Sverrir endaði með 5 vinninga í Västerås

Sverir Þorgeirsson (2213) endaði með 5 vinninga að 8 mögulegum á Västerås Open sem fram fór í Svíþjóð um helgina.  Sverrir endaði í 36.-68.   G Sverrir Þór (1988) hlaut 3 vinninga og endaði í 158.-184. sæti og Baldur Teódór Petersson (1418) fékk 2 vinninga og endaði í 202.-216. sæti.  

Lettneski stórmeistarinn Normunds Miezis (2534) sigraði á mótinu en hann hlaut 7,5 vinning.  Sænski stórmeistarinn Lars Karlsson (2485) varð annar með 7 vinninga.

224 skákmenn frá átta löndum tóku þátt í mótinu og þar á meðal 4 stórmeistarar og 2 alþjóðlegir meistarar.   Sverrir var nr. 42 í stigaröð keppenda, G. Sverir nr. 87 og Baldur nr. 188.

• Heimasíða mótsins
• Chess-Results

 

 

 

Beinar útsendingar frá Haustmótinu

Skákir a-flokks Haustmóts TR verða ávallt í beinni útsendingu auk einnar skákar í b-flokki.  Beinar útsendingar úr fyrstu umferð má nálgast hér.

Allir flokkararnir, a-, b-,c- og d-flokkar (opinn) eru komnir á Chess-Results.   Hægt er að nálgast þá hér.

 

Skákmót Árnamessu í Stykkishólmi á laugardag

Skákdeild Fjölnis heldur í 3. sinn hið vinsæla Skákmót Árnamessu í Stykkishólmi og er mótið að venju ætlað öllum efnilegustu og áhugasömustu skákkrökkum landsins. Í fyrri tvö skiptin árin 2009 og 2010 reyndist þátttakan frábær þar sem um 90 grunnskólakrakkar mættu í bæði skiptin. Mótið í ár verður laugardaginn 1. október og hefst kl. 13:00 stundvíslega og því lýkur kl. 16:30. Teflt verður í grunnskólanum Stykishólmi.

Keppt verður í þremur flokkum; fæddir 1996 - 1999, fæddir 2000 - 2005 og loks í flokki Snæfellinga. Vegleg verðlaun verða veitt í lok skákmótsins auk þess sem sigurvegarar í hverjum flokki fá eignabikar. Keppendum verður boðið upp á veitingar í upphafi skákmótsins og í skákhléi. Allir sem koma að skipulagi skákmóts Árnamessu og gefa vinninga vilja með því heiðra minningu Árna Helgasonar og þess æskulýðsstarfs sem hann vann í Stykkishólmi í áratugi.

Líkt og áður er þátttakendum boðið upp á að taka rútu fram og til baka á mótsstað sem leggur af stað samdægurs kl. 9:30 frá Umferðarmiðstöðinni og Essó í Ártúnsbrekku. Þeir sem taka rútuna greiða 1000 kr.

Skákstjórar á mótinu verða þeir Helgi Árnason formaður Skákdeildar Fjölnis og Páll Sigurðsson formaður Taflfélags Garðabæjar. Skráning er hafin á skrifstofu Skáksambands Íslands í síma 568 9141 og með tölvupósti [e-mail].

Auglýsing (PDF) um mótið fylgir með sem viðhengi.

Haustmótið: A-flokkurinn klár

Keppendalisti a-flokks Haustmóts TR er klár.   Guðmundur og Davíð Kjartanssynir er langstigahæstir.  Flokkinn skipa:

No.		Name	Rtg
1	IM	Kjartansson Gudmundur	2314
3	FM	Kjartansson David	2291
4		Olafsson Thorvardur	2174
8	FM	Bjornsson Tomas	2162
9		Bjornsson Sverrir Orn	2158
10		Bergsson Stefan	2135
7		Ragnarsson Johann	2068
6		Jonsson Bjorn	2045
5		Valtysson Thor	2041
2		Baldursson Haraldur	2010

 

Meðalstigin eru 2140 skákstig.  Í fyrstu umferð, sem hefst kl. 14 og verður sýnd beint á netinu, mætast:

 

1	Kjartansson Gudmundur		Bergsson Stefan
2	Baldursson Haraldur		Bjornsson Sverrir Orn
3	Kjartansson David		Bjornsson Tomas
4	Olafsson Thorvardur		Ragnarsson Johann
5	Valtysson Thor		Jonsson Bjorn

  

• Heimasíða TR
• Chess-Results

EM taflfélaga: TB og Hellir mæta lakari liðum í fyrstu umferð

EM taflfélaga hefst í dag í Rogaska Slatina í Slóveníu.  Tvö íslensk lið senda lið til keppni.  Íslandsmeistarar Taflfélags Bolungarvíkur og sveit Taflfélagsins Hellis.  Nú liggur fyrir pörun í fyrstu umferð og tefla sveitirnar báðar við töluvert lakari sveitir.  Bolvíkingar tefla við tyrkneska sveit en Hellismenn við albenska sveita.   62 sveitir taka þátt.

