Skák.is

Bloggfærslur mánaðarins, mars 2014

19.3.2014 | 07:00

Skákmót öðlinga hefst í kvöld

Skákmót öðlinga 40 ára og eldri hefst miðvikudaginn 19. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Skákmót öðlinga verður nú haldið í 23. sinn. Núverandi Skákmeistari öðlinga er Þorvarður Fannar Ólafsson.

Dagskrá:

1. umferð miðvikudag 19. mars kl. 19.30
2. umferð miðvikudag 26. mars kl. 19.30
3. umferð miðvikudag 2. apríl kl. 19.30
4. umferð miðvikudag 9. apríl kl. 19.30
5. umferð miðvikudag 23. apríl kl. 19.30
6. umferð miðvikudag 30. apríl kl. 19.30
7. umferð miðvikudag 7. maí kl. 19.30

Mótinu lýkur miðvikudaginn 14. maí kl. 19:30 með hraðskákmóti og verðlaunaafhendingu. Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráning fer fram á skráningarformi á heimasíðu T.R.

Hér er hægt að fylgjast með skráningu.

Mótstöflur öðlingamóta

Spil og leikir | Breytt 16.3.2014 kl. 10:48 | Slóð | Facebook | Athugasemdir (0)

18.3.2014 | 15:52

Anand efstur á áskorendamótinu - Svidler vann Topalov

Indverjinn Viswanathan Anand (2770) gerði í dag jafntefli við Andreikin (2709) í fimmtu umferð áskorendamótsins í skák sem fram fer í Khanty-Mansiysk. Svidler (2758) vann Topalov (2785) en öðrum skákum lauk með jafntefli þar með talið hörkuskák Kramniks (2787) og Aronian (2830).

Staðan:

Rank	SNo.		Name	Rtg	FED	Pts	Res.	vict	SB
1	6	GM	Anand Viswanathan	2770	IND	3½	0	2	8,25
2	7	GM	Aronian Levon	2830	ARM	3	1½	2	7,50
3	4	GM	Kramnik Vladimir	2787	RUS	3	1	1	7,50
4	3	GM	Svidler Peter	2758	RUS	3	½	2	6,00
5	5	GM	Mamedyarov Shakhriyar	2757	AZE	2	1	1	3,50
6	8	GM	Topalov Veselin	2785	BUL	2	1	0	5,25
7	2	GM	Karjakin Sergey	2766	RUS	2	1	0	4,25
8	1	GM	Andreikin Dmitry	2709	RUS	1½	0	0	4,2

Spil og leikir | Slóð | Facebook | Athugasemdir (0)

18.3.2014 | 12:10

Íslandsmót skákfélaga: Skákir fyrstu deildar

Tómas Veigar Sigurðarson hefur slegið inn allar skákir fyrstu deildar Íslandsmóts skákfélaga. Þær fylgja með sem viðhengi.

Veljið skák (159 alls):

Spil og leikir | Slóð | Facebook | Athugasemdir (0)

18.3.2014 | 07:00

Skákmót öðlinga hefst á morgun

Skákmót öðlinga verður nú haldið í 23. sinn. Núverandi Skákmeistari öðlinga er Þorvarður Fannar Ólafsson.

Dagskrá:

1. umferð miðvikudag 19. mars kl. 19.30
2. umferð miðvikudag 26. mars kl. 19.30
3. umferð miðvikudag 2. apríl kl. 19.30
4. umferð miðvikudag 9. apríl kl. 19.30
5. umferð miðvikudag 23. apríl kl. 19.30
6. umferð miðvikudag 30. apríl kl. 19.30
7. umferð miðvikudag 7. maí kl. 19.30

Þátttökugjald er kr. 4.000 fyrir aðalmótið og kr 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráning fer fram á skráningarformi á heimasíðu T.R.

Hér er hægt að fylgjast með skráningu.

Mótstöflur öðlingamóta

Spil og leikir | Breytt 16.3.2014 kl. 10:50 | Slóð | Facebook | Athugasemdir (0)

17.3.2014 | 14:56

Anand efstur á áskorendafmótinu - Aronian vann Svidler

Indverjinn Viswanathan Anand (2770) er sem fyrr efstur á áskorendafmótinu í skák sem fram fer í Khanty-Mansiysk í Rússlandi. Í fjórðu umferð, sem fram fór í dag, gerði hann jafntefli við Kramnik (2787) og hefur 3 vinninga. Aronian (2830), sem vann Andreikin (2709) er í 2.-3. sæti ásamt Kramnik með 2½ vinning.

