Úrslitaviðureign Hugins og Bolvíkinga hefst kl. 14

Úrslitaviðureign Skákfélagsins Hugins og Taflfélags Bolungarvíkur í Hraðskákkeppni taflfélaga fer fram í dag og hefst kl. 14. Bæði liðin hafa á afar sterku liði að skipa og má búast við spennandi viðureign.

Allt að sjö stórmeistarar mæta til leiks í dag og þar af þrír úr hinu svokollaða gullaldarliði.  

Teflt er í húsnæði Skákskóla Íslands og hefst kl. 14. Áhorfendur velkomnir. Heitt kaffi á könnunni.

Líkleg liðskipan liðanna er sem hér segir:

Skákfélagið Huginn

Hjörvar Steinn Grétarsson
Helgi Ólafsson
Helgi Áss Grétarsson
Stefán Kristjánsson
Þröstur Þórhallsson
Einar Hjalti Jensson
Magnús Örn Úlfarsson

Taflfélag Bolgunarvíkur

Jóhann Hjartarson
Jón L. Árnason
Dagur Arngrímsson
Guðmundur Gíslason
Halldór Grétar Einarsson
Guðmundur Halldórsson
Magnús Pálmi Örnólfsson

Heimasíða mótsins

 

Heimsbikarmótið hófst í Bakú í gær - taflmennskan hafin í dag

Heimsbikarmótið í skák hófst í gæg í Bakú í Aserbaísjan. Nánast allir sterkustu skákmenn heims að Carlsen og Anand taka þátt. Keppendur eru alls 128 talsins og er teflt eftir útsláttarfyrirkomulagi. Á ýmsu gekk í gær. Athygli vakti óvenjuharðar reglur gegn svindli og var keppendum bannað að taka með sér síma og penna í skáksalinn.

Töluvert var um óvænt úrslit. Má þar nefna:

• Lu Shanglei (2599) 1-0 Alexander Moiseenko (2710)  
• Gadir Guseinov (2634) 1-0 Maxim Matlakov (2689) 
• Ray Robson (2680) 0-1 Yuri Vovk (2624)
• Wen Yang (2620) 1-0 Igor Kovalenko (2702)
• Gata Kamsky (2691) 0-1 Hrant Melkumyan (2622)
• Sandra Mareco (2599) 1-0 Ni Hua (2704)
• Federico Perez Ponsa (2563) 1-0 Leinier Perez Dominguez (2732)

Seinni skák fyrstu umferðar hefst núna kl. 10 í dag. Verði jafnt 1-1 verður teflt til þrautar á morgun með styttri umhugsunartíma.

• Heimasíða mótsins
• Beinar útsendingar

Hörðuvallaskóli með 2-2 jafntefli í fyrstu umferð

Norðurlandamót grunn- og barnaskólasveita hófst í gær í Kaupmmannahöfn. Rimaskóli teflir í flokki grunnskólasveita og Hörðuvallskóli í flokki barnaskólasveita. Hörðuvallaskóli gerði 2-2 jafntefli gegn finnsku sveitinni en Rimaskóli tapaði illa, ½-3½ fyrir sænsku sveitinni.

Stephan Briem vann sína skák hjá Hörðuvallaskóla. Vignir Vatnar Stefánsson og Sverrir Hákonarson gerðu jafntefli.

Krsitófer Jóel Jóhannesson var sá eini sem náði punkti hjá Rimaskóla.

Tvær umferðir fara fram í dag og er sú fyrri hafin. Hægt er að fylgjast með henni á vefsíðu mótsins.

• Heimasíða mótsins
• Beinar útsendingar
• Myndaalbúm (HÁ)

 

Haustmót TR hefst á morgun - skráningu lýkur kl. 18 í kvöld

Haustmót Taflfélags Reykjavíkur 2015 hefst sunnudaginn 13. september kl.14. Mótið, sem er hið 82. í röðinni, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt og öllum opið.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða tvær umferðir á viku. Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráningu í alla lokaða flokka lýkur laugardaginn 12. september kl. 18.

Lokaumferð fer fram föstudaginn 16. október en mótinu lýkur með verðlaunaafhendingu sunnudaginn 18. október þegar Hraðskákmót TR fer fram.

