Skákþáttur Morgunblaðsins: Metfjöldi á Reykjavíkurskákmóti

Tæplega 300 skákmenn eru skráðir til leiks á Reykjavíkurskákmótinu sem verður sett í Hörpu í dag. Það er mesti fjöldi sem um getur í sögu mótsins sem fyrst var haldið í Lídó í vetrarbyrjun árið 1964. Á 50 ára afmælismótinu í fyrra voru keppendur 254 talsins. Mótið í ár er að þessu sinni tileinkað Friðriki Ólafssyni, fyrsta stórmeistara Íslendinga, sem varð 80 ára fyrr á þessu ári. Hann var meðal keppenda á fyrsta mótinu 1964.

Keppnisfyrirkomulagið er með hefðbundnu sniði, tefldar verða tíu umferðir en keppendur geta óskað eftir ½ vinnings yfirsetu í einni af sjö fyrstu umferðunum. Tímamörk gera ráð fyrir því að eftir hvern leik bætist 30 sekúndur við tímann, þ.e. 90 mínútur + 30 sekúndur á fyrstu 40 leikina og eftir það 30 mínútur + 30 sekúndur til loka skákar. Meðal nýmæla er að nú má ekki bjóða jafntefli fyrr en báðir keppendur hafa lokið 30 leikjum. Þetta ákvæði er í takt við þróun alþjóðlegra skákviðburða og kemur í veg fyrir stutt jafntefli án baráttu.

Þá geta þátttakendur ekki komið með síma á skákstað eða önnur slík tæki en vegna svindlmála og almennrar tortryggni á keppnisstað hefur alþjóðaskáksambandið FIDE nýlega samþykkt strangar reglur sem leggja blátt bann við notkun slíkra tækja. Taflmennskan hefst kl. 15 flesta keppnisdagana nema næsta fimmtudag þegar tefldar verða tvær umferðir. Sú fyrri hefst kl. 10 um morguninn og seinni skák þess dags hefst kl. 17. 

Öflugir keppendur – pollrólegur Perúmaður

Stigahæsti keppandinn á Reykjavíkurskákmótinu er Aserinn Shakriyar Mamedyarov sem er með 2.756 elo-stig og er sem stendur nr. 13 á heimslistanum. Næststigahæsti keppandinn er Tékkinn David Navara sem er með 2736 elo og er í 22. sæti á heimslistanunm. Þriðji stigahæsti keppandinn er svo Úkraínumaðurinn Pavel Eljanov sem er með 2.727 elo-stig og er í 27. sæti á heimslistanum. Fjölmargir aðrir þekktir skákmenn og -konur eru meðal þátttakenda. Má þar nefna Artur Jusupov sem nú teflir fyrir Þjóverja og tefldi síðast hér á landi árið 1990 en hann var þá í liði Sovétríkjanna sem tók þátt í Stórveldaslag VISA ásamt úrvalsliðum Norðurlanda, Bandaríkjanna og Englands. 

Granda Zuniga, sterkasti skákmaður Perú um áratuga skeið, teflir í fyrsta sinn hér á landi en á ólympíumótinu í Bled í Slóveníu árið 2002 vakti hann mikla athygli sérlegs aðstoðarmanns íslenska liðsins, Gunnars Eyjólfssonar leikara, fyrir einhverja mögnuðustu hugarró sem hann hafði orðið vitni að hjá skákmanni.

Meðal annarra keppenda má nefna Armenann Sergei Movsesian. Þekktasta skákkonan í keppendahópnum er indverska skákdrottningin Tania Sadchev.

Hannes Hlífar Stefánsson og Hjörvar Steinn Grétarsson eru stigahæstir íslensku stórmeistaranna en einnig eru í hópi keppenda Héðinn Steingrímsson, Henrik Danielssen, Stefán Kristjánsson og Þröstur Þórhallsson. Aðrir öflugir skákmenn eru bræðurnir Björn og Bragi Þorfinnssynir, Jón Viktor Gunnarsson, Guðmundur Kjartansson og Dagur Arngrímsson. Þá mun athyglin einnig beinast að yngstu þátttakendunum en einn þeirra, nýbakaður Norðurlandameistari ungmenna, Dagur Ragnarsson, hækkaði milli mánaða um tæplega 300 elo-stig á síðasta stigalista FIDE. 

Heimsmeistarinn vill komast í fótbolta

Magnús Carlsen, heimsmeistari í skák, er væntanlegur til landsins á föstudaginn og dvelur hér fram á mánudag. Hann kemur hingað til að fylgjast með föður sínum Henrik Carlsen sem tekur þátt í mótinu annað árið í röð og einnig vini sínum og hjálparhellu til margra ára, Jon Ludvig Hammer. Á bloggsíðu sinni minnist Magnús þess að hann hafi teflt á Reykjavíkurmótunum 2004 og aftur 2006. Frægð hans náði nýjum hæðum í Noregi þegar hann tefldi nokkrar skákir með styttri umhugsunartíma við Garrí Kasparov og Anatolí Karpov á Reykjavik rapid-mótinu sem fram fór í kjölfar Reykjavíkurmótsins í mars 2004. 

Ekkert liggur fyrir um dagskrá heimsmeistarans en hann verður hér í einkaerindum. Hann hefur þó óskað eftir því að komast í fótbolta enda ágætur í þeirri grein og eftir að hann varð heimsmeistari haustið 2013 var hann fenginn til að taka fyrsta sparkið í heimaleik Real Madrid, sem er uppáhaldslið hans í spænska boltanum. 

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 7. mars 2015.

Skákþættir Morgunblaðsins

7. umferð Reykjavíkurskákmótsins hefst kl. 15

Reykjavíkurskákmótið er í fullum gangi og 7. umferð hefst kl. 15. Margt verður á boðstólnum í dag, skákskýringar, magnaðar viðureignir, barna-blitz og kannski kemur heimsmeistarinn aftur!

