Vignir með jafntefli í lokaumferðinni - mjög góður árangur

Vignir Vatnar Stefánsson (1678) gerði jafntefli við unga indverska skákkonu (1923) í lokaumferð HM áhugamanna sem fram fór í gær í Iasi í Rúmeníu.  Vignir hlaut 6 vinninga í 9 skákum og varð í 19.-40. sæti (26. á stigum) af 207 keppendum.

Afar góður árangur hjá Vigni sem tefldi við stighærri andstæðing í hverri einustu umferð. 

Árangur hans samsvaraði 2032 skákstigum og hækkar hann um 61 stig fyrir hana. Vignir á nú máltíð inni á Hamborgarafabrikkunni sem Björn Þorfinnsson hafði lofað honum myndi hann hækka um meira en 50 skákstig!

Alls tóku 207 skákmenn þátt í mótinu sem fram fór í Iasi í Rúmeníu frá 37 löndum en hámarksstig til að mega taka þátt voru 2000 skákstig. Vignir var nr. 132 í stigaröð keppenda.

• Heimasíða mótsins
• Chess-Results 

Topalov öruggur sigurvegari FIDE Grand Prix móts í Zug

Í gær lauk FIDE Grand Prix móti í Zug í Sviss. Heimsmeistarinn fyrrverandi, Veselin Topalov (2771) kom sá og sigraði en hann hlaut 1,5 vinningi meira en Bandaríkjamaðurinn Nakamura (2767) sem varð annar. Í 3.-4. sæti urðu Úkraínumaðurinn Ponomariov (2733) og Ítalinn Caruana (2772).

Lokastaða mótsins:

 

Rank	Name	Rtg	FED	Pts
1	Topalov Veselin	2771	BUL	8
2	Nakamura Hikaru	2767	USA	6½
3	Ponomariov Ruslan	2733	UKR	6
4	Caruana Fabiano	2772	ITA	6
5	Kamsky Gata	2741	USA	5½
6	Morozevich Alexander	2758	RUS	5½
7	Karjakin Sergey	2786	RUS	5
8	Giri Anish	2727	NED	5
9	Leko Peter	2744	HUN	5
10	Radjabov Teimour	2793	AZE	4½
11	Kasimdzhanov Rustam	2709	UZB	4½
12	Mamedyarov Shakhriyar	2766	AZE	4½

 
Heimasíða mótsins

Guðfinnur og Össur efstur hjá Ásum í gær

Það voru tuttugu og tveir öðlingar sem settust að tafli í Stangarhyl í gær. Skákstjórinn Finnur var með skákleiða og nennti ekki að tefla svo að það var engin skotta. Riddarar réðu ferðinni í dag eins og oft áður. Guðfinnur R Kjartansson og Össur Kristinsson urðu jafnir og efstir með 7.5 vinning. Í þriðja sæti varð svo unglingurinn Friðgeir Hólm með 7 vinninga.

Fast á hæla þessum komu svo fjórir öðlingar með öldunginn Ágúst Ingimundarson í broddi fylkingar allir með 6 vinninga. Ágúst er að verða 86 ára og gefur ekkert eftir við skákborðið þegar sá gállinn er á honum.

Mótstafla: