Meistraramót Hugins hefst eftir viku

Meistaramót Hugins (suðursvæði) 2016 hefst miðvikudaginn 31. ágúst klukkan 19:30. Mótið er 7 umferða opið kappskákmót sem lýkur 19. september. Leyft verður að taka 2 yfirsetur í 1.-5. umferð sem tilkynna þarf um fyrir lok næstu umferðar á undan. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra og íslenskra skákstiga. Skráning í mótið fer fljótlega af stað á skák.is en einnig er hægt að skrá sig með því að hringja í skákstjóra s-866-0116 (Vigfús).

Skákdagar eru mánudagar, miðvikudagar og fimmtudagar en aldrei eru meira en tvær umferðir í viku.

• Skráningarform

Aðalverðlaun:

1. 50.000
2. 40.000
3. 30.000

Aukaverðlaun (miðað er við alþjóðleg skákstig)

• Skákmeistari Hugins (suðursvæði): Kr. 10.000.
• Besti árangur undir  2000 skákstigum:  Skákbók hjá skákbóksölunni að verðmæti kr. 5.000.
• Besti árangur undir 1800 skákstigum:  Skákbók hjá skákbóksölunni að verðmæti kr. 5.000.
• Besti árangur undir 1600 skákstigum: Skákbók hjá skákbóksölunni að verðmæti kr. 5.000.
• Besti árangur stigalausra: Skákbók hjá skákbóksölunni að verðmæti kr. 5.000.
• Unglingaverðlaun (15 ára og yngri), skákbækur hjá skákbóksölunni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.500; aðrir 4.500-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið

Umferðartafla:

• 1. umferð, miðvikudaginn, 31. ágúst, kl. 19:30
• 2. umferð, fimmtudaginn, 1. september, kl. 19:30
• 3. umferð, mánudaginn, 5. september, kl. 19:30
• 4. umferð, miðvikudaginn, 7. september, kl. 19:30
• 5. umferð, mánudaginn, 12. september, kl. 19:30
• 6. umferð, fimmtudaginn, 15. september, kl. 19:30
• 7. umferð, mánudaginn, 19. september, kl. 19:30

Guðmundur vann í maraþonskák í fyrstu umferð í Abu Dhabi

Alþjóðlegi meistarinn Guðmundur Kjartansson (2442) tekur þátt í alþjóðlegu skákmóti sem hófst í dag í Abu Dhabi í Sameinuðu arabísku furstadæmunum. Guðmundur vann indversku skákkonuna Rucha Pujari (2137), sem er FIDE-meistari kvenna, í fyrstu umferð í dag. Maraþonskák sem tók 105 leiki.

Í lokastöðunni féll  hin indverska á tíma en þó beið hennar það erfiða verkefni að verjast með hróki gegn hróki biskupi Guðmundar.

Á morgun teflir Gummi við heimamanninn Saleh Salem (2617). Skákin verður sýnd beint og hægt að fylgjast með í beinni. Umferðin hefst kl. 13

137 skákmenn frá 32 löndum taka þátt í mótinu. Þar á meðal 40 stórmeistarar. 

• Heimasíða mótsins
• Beinar útsendingar
• Chess-Results

EM ungmenna: Tómas, Vignir, Bárður og Jón Kristinn unnu í dag

Fjórir vinningar komu í hús í dag í fjórðu umferð EM ungmenna. Tómas Möller (u8), Vignir Vatnar Stefánsson (u14), Bárður Örn Birkisson (u16) og Jón Kristinn Þorgeirsson (u18) unnu sínar skákir.  

Vignir Vatnar (u14) er efstur íslensku krakkanna með 2½ vinning. Tómas, Bárður Örn og Jón Kristinn hafa 2 vinninga. Björn Hólm Birkisson (u16) hefur 1½ vinning.

Úrslit 4. umferðar:

Staðan

 

 

Fimmta umferð fer fram á morgun. 

• Heimasíða mótsins
• Chess-Results
• Beinar útsendingar

Glæsilegt Minningarmót Birnu Norðdahl á Reykhólum: Lenka og Jón L. efst

Íslandsmeistarinn Lenka Ptáčníková og stórmeistarinn Jón L. Árnason sigruðu á Minningarmóti Birnu Norðdahl á Reykhólum laugardaginn 20. ágúst. Keppendur komu hvaðanæva af landinu og var mikil stemmning í íþróttahúsinu þar sem mótið fór fram við frábærar aðstæður.