Barna-Blitz

Átta ungir skákmenn hafa unnið sér inn sæti í úrslitunum og mæta á sviðið í Hörpu á sunnudaginn klukkan 12:00.

Teflt verður með útsláttarfyrirkomulagi og dregið í hverja umferð.

Tefldar verða tvær skákir í hverri umferð og svo armageddon skák.

Keppendur:

• Vignir Vatnar Stefánsson TR
• Alexander Mai TR
• Mykhaylo Kravchuk TR
• Róbert Luu TR
• Nansý Davíðsdóttir Fjölnir
• Óskar Víkingur Davíðsson Huginn
• Stefán Orri Davíðsson Huginn
• Halldór Atli Kristjánsson Huginn

Heimsmeistarinn

Heimsmeistarinn í skák, GM Magnús Carlsen, heimsækir mögulega skákstað og kemur kannski í útsendingu ef vel liggur á kappanum. Kemur í ljós!

Skákskýringar

Stórmeistarinn og fv. heimsmeistari ungmenna, GM Jón Loftur Árnason, mætir kl. 17 eða þar um bil og greinir helstu álitamál í skákum dagsins fyrir áhorfendum á skákstað.

Spennandi viðureignir

Af nógu er að taka þegar kemur að spennandi viðureignum í 7. umferð.

Á 1. borði mætast stórmeistararnir Erwin L´ami (2605) og Shakhriyar Mamedyarov (2756). Shak ætlar sér vafalaust sigur og forystu í mótinu - lognmolla kemur ekki til greina!

Á 2. borði mætast GM Alexandr Fier frá Brasilíu og Pavel Eljanov (2727). Eljanov mætir vafalaust fullur ákveðni til leiks, enda þurft að sætta sig við jafntefli gegn stigalægri mönnum í síðustu tveim umferðum.

Á 3. borði er svo okkar maður - GM Hannes Hlífar Stefánsson, sem þrisvar hefur unnið þetta sögufræga mót. Hann hefur hvítt á stórmeistarann Zuniga Julio E Granada (2646) frá Perú, og getur mögulega blandað sér í hóp efstu manna, takist honum að leggja þann perúíska að velli.

Á 5. borði er baráttujaxlinn IM Jón Viktor Gunnarsson (2443) en hann hefur hvítt á GM Eric Hansen (2566) frá Kanada. Jón Viktor hefur staðið sig gríðar vel í mótinu og kemur til með að taka þann kanadíska föstum tökum.

Margar fleiri viðureignir eru í boði og hægt er að rannsaka þær nánar hér.

 

Útsendingar

FM Ingvar Þór Jóhannesson og WIM Fiona Steil-Antoni verða sem fyrr í myndveri og skýra okkur frá gangi mála af mikilli snilld. Útsendingin verður hér.

Mörgum skákum er varpað beint á internetið og er hægt að skoða þær hér.

Stuttmyndir Vijay Kumar

Meistarinn Vijay Kumar framleiðir stuttmyndir eftir hverja umferð og eru þær aðgengilegar á Youtube-síðunni hans - Hún er hér.

Myndasafn

Fiona Steil-Antoni hefur tekið mikið magn ljósmynda sem aðgengilegar eru á Facebook-síðu mótsins hér.

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Páskaeggjasyrpa Nóa Síríus hefst í dag

Nú styttist í eina af skemmtilegustu mótasyrpum ársins!  Páskaeggjasyrpa Nóa Síríus og Taflfélags Reykjavíkur sló rækilega í gegn í fyrra þegar vel á annað hundrað krakkar tóku þátt í þremur mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mtin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg DGT Easy skákklukka handa einum heppnum þátttakanda.

Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 15. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 22. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 29. mars kl.14

• Keppt verður í tveimur flokkum, 1-3 bekk (og yngri) og 4-10 bekk.
• Sex umferðir verða tefldar í hverju móti með 10 mínútna umhugsunartíma á mann.
• Glæsileg verðlaun eru í boði fyrir alla hressu skákkrakkana sem taka þátt í syrpunni!
• Verðlaunapeningar fyrir þrjú efstu sætin í hvorum flokki á hverju páskaeggjamóti.
• Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
• Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
• Dregin verður út ein stórglæsileg DGT Easy skákklukka handa heppnum skákkrakka á hverju páskaeggjamóti!

Skráning fer fram hér og lista yfir skráða keppendur má sjá hér.

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2015!

Reykjavíkurskákmótið: Þrír efstir með 5,5 - Hannes Hlífar og Jón Viktor efstir íslendinga

Það er ekki að sökum að spyrja þegar skák, Reykjavík, Íslensku veðurfari, Magnúsi Carlsen og Hörpunni er hrært saman – Afraksturinn er frábær.

Fyrir umferð dagsins var Shakhriyar Memedyarov (2756) einn efstur með fullt hús og virtist líklegur til að stinga af með sigurinn. Svo fór ekki, en hann fékk mun verra tafl gegn tékkanum David Navara (2736) og má teljast heppinn að hafa haldið jöfnu. Heimsmeistarinn Magnús Carlsen skýrði skákina í myndveri ásamt Fionu Steil-Antoni og var nokkuð viss um svartan sigur í viðureigninni.

Hér taldi Magnús að einfaldast væri að leika a4 og mynda frípeð á a-línunni – eftirleikurinn yrði tæknileg úrvinnsla, svo góða taldi hann stöðu svarts. En David Navara hafði aðrar hugmyndir. Hann lék hér 23.. Rg4? Og Re3? í framhaldinu.

 

 

Riddarinn á e3 er friðhelgur vegna 25. fxR Dxe+ og Hc1 í framhaldi. Hugmynd Navara virtist ganga út á að hvítur svari Re3 (síðasta leik) með Rf3, þá á svartur drottningarfórn, Dxe4!. Taki hvítur drottninguna á e4, kemur Hc1 með máti.

En lífið er ekki svona auðvelt – Shak lék einfaldlega Dd3 og stöðuyfirburðir svarts eru eð engu orðnir – fljótlega var samið jafntefli.

