Dagur tapaði í næstsíðstu umferð

Alþjóðlegi meistarinn Dagur Arngrímsson (2366) tapaði fyrir rúmenska alþjóðlega meistaranum Boris Itkis (2437) í 8. og næstsíðustu umferð alþjóðlega mótsins í Arad í Rúmeníu sem fram fór í dag.  Fyrsta tapskák Dags.  Dagur hefur 6 vinninga og er í 5.-16. sæti fyrir lokaumferðina sem fram fer í fyrramálið.

Þá teflir hann við sinn fimmta stórmeistara á mótinu, Ioan-Christian Chririla (2504).  Umferðin hefst kl. 6:30 og hægt verður að fylgjast með Degi í beinni. 

183 skákmenn taka þátt í mótinu frá 9 löndum.  Þar á meðal eru 11 stórmeistarar og 11 alþjóðlegir meistarar.  Dagur er nr. 22 í stigaröð keppenda.

• Heimasíða mótsins
• Beinar útsendingar (15 efstu borðin) - flestar umferðir hefjast kl. 13:30.
• Chess-Results

Borgarskákmótið fer fram 14. ágúst

Borgarskákmótið fer fram þriðjudaginn 14. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, eins og þau hafa gert síðustu ár.

Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 Vigfús og 862 6290 (Sigurlaug). Tefldar verða 7 umferðir með 7 mínútna umhugsunartíma. Þetta er í 27. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Arnar Gunnarsson, sem þá tefldi fyrir Perluna.

Hægt er að fylgjast með skráningu í mótið í hér.

Verðlaun:

1. 15.000 kr.
2. 10.000 kr.
3. 5.000 kr.

Lenka í beinni frá Olomouc

Íslenskir landsliðs- og afreksmenn tefla töluvert erlendis um þessar mundir.  Okkar fremsta skákkona, Lenka Ptácníková (2281) situr nú að tefla í skákhátíðinni í Olomouc sem hófst í dag.  Í fyrstu umferð teflir hún Natalia Chernyshova (2080).  Hægt er að fylgjast með skákinni beint.

• Heimasíða mótsins
• Beinar útsendingar

Meistarmót Hellis hefst mánudaginn 20. ágúst

Meistaramót Hellis 2012 hefst mánudaginn 20. ágúst klukkan 19:30. Mótið er 7 umferða opið kappskákmót sem lýkur 8. september.   Vegleg og fjölbreytt verðlaun eru í boði.  Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning verður hér á heimasíðu Hellis og fer í gang fljótlega eftir verslunarmannahelgi.  

Teflt er á mánudögum, þriðjudögum og miðvikudögum.

Aðalverðlaun:

1. 30.000
2. 20.000
3. 10.000

Upplýsingar um aukaverðlaun koma síðar.

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn, 20. ágúst, kl. 19:30
• 2. umferð, þriðjudaginn, 21. ágúst, kl. 19:30
• 3. umferð, miðvikudaginn, 22. ágúst, kl. 19:30
• 4. umferð, mánudaginn, 27. ágúst, kl. 19:30
• 5. umferð, þriðjudaginn, 28. ágúst, kl. 19:30
• 6. umferð, miðvikudaginn, 29. ágúst, kl. 19:30
• 7. umferð, mánudagur, 3. september, kl. 19:30