Í fimmtu umferð sem fram fer á morgun mætast meðal annars Kramnik og Aronian. Anand mætir Andreikin.

Staðan:

Rank	SNo.		Name	Rtg	FED	Pts	Res.	vict	SB
1	6	GM	Anand Viswanathan	2770	IND	3	0	2	6,25
2	7	GM	Aronian Levon	2830	ARM	2½	0	2	4,50
3	4	GM	Kramnik Vladimir	2787	RUS	2½	0	1	4,50
4	3	GM	Svidler Peter	2758	RUS	2	0	1	3,00
5	8	GM	Topalov Veselin	2785	BUL	2	0	0	4,25
6	5	GM	Mamedyarov Shakhriyar	2757	AZE	1½	0	1	2,00
7	2	GM	Karjakin Sergey	2766	RUS	1½	0	0	2,50
8	1	GM	Andreikin Dmitry	2709	RUS	1	0	0	2,00

Spil og leikir | Slóð | Facebook | Athugasemdir (0)

17.3.2014 | 10:00

Íslandsmót barnaskólasveita hefst á laugardaginn í Rimaskóla

Mótið er fyrir nemendur á barnaskólaaldri, 1.-7. bekk. Fjórir skákmenn eru í hverri sveit, hægt er að vera með allt að þrjá varamenn í hverri sveit.

Teflt verður í Rimaskóla, Grafarvogi.

Tefldar verða níu umferðir, fimm á laugardegi og fjórar á sunnudegi.

Umhugsunartími verður 15 mínútur á mann.

Taflmennska hefst 13:00 á laugardag og 11:00 á sunnudag.

Veitt verða verðlaun fyrir efstu b-e sveitir ásamt verðlaunum fyrir efstu sveitina sem er einungis skipuð nemendum í 1.-4. bekk.

Skráning fer fram hér. Hægt er að fylgjast með þegar skráðum sveitum hér.

Liðsstjórar skulu boða keppendur 12:40 svo mótið geti hafist á réttum tíma.

Veitt verða borðaverðlaun fyrir bestan árangur á borði 1-4.

Sá skóli sem verður Íslandsmeistari tryggir sér þátttökurétt á Norðurlandamóti barnaskólasveita sem fer fram í haust.

Þátttökugjald er 5.000 kr. á sveit - mest 10.000 kr. á skóla.

Spil og leikir | Breytt 19.3.2014 kl. 17:56 | Slóð | Facebook | Athugasemdir (0)

17.3.2014 | 09:50

Brögðóttir unglingar á Akureyri

Í gær fór fram skylduleikjamót í salarkynnum Skákfélagsins. Tefldir voru gammbítar eða brögð þar sem annar aðilinn fórnar liði fyrir skjótari liðskipan. Það var Jón Kristinn Þorgeirsson sem valdi byrjanirnar. Skákfélagsmenn voru misjafnlega brögðóttir en ungu mennirnir stóðu sig best. Flesta vinninga hlaut Símon Þórhallsson eða 5,5 vinninga af 7 mögulegum. Í öðru til þriðja sæti urðu Andri Freyr og Jón Kristinn með 5 vinninga. Í fjórða sæti varð fjórði unglingurinn, Sigurður Arnarson, með 4,5 vinninga en aðrir fengu minna.

Spil og leikir | Slóð | Facebook | Athugasemdir (0)

17.3.2014 | 07:00

Hraðkvöld hjá GM Helli í kvöld

Skákfélagið GM Hellir heldur hraðkvöld mánudaginn 17. mars nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili GM Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Spil og leikir | Breytt 14.3.2014 kl. 08:15 | Slóð | Facebook | Athugasemdir (0)

16.3.2014 | 20:00

Skákþáttur Morgunblaðsins: Funheitur Walter Browne mætir aftur á Reykjavíkurskákmót

Walter Shawn Browne sem er 65 ára gamall er sá eini meðal 155 erlendra þátttakenda á 50 ára afmæli Reykjavíkurskákmótanna sem sigrað hefur á þessu móti. Það gerðist á Hótel Loftleiðum á hinu geysisterka 8. Reykjavíkurmóti árið 1978 og keppinautar hans, sem tefldu allir við alla, voru ekki af verri endanum: Bent Larsen, Tony Miles, Lev Polugajevskí, Vlastimil Hort auk íslensku meistaranna með Friðrik Ólafsson fremstan í flokki. Bægslagangurinn í tímahraki í skák við Polugajevskí og almenn baráttugleði hans eru mönnum enn í fersku minni. Walter Browne vann bandaríska meistaratitilinn sex sinnum og fyllti að sumu leyti það pláss í bandarísku skáklífi sem Bobby Fischer skildi eftir. Eldmóðurinn er þarna ennþá og hann hefur unnið þrjár fyrstu skákir sínar á sannfærandi hátt.