 

Magnús mætti í myndver

Líkt og kom fram að ofan þá mætti heimsmeistarinn í myndver og ræddi um Ísland, skák, pabba sinn sem teflir bara einu sinni á ári – Í Reykjavíkurskákmótinu! Og fór yfir skákirnar og allskonar.

 

Staðan

Eftir sex umferðir eru þrír skákmenn efstir og jafnir með 5,5 vinninga. Þeir eru:

• GM Alexandr Fier (2601) frá Brasilíu
• GM Shakhriyar Memedyarov (2756) frá Aserbæjan
• Og GM Erwin L´ami (2605) frá Hollandi

 

Íslendingar eiga tvo fulltrúa í 4.-12. sæti:

GM Hannes Hlífar Stefánsson (2560) en hann lagði alþjóðameistarann Razvan Preotu (2447) í dag. Hannes hefur hvítt á stórmeistarann Zuniga Julio E Granda (2646) á morgun og getur blandað sér í hóp efstu manna með góðum úrslitum.

 Hinn er að sjálfsögðu alþjóðameistarinn Jón Viktor Gunnarsson (2443) sem hefur átt gríðarlega gott mót og gerði baráttujafntefli í dag við ofurstórmeistarann Hrant Melkumyan (2676). Jón Viktor verður með hvítt gegn stórmeistaranum Eric Hansen (2566) frá Kanada á morgun og getur farið langt með að tryggja sér stórmeistaraáfanga með hagstæðum úrslitum, skilji greinarhöfundur reglurnar rétt.

Stöðuna má skoða nánar hér.

 

Skáksýring

Það er orðninn fastur liður að renna yfir skákir Jóns í þessum pistlum og á því er engin breyting:

Jón Viktor Gunnarsson (2443) heldur áfram góðu gengi á mótinu. Í umferð dagsins var hann með svart gegn stórmeistaranum Hrant Melkumyan (2676) frá Armeníu. Jón Viktor svaraði 1. d4 byrjun Hrants með grjótgarðsafbrigði hollensku varnarinnar. Í útsendingunni kom fram að Jón Viktor hefur líklega aldrei teflt þetta afbrigði áður, enda virtist byrjunin koma hr. Hrant nokkuð á óvart.

1. d4 e6 2. g3 f5 3. Bg2 Rf6 4. c4 d5

Grjótgarðurinn

5. Rh3 c6 6. 0-0 Bd6 7. Bf4 0-0 8. Bxd6 Dxd6 9. Rd2 Rbd7 10. e3 b6 11. Rf4 Re4 12. Rxe4 fxe4 13. Hc1 Bb7 14. Hc3 Rf6 15. h4 dxc4 16. Dc2 e5 17. dxe5 Dxe5 18. Hxc4 Ba6

Förum hratt yfir sögu. Hvítur teflir fast og leysir upp miðborð svarts með tvöfaldri skiptamunsfórn! – Þegar þarna var komið við sögu var þrefaldi heimsmeistarinn, hr. Magnús Carlsen í myndverinu með Fionu Steil-Antoni og leyst hreint út sagt ekki vel á svörtu stöðuna.

19. Hxe4 Rxe4 20. Bxe4 Bxf1 21. Bxh7+ Kf7

Hvítur hefur fórnað tvennum skiptamunum, en staða svarts er við það að falla saman. Hér taldi Magnús Carlsen að staðan væri töpuð fyrir svartan, óhugsandi væri að hann næði að virkja hrókana sína og hvítur ætti auðvelt með að vinna eitthvað af peðum svarts og skiptamun til baka.

22. Kxf1 Df6 23. Bf5 Hfd8 24. Be6+ Ke7 25. Dxc6 Hd1+ 26. Kg2 Had8 27. h5 H1d6

Hvítur hefur saumað að svörtu stöðunni og fátt virðist koma í veg fyrir hvítan sigur. Magnús Carlsen sagði hér að hvítur ætti allt of marga góða leiki í stöðunni – Hann nefndi t.d. 28. Db7+ Ke8 29. Dxa7 sem dæmi um einfalt plan og afskrifaði svartan endanlega.

En þá gerðist eitthvað. Hvítur hugsaði sig um í smá tíma og lék 28. Rg6+?? – Þessu var umsvifalaust svarað með 28.. Kxe6! og svartur er allt í einu með tvo hróka gegn riddara, einum riddara! Vitni sem stóð yfir borðinu þegar Hrant áttaði sig á hvað hann hafði gert lýsti atvikinu sem svo: „Hann varð bara stjarfur, setti hendurnar um andlitið og var þannig í svona 5 mín áður en hann skrifaði leikinn hans Jóns“

Það sem er merkilegast, ef svo má að orði komast, er að Hrant (hvítur) átti 15 mínútur eftir á klukkunni en Jón Viktor rúma eina mínútu – Líklega hefur Hrant fallið í þá gildru að ætla að pressa á svartan, leika hratt og flækja taflið í þeirri von að svartur myndi leika af sér. Hann kolféll á eigin bragði.

Staðan var vitanlega gjörunnin á svart eftir þetta, en Jón Viktor átti eftir að leika 11 leiki þar til 40 leikjum var náð, en þá bætast við 30 mínútur. Hann gaf annann hrókinn fyrir riddarann og hélt sér fast þar til viðbótartíminn bættist við.

28. Rg6+?? Kxe6 29. Dc4 Kd7 30. Da4+ Hc6 31. Da7+ Hc7 32. Da3 Dc6+ 33. Kh2 Dc5 34. Da4+ Kc8 35. Da8+ Kd7 36. Df3 Dg5 37. Rf4 Hf8 38. De2 Hxf4 39. exf4 Dd5 40. Dg4+ Kd8

Staðan virðist vera unnin, en það er miklu meira en að segja það þegar maður situr við borðið. Eitt feilspor og hvítur nær annað hvort þráskák þar sem svarti kóngurinn á lítið skjól, eða peð hvíts á kóngsvængnum rúlla af stað upp borðið – Hér þarf að vanda sig.