Núverandi skákmeistari Taflfélags Reykjavíkur er Þorvarður Fannar Ólafsson.

Skráningarform

Skráðir keppendur

Dagskrá:

• 1. umferð: Sunnudag 13. september kl. 14.00
• 2. umferð: Miðvikudag 16. september kl. 19.30
• 3. umferð: Sunnudag 20. september kl. 14.00
• —Hlé vegna Íslandsmóts skákfélaga—
• 4. umferð: Miðvikudag 30. september kl.19.30
• 5. umferð: Sunnudag 4. október kl. 14.00
• 6. umferð: Miðvikudag 7. október kl. 19.30
• 7. umferð: Sunnudag 11. október kl. 14.00
• 8. umferð: Miðvikudag 14. október kl. 19.30
• 9. umferð: Föstudag 16. október. kl. 19.30

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2016

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2016

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2016

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2016

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu. Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda. Taflfélag Reykjavíkur áskilur sér jafnframt rétt til þess að halda eftir 25% af verðlaunafé þeirra sem ekki mæta á verðlaunaafhendinguna.

Tímamörk:
1 klst. og 30 mín. + 30 sek. á leik. Að loknum 40 leikjum bætast við 15 mínútur.

Þátttökugjöld:
3.500 kr. fyrir félagsmenn T.R. 16 ára og eldri (5.000 kr. fyrir aðra).
1.500 kr. fyrir félagsmenn T.R. 15 ára og yngri (2.500 kr. fyrir aðra).

Uppgjör Haustmótsins 2014

HT-Vinaskákmót í Vin á mánudaginn

Vinaskákfélagið og Hrókurinn bjóða til HT- Vinaskákmóts í Vin, Hverfisgötu 47, nk. mánudag klukkan 13. Tefldar verða sex umferðir með sjö mínútna umhugsunartíma. Heiðursgestur mótsins er Eygló Harðardóttir félagsmálaráðherra. 

Í leikhléi verður boðið upp á veglegar veitingar og vígt nýtt vöfflujárn sem Heimilistæki gefa í Vin. Er vöfflujárnið sömu gerðar og notað er í Karphúsinu til að fagna kjarasamningum!

Hróksmenn hafa staðið fyrir skáklífi í Vin, batasetri Rauða krossins, síðan árið 2003 og þar starfar hið fjörmikla Vinaskákfélag, sem m.a. tekur þátt í Íslandsmóti skákfélaga og hefur náð alla leið í efstu deild. Vinaskákfélagið hefur átt mikinn þátt í að auðga líf margra einstaklinga, rjúfa félagslega einangrun og auka lífsgæði.

Fastar æfingar eru í Vin á mánudögum kl. 13 en þar er teflt flesta daga. Allir eru hjartanlega velkomnir á æfingar og mót Hróksins og Vinaskákfélagsins.

Skákþing Norðlendinga - Haustmót SA hefst eftir viku

Skákþing Norðlendinga 2015 verður haldið á Akureyri dagana 18.-20. september 2015. Mótið er jafnframt Haustmót Skákfélags Akureyrar.

Telfdar verða sjö umferðir. Fyrstu fjórar umferðirnar verða atskákir (25 mín) en lokaumferðirnar þrjár verða kappskákir (90 mín + 30 sek fyrir hvern leik).

Dagskrá:

• 1-4. umferð föstudaginn 18. september kl. 20.00.
• 5. umferð laugardaginn 19. september kl. 10.00.
• 6. umferð laugardaginn 19. september kl. 15.00 (eða a.m.k. 45 mín eftir lok 5. umferðar)
• 7. umferð sunnudaginn 20. september kl. 10.00.

Hraðskákmót Norðlendinga/Hausthraðskákmótið kl. 15.00 (eða a.m.k. 25 mín eftir lok 7. umferðar) 

Verðlaunafé að lágmarki 100.000 kr. Nánar auglýst síðar. 

Titlar og verðlaun:

Mótið er öllum opið og allir keppa um sömu verðlaun, óháð búsetu eða félagsaðild.

Titilinn „Skákmeistari Norðlendinga“ getur aðeins sá hlotið er á lögheimili á Norðurlandi.