Mótið var haldið til að minnast Birnu E. Norðdahl (1919-2004) sem var brautryðjandi í kvennaskák á Íslandi. Birna var bóndi og listakona og fyrsta konan sem sögur fara af að hafi teflt á skákmóti hérlendis, árið 1940. Hún átti frumkvæði og allan heiður af því að íslensk kvennasveit fór í fyrsta skipti á Ólympíuskákmót, í Argentínu 1978.

Íslenskar landsliðskonur í skák voru heiðursgestir á mótinu á Reykhólum, og í þeim hópi voru skákkonur sem tefldu með Birnu á Ólympíumótum 1978 og 1980. Þetta var hluti af upphitun kvennalandsliðsins fyrir Ólympíumótið í Bakú sem hefst eftir hálfa aðra viku.

Tefldar voru 8 umferðir með 10 mínútna umhugsunartíma og voru keppendur 37, þar af fjórir stórmeistarar. Í kvennaflokki urðu Lenka Ptáčníková og Hallgerður Helga Þorsteinsdóttir jafnar og efstar, en Lenka var hærri á stigum. Guðlaug Þorsteinsdóttir, sem varð fyrst kvenna Íslandsmeistari, árið 1975, hreppti bronsið, en jafnar í 4.-7. sæti urðu Hrund Hauksdóttir, Veronika Steinunn Magnúsdóttir, Áslaug Kristinsdóttir og Sigurlaug R. Friðþjófsdóttir. Þær Áslaug, Guðlaug og Sigurlaug voru allar í landsliðinu samtíða Birnu, rétt eins og Svana Samúelsdóttir, sem tók núna þátt í skákmóti eftir langt hlé.

Í karlaflokki urðu Jón L. og Jóhann Hjartarson efstir og jafnir, en Jón var hærri á stigum. Í þriðja sæti varð Hannes Hlífar Stefánsson, sem mun leiða sveit Íslands á Ólympíumótinu í Bakú sem hefst núna í byrjun september.

 

Hrund og Veronika fengu verðlaun fyrir bestan árangur 20 ára og yngri, og heimamaðurinn Guðjón D. Gunnarsson (betur þekktur sem Dalli) varð efstur skákmanna með 2000 skákstig eða minna.

Vegleg peningaverðlaun voru veitt á mótinu. Verðlaun í kvennaflokki voru ívið hærri en hjá körlunum, og er það algjör nýbreytni á skákmótum. Það var að frumkvæði Finns Árnasonar forstjóra Þörungaverksmiðjunnar á Reykhólum, sem styrkti mótið með verulegu fjárframlagi. Auk þess tefldi Finnur á mótinu, þó að árangur hans þar hafi kannski ekki verið alveg í takti við peningaframlagið.

 

Fjölmenni var við setningu mótsins á Reykhólum í dag og ríkti afar góður andi á mótinu. Samhliða fór fram sýning á munum sem tengjast Birnu, bæði listaverk eftir hana og verðlaunagripir hennar af skákmótum, sem og myndir sem tengjast sögu íslenskra skákkvenna.

Við setningu mótsins flutti Hlynur Þór Magnússon sagnfræðingur á Reykhólum ávarp, en hann var frumkvöðull að mótinu og skipuleggjandi ásamt Skákfélaginu Hróknum. Setningarávarpið flutti Ingibjörg Birna Erlingsdóttir sveitastjóri Reykhólahrepps, og svo lék Birna E. Norðdahl, barnabarn skákdrottningarinnar, fyrsta leikinn fyrir Hrund Hauksdóttur gegn Hannesi Hlífari.

 

Mótið var afar skemmtilegt og spennandi frá upphafi og leikgleðin í fyrirrúmi. Heimamenn á Reykhólum og fjölskylda Birnu tóku virkan þátt í hátíðinni og voru tvær dætur Birnu meðal keppenda, þær Indiana Svala Ólafsdóttir og Anna María Ólafsdóttir.