Sveit Íslandsmeistara Taflfélags Bolungarvíkur (meðalstig 2395 - nr. 26):

1	IM	Kristjansson Stefan	2485	ISL
2	IM	Thorfinnsson Bragi	2427	ISL
3	IM	Gunnarsson Jon Viktor	2422	ISL
4	GM	Thorhallsson Throstur	2388	ISL
5	IM	Arngrimsson Dagur	2353	ISL
6		Gislason Gudmundur	2295	ISL

Sveit Taflféalgsins Hellis (meðalstig 2354 - nr. 29):

1	GM	Stefansson Hannes	2562	ISL
2	IM	Thorfinnsson Bjorn	2412	ISL
3	FM	Gretarsson Hjorvar Steinn	2442	ISL
4	FM	Bjornsson Sigurbjorn	2349	ISL
5	FM	Lagerman Robert	2325	ISL
6		Kristinsson Bjarni Jens	2033	ISL

Andstæðingar Bolvíkinga í fyrstu umferð (meðalstig 2065):

1	FM	Yurtseven Ahmet Can	2327	TUR
2	FM	Demirel Tolga	2143	TUR
3		Gokerman Emin Ersan	2061	TUR
4		Zeytinoglu Nasir Ekin	2002	TUR
5		Kanli Kaan	1945	TUR
6		Kazdagli Benan	1913	TUR
		Yigit Aleyna	1729	TUR

Andstæðingar Hellis í fyrstu umferð (meðalstig 1797):

1		Shabanaj Saimir	2120	ALB
2	CM	Paci Aleksander	2150	ALB
3		Guxho Clirim	2044	ALB
4		Zekaj Dritan	2068	ALB
5		Salihaj Ferit	0	ALB
6		Duli Mehdi	0	ALB
		Shyqyri Eokaj	0	ALB
		Bajraktari Besnik	0	ALB

Heimasíða mótsins

Vin og SSON tefla Fischer-random í dag

Vináttukeppni milli Skákfélags Vinjar og Skákfélags Selfoss og nágrennis í Chess 960 eða Fischer-random fer fram í dag. Teflt verður í Bíó Paradís áður Regnbogabíó. Fyrirhugað er fyrsta Íslandsmótið í Chess 960 á Selfossi að loknum seinni hluta Íslandsmóts skákfélaga í mars. 

Teflt verður á sex borðum í dag og má búast við harðri baráttu enda félögin áþekk að styrkleika, allavegana í hefðbundinni skák. Að lokinni viðureign eða um fjögurleytið verður frumsýnd heimildarmyndin Bobby Fischer against the world. http://www.imdb.com/title/tt1777551/ 

Taflmennskan hefst 14:00 og áhorfendur hjartanlega velkomnir og þeir fyrstu gætu fengið frímiða á myndina. 

Viðureignin er samstarf Skákakademíu Reykjavíkur, Kvikmyndahátíðarinnar Riff og svo vinafélaganna tveggja Skákfélags Selfoss og nágrennis og Skákfélags Vinjar.

Haustmót TR hefst í dag

Haustmót Taflfélags Reykjavíkur 2011 hefst sunnudaginn 25. september kl.14.  Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.

Mótið er öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki.  Lokuðu flokkarnir eru skipaðir tíu keppendum hver þar sem allir tefla við alla, en í opna  flokknum er tefldar níu umferðir eftir svissnesku kerfi.

Upplýsingar um skráða keppendur má finna hér.

Athygli er vakin á því að skráningu í alla lokaða flokka lauk í gær.  Enn er hins vegar opið fyrir skráningu í opin flokk, sem fer fram fer á skákstað.

Núverandi skákmeistari Taflfélags Reykjavíkur er Guðmundur Kjartansson.

