-7 maí. Í þriðja sæti og öðru í eldri flokknum, varð Auður Ragna Þorbjarnardóttir með 2 vinninga og síðan komu Mikael Máni Jónsson með 1 v. og Björn Jökull Bjarkason í öðru og þriðja sæti yngri flokksins, en þau eru öll úr Grunnskólanum austan vatna.

Björgvin Víglundsson Öðlingameistari og Íslandsmeistari 50 ára og eldri

Björgvin Víglundsson er Skákmeistari öðlinga 2017 sem og Íslandsmeistari skákmanna 50 ára eldri en Skákmóti öðlinga lauk síðastliðið föstudagskvöld í húsnæði Taflfélags Reykjavíkur að Faxafeni. Í spennandi lokaumferð sigraði Björgvin Þór Valtýsson og lauk leik með 6 vinninga af sjö mögulegum, jafnmarga vinninga og Fide-meistarinn Ingvar Þór Jóhannesson sem lagði Siguringa Sigurjónsson. Hlýtur Björgvin efsta sætið að loknum stigaútreikningi (tiebreaks). Þorvarður Fannar Ólafsson kom þriðji í mark með 5,5 vinning. Að þessu sinni var mótið aukinheldur Íslandsmót skákmanna 50 ára og eldri og varð Björgvin jafnframt efstur í þeim hópi og hlýtur því Íslandsmeistaratitilinn.

Öðlingamótið hefur verið haldið sleitulaust síðan 1992 og var vel skipað í ár, hið fjölmennasta síðan 2011, en þátt tóku 36 keppendur. Ríflega fjórðungur keppenda hafði meira en 2000 Elo-stig og ríflega helmingur meira en 1900 Elo-stig. Úr varð hið skemmtilegasta mót þar sem úrslit réðust ekki fyrr en að lokinni síðustu umferð sem að þessu sinni fór fram á föstudagskvöldi vegna þéttleika í mótahaldi.

Við upphaf móts var ljóst að baráttan myndi standa á milli stigahæstu manna og spurning hvort einhver hefði roð við Fide-meistaranum Ingvari Þór (2377) sem var langstigahæstur keppenda. Stórmeistari kvenna, Lenka Ptacnikova, er illviðráðanleg þegar hún er í gírnum en hún var næststigahæst keppenda (2210). Þorvarður, sem er tvöfaldur Öðlingameistari, var þriðji í stigaröðinni (2188) og skammt undan var Björgvin (2185) sem hefur verið ötull við skákborðið undanfarin misseri. Svo fór að baráttan stóð að mestu á milli Björgvins og Ingvars, sem og Siguringa Sigurjónssonar sem hóf mótið af miklum krafti en varð að lúta í gras gegn þeim tveim fyrrnefndu í síðari hluta mótsins. Lenka náði sér ekki almennilega á flug í mótinu en Þorvarður var aldrei langt frá toppbaráttunni og fór taplaus í gegnum mótið líkt og Björgvin og Ingvar.

Félagarnir Pétur Jóhannesson og Björgvin Kristbergsson láta sig sjaldan vanta á skákmót. Þeir háðu harða og afar spennandi orrustu í Öðlingamótinu.

Björgvin er sannarlega vel að báðum titlum kominn og óskum við honum til hamingju með glæsilegan árangur. Öll úrslit ásamt skákum mótsins má nálgast hér að neðan (skákirnar einnig á Chess-Results) en það var Daði Ómarsson sem sló inn skákirnar hratt og örugglega.

Hraðskákmót öðlinga fer fram miðvikudagskvöldið 12. apríl og hefst kl. 19.30. Að því loknu fer fram verðlaunaafhending fyrir bæði mótin.

Myndskreytt frásögn á heimaasíðu TR.

• Chess-Results
• Skákirnar (pgn): 1 2 3 4 5 6 7

Ný alþjóðleg skákstig

Ný alþjóðleg skákstig eru komin út og tóku gildi 1. apríl sl. Hjörvar Steinn Grétarsson (2567) hefur náð toppsætinu. Hannes Hlífar Stefánsson (2566) og Héðinn Steingrímsson (2562) þriðji.