Í mótslok þakkaði Hrafn Jökulsson forseti Hróksins fjölskyldu Birnu, fólkinu á Reykhólum og í Reykhólahreppi, keppendum og bakhjörlum, en þó sérstaklega Hlyni Þór Magnússyni, fyrir frumkvæðið og frábært samstarf við skipulagningu hátíðarinnar. 

 

Í tilefni af hátíðinni færðu Hrókurinn og Þörungaverksmiðjan grunnskólanum á Reykhólum 10 taflsett að gjöf, og munu Hróksmenn efna til skákdaga í skólanum í haust. Mikill skákáhugi er meðal barna og ungmenna á Reykhólum og tóku þau virkan þátt í hátíðinni.

Ólympíufarinn: Omar Salama

Ólympíuskákmótið fer fram 2.-13. september nk. í Bakú í Aserbaísjan. Nítján manns verða í sendinefnd Íslands. Fram að móti verða Ólympíufararnir kynntir - einn á dag.

Í dag kynnum við til leiks Omar Salama sem verður einn fimm íslenskra skákstjóra á staðnum.

Nafn?

Omar Salama

Aldur?

35

Hlutverk?

Aðstoðar sector arbiter.

Uppáhalds íþróttafélag?

Valur

Hvernig er undirbúningi þínum fyrir mótið háttað?

Árið 2016 var ég með fjögur dómaranámskeið í Kaíró, Monrovía, Stockholm og Kampala. Ég var yfirdómari Afríkumeistaramótanna í kappskák, atskák og hraðskák. Var líka dómari í Úganda í lók júlí. Held mér í skákformi með því tefla á netinu daglega og og fylgjast mjög vel með helstu elítuskákmótum.

Hvenær tókstu fyrst þátt á Ólympíuskákmóti og hversu oft hefur þú tekið þátt?

Fyrst var í Dresden 2008. Þetta er í fjórða skipti.

Getur þú nefnt frægan skákmann fæddan í Bakú?

Elmar Magerramov (þjálfari Kasparov) 

Minnisstæðasta atvik á Ólympíuskákmóti?

Í Tromsö í Noregi. Einn skákmaður mótmælti að tefla á móti skákkonu af því að hún átti ekki að tefla í karlaflokki.

Er Kaspíahafið haf eða stöðuvatn?

Rauðahafið ef það er í boði. 

Minnisstæða skák á Ólympíuskákmóti og af hverju?

Verður tefld í Bakú.

Hverjar eru þínar væntingar/vonir um gengi íslensku liðanna?

Vonandi gengur vel og þau nái hærra sæti en siðastu árum. 

Í ljósi þess að Björn Þorfinnsson er ekki í Bakú-hópnum – hver verður aðaltrúður ferðarinnar?

Það verða margir. Og það verður sérstaklega gaman að fá KÖE með í fyrsta skipti  

Eitthvað að lokum?

Ég held að það verður mest skemmtilegast og vel skipulagð ólimpíumót hingað til 

Skákþáttur Morgunblaðsins: Tveir nýliðar í kvennaliði Íslands á Ólympíumótinu í Baku

 

Tveir nýliðar eru í sveit Íslands sem tekur þátt í kvennaflokki Ólympíumótsins í Baku í Aserbaídsjan sem hefst 1. september nk. Sá háttur hefur verið hafður á undanfarin ár að þjálfari og liðsstjóri, sem í tilviki kvennaliðsins er Björn Ívar Karlsson, gerir tillögu um hópinn sem teflir fyrir Íslands hönd. Á 1. borði verður okkar langsterkasta skákkona, Lenka Ptacnikova, en aðrar í sveitinni eru Guðlaug Þorsteinsdóttir, Hallgerður Helga Þorsteinsdóttir og nýliðarnir Hrund Hauksdóttir og Veronika Steinunn Magnúsdóttir. Guðlaug tefldi síðast á Ólympíumótinu í Dresden árið 2008.