Titilinn „Skákmeistari Skákfélags Akureyrar“ getur aðeins hlotið félagsmaður í SA.

Verði fleiri en einn jafn í keppni um titilinn „Skákmeistari Norðlendinga“ munu stig ráða og eru keppendur hvattir til að kynna sér stigaútreikning áður en móti lýkur.

Verði fleiri en einn jafn í keppni um titilinn „Skákmeistari Skákfélags Akureyrar“ verður telft um titilinn.

Rússarnir koma!

Rússneski björninn tilkynnti í dag komu sína á Evrópukeppni landsiða sem fram fer í Laugardalshöll 13.-22. nóvember nk. Rússarnir mæta með 17 manna sendinefnd á mótið. Fjölmennasta sendinefndin. Fyrir utan tíu skákmenn telur liðið tvo liðsstjóra, fjóra þjálfara sem og lækni. Rússarnir hafa ótvírætt á að skipa sterkasta og sigurstranglegasta liði mótsins. Fyrir liði karlanna fer enginn annar Alexander Grischuk.

Lið Rússa skipa:

1. Grischuk (2771)
2. Tomashevsky (2758)
3. Svidler (2727)
4. Vitiugov (2725)
5. Artemiev (2675)

Það segir mikið um styrkleika Rússa að þrátt fyrir að þeir hvíli Kramnik og Karjakin er lið þeirra engu að síður það langsterkasta á pappírnum. Þeim hefur reyndar gengið bölvanlega á EM síðustu ár. Unnu síðast árið 2007 (mótið fer fram á tveggja ári fresti) þrátt fyrir að vera ávallt sterkastir á pappírnum. 

Þátttaka varamannsins, Artemiev, vekur sérstaka athygli en hann er aðeins 17 ára. Rússar gefa þarna ungum og efnilegum skákmanni sénsinn. Artemiev er aðeins 16. í stigaröð Rússa.

Kvennalið Rússa er gríðarlega sterkt. Það skipa 5 af 6 stigahæstu skákkonum Rússa:

1. Kosteniuk (2530)
2. Gunina (2529)
3. Lagno (2523)
4. Goryachkina (2497)
5. Girya (2483)

Allar nema Goryachkina voru í liði Ólympiumeistara Rússa í Tromsö í fyrra. 

Nánar verður sagt frá einstökum liðunum á EM landsliða fram að móti. Eins og er stefnir í þátttöku 36-38 liða í opnum flokki og 28-30 liða í kvennaflokki.  Nánast allir sterkustu skákmenn Evrópu taka þátt.

Heimasíða mótsins

Haustmót TR hefst á sunndaginn

Haustmót Taflfélags Reykjavíkur 2015 hefst sunnudaginn 13. september kl.14. Mótið, sem er hið 82. í röðinni, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt og öllum opið.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða tvær umferðir á viku. Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráningu í alla lokaða flokka lýkur laugardaginn 12. september kl. 18.

Lokaumferð fer fram föstudaginn 16. október en mótinu lýkur með verðlaunaafhendingu sunnudaginn 18. október þegar Hraðskákmót TR fer fram.

Núverandi skákmeistari Taflfélags Reykjavíkur er Þorvarður Fannar Ólafsson.

Skráningarform

Skráðir keppendur

Dagskrá:

• 1. umferð: Sunnudag 13. september kl. 14.00
• 2. umferð: Miðvikudag 16. september kl. 19.30
• 3. umferð: Sunnudag 20. september kl. 14.00
• —Hlé vegna Íslandsmóts skákfélaga—
• 4. umferð: Miðvikudag 30. september kl.19.30
• 5. umferð: Sunnudag 4. október kl. 14.00
• 6. umferð: Miðvikudag 7. október kl. 19.30
• 7. umferð: Sunnudag 11. október kl. 14.00
• 8. umferð: Miðvikudag 14. október kl. 19.30
• 9. umferð: Föstudag 16. október. kl. 19.30

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2016

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2016

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2016

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2016

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu. Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda. Taflfélag Reykjavíkur áskilur sér jafnframt rétt til þess að halda eftir 25% af verðlaunafé þeirra sem ekki mæta á verðlaunaafhendinguna.