 

Topp 20

No.	Name	Tit	apr.17	Diff	Gms
1	Gretarsson, Hjorvar Steinn	GM	2567	4	4
2	Stefansson, Hannes	GM	2566	-4	4
3	Steingrimsson, Hedinn	GM	2562	-2	3
4	Hjartarson, Johann	GM	2536	5	4
5	Petursson, Margeir	GM	2516	3	3
6	Olafsson, Helgi	GM	2512	-28	9
7	Danielsen, Henrik	GM	2490	0	1
8	Kjartansson, Gudmundur	IM	2468	-3	12
9	Gunnarsson, Jon Viktor	IM	2460	4	4
10	Arnason, Jon L	GM	2458	0	1
11	Thorfinnsson, Bragi	IM	2457	3	4
12	Gretarsson, Helgi Ass	GM	2448	1	3
13	Kristjansson, Stefan	GM	2447	-12	4
14	Thorsteins, Karl	IM	2432	0	0
15	Gunnarsson, Arnar	IM	2428	-3	4
16	Thorhallsson, Throstur	GM	2423	4	4
17	Thorfinnsson, Bjorn	IM	2413	3	4
18	Kjartansson, David	FM	2389	23	4
19	Arngrimsson, Dagur	IM	2376	1	4
20	Ulfarsson, Magnus Orn	FM	2375	-5	4

 

Stigalistann í heild sinni má finna hér.

 

Nýliðar

 

Átta nýliðar eru á listanum nú. Stigahæstur þeirra er Stefán Þormar Guðmundsson (1736). Í næstu sætum eru Georg Páll Skúlason (1584) og Ólafur Helgi Árnason (1565).

No.	Name	Tit	apr.17	Diff	Gms
1	Gudmundsson, Stefan Thormar		1736	1736	5
2	Skulason, Georg Pall		1584	1584	6
3	Arnason, Olafur Helgi		1565	1565	5
4	Fridthofsson, Sigurjon Thor		1545	1545	7
5	Johannsson, Hjortur Yngvi		1403	1403	5
6	Hakonarson, Oskar		1213	1213	6
7	Thorisson, Bjartur		1071	1071	10
8	Omarsson, Adam		1067	1067	12

 

Mestu hækkanir

Þorsteinn Magnússon (62) hækkar mest frá mars-listanum. Í næstu sætum eru Páll Þórsson (53), Halldór Atli Kristjánsson (53) og Arnar Smári Signýjarson (53).

No.	Name	Tit	apr.17	Diff	Gms
1	Magnusson, Thorsteinn		1489	62	3
2	Thorsson, Pall		1688	53	5
3	Kristjansson, Halldor Atli		1438	53	2
4	Signyjarson, Arnar Smari		1368	53	3
5	Gunnarsson, Baltasar Mani Wedhol		1230	48	3
6	Birkisson, Bjorn Holm		2057	45	4
7	Finnbogason, Knutur		1630	44	2
8	Karason, Halldor Ingi		1799	42	3
9	Vignisson, Ingvar Egill		1693	36	3
10	Edvardsson, Kristjan		2228	35	4
11	Thorhallsson, Pall		2052	34	4
12	Bergsson, Stefan		2031	34	7
13	Arnarson, David		1558	32	1
14	Magnusson, Bjorn		1278	31	1
15	Mai, Aron Thor		1956	30	4
16	Thorsteinsson, Leifur		1584	30	1
17	Heidarsson, Arnar		1391	30	2
18	Johannesson, Jon		1773	28	2
19	Aegisson, Sigurdur		1696	27	1
20	Hakonarson, Sverrir		1487	27	2

 

Stigahæstu skákkonur landsins

Lenka Ptácníková (2242) sem er fyrr langstigahæsta skákkona lansins. Í næstu sætum eru Hallgerður Helga Þorsteinsdóttir (2050) og Guðlaug Þorsteinsdóttir (2013).