41. f5 Hf7 42. Dg5+ Kd7 43. G4 De5+ 44. Kg2 Dxb2 45. De3 Df6 46. Kh3 Dd6 47. Db3 He7 48. Da4+ Dc6 49. Db3 b5 50. Kg3 Dc4

Svartur virðist vera að ná tökum á stöðunni – Nú þarf bara að virkja hrókinn og tjaldið fellur. Það er hins vegar ekki eins auðvelt og það sýnist. Til viðbótar var tíminn af skornum skammti.

51. Df3 De4 52. Da3 Ke8 54. Kh3 Dd5 55. Kh4 De5 56. Kh3 Dd5 57. Kh4 De5 ½ ½

Tíminn var á þrotum og því var þráleikið – jafntefli staðreynd. Gríðarleg baráttuskák hjá okkar manni sem hefði auðveldlega getað tapast hefði ekki verið fyrir afleik hvíts. Hvítur spennti bogann hátt og varð bráðræði sínu að bráð. Úrslitin eru Jóni afar hagstæð og hann á góða möguleika á að ná sínum 3. Stórmeistaraáfanga á mótinu.

Hrant Melkumyan (2676) ½ ½ Jón Viktor Gunnarsson (2443

 

Óvænt úrslit

Af nógu er að taka í flokknum óvænt úrslit líkt og venjulega.

Stórsigrar dagsins:

• Kristján Eðvarðsson (2176) vann IM Victor C Shen (2401)
• Símon Þórhallsson (2009) vann FM Stig Tjomsland (2300)
• Loftur Baldvinsson (1945) vann NM Hans M Niemann (2275)
• Hörður Jónasson (1562) vann David Kenney (1885)
• Óskar Víkingur Davíðsson (1454) vann William Olsen (1716)

 

Árangur Kristjáns Eðvarðssonar vekur athygli en hann er nú búinn að vinna þrjár skákir í röð og er að vinna 40 skákstig! Kristján mætir stórmeistara á morgun, GM Pouya Idani (2496) sem er sá þriðji sem hann mætir í mótinu.

Símon Þórhallsson (2009) er að fara á kostum og hefur einnig unnið þrjár skákir í röð. Í 6. umferð lagði hann FM Stig Tjomsland (2300) frá Noregi og er að moka inn heilum 77 skákstigum. Símon hefur svart á IM Alina L´ami (2393) á morgun og ætlar sér vafalaust stóra hluti.

Loftur Baldvinsson (1945) hefur líka unnið þrjár í röð og er að græða 35 stig. Hann lagði NM Hans M Niemann (2275) í dag og hefur svart á FM Lars Oskar Hauge (2380) á morgun – nú er að vanda sig!

Hörður Jónasson (1562) hefur fengið 2,5 úr síðustu 3 og er að græða tæp 15 stig. Hann mætir Jens Erik Kofoed Hald (2069) á morgun og heldur vonandi áfram góðu gengi!

Óskar Víkingur hefur átt gott mót og er 45 stig í plús! Hann mætir Ludwig Roser (1802) á morgun og heldur pottþétt áfram að tefla vel.

 

Óvænt úrslit 6. umferðar

2. GM Rui Gao (2533) ½ ½ GM Pavel Eljanov (2727)
3. GM Hrant Melkumyan (2676) ½ ½ IM Jón Viktor Gunnarsson (2443)
4. Zbigniew Pakleza (2498) ½ ½ GM Sergei Movsesian (2665)
5. IM Dagur Arngrímsson (2366) ½ ½ GM Héðinn Steingrímsson (2530)
6. GM Hjörvar Steinn Grétarsson (2554) ½ ½ IM Justin Sarkar (2376)
7. GM Sabino Brunello (2540) ½ ½ IM Alina L´ami (2393)
8. GM Sahaj Grover (2519) ½ ½ WGM Sarasadat Khademalsharieh (2357)
9. IM Vladimir Hamitevici (2450) 0-1 FM Tibor Kende Antal (2317)
10. WGM Nino Maisuradze (2302) 1-0 IM Bragi Þorfinnsson (2429)
11. Kristján Eðvarðsson (2176) 1-0 IM Victor C Shen (2401)
12. WGM Lenka Ptacníkóvá (2242) ½ ½ GM Ralf Akesson (2456)
13. Ansgar Barthel (2230) 1-0 FM Einar Hjalti Jensson (2390)
14. Örn Leó Jóhannsson (2107) ½ ½ Dagur Ragnarsson (2347)
15. Roland Loos (2337) 0-1 Tor Gulbrandsen (2095)
16. Stefán Bergsson (2063) ½ ½ Philipp Hitzler (2315)
17. Benjamin Haldorsen (2307) ½ ½ Alberto Prieto (2045)
18. Símon Þórhallsson (2009) 1-0 FM Stig Tjomsland (2300)
19. Loftur Baldvinsson (1945) 1-0 NM Hans M Niemann (2275)
20. Yuri Eijk (2062) ½ ½ IM Marin Daniel Pulvett (2434)
21. IM Vladimir Poley (2269) 0-1 Tom Skovgaard (2042)
22. Jón Kristinsson (2251) ½ ½ Matthew Lunn (2034)
23. Haraldur Haraldsson (1948) ½ ½ FM Richard Bjerke (2180)
24. Jón Trausti Harðarson (2170) ½ ½ Joerg Mehringer (1955)
25. Agnar T Möller (1806) ½ ½ Erhard Rueger (2133)
26. Jens Weichelt (2132) 0-1 Ben Simpson (1843)
27. Dagur Kjartansson (1756) ½ ½ Ludo Tolhuizen (2123)
28. Gregory Lux (2065) ½ ½ Bartosz Miszkielo (1694)
29. Dag Andersen (1843) ½ ½ WFM Qiyu Zhou (2182)
30. Stanislav Gschwendtner (2009) ½ ½ Tommy Hansen (1807)
31. Per Kr Vigdal (1985) 0-1 Tobias Lang Nielsen (1761)
32. Hrund Hauksdóttir (1692) ½ ½ Ole Jorn Gyldenas (1969)
33. Hans K. Gaarder (1701) 1-0 Kris Klausen (1937)
34. August Klofsrud (1571) ½ ½ Martin Sandberg (1889)
35. Hörður Jónasson (1562) 1-0 David Kenney (1885)
36. Sigurður Ingason (1880) 0-1 Wojciech Babijczuk (1549)
37. Birgir Örn Steingrímsson (1669) ½ ½ Dawid Kolka (1875)
38. Halldór Atli Kristjánsson (1335) ½ ½ Ludwig Roser (1802)
39. Óskar Víkingur Davíðsson (1454) 1-0 William Olsen (1716)
40. Susan E Chadwick (1370) 1-0 Elmar Fjallheim (1678)
41. Karl-Johan Rist (1677) ½ ½ Jon Thor Lemery (1273)
42. Alec Elías Sigurðarson (1348) ½ ½ Nikulás Valgeirsson (1000)