„Lokaæfingin“ fyrir Ólympíumótið fer fram þessa dagana í húsakynnum SÍ þar sem stendur yfir keppni í landsliðsflokki kvenna og allar í ólympíusveitinni eru með. Líklegt er að úrslit hafi ráðist á fimmtudagskvöldið en þá vann Lenka Ptacnikova Guðlaugu Þorsteinsdóttur. Þær höfðu báðar unnið fyrstu þrjár skákir sínar. Staðan fyrir síðustu umferð sem fram fer í dag er þessi:

1. Lenka Ptacnikova 4 v. (af 4) 2. Guðlaug Þorsteinsdóttir 3 v. 3. – 4. Hallgerður Helga Þorsteinsdóttir og Veronika Steinunn Magnúsdóttir 2 v. 5. Hrund Hauksdóttir 1 v. 6. Tinna Kristín Finnbogadóttir 0 v.

Í fjórðu umferð mættust einnig nýliðarnir Hrund og Veronika. Hrund vann Hallgerði í fyrstu umferð mótsins en í þessari skák var uppbygging hennar gegn sikileyjarvörn ekki nægilega markviss og Veronika leysti úr læðingi mikinn kraft í eftirfarandi stöðu:

Skákþing Íslands 2016:

Hrund – Veronika

25. ... f4!

26. Dxf4 Rf3+!

27. Kf1 Dxf4

28. gxf4 Bc4+!

29. Bd3

Ekki 29. Re2 Hg1 mát.

29. .. Bxd3+!

– og Hrund gafst upp þar sem hún verður hrók undir eftir 30. Hxd3 Hg1+ 31. Ke2 Rxd4+ og 32. ... Hxa1.

 

Minningarmót um Birnu Norðdahl

Það er vel við hæfi í aðdraganda ólympíumótsins og að loknu Íslandsmóti kvenna að halda minningarmót um merkan brautryðjenda, Birnu Norðdahl. Mótið fer fram laugardaginn 20. ágúst að Reykhólum við Breiðafjörð og hafa kunnir kappar á borð við Friðrik Ólafsson, Jóhann Hjartarson og Jón L. Árnason boðað komu sína og þátttöku. Tefldar verða átta umferðir með 10 mínútna umhugsunartíma. 

Birna Norðdahl, sem var bóndi og listamaður, dreif áfram af miklum krafti þá hugsjón sína að íslenskar konur tækju þátt í ólympíuskákmótum. Henni tókst ætlunarverk sitt og fyrsta íslenska kvennaliðið var sent á Ólympíumótið í Buenos Aires haustið 1978 Birna sem þá var tæplega sextug tefldi á 3. borði en aðrar í þessari ólympíusveit Íslands voru Guðlaug Þorsteinsdóttir, Ólöf Þráinsdóttir og Svana Samúelsdóttir.

Skákfélagið Hrókurinn er aðal-skipuleggjandi minningarmótsins en nánari upplýsingar má finna á skak.is og hrokurinn.is. 

So efstur á Sinquefield cup

Filippseyingurinn Wesley So vann Búlgarann Veselin Topalov í 6. umferð stórmótsins í St. Louis og komst við það í efsta sætið. Tíu skákmennt taka þátt í mótinu. Magnús Carlsen sá sér ekki fært að vera með vegna undirbúnings fyrir heimsmeistaraeinvígið við Karjakin í New York í haust en staðan þegar þrjár umferðir eru eftir er þessi:

 

1. So 4 v. (af 6) 2. – 3. Anand og Topalov 3 ½ v. 4. – 8. Vachier Lagrave, Aronjan, Nakamura og Liren Dind 3 v. 9. Giri 2 ½ v. 10. Svidler 1 ½ v.

Helgi Ólafsson [e-mail]

Grein þessi birtist í Morgunblaðinu 13. ágúst 2016

Skákþættir Morgunblaðsins

Ólympíufarinn: Ingvar Þór Jóhannesson

Ólympíuskákmótið fer fram 2.-13. september nk. í Bakú í Aserbaísjan. Nítján manns verða í sendinefnd Íslands. Fram að móti verða Ólympíufararnir kynntir - einn á dag.

Í dag kynnum við til leiks Ingvar Þór Jóhannesson, liðsstjóra í opnum flokki. 

Nafn?