No.	Name	Tit	apr.17	Diff	Gms
1	Ptacnikova, Lenka	WGM	2242	-3	3
2	Thorsteinsdottir, Hallgerdur	WFM	2050	0	0
3	Thorsteinsdottir, Gudlaug	WFM	2013	-3	2
4	Finnbogadottir, Tinna Kristin		1883	-11	3
5	Davidsdottir, Nansy		1864	-17	2
6	Kristinardottir, Elsa Maria		1822	-7	2
7	Magnusdottir, Veronika Steinunn		1785	12	2
8	Hauksdottir, Hrund		1765	7	2
9	Helgadottir, Sigridur Bjorg		1763	0	0
10	Fridthjofsdottir, Sigurl. Regina		1750	-14	3

 

Stigahæstu ungmenni landsins (fædd 1997 og síðar)

Vignir Vatnar Stefánsson (2341) er sem fyrr stigahæsta ungmenni landsins 20 ára og yngri. Í næstu sætum eru Dagur Ragnarsson (2316) og Oliver Aron Jóhannesson (2272).

No.	Name	Tit	apr.17	Diff	Gms	B-day
1	Stefansson, Vignir Vatnar	FM	2341	-12	13	2003
2	Ragnarsson, Dagur	FM	2316	18	11	1997
3	Johannesson, Oliver	FM	2272	17	4	1998
4	Thorgeirsson, Jon Kristinn		2189	-3	7	1999
5	Hardarson, Jon Trausti		2157	9	4	1997
6	Heimisson, Hilmir Freyr		2152	-22	1	2001
7	Birkisson, Bardur Orn		2146	4	4	2000
8	Jonsson, Gauti Pall		2087	12	7	1999
9	Thorhallsson, Simon		2074	-11	7	1999
10	Birkisson, Bjorn Holm		2057	45	4	2000

Stigahæsti eldri skákmenn landsins (65+)

Friðrik Ólafsson (2365) er sem fyrr langstigahæsti landsins 65 ára og eldri. Í næstu sætum Arnþór Sævar Einarsson (2255) og Jón Þorvaldsson (2170).

No.	Name	Tit	apr.17	Diff	Gms	B-day
1	Olafsson, Fridrik	GM	2365	0	0	1935
2	Einarsson, Arnthor		2255	-2	4	1946
3	Thorvaldsson, Jon		2170	2	1	1949
4	Kristinsson, Jon		2166	0	0	1942
5	Viglundsson, Bjorgvin		2143	-3	2	1946
6	Halfdanarson, Jon		2129	-15	2	1947
7	Fridjonsson, Julius		2126	-5	2	1950
8	Thor, Jon Th		2120	8	2	1944
9	Halldorsson, Bragi		2110	17	2	1949
10	Kristjansson, Olafur		2102	-10	3	1942

Reiknuð skákmót

• Íslandsmót skákfélaga (Seinni hluti - 1.-4. deild)
• Bikarsyrpa TR nr. 5
• Skáking Norðlendinga (umferðir 1-4 (atskák) og umferðir 5-7 (kappskák)
• Meistaramót Vinaskákfélagsins (atskák)
• Íslandsmót grunnskólasveita (atskák)
• Hraðskákmót Akureyrar (hraðskák)
• Þrjú elíutmót Hugins (hraðskák)
• Tvö hraðkvöld Hugins (hraðskák)
• Páskaeggjasyrpa TR nr. 1 (hraðskák)

Heimslistinn

Magnus Carlsen (2838) er stigahæsti skákmaður heims. Í næstu sætum eru Wesley So (2822) og Fabiano Caruana (2817)

Heimlistann má nálgast hér.

 

Skrár tengdar þessari bloggfærslu:

• Alþjóðleg skákstig, 1. apríl 2017

Hraðkvöld hjá Hugin í kvöld

Hraðkvöld Hugins í Mjóddinni verður mánudaginn 3. apríl nk. og hefst taflið kl. 20:00. Tefldar verða 7-10 umferðir með umhugsunartímanum 4 mínútur + 3 sekúndur á hvern leik eða 5 mínútur + 3 sekúndur á hvern leik eftir fjölda umferða. Teflt er í félagsheimili Hugins í Álfabakka 14a í Mjóddinni. Hraðkvöldið verður reiknað til hraðskákstiga. Í vetur verða svo hraðkvöldin fyrsta og síðasta mánudag í hverjum mánuði að því undanskildu þegar mánudag ber upp á stórhátíð eða aðrir viðburðir eru til staðar..