Dagskrá:

1. umferð: Sunnudag 25. september kl.14.00 
2. umferð: Miðvikudag 28. september kl.19.30

3. umferð: Föstudag 30. september kl.19.30 
4. umferð: Sunnudag 2. október kl.14.00

5. umferð: Miðvikudag 5. október kl.19.30

---Hlé vegna Islandsmóts skákfélaga---

6. umferð: Miðvikudag 12. október kl.19.30 
7. umferð: Föstudag 14. október kl.19.30 
8. umferð: Sunnudag 16. október kl. 14.00 
9. umferð: Miðvikudag 19. október. kl.19.30 

Verðlaun í A-flokki: 
1. sæti kr. 100.000 
2. sæti kr.   50.000 
3. sæti kr.   25.000 
4. og 5. sæti ókeypis í Skákþing Reykjavíkur 2012

Verðlaun í B-flokki: 
1. sæti kr. 20.000
2.-3. sæti ókeypis í Skákþing Reykjavíkur 2012

Verðlaun í C-flokki: 
1. sæti kr. 15.000 
2. og 3. sæti ókeypis í Skákþing Reykjavíkur 2012

Verðlaun í opnum flokki:

1. sæti  kr. 10.000 
2. og 3. sæti ókeypis í Skákþing Reykjavíkur 2012

Ef það bætast við fleiri lokaðir flokkar, verða verðlaun í þeim þau sömu og í C-flokki.

 

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Tímamörk:

1 klst. og 30 mín. + 30 sek. á leik. 

Þátttökugjöld:

3.500 kr. fyrir félagsmenn T.R. 16 ára og eldri (4.000 kr. fyrir aðra). 
1.500 kr. fyrir félagsmenn T.R. 15 ára og yngri (2.000 kr. fyrir aðra).

Heimasíða TR

Atskákmót SR hefst í kvöldið

Atskákmót Skákfélags Reykjanesbæjar verður haldið í Björgini Suðurgötu 12 Keflavík. Mótið er hugsað sem æfingamót fyrir Íslandsmót skákfélaga. Einnig sem fjáröflun fyrir fjárvana skákfélag.

Tefldar verða 7-9 umferðir (fer eftir þátttöku).  Fyrra kvöld kvöldið sunnudaginn 25. september. kl. 19:30. Seinna kvöldið áætlað fimmtudaginn 29. september.  

Þátttökugjald er 2.000 kr.

Í verðlaun er ágætis félagsskapur, æfing og stuðningur við SR.

ALLIR VELKOMNIR

Sverrir með 4,5 vinning eftir 6 umferðir í Västerås

Sverir Þorgeirsson (2213) hefur 4,5 vinning og er í 17.-27. sæti að loknum 6 umferðum á  Västerås Open en tvær umferðir fóru fram í dag.  Sverrir gerði jafntefli við Svíann Nicolaj Zaduzny (2276) í sjöttu umferð.  G. Sverrir Þór (1988) hefur 2,5 vinning en Baldur Teódór Petersson (1418) hefur 1 vinning.

Lettneski stórmeistarinn Normunds Miezis (2534) er efstur með fullt hús.

224 skákmenn frá átta löndum taka þátt í mótinu og þar á meðal 4 stórmeistarar og 2 alþjóðlegir meistarar.   Sverrir er nr. 42 í stigaröð keppenda, G. Sverir nr. 87 og Baldur nr. 188.

• Heimasíða mótsins
• Chess-Results

 

 

 

Flott mæting á fyrstu æfingu Fjölnis

Það voru rúmlega 30 börn og unglingar sem mættu á fyrstu skákæfingu Fjölnis í vetur en æfingin fór fram í Rimaskóla á laugardegi kl. 11:00 .

Mikil breidd var í hópnum. Fremstir fóru Norðurlandameistarar Rimaskóla 2010 og 2011 sem komu allir sjóðheitir til leiks.

Aldurshópurinn 9 - 11 ára var fjölmennur og þar eru áhugasamir  krakkar sem leitast eftir markvissri kennslu og að taka þátt í áhugaverðum skákmótum. Á fyrstu æfingunni var krökkunum skipt upp í fjóra hópa. Þau  Erlingur Þorsteinsson kennari og varaformaður skákdeildar Fjölnis, Ingvar Ásbjörnsson og Sigríður Björg Helgadóttir sáu um kennsluna í 6 - 8 manna hópum en Helgi stjórnaði skákmóti. Erlingur var gestur æfingarinnar og fór hann létt með að halda úti rúmlega klukkustundar áhugaverðri kennslu. Á skákmótinu lentu í verðlaunasæti þau Oliver Aron, Jón Trausti, Nansý, Kristófer Jóel, Kristófer Halldór, Jóhann Arnar, Svandís Rós og Tinna Sif.