 

Pörun í 7. Umferð

Pörun í 7. Umferð liggur fyrir:

Pörunina má skoða nánar hér.

 

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

 

 

[Event "Reykjavik Open 2015"] [Site "?"] [Date "2015.03.14"] [Round "6"] [White "Melkumyan , Hrant"] [Black "Gunnarsson, Jon Viktor"] [Result "1/2-1/2"] [ECO "A90"] [WhiteElo "2676"] [BlackElo "2443"] [Annotator "Sigurdarson,Tomas Veigar"] [PlyCount "114"] [SourceDate "2015.03.14"] 1. d4 e6 2. g3 f5 3. Bg2 Nf6 4. c4 d5 5. Nh3 c6 6. O-O Bd6 7. Bf4 O-O 8. Bxd6 Qxd6 9. Nd2 Nbd7 10. e3 b6 11. Nf4 Ne4 12. Nxe4 fxe4 13. Rc1 Bb7 14. Rc3 Nf6 15. h4 dxc4 16. Qc2 e5 17. dxe5 Qxe5 18. Rxc4 Ba6 19. Rxe4 Nxe4 20. Bxe4 Bxf1 21. Bxh7+ Kf7 22. Kxf1 Qf6 23. Bf5 Rfd8 24. Be6+ Ke7 25. Qxc6 Rd1+ 26. Kg2 Rad8 27. h5 R1d6 28. Ng6+ Kxe6 29. Qc4+ Kd7 30. Qa4+ Rc6 31. Qxa7+ Rc7 32. Qa3 Qc6+ 33. Kh2 Qc5 34. Qa4+ Kc8 35. Qa8+ Kd7 36. Qf3 Qg5 37. Nf4 Rf8 38. Qe2 Rxf4 39. exf4 Qd5 40. Qg4+ Kd8 41. f5 Rf7 42. Qg5+ Kd7 43. g4 Qe5+ 44. Kg2 Qxb2 45. Qe3 Qf6 46. Kh3 Qd6 47. Qb3 Re7 48. Qa4+ Qc6 49. Qb3 b5 50. Kg3 Qc4 51. Qf3 Qe4 52. Qa3 Ke8 53. Qa6 Qe5+ 54. Kh3 Qd5 55. Kh4 Qe5 56. Kh3 Qd5 57. Kh4 Qe5 1/2-1/2

6. umferð Reykjavíkurmótsins hefst kl. 15. - Magnus Carlsen mætir í myndver

6. umferð Reykjavíkurmótsins hefst kl. 15.. Þetta er ekki umferðin til að missa af því nóg verður um að vera.

Magnús Carlsen í myndveri

Heimsmeistarinn Magnús Carlsen mætir í myndver og ræðir um skákirnar og vafalaust allt og ekkert með Fionu-Steil Antoni og Ingvari Þór Jóhannessyni. Því verður að sjálfsögðu útvarpað á netið, en þeir sem eiga heimangengt í Hörpu geta fylgst með á staðnum.

Skákskýringar

Stórmeistarinn Jóhann Hjartarsson mætir um kl. 17 og fer yfir stöðu mála í heyranda hljóði. 

Reykjavík Open Blitz

Reykjavik Open Blitz fer fram í kvöld í Hörpu. Skráning og móttaka þátttökugreiðslna er í Hörpu einungis frá 14:00 - 16:00. Ekki verður skráð rétt fyrir mót. Mótið hefst svo stundvíslega í Hörpu klukkan 22:00. 

Tefldar verða níu umferðir með 4 02 - 4 mínútum á klukkunni og 2 viðbótarsekúndum á hvern leik. 

Þátttökugjald er kr. 1.500 (sem greiðist við skráningu) og fer meirihluti í verðlaun.

Fjölmargir hliðarviðburðir fara fram meðfram skákmótinu og eru auglýstir sérstaklega á heimasíðu mótsins.

Pörun í 6. umferð

Margar spennandi viðureignir verða í 6. umferð:

Pörun er hægt að skoða nánar hér.

Útsendingar

Beinar útsendingar eru hér (skákirnar) og hér (sjónvarp).

Minnt er á myndasafn mótsins á Facebook síðunni en fjölmargar myndir eru komnar þar inn, m.a. frá Pub Quizinu í gærkveldi. 

Þá eru skákir til og með 4. umferð aðgengilegar á heimasíðu mótsins.

Stuttmyndir Vijay Kumar

Stuttmynd Vijay Kumar úr 5. umferð er komin! Hægt er að skoða eldri myndbönd á Youtube-síðu hans hér.

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Reykjavik Open Blitz fer fram í kvöld í Hörpu

Reykjavik Open Blitz fer fram í kvöld í Hörpu. Skráning og móttaka þátttökugreiðslna er í Hörpu einungis frá 14:00 - 16:00. Ekki verður skráð rétt fyrir mót. Mótið hefst svo stundvíslega í Hörpu klukkan 22:00. 