Faðir hins nýbakaða heimsmeistara, Henrik Carlsen, er hingað kominn til að slaka aðeins á eftir fjölmiðlafárið í kringum einvígi sonarins á dögunum. Hann á góðar minningar frá því á Reykjavíkurmótinu 2004; samsetning keppenda þá með Magnús Carlsen, Lev Aronjan og Hikaru Nakamura á keppendalistanum sannar að framkvæmdaraðilar þessara móta hafi verið lagnir að fá til keppni menn framtíðarinnar. Hinn 10 ára gamli Awonder Liang er heimsmeistari barna í sínum aldursflokki en Hjörvar Steinn Grétarsson vann piltinn þó örugglega í 2. umferð.

Reykjavíkurmótin eru nú öllum opin með skemmtilegum hliðarviðburðum á borð við barna-blitz og pub quiz. En fyrst og síðast er mótið frábær vettvangur fyrir íslenska skákmenn, ekki síst þá yngstu. Keppendur eru alls 254 en erlendu gestirnir eru 155. Mótið er vel skipulagt og salurinn í Hörpu er stórglæsilegur. Hlutur kvenna er alltaf að aukast og margar öflugar skákkonur mæta til leiks, áhorfendur sópuðust að skjánum þegar indverska skákprinsessan Tania Sachdev sá um skákskýringar á heimasíðu heimsmeistaraeinvígis Anands og Magnúsar Carlsens í Indlandi. Af mörgum óvæntum úrslitum er að taka en hér birtist sigur Tinnu Kristínar Finnbogadóttur í 1. umferð en stigamunur var upp á næstum 500 elo-stig. Góð taflmennska Tinnu í endataflinu réð svo úrslitum:

Mate Bagi (Ungverjaland) - Tinna Kristín Finnbogadóttir

Sikileyjarvörn

1. e4 c5 2. Rf3 g6 3. Bc4 Rc6 4. c3 Bg7 5. d4 d6 6. O-O e6 7. Bf4 cxd4 8. cxd4 Rge7 9. Rc3 d5 10. Bb3 dxe4 11. Rxe4 O-O 12. Bg5 Da5

Eftir byrjun þar sem hvítur missti af ýmsum vænlegum leiðum, t.d. 7. d5, hefur svartur náð prýðilegri stöðu með þrýsting á staka peðið á d4.

13. Dc1 Rf5 14. Hd1 Rfxd4 15. Rxd4 Rxd4 16. De3 e5 17. Bf6 Db6 18. Bxg7 Kxg7 19. Hac1 Rxb3 20. Dxb3 Dxb3 21. axb3 Be6 22. Rc5 Hfe8!

23. Rxe6+ Hxe6 24. Hc7 Hc6 25. Hxb7 Hd8!

Notfærir sér valdleysið í borðinu, 26. Hxd8 strandar auðvitað á 26. ... Hc1+ og mátar.

26. Hf1 Hd2 27. Hxa7 Hxb2 28. Ha5 e4 29. Hb5 Hcc2

Hótar 29. ... e3. Lakara var 29. ... e3 vegna 30. fxe3 Hcc2 31. Hg5! og hvítur nær jafntefli.

30. He5 He2 31. h4 f6 32. He7+ Kh6 33. g3 Hxb3

Hvítur gat ekki varið b-peðið og átt við hótun svarts að leika e4-e3.

34. Kg2 Hbb2 35. Kg1 Ha2 36. He6 f5 37. He7 Hab2 38. He6

Hvítur er í leikþröng og nú brýst svarti kóngurinn fram.

38. ... Kh5! 39. He7 h6 40. He5 Kg4 41. He6 e3 42. Hxg6+ Kh3

- og hvítur gafst upp.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 9. mars 2014

Skákþættir Morgunblaðsins

Spil og leikir | Breytt 15.3.2014 kl. 11:39 | Slóð | Facebook | Athugasemdir (0)

16.3.2014 | 19:00

Skákþáttur Morgunblaðsins: Víkingarnir í skákinni

Ég hef´ann," hrópaði markvörður Víkings í 2. flokki, Ögmundur Kristinsson, þegar hann kom askvaðandi út úr markteignum í leik Víkings og ÍBV á Hásteinsvellinum í Eyjum sumarið 1971, og uppskar mikinn hlátur áhorfenda þegar hann hugðist kýla bolta í burtu en hafði ekki meiri stjórn á atburðarásinni en svo að boltinn skrúfaðist einhvern veginn aftur fyrir hann og sleikti síðan markstöngina. En sá hlær best sem síðast hlær, segir einhversstaðar. Árin 1981 og 1982 var Ögmundur aðalmarkvörður í liði Íslandsmeistara Víkings og var valinn í A-landslið Íslands árið 1983.