Ingvar Þór Jóhannesson stundum kallaður Zibbit eða Xzibit vegna vals á notendanafni á skákþjóninum ICC í kringum aldamótin. Það val var einmitt litaf af ást minni á geisladisknum “At the speed of life” með meistara Xzibit. Þar var lagið “Paparazzi” í miklum metum en það hefur meðal annars hljómað í flutningi hóps íslenskra skákmanna í borgum eins og Dunkirk og Pardubice.

Aldur?

39 ára en mun yngri í anda……mun

Hlutverk?

Liðsstjóri/Einvaldur í opnum flokki. Ég verð líklegast beðinn um að ná í eitthvað kaffi líka en ég er að vinna í því að semja um að útselja þá vinnu.

Uppáhalds íþróttafélag?

Ætli það verði ekki að vera Þróttur Reykjavík þótt það taki ansi mikið á á köflum. Eins ber maður hlýju til ýmissa skákfélaga.

Hvernig er undirbúningi þínum fyrir mótið háttað?

Fundarhöld og hittingar og passa að menn séu klárir í slaginn.

Hvenær tókstu fyrst þátt á Ólympíuskákmóti og hversu oft hefur þú tekið þátt?

Var liðsstjóri hjá kvennaliðinu 2014 í Tromsö sem er eina Ólympíuskákmótið en hef verið á tveimur Evrópumótum.

Getur þú nefnt frægan skákmann fæddan í Bakú?

Ég samdi nú einu sinni spurningu á pub quiz á Reykjavik Open sem hafði mynd af Kasparov, Radjabov, Sutovsky og Elinu Danielian og spurt var hvað þau ættu sameiginlegt…..sem er þá væntanlega að vera öll fædd í Baku 

Minnisstæðasta atvik á Ólympíuskákmóti?

Það voru mörg skemmtileg atvik á síðasta Ólympíumóti en því miður var það heldur leiðinlegt atvik sem er minnisstæðast en það var þegar einn keppandi fékk hjartaáfall nokkuð stutt frá þar sem lið okkar var að tefla í síðustu umferð.

Það var samt gaman þegar við vorum í fótbolta nokkrir Íslendingar með Magnusi Carlsen og fleiri stórmeisturum og MC kallaði “Ingvar” þegar hann vildi fá sendingu…..sem hann auðvitað fékk, vandaða innanfótar stoðsendingu!

Er Kaspíahafið haf eða stöðuvatn?

Ef einhver skýrir það haf þá verð ég einfaldlega að treysta því!

Minnisstæða skák á Ólympíuskákmóti og af hverju?

Hef hugsað þessa spurningu mikið en dettur engin ákveðin skák í hug. Eigum við ekki bara að segja að það sé “skákin” þar sem að litla stelpa frá Rwanda tapaði útaf zero tolerance en það sýnir að þar er á ferðinni ein versta regla skáksögunnar.

Hverjar eru þínar væntingar/vonir um gengi íslensku liðanna?

Það er alltaf ágætis viðmið að enda ofar á töflunni heldur en stigin gefa til kynna. Oft hefur líka verið ákveðið viðmið að vinna “Norðurlandakeppnina” … það er hinsvegar ansi erfitt núna með Magnus Carlsen og félaga hjá Noregi. Fyrst og fremst vona ég þó að ferðin verði gagnleg fyrir yngri liðsmenn beggja sveita og þeir nái að drekkja í sig þekkingu og visku frá eldri liðsmönnum sem vonandi bætir komandi kynslóðir (vá hvað þetta var klén og pólitísk setning!)

Í ljósi þess að Björn Þorfinnsson er ekki í Bakú-hópnum – hver verður aðaltrúður ferðarinnar?

Í ljósi þess hversu líkamsbyggingar okkar Björns samsvara sér vel tel ég eðlilegast að ég taki að mér fíflalæti og eftirhermur til að halda hópnum léttum. Annars eru menn almennt nokkuð stríðnir þannig að litlar áhyggjur þarf að hafa af stemmningsleysi í hópnum.

Eitthvað að lokum?

Að lokum legg ég til að lausaganga sauðfjár á Íslandi verði bönnuð!