Tefldar verða níu umferðir með 4 02 - 4 mínútum á klukkunni og 2 viðbótarsekúndum á hvern leik. 

Þátttökugjald er kr. 1.500 (sem greiðist við skráningu) og fer meirihluti í verðlaun.

Barna Blitzi frestað

Úrslitum Barna Blitzins sem átti að hefjast í dag kl. 12 hefur verið frestað vegna veðurs. Það fer fram á morgun á sama tíma, þ.e. hefst kl. 12.

Reykjavíkurskákmótið: Shakhriyar Mamedyarov efstur með fullt hús - Jón Viktor vann Grandelius

Nóg var um að vera á Reykjavíkurskákmótinu í dag. Sex skákmenn voru með fullt hús fyrir umferðina en aðeins einn 100% maður stóð eftir að henni lokinni – Stórmeistarinn Shakhriyar Hamid oglu Mammadyarov (2756) sem jafnframt er stigahæsti maður mótsins.

 

Stöðuna má skoða nánar hér.

Það kom í hlut stórmeistarans íslenska, Hjörvars Steins Grétarssonar að etja kappi við Shak að þessu sinni og reynist það hlutskipti okkar manni erfitt. Svo virðist sem Hjörvar hafi lent í stöðulegum fingurbrjót og fékk fljótlega tapað tafl. Shak mætti í myndver og skýrði skákina fyrir Fionu Steil-Antoni.

Nice Mamedyarov win at #ReykjavikOpen showing the power of the initiative. With each move he was setting new problems http://t.co/GCAYseMIUL

— Lars Bo Hansen (@GMLars) March 13, 2015

Norðmaðurinn ungi – IM Aryan Tari (2509) átti góða skák í dag gegn FM Kazim Gulimali. Hann mætti einnig í myndver og fór yfir skákina með Ingvari.

15 year old Aryan Tari is now 4/5 in #ReykjavikOpen. Great work lad, carry the torch! #sjakk

— Alf Hansen (@alfhansen) March 13, 2015

 

Líkt og fyrri daginn var talsvert af óvæntum úrslitum. Á 2. borði mátti stórmeistarinn Pavel Eljanov (2727) sætta sig við jafntefli við IM Jacek Stopa (2544) eftir að hafa verið með betra. Þá er norðmaður nr. 2, GM Jon Ludvig Hammer (2651) líklega ósáttur við jafntefli gegn IM Taniu Sachdev (2404). Okkar maður, stórmeistarinn Héðinn Steingrímsson (2530) þurfti einnig að sætta sig við jafntefli, gegn kvennstórmeistaranum með langa nafnið, WGM Sarasadat Khademalsharieh (2357).

En það var okkar maður, IM Jón Viktor Gunnarsson sem stal senunni í dag eins og í gær, en nú lagði hann svíann GM Nils Grandelius (2603) eftir hárbeitta sókn.

GM Gawain Jones og IM Jón Viktor etja kappi í 4. umferð

IM Jón Viktor Gunnarsson (2443) hefur farið mikinn í Reykjavíkurmótinu og reyndar mótum almenn á þessu ári og teflir eins og sá sem valdið hefur. Varla þarf að minna á jafntefli við GM David Navara í 3. umferð og sigur gegn GM Gawain Jones í þeirri 4.. Í dag tefldi Jón við sænska stórmeistarann Nils Grandelius (2603). Upp kom Sikileyjarvörn, n.t.t. scheveningen afbrigði sem kennt er við hverfið Scheveningen í Belgíu og einkennist af leikjaröðinni 1. e4 c5 2. Rf3 d6 3. d4 cxd4 4. Rxd4 Rf6 5. Rc3 e6. Leikjaröðin var reyndar aðeins öðruvísi í skák dagsins, en niðurstaðan verður sú sama.

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Be3 e6 7. Be2 Dc7 8. Dd2 b5 9. a3 Bb7 10. f3 Rc6 11. g4 Be7 12. g5 Rd7 13. h4 Rce5 14. 0-0-0 Rb6

Skákstíll Jóns í Reykjavíkurskákmótinu einkennist af gríðarlegu sjálfstrausti og áhyggjuleysi – hann einfaldlega teflir stöðuna og er til í að sanna að hann sé betri en andstæðingurinn. Ákvörðunin sem hann tekur í stöðunni er afar lýsandi – 15. Rdxb5!. Leikurinn hefur aldrei sést áður í stöðunni, en þemað er vel þekkt. Sem dæmi má nefna að fórnin þekkist vel í Sveshnikov afbrigði Sikileyjarvarnar og vafalaust fleiri afbrigðum sem greinarhöfundur kann ekki skil á. Hugmyndin er að sjálfsögðu að gefa mann fyrir þrjú samstæð frípeð og leika þeim svo upp borðið þar til eitt þeirra kemst í mark.

15..axb5 16. Rxb5 Dc6 17. Bxb6 Dxb6 18. Rxd6+ Bxd6 19. Dxd6 Dxd6 20. Hxd6

Áætlun hvíts gekk upp og þrjú samstæð frípeð eru staðreynd.

20.. Ke7 21. Hhd1 Hhc8 22. c3 Bc6 23. h5 Rd7 24. H1d2 Ha5 25. g6

Svartur hefur gert það sem hann getur til að stöðva framgöngu frípeðana á drottningarvængnum og sækir nú á veikleika hvítu stöðunnar á kóngsvæng. Hvítur verður að gefa peð en heldur sókn sinni áfram. Álitamál er hvort svartur hafi tíma til að sækja veika peðið á h5 – það á eftir að koma í ljós.

25.. Hxh5 26. gxf7! Rf8 27. b4 Hh1+ 28. Kb2 h5 29. Ba6 Hc7 30. b5!