Tímamörk:
1 klst. og 30 mín. + 30 sek. á leik. Að loknum 40 leikjum bætast við 15 mínútur.

Þátttökugjöld:
3.500 kr. fyrir félagsmenn T.R. 16 ára og eldri (5.000 kr. fyrir aðra).
1.500 kr. fyrir félagsmenn T.R. 15 ára og yngri (2.500 kr. fyrir aðra).

Uppgjör Haustmótsins 2014

Verðlaunahafar Meistaramóts Hugins

Eins og fram hefur komið sigraði Einar Hjalti Jensson (2394)á Meistaramóti Hugins sem lauk í fyrradag. Einar Hjalti hlaut 6½ vinning í 7 skákum og gerði varla mistök í mótinu og var mjög vel að sigrinum kominn. Einar Hjalti varð með sigrinum skákmeistari Hugins á suðursvæði, Davíð Kjartansson (2366) fylgdi Einari Hjalta eins og skugginn allt mótið og þeir gerðu jafntefli í innbyrðis viðureign 4. umferð. Í lokaumferðinni mætti Davíð Jón Trausta Harðarsyni (2117). Jón Trausti sem hafði verið æri brokkgengur á mótinu tefldi sína bestu skák á mótinu gegn Davíð og lauk henni eftir langa setu og nokkrar sviptingar með jafntefli. Davíð sem vann mótið í fyrra varð að þessu sinni annar með 6 vinninga. Tveir Kópavogsbúar urðu í 3.-4. sæti með 5 vinninga. Það voru þeir Bárður Örn Birkisson (1854) og Birkir Karl Sigurðsson (1815).

Lokastöðu mótsins má nálgast á Chess-Results

Búið er finna út hverjir unnu til aukaverðlauna á Meistaramóti Hugins en það eru:

• Skákmeistari Hugins, kr. 10.000: Einar Hjalti Jensson
• Undir 2000, bók hjá Sigurbirni kr. 5.000: Bárður Örn Birkisson
• Undir 1800, bók hjá Sigurbirni kr.  5.000: Óskar Víkingur Davíðsson
• Undir 1600 1.vl, bók hjá Sigurbirni kr. 5.000: Felix Steinþórsson.
• Undir 1600 2.vl, bók hjá Sigurbirni kr. 4.000: Aron Þór Mai.
• Undir 1600 3.vl. bók hjá Sigurbirni kr. 4.000: Þorsteinn Magnússon
• Sigalausir, bók hjá Sigurbirni kr. 5.000: Birgir Logi Steinþórsson

Unglingaverðlaun:

1. Bók hjá Sigurbirni kr. 5.000: Björn Hólm Birkisson
2. Bók hjá Sigurbirni kr. 4.000: Dawid Kolka
3. Bók hjá Sigurbirni kr. 4.000: Heimir Páll Ragnarsson

Vinningshafar velja sér bók við hæfi hjá skákbókasölu Sigurbjarnar.

Björgvin gefur ekkert eftir

Það var vel mætt í Ásgarði í gær þar sem Æsir áttust við yfir skákborðunum. Tuttugu og sjö mættu til leiks og tefldu tíu umferðir eins og venja er. Björgvin Víglundsson gaf engin grið og uppskar 10 vinninga. Bragi Halldórsson varð í öðru sæti með 8 vinninga. Friðgeir Hólm fékk svo 7½ vinning í þriðja sæti.

Í þessum góða hópi eru nokkrir sem má kalla alvöru skákmenn, þeir tefla oftast mjög vel og alltaf til vinnings, þó einstaka sinnum geti vopnin snúist í höndum þeirra. Það gerist mjög sjaldan. Við sumir minni spámenn teflum stundum af meira kæruleysi og uppskeran verður samkvæmt því.

Undirritaður (Finnur Kr. Finnsson) fékk t.d. aðeins ½ vinning úr fyrstu fimm umferðunum í gær en náði svo 4½ vinning úr síðustu fimm umferðunum.

Aðalatriðið er auðvitað að hafa gaman af þessu. [Aths. ritsj. Kristján Örn Elíasson væri sammála því] 

Sjá nánari úrslit í töflu og frábærum myndum frá ESE