Útitaflið: Heljarstuð á Menningarnótt

Skákakademía Reykjavíkur stendur fyrir skákdagskrá á Menningarnótt. Klukkan 12:30 fer fram hið kunna Alheimsmót í Leifturskák þar sem þátttakendur eru aðeins með eina mínútu á klukkunni. Í hverri umferð þarf að vinna tvær skákir. Mótið er boðsmót með tólf keppendum sem tefla allir við alla. Sex sterkir keppendur eru þegar skráðir og geta aðrir áhugasamir sent þátttökubeiðni á [e-mail]. Eftir Alheimsmótið eða klukkan 14:00 fer fram Menningarnæturmótið í Heilinn og höndin. Heilinn og höndin er þannig skák að tveir og tveir eru saman í liði. Annar segir mann en hinn leikur. Skemmtilegt fyrirkomulag á skák sem hefur notið aukinna vinsælda síðustu árin. Í hverju liði mega heildarstig hvers pars ekki vera hærri en 4500 FIDE- skákstig.  Tefldar verða fimm umferðir. Skráning á [e-mail]

Hátíðin fer fram við útitaflið í Lækjargötu.Á myndinni að neðan má sjá einn sterkasta Leifturskákmann landsins Jón Gunnar Jónsson að tafli. Jón er sigurstranglegur fyrir laugardaginn en það er hinn eldsnöggi Halldór Brynjar Halldórsson frá Akureyri einnig.

EM ungmenna: 4½ vinningur í hús í dag

Önnur umferð EM ungmenna fór fram í dag í Prag. Öllu betur gekk í dag en í gær og kom 4½ vinningur í hús í 11 skákum. Björn Hólm Birkisson (u16), Jón Kristinn Þorgeirsson (u18), Freyja Birkisdóttir (u10) unnu í dag. Róbert Luu (u12), Vignir Vatnar Stefánsson (u14) og Bárður Örn Birkisson (u16) gerðu jafntefli. 

Vignir Vatnar (u14) er efstur íslensku krakkanna með 1½ vinning. 

Úrslit 2. umferðar:

Þriðja umferð fer fram á morgun. 

 

• Heimasíða mótsins
• Chess-Results
• Beinar útsendingar

Suzuki bílar (Helgi Áss) sigurvegarar Borgarskákmótsins

Stórmeistarinn Helgi Áss Grétarsson sem tefldi fyrir Suzuki bíla sigraði á 31. Borgarskákmótinu sem fram fór í Ráðhúsi Reykjavíkur á miðvikudaginn 17. ágúst sl. Þá voru rétt tæp 30 ár síðan fyrsta Borgarskákmótið fór fram í Lækjargötu á 200 ára afmæli Reykjavíkurborgar þann 18. ágúst 1986. Helgi sigraði alla andstæðinga sína og lauk móti með 7 vinninga. Þetta er í þriðja sinn sem Helgi Áss sigrar á mótinu en nokkuð langt er um liðið síðan því hann vann mótin 1992 og 1994. Suzuki bílar brutu hins vegar blað í sögu keppninnar og voru fyrsta fyrirtækið til að vinna mótið í tvisvar en þeir höfðu áður unnið mótið 2008 en deildu þá efsta sætinu með Ístak.

Formaður borgarráðs og staðgengill Borgarstjóra Sigurður Björn Blöndal setti mótið, Að því loknu lék hann fyrsta leiknum í skák Jóhanns Hjartarsonar (Hlaðbær Colas hf) og Birkis Karls Sigurðssonar (Samhentir kassagerð). Mótið í ár var vel sótt en alls tók 71 keppandi þátt að þessu sinni. Skráning í mótið fór hægt að stað og margir skráðu sig seint og sumir ekki fyrr en á skákstað. Fyrirfram var gert ráð fyrir að keppendur yrðu ekki fleiri en 70 og líklegur þátttakendafjöldi væri í kringum 60 og voru aðeins 36 skáksett á staðnum. Nokkuð var um misröðun í settunum frá fyrri mótum þannig að aðeins náðust 35 nokkuð heil sett út úr þeim töflum. Þar í vantaði eina svarta drottningu og í snatri kveðinn upp sá úrskurður á því borði væri svartur hrókur á hvolfi ígildi drottningar. Þessi svarti hrókur á hvolfi gekk svo á milli borða eftir umferðum eins og heita kartaflan sem enginn vildi hafa.