Nú kemur í ljós að svarti hrókurinn á h1 er eins og álfur út úr hól – Svartur vann sannarlega peð (kannski), en fórnarkostnaðurinn reyndist hár. Drottningarvængurinn er að falla saman. Eftir b5 á Biskupinn á c6 enga góða reiti og Nils ákveður að hann verði að gefa hann fyrir peð – eitt peð!

30.. Bxb5 31. Bxb5 h4 32. a4 h3 33. Hd1 Hh2+ 34. H6d2 Hxd2+ 35. Hxd2

Hvítur er tveim peðum yfir og staðan hlýtur að vera vonlaust fyrir svartan – Hann reynir þó að klóra í bakkann.

35.. Rg6 36. a5 Re5 37. a6 Rxf3??

Tempó eru dýrmæt. Svartur hafði ekki tíma til að taka peðið á f7 því áætlun hvíts er svo einföld – leika peðunum upp borðið. Svartur reyndi að virkja riddarann sinn sem var á f8 og hefur nú drepið peð á f3 – hann ber þá von í brjósti að honum takist að leika h2 og búa sér til mótspil. Það er um seinan. Hvítur á einfalda vinningsleið sem Jón Viktor sá að sjálfsögðu, þrátt fyrir talsvert tímahrak.

38. Hf2! Hc5 39. c4 gefið.

39.. Hh5 dugar ekki. Hvítur vekur einfaldlega upp peð (40. F8=D) sem verður að drepa og leikur t.d. a7 og peðið fer upp í borð.

IM  Jón Viktor Gunnarsson (2443) 1-0 GM Nils Grandelius (2603)

 

Óvænt úrslit

Engin skortur er á óvæntum úrslitum. Okkar fólk átti að sjálfsgöðu væna sneið af þeirri köku:

IM Jón Viktor átti að sjálfsögðu „stærsta“ sigurinn í þeirri kategoríu en við eigum fleiri.

Aron Thor Mai (1320), sem gerði jafntefli við rúmlega 1700 stiga mann í gær (4. umferð) bætti um betur og gerði nú jafntefli við rúmlega 1800 stiga mann. Hann er að bæta við sig rúmlega 40 stigum og á greinilega nóg inni!

Hilmir Freyr Heimisson (1861) vann góðan sigur gegn rúmlega 2100 stiga manni, í annað skiptið í mótinu sem hann gerir slíkt. Hann er að moka inn stigum og er í rúmlega 60 stiga gróða eins og er.

Stelpurnar eru að standa sig afar vel. Þannig náðu Veronika Steinun, Hrund Hauksdóttir, Ulker Gasanova og Nansý allar góðum úrslitum og eru að standa sig afar vel. Veronika Steinun er að bæta við sig 80 skákstigum!

Fjölmargir aðrir eru vitanlega að standa sig afar vel. Þeirra árangur má skoða nánar hér.

 

Stórsigrar dagsins:

• Kristján Eðvarðsson (2176) vann IM Marin Daniel Pulvett (2434)
• Símon Þórhallsson (2009) vann Magnus Wahlbom (2278)
• Loftur Baldvinsson (1945) vann Max Arnold (2189)
• Hilmir Freyr Heimisson (1861) vann Gonzales Alfonso Gonzalez (2122)
• Agnar T Möller (1806) vann WGM Sabinu-Fransescu Foisor (2279)
• Veronika Steinun Magnúsdóttir (1571) vann Ólaf Gísla Jónsson (1889)
• Hrund Hauksdóttir (1692) vann Sven Erik Lurdalen (1824)

 

Óvænt jafntefli dagsins:

• Þorvarður Fannar Ólafsson (2230) gerði jafntefli við GM Ralf Akesson (2456)
• Páll G Jónsson (1833) gerði jafntefli við Gunnar Stray (2065)
• Dagur Kjartansson (1756) gerði jafntefli við Tom Skovgaard (2042)
• Guðmundur Kristinn Lee (1676) gerði jafntefli við Gauta Pál Jónsson (1968)
• Birkir Karl Sigurðsson (1767) gerði jafntefli við Kris Klausen (1937)
• Ulker Gasanova (1645) gerði jafntefli við Martin Sandberg (1889)
• Nansý Davíðsdóttir (1641) gerði jafntefli við David Kenney (1885)
• Birgir Örn Steingrímsson (1669) gerði jafntefli við Michael Marshall (1844)
• Aron Thor Mai (1320) gerði jafntefli við John Nicholson (1808)
• Og Joshua Davíðsson (1261) gerði jafntefli við Pal Nordquelle (1559)

 

