Henrik tapaði í sjöundu umferð

Stórmeistarinn Henrik Danielsen (2494) tapaði fyrir danska alþjóðlega meistarann Nicolai V. Pedersen (2453) í sjöundu umferð Copenhagen Chess Challange sem fram fór í dag.  Henrik hefur 4½ vinning

Þýski alþjóðlegi meistarinn Thorsen Michael Haub (2508) er efstur með 6 vinninga. 

Áttunda og næstsíðasta umferð fer fram í fyrramálið og hefst kl. 8.  Henrik teflir þá við finnska stórmeistarann Heikki Westerinen (2347).  Skákin er sýnd beint á vefsíðu mótsins.

Alls taka 58 skákmenn og þar af 5 stórmeistarar.  Jonny Hector (2582) er stigahæstur keppenda en Henrik er sá þriðji stigahæsti. Þröstur Þórhallsson og Björn Þorfinnsson voru einnig skráðir til leiks en komust ekki til Kaupmannahafnar í tæka tíð vegna erfiðleika í flugsamgöngum.

• Heimasíða mótsins
• Skákir mótsins í beinni

Lifandi stigalisti íslenskra skákmanna

Frá og með 1. maí mun Skáksambandið hafa lifandi stigalista (Chess Live Rating) fyrir þá íslenska skákmenn sem hafa meira en 2350 alþjóðleg skákstig.  

Um leið og mót klárast hjá okkar mönnum verður listinn uppfærður eftir bestu upplýsingum um stigabreytingar sem liggja fyrir.

Sjá nánar á heimsíðu SÍ.

Henrik gerði jafntefli við Mikkelsen

Stórmeistarinn Henrik Danielsen (2494) gerði jafntefli við danska alþjóðlega meistarann Nikolaj Mikkelsen (2388) í sjöundu umferð Copenhagen Chess Challange sem fram fór í morgun.  Henrik hefur 4½ vinning og er í 3.-6. sæti.  

Þýski alþjóðlegi meistarinn Thorsen Michael Haub (2508) og sænski stórmeistarinn Stellan Brynell (2479) eru efstir og jafnir með 5 vinninga.

Sjöunda umferð fer fram í dag og hefst kl. 13.  Þá teflir Henrik við danska alþjóðlega meistarann Nicolai V. Pedersen (2453) og er skákin sýnd beint á vefsíðu mótsins.

Alls taka 58 skákmenn og þar af 5 stórmeistarar.  Jonny Hector (2582) er stigahæstur keppenda en Henrik er sá þriðji stigahæsti. Þröstur Þórhallsson og Björn Þorfinnsson voru einnig skráðir til leiks en komust ekki til Kaupmannahafnar í tæka tíð vegna erfiðleika í flugsamgöngum.

• Heimasíða mótsins
• Skákir mótsins í beinni

Barna- og unglingameistaramót Reykjavíkur, sem og Stúlknameistaramót Reykjavíkur fer fram á morgun

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 2. maí  í félagsheimili T.R. Faxafeni 12. Taflið hefst kl.14 og stendur til ca. kl. 18.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2010, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2010, sé hún búsett í Reykjavík eða félagi í reykvísku taflfélagi.

Til viðbótar verða veitt verðlaun fyrir þrjú efstu sætin í aldursflokknum 12 ára og yngri.  

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 2. maí. frá kl. 13.30- 13.45. 

Aðgangur á mótið er ókeypis.

KPMG sigurvegari Firmakeppni SA

KPMG Endurskoðun voru sigurvegarar í firmakeppninni sem lauk í kvöld.  Gylfi Þórhallsson tefldi fyrir endurskoðendafyrirtækið.   Í 2.-4. sæti urðu Sérleyfisbílar Akureyrar (SBA) (Sigurður Arnarson), Brauðgerð Axels (Mikael Jóhann Karlsson) og Vikudagur (Áskell Örn Kárason).  Það voru 14 fyrirtæki í úrslitum og  var keppni afar jöfn og spennandi allt til loka.

Lokastaðan:

 

	Fyrirtæki	Keppendur	vinningar
1.	K P M G  Endurskoðun	Gylfi Þórhallsson	10,5 af 13.
2.	S B A - Norðurleið	Sigurður Arnarson	10
3.	Brauðgerð Axels	Mikael Jóhann Karlsson	10
4.	Vikudagur	Áskell Örn Kárason	10
5.	Gúmmívinnslan	Sigurður Eiríksson	9
6.	Skartgripir ehf.	Tómas Sigurðarson	8
7.	Samherji	Jón Kristinn Þorgeirsson	7
8.	Verkfræðistofa Norðurlands	Hjörleifur Halldórsson	7
9.	Raftákn	Haki Jóhannesson	5,5
10.	Kjarnafæði	Andri Freyr Björgvinsson	5
11.	J  M  J	Hjörtur Snær Jónsson	3,5
12.	Þvottahúsið Höfði	Ari Friðfinnsson	3,5
13.	Blikkrás	Hersteinn Heiðarsson	1,5
14.	K E A   hótel	Logi Rúnar Jónsson	0,5
	Önnur fyrirtæki sem	tóku þátt voru:
	Úti og Inni
	V Í S
	Verkís
	Rarik
	Félag skipstjórnarmanna
	Sandblástur og málmhúðun hf.
	Sprettur - Inn
	Arion banki
	Íslensk Verðbréf
	Kaffibrennsla Akureyrar
	Hárstofan Arte
	Eining - Iðja
	Vífilfell
	Voge
	Veislubakstur
	Olís
	Landsbankinn
	Byr
	Akureyrarbær
	T M
	Sagaplast
	Hreint ehf.
	Skíðaþjónustan
	Bautinn
	Securitas
	K E A  hótel
	Mjólkursamsalan
	Hreint út
	Gula Villan

Keppt var um nýjan farandbikar. Skákfélag Akureyrar  þakkar öllum velunnurum skákíþróttarinnar fyrir veittan stuðning.

Á morgun er 15 mínútna mót og hefst kl.14.00. Einn keppandi verður dreginn út að loknu móti og fær pizzu frá Sprettinum.