Átta titilhafar tóku þátt í mótinu og fyrirfram mátti búast við harðri keppni þeirra á milli um sigur á mótinu. Sú varð líka raunin því þeir tóku sjö af 10 efstu sætunum. Þrír titillausir keppendur komust á milli þeirra. Þeirra fremstur var skákdómarinn Omar Salama (Efling stéttarfélag) sem varð annar í mótinu með 6v eins og alþjóðlegi meistarinn Guðmundur Kjartansson (Verkalýðsfélagið Hlíf) sem var þriðji en Omar var sjónarmun á undan á stigum.

Yfir sjötíu ára aldursmunur var á yngsta og elsta keppenda mótsins þeim Tryggva Jónssyni (8) og Magnúsi V. Jónssyni (83) sem á árum áður var þekktur knattspyrnudómari og stóðu þeir báðir sig með prýði. Yngri skákmenn voru nokkru færri en oft áður þar sem 11 manna hópur fór á HM ungmenna daginn áður. Þeir sem heima sátu stóðu fyrir sínu en fremstur fór Oliver Aron Jóhannesson (Borgun hf) sem hlaut 5,5v. Skammt undan komu svo Jón Trausti Harðarson (Reykjavíkurborg) með 5v og Örn Leó Jóhannsson (Sorpa) með 4,5.

Af titillausum skákmönnum náði Bragi Halldórsson (Hamborgarabúlla Tómasar) athygliverðum árangri með því að lenda í 4 sæti með 5,5v eins og Oliver Aron en Bragi hafði 4. sætið á stigum. Bragi tapaði aðeins fyrir sigurvegara mótsins og gerði jafntefli við Oliver í lokaumferðinni en vann aðra andstæðinga. Sá þriðji á titils sem var í topp 10 var Ögmundur Kristinsson (Ís-spor) sem fékk 5v.

Af stúlkunum stóð Lenka Ptacniková (Hreyfill/Bæjarleiðir) sig best (4v), Hallgerður Helga Þorsteinsdóttir (Hlölla bátar) (4v) og Jóhanna Björg Jóhannsdóttir (Góa/Linda sælgætisgerð) (4). Það verður nóg að gera hjá þeim því kvennalandsliðið fer í æfingabúðir á Reykhólum um næstu helgi og tekur þátt í minningarmóti um Birnu Norðdahl á laugardaginn.

Töluverður fjöldi áhorfenda var á mótinu, þá aðallega túristar sem staddir voru í Ráðhúsinu og fylgdust spenntir með af pallinum. Meðan skákstjórar brugðu sér í mat fyrir mótið notuð margir þeirra tækifærið og settust að tafli þannig að þeir komu til baka úr matnum voru túristar búnir að yfirtaka skáksalinn þannig að annað hvert borð var setið og tiltölulega fáir túristar við landakortið.

Skákfélagið Huginn vill koma á framfæri þökkum til allra þeirra sem tóku þátt, Borgarinnar fyrir að hýsa mótið, Taflfélagi Reykjavíkur fyrir samstarfið og síðast en ekki síst þeim fjölmörgu fyrirtækjum sem styrktu mótið.

Sjáumst að ári!

Lokastaðan:

Röð		Nafn	Stig	Fyrirtæki	Vinn.	BH.
1	GM	Gretarsson Helgi Ass	2450	Suzuki bílar	7	32½
2		Salama Omar	2282	Efling Stéttarfélag	6	33½
3	IM	Kjartansson Gudmundur	2354	Verkalýðsfélagið Hlíf	6	32½
4		Halldorsson Bragi	2175	Hamborgarabúlla Tómasar	5½	32
5	FM	Johannesson Oliver	2138	Borgun hf	5½	27
6	IM	Jensson Einar Hjalti	2327	Ölstofan	5	32
7		Kristinsson Ogmundur	2075	Ís-spor	5	31½
8	FM	Sigfusson Sigurdur	2225	N1	5	30½
9	GM	Hjartarson Johann	2585	Hlaðbær Colas hf	5	30½
10	FM	Sigurpalsson Runar	2303	Húsasmiðjan hf	5	30½
11		Bjornsson Bjorn Freyr	2145	Kvika Banki ehf	5	30
12		Runarsson Gunnar	2103	Kópavogsbær	5	28½
13		Halldorsson Halldor	2223	Sjóvá Tryggingafélag	5	28
14		Hardarson Jon Trausti	1942	Reykjavíkurborg	5	24½
15		Thorsson Olafur	2170	Lucky records	4½	33
16		Johannsson Orn Leo	2098	Sorpa	4½	32½
17		Gudfinnsson Saebjorn	0	Kentucky Fried Chicken	4½	29½
18		Arnarsson Hrannar	2073	Iceland Travel	4½	26
19	WGM	Ptacnikova Lenka	2089	Hreyfill/Bæjarleiðir hf	4	30
20		Thorsteinsdottir Hallgerdur	1943	Hlölla bátar	4	27½
21		Bjornsson Gunnar	2105	Mjólkursamsalan	4	27½
22		Andrason Pall	1953	Arion Banki	4	27
23		Bergsson Stefan	2073	Hvalur hf	4	27
24		Maack Kjartan	2197	Íslandspóstur	4	26
25		Bjornsson Sverrir Orn	2057	Grillhúsið Tryggvagötur	4	26
26		Mamak Wojciech	1953		4	26
27		Johannsson Hjortur Yngvi	1613		4	25½
28		Finnlaugsson Gunnar	2070	Starfsmannfelag Reykjavíkurborggar	4	25½
29		Sigurdsson Arnljotur	1868		4	24½
30		Eliasson Kristjan Orn	1860	Landsbankinn	4	22
31		Kolka Dawid	1735	Malbikunarstöðin Höfði	4	21½
32		Johannsdottir Johanna Bjorg	1966	Góa/Linda sælgætisgerð	4	21½
33		Haraldsson Sigurjon	1754	Hótel Borg	3½	31
34		Berndsen Birgir	1892	Tapas barinn	3½	25½
35		Magnusson Thorlakur	1760	ÍTR	3½	24½
36		Ulfljotsson Jon	1625	Kaupfélag Skagfirðinga	3½	24
37		Sigurdsson Birkir Karl	1802	Samhentir kassagerð	3½	24
38		Palsson Halldor	1930	Olís hf	3½	22½
39		Helgi Petur Gunnarsson	0		3½	22
40		Davidsson Oskar Vikingur	1466	Íslandsstofa	3½	21½
41		Thorsson Pall	1790	AKA Ísaga	3	31
42		Sigurdsson Snorri Thor	1955	Verkís hf	3	25
43		Hauksson Hordur Aron	1805	Grafía	3	24
44		Haraldsson Oskar	1775	Slökkvilið höfuðborgarsvæðisins	3	23½
45		Magnusdottir Veronika Steinun	1525		3	22
46		Mai Alexander Oliver	1480		3	22
47		Mai Aron Thor	1714	Valitor	3	21½
48		Angantysson Asgrimur	0		3	21
49		Sigurvaldason Hjalmar	1511		3	19½
50		Viglundsson Jon	0		3	18
51		Davidsson Stefan Orri	1211		3	17
52		Finnsson Finnur	1498		3	17
53		Ragnarsson Heimir Pall	1433		3	16
54		Fivelstad Jon Olav	1758		2½	25
55		Haraldsson Gunnar Orn	1740	Gámaþjónustan hf	2½	24
56		Plantada Siurans Estanislau	1463		2½	22
57		Jonsson Robert Leo	1633		2½	22
58		Asgrimsson Olafur Sigurbj	0	Landsvirkjun hf	2½	18½
59		Jonasson Hordur	1421		2½	18
60		Agnarsson Ingi	0		2	25
61		Thoroddsen Arni	1584		2	24½
62		Jonatansson Sigurdur Freyr	1583		2	24
63		Einarsson Oskar Long	1675	Guðmundur Arason Smíðajárn	2	22
64		Jonsson Sveinbjorn	1635		2	19
65		Ingveldarson Thorvaldur Kari	0		2	18
66		Johannesson Petur	1278		2	17
67		Petursson Magnus V.	0		2	16½
68		Haile Batel Goitom	0		1	19½
69		Kristbergsson Bjorgvin	1212		1	17½
70		Jonsson Tryggvi	0		1	17½
71		Jonsson Arni Bjartur	0		1	17½

 

Nánar á Chess-Results.