Sigurvegarinn á hraðkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Undanrásir Reykjavik Open Barna Blitz hefjast í dag

Eins og frá árinu 2009 stendur Skákakademía Reykjavíkur í samstarfi við taflfélög borgarinnar fyrir Reykjavík Open Barna-Blitz sem er hraðskákmót fyrir krakka í sjöunda bekk og yngri, það er fædd 2004 og síðar.

Taflfélag Reykjavíkur, Huginn, Skákdeild Fjölnis og Víkingaklúbburinn eru öll með undanrásir þar sem tvö sæti eru í boði í úrslitunum sem tefld verða sunnudaginn 23. apríl.

Tímasetningar undanrásanna liggja fyrir og eru eftirtaldar: 

Huginn: Mánudaginn 3. apríl í Mjóddinni, hefst 17:15.

Víkingaklúbburinn: Miðvikudaginn 5. apríl í Víkinni, 17:15. 

Skákdeild Fjölnis: Miðvikudaginn 5. apríl í Rimaskóla, hefst 16:30.

Taflfélag Reykjavíkur: Laugardaginn 8. apríl í Taflfélagi Reykjavíkur að Faxafeni 12, hefst 14:00.

 

Páskamót Vinaskákfélagsins fer fram í dag

Páskaskákmót Vinaskákfélagsins verður haldið mánudaginn 3. apríl kl: 13 í Vin að Hverfisgötu 47. Tefldar verða 6 umferðir með 7 mínútur á skák. Mótið verður reiknað til hraðskákstiga.  

Í hléi verður boðið upp á hið frábæra og ógleymanlega kaffi og veitingar. Góð verðlaun verða í boði. (Kannski verða einhver páskaegg í verðlaun).

Þið getið skráð ykkur á mótið á gula kassanum efst á síðunni á skak.is

Allir velkomnir!!

Guðmundur, Jóhann og Bragi efstir í áskorendaflokki

Guðmundur Gíslason (2313), Jóhann Ingvason (2121) og Bragi Halldórsson (2110) eru efstir og jafnir að lokinni annarri umferð áskorendaflokks Skákþings Íslands sem fram fór í dag. Guðmundur vann nýkrýndan öðlingameistara, Björgvin Víglundsson (2143), Jóhann hafði sigur gegn Halldóri Grétari Einarssyni (2257) í afar fjörlegri skák og Bragi lagði Jón Kristinsson (2166) að velli í vel útfærðri sóknarskák.

Umferð dagsins var afar fjörleg og má nefna að Hörður Jónasson (1513) fórnaði manni afar laglega gegn Ingvar Agli Vignissyni (1693).

Dagur Ragnarsson (2316) og Kristján Eðvarðsson (2228) sem gerðu jafntefli á efsta borði eru í 4.-5. sæti með 1,5 vinning.

Þriðja umferð fer fram á morgun og hefst kl. 18:30. Þá mætast meðal annars:

• Bragi Halldórsson (2) - Guðmundur Gíslason (2)
• Dagur Ragnarsson (1,5) - Jóhann Ingvason (2)
• Halldór Grétar Einarsson (1) - Kristján Eðvarðsson (1,5) og 1974. 

 

• Heimasíða SÍ
• Beinar útsendingar
• Vefútsending
• Chess-Results

 

Pétur Pálmi og Vigfús efstir á hraðkvöldi Hugins

Pétur Pálmi Harðarson og Vigfús Ó. Vigfússon voru efstir og jafnir á hraðkvöldi Hugins sem haldið var mánudaginn 27. mars sl. Þeir enduðu báðir með 11,5v af 14 mögulegum og voru einnig jafnir á stigum svo ekki var skilið á milli. Þeir mættust í tveimur skákum í fyrstu viðureign. Sú viðureign endaði 1-1 en Pétur Pálmi sem var algerlega óskrifað blað í skákinni, þegar kom að þessu hraðkvöldi var virkilega óheppinn að vinna ekki 2-0. Þegar leið á hraðkvöldið náði Vigfús forystu en í lokaumferðinni þá tryggði Hörður Garðarsson syni sínum hlutdeild í efsta sætinu með því að gera jafntefli við Vigfús. Þetta voru mjög óvænt og skemmtileg úrslit sem fáir áttu von á þegar sest var að tafli.