Ögmundur var á þessu tíma einn öflugasti ungi skákmaðurinn í Taflfélagi Reykjavíkur, þekktur fyrir sóknartilþrif og varasama gambíta eins „Marshall-árásina" og „Búdapestar-bragð". Taflfélag Reykjavíkur hafði eignast húsnæði við Grensásveg - í miðju hverfi Víkinga og þar steig hann sín fyrstu skref í skákinni. Síðan eru liðin mörg ár en undanfarið hefur Ögmundur verið að auka þátttöku sína á mótum með styttri umhugsunartíma, og hann er líka að tefla kappskákirnar; var t.d. með á Reykjavíkurskákmótinu í fyrr a og sýndi klærnar á nýafstöðnu móti GM Hellis, Nóa Síríus-mótinu. Þar hlaut hann 4 vinninga af sjö mögulegum, náði árangri upp á 2300 elo-stig og hækkaði um meira en 30 stig.

Í skák sinni við Andra Áss Grétarsson úr því móti var það ekki byrjanakunnáttan sem réð úrslitum, heldur miklu fremur snemmbær og tvísýn atlaga á drottningarvæng, síðar beindust spjótin að f7-reitnum og loks brast á með innrás eftir c-línunni. Laglegur sigur:

Nóa Síríus-mótið; 1. umferð:

Ögmundur Kristinsson - Andri Áss Grétarsson

Kóngsindversk vörn

1. c4 Rf6 2. Rc3 g6 3. g3 Bg7 4. Bg2 O-O 5. d4 d6 6. Rf3 Rbd7 7. O-O e5 8. b3

He8 9. e3 c6 10. dxe5 dxe5 11. Bb2 Dc7 12. b4?!

Svartur á við enga erfiðleika að etja eftir bitlausa byrjun hvíts.

12. ... a5 13. a3 Bf8 14. c5 b6 15. cxb6

Dxb6 16. b5!?

Gefur peð fyrir spil og nær að rugla Andra í ríminu.

16. ... cxb5 17. Rg5 Hb8?

Hér lá beinast við að leika 17. ... Bb7 en þá þarf að taka með í reikninginn leikinn 18. Rd5 sem hægt er að svara með 18. .. Da7!

18. Db3 He7 19. Rd5 Rxd5 20. Bxd5

Skyndilega er hvítur kominn með óþægilegan þrýsting á f7-peðið.

18. ... Rc5?

Eftir þetta fer að halla undir fæti. Hér varð svartur að leika 20. ... Bb7 og eftir 21. Bxf7+ Kh8 er staðan í jafnvægi.

21. Bxf7+ Kh8 22. Dd5!

Öflugur leikur sem hótar 23. Bxe5+ o.s.frv.

22. ... Bg7 23. Hac1 Rd7 24. Hc6 Da7 25. Dd6 Bf6 26. Hfc1

Hvítur bætir stöðu sína í hverjum leik.

26. ...Bxg5 27. Hxc8+ Kg7 28. H8c7 Hb7 29. Bd5!

Og nú fær svartur ekki varist liðstapi.

29. ... Db6 30. H1c6 Da7 31. Hxb7 Dxb7 32. Hc7 Db6 33. Hxd7 Dxd6 34. Hxd6

- og svartur gafst upp.

Stefán Kristjánsson sigraði á Nóa Síríus-mótinu, hlaut 6 vinninga af sjö mögulegum, Björgvin Jónsson og Davíð Kjartansson komu næstir með 5 ½ vinning og í 4.-7. sæti urðu Bragi Þorfinnsson, Karl Þorsteins, Jón Viktor Gunnarsson og Magnús Örn Úlfarsson, allir með 5 vinninga.

Jón Þorvaldsson á allan heiður af framkvæmdinni en honum tókst að laða til keppni marga af bestu skákmönnum landsins sem tefldu eina umferð á viku í Stúkunni á Kópavogsvelli en keppendur voru 70 talsins.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 2. mars 2014

Skákþættir Morgunblaðsins

Spil og leikir | Breytt 15.3.2014 kl. 11:39 | Slóð | Facebook | Athugasemdir (0)

« Fyrri síða | Næsta síða »