Óvænt úrslit 5. umferðar

2. GM Pavel Eljanov (2727) ½ ½ IM Jacek Stopa (2544)
3. IM Jón Viktor Gunnarsson (2443) 1-0 GM Nils Granelius (2603)
4. WGM Sarasadat Khamdemalsharieh (2357) ½ ½ GM Héðinn Steingrímsson (2530)
5. IM Tania Sachdev (2404) ½ ½ GM Jon Ludvig Hammer (2651)
6. IM Justin Sarkar (2376) 1-0 GM Allan Rassmussen (2532)
7. Grant W Bucher (2087) ½ ½ GM Þröstur Þórhallsson (2428)
8. GM Ralf Akesson (2456) ½ ½ Þorvarður Fannar Ólafsson (2230)
9. IM Marin Daniel Pulvett (2434) 0-1 Kristján Eðvarðsson (2176)
10. IM Gerard Welling (2355) ½ ½ Jason Kenney (2104)
11. Eivind X Djurhuus (2077) 1-0 GM Johannes Haug (2339)
12. Magnus Wahlbom (2278) 0-1 Símon Þórhallson (2009)
13. Ragnar Edvardsen (2001) ½ ½ Jón Kristinsson (2251)
14. Joerg Mehringer (1955) ½ ½ FM Ali Morshedi (2211)
15. Pawel Babijczuck (1950) 1-0 Thomas Scho-Moldt (2211)
16. Loftur Baldvinsson (1945) 1-0 Max Arnold (2189)
17. WFM Qiyu Zhou (2182) 0-1 Michael T Masungwini (1972)
18. Hrafn Loftsson (2171) ½ ½ Peter Korning (1944)
19. Gerd Densing (1903) ½ ½ Adam Brzezinski (2150)
20. Hilmir Freyr Heimisson (1861) 1-0 Gonzalez Gonzalez Alfonso (2122)
21. Páll G Jónsson (1833) ½ ½ Gunnar Stray (2065)
22. Eric De Winter (1776) ½ ½ Yuri Eijk (2062)
23. Bartoz Miszkielo (1694) ½ ½ Lopez Jaime Martinez (2044)
24. Tom Skovgaard (2042) ½ ½ Dagur Kjartansson (1756)
25. Agnar T Möller (1806) 1-0 WGM Sabina-Francesca Foisor (2279)
26. Ruddy T Sibiya (1784) 1-0 Gunnar Freyr Rúnarsson (2049)
27. Guðmundur Kristinn Lee (1676) ½ ½ Gauti Páll Jónsson (1968)
28. Kris Klausen (1937) ½ ½ Birkir Karl Sigurðsson (1767)
29. Veronika Steinun Magnúsdóttir (1571) 1-0 Ólafur Gísli Jónsson (1899)
30. Martin Sandberg (1889) ½ ½ Ulker Gasanova (1645)
31. David Kenney (1885) ½ ½ Nansy Davíðsdóttir (1641)
32. Otto Milvang (1872) ½ ½ Torge Ugland (1636)
33. Michael Marshall (1844) ½ ½ Birgir Örn Steingrímsson (1669)
34. Wojciech Babijczuk (1549) 1-0 Gerd Mier (1868)
35. Sven Erik Lurdalen (1824) 0-1 Hrund Hauksdóttir (1692)
36. Aron Thor Mai (1320) ½ ½ John Nicholson (1808)
37. John Ontiveros (1774) 0-1 August Klofsrud (1571)
38. Pal Nordquelle (1559) ½ ½ Joshua Davíðsson (1216)

 

Pörun í 6. umferð

Pörun 6. umferðar liggur fyrir og er þannig:

Hana má skoða nánar hér.

Skákir mótsins, til og með 4. umferð eru nú aðgengilegar á heimasíðu mótsins.

You can get games up to and including 4th round here: http://t.co/hhMKm9ZHb5 #ReykjavikOpen

— ReykjavikOpenChess (@ReykjavikOpen) March 13, 2015

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

[Event "Reykjavik Open 2015"] [Site "?"] [Date "2015.03.13"] [Round "5"] [White "Gunnarsson, Jon Viktor"] [Black "Grandelius, Nils"] [Result "1-0"] [ECO "B84"] [WhiteElo "2443"] [BlackElo "2603"] [Annotator "Sigurdarson,Tomas Veigar"] [PlyCount "77"] [SourceDate "2015.03.13"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Be3 e6 7. Be2 Qc7 8. Qd2 b5 9. a3 Bb7 10. f3 Nc6 11. g4 Be7 12. g5 Nd7 13. h4 Nce5 14. O-O-O Nb6 15. Ndxb5 axb5 16. Nxb5 Qc6 17. Bxb6 Qxb6 18. Nxd6+ Bxd6 19. Qxd6 Qxd6 20. Rxd6 Ke7 21. Rhd1 Rhc8 22. c3 Bc6 23. h5 Nd7 24. R1d2 Ra5 25. g6 Rxh5 26. gxf7 Nf8 27. b4 Rh1+ 28. Kb2 h5 29. Ba6 Rc7 30. b5 Bxb5 31. Bxb5 h4 32. a4 h3 33. Rd1 Rh2+ 34. R6d2 Rxd2+ 35. Rxd2 Ng6 36. a5 Ne5 37. a6 Nxf3 38. Rf2 Rc5 39. c4 1-0

Laugardagsæfingar Taflfélags Reykjavíkur falla niður á morgun vegna veðurs

Vegna mjög slæmrar veðurspár fyrir morgundaginn og viðvörunar frá veðurstofu falla allar æfingar taflfélagsins niður á morgun, laugardaginn 14. mars. 

 

Tilkynning á vef TR

 

Reykjavíkurskákmótið: 5. umferð í fullum gangi - Skákskýringar og Pub Quiz

5. umferð Reykjavíkurskákmóstins er í fullum gangi.

Margar spennandi viðureignir eru í gangi, í dæmaskyni mætti nefna:

Shakhriyar Mamedyarov og Hjörvar Steinn Grétarsson

David Navara og Artur Jussupow

Jón Viktor Gunnarsson og Nils Grandelius

og margar fleiri!

Hér má skoða pörunina

Beinar útsendingar eru hér (skákirnar) og hér (sjónvarp)

Stuttmynd Vijay Kumar frá 4. umferð er líka komin!

Skáksýringar

Boðið er upp á skáksýringar okkar helstu meistara á skákstað og hefjast þær um kl. 17

Í dag verður stórmeistarinn Helgi Ólafsson með skýringar.

Á morgun, laugardag er það stórmeistarinn Jóhann Hjartarsson og á sunnudag mætir stórmeistarinn Jón L. Árnason.

Pub Quiz í kvöld kl. 22

Hið árlega og gríðarlega vinsæla Reykjavik Open Pup Quiz fer fram í kvöld. Keppnin byrjar 22:00 og þarf að mæta tímanlega. Keppnin fer fram áHótel Plaza við Ingólfstorg, sal á fyrstu hæðinni.

Búast má við gríðarlegri góðri þátttöku og mikilli stemmingu enda hápunktur sérviðburða mótsins.

Tveir og tveir saman í liði. Menn geta fundið sér á félaga á staðnum. 

 

• Nánar (á ensku)
• Um keppnina í fyrra

Hliðarviðburðir eru tíundaðir á heimasíðu mótsins hér

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results