Í þriðja og fjórða sæti komu jafnir með 10,5v Gunnar Nikulásson og Hörður Garðarsson en þeir voru einnig jafnir að stigum og deildu þriðja og fjórða sætinu. Það var viðeigandi að Pétur Pálmi fengi að draga í happdrættinu eftir frammistöðuna í þessari frumraun sinni í skákmótum. Upp koma tala Hjámars Sigurvaldasonar sem hefur verið nokkuð fengsæll í happdrættinu undanfarið.  Næsta skákkvöld verður hraðkvöld mánudaginn 3. apríl.

Lokastaðan á hraðkvöldinu:

1. Pétur Pálmi Harðarson, 11,5v/14
2. Vigfús Ó. Vigfússon, 11,5v
3. Gunnar Nikulásson, 10,5v
4. Hörður Garðarsson, 10,5v
5. Hjálmar Sigurvaldason, 5,5v
6. Hörður Jónasson, 4v
7. Pétur Jóhannesson, 1,5v
8. Björgvin Kristbergsson, 1v

Úrslitin í chess-results:

Afar sterkur áskorendaflokkur hófst í gær - óvænt úrslit í fyrstu umferð

Áskorendaflokkur Íslandsmótsins í skák hófst í Stúkunni við Kópavogsvöll í gær. Flokkurinn er óvenju sterkur í ár en af 22 keppendum hafa 11 þeirra teflt í landsliðsflokki og þar af er einn fyrrum Íslandsmeistari í skák, Jón Kristinsson, sem hampaði titlinum 1971 og 1974. 

Tvö óvænt úrslit urðu í fyrstu umferðinni í gær. Óskar Long Einarsson (1681) gerði jafntefli við Tómas Björnsson (2179) og Héðinn Briem (1634) náði sömu úrslitum gegn Jóni Kristinssyni (2166).

Önnur umferð hefst kl. 13 í dag. Þá mætast meðal annars: Kristján Eðvarðsson (2228) - Dagur Ragnarsson (2316), Guðmundur Gíslason (2314) - Björgvin Víglundsson (2143), Jóhann Ingvason (2121) - Halldór Grétar Einarsson (2257) og gömlu kempurnar Jón Kristinsson (2166)- Bragi Halldórsson (2110).

Beinar útsendingar verða frá mótinu og stefnt er að því að þær hefjist með krafti í dag.

• Heimasíða mótsins
• Beinar útsendingar
• Vefútsending
• Chess-Results

 

Páskaeggjasyrpa TR heldur áfram í dag

Páskaeggjasyrpa Nóa Síríus og Taflfélags Reykjavíkur heldur áfram á morgun, sunnudaginn 2.apríl. Taflið hefst klukkan 13 og er áætlað að því ljúki um klukkan 15:45.

Keppt verður í tveimur flokkum, 1-3.bekk (og yngri) og 4-10.bekk. Sjö umferðir verða tefldar með 5 mínútna umhugsunartíma á mann og bætast 3 sekúndur við tímann eftir hvern leik (5+3). Hraðskákstig verða reiknuð. Enginn ólöglegur leikur er leyfður og því tapast skák við fyrsta ólöglega leik.

Verðlaunapeningur og páskaegg verða í verðlaun fyrir þrjú efstu sætin í hvorum flokki. Þá verður jafnframt páskaegg í verðlaun fyrir efstu stúlkuna í hvorum flokki. Að móti loknu verður einn þátttakandi dregin út í happdrætti og hlýtur sá heppni að launum stórt páskaegg. Þátttakendur geta aðeins fengið eitt páskaegg hver í hverju móti Páskaeggjasyrpunnar, þó er happdrættisvinningurinn undanskilin þeirri reglu. Að loknu þriðja og síðasta mótinu verða veitt stór páskaegg í verðlaun fyrir samanlagðan árangur.

Allir sem taka þátt í minnst tveimur af þremur mótum Páskaeggjasyrpunnar fá páskaegg í verðlaun fyrir þátttökuna og verða þau afhent í lok þriðja mótsins.

Skráning fer fram í gegnum skráningarformið hér að neðan, en einnig má nálgast það í gula kassanum á skak.is.

Taflfélag Reykjavíkur og Nói Síríus hlakka til að sjá ykkur á móti númer 2 í PÁSKAEGGJASYRPUNNI 2017!

Skráningarform

Skráðir keppendur