Ivanchuk, Kasimdzhanov og Leko efstir í Jermuk

Úkraíninn Ivanchuk (2703), Úsbekinn Kasimdzhanov (2672) og Ungverjinn Leko (2756) eru efstir með 6 vinninga að loknum níu umferðum á FIDE Grand-mótinu í Jermuk í Armeníu.    Vinningur eru í næstu menn en fjórum umferðum er ólokið.  

Staðan:

 

Rank	Name	Rtg	FED	Pts.
1	Ivanchuk Vassily	2703	UKR	6
	Kasimdzhanov Rustam	2672	UZB	6
	Leko Peter	2756	HUN	6
4	Alekseev Evgeny	2714	RUS	5
	Eljanov Pavel	2716	UKR	5
	Karjakin Sergey	2717	UKR	5
	Aronian Levon	2768	ARM	5
8	Gelfand Boris	2755	ISR	4½
	Bacrot Etienne	2721	FRA	4½
10	Jakovenko Dmitry	2760	RUS	4
11	Kamsky Gata	2717	USA	3½
	Akopian Vladimir	2712	ARM	3½
13	Cheparinov Ivan	2678	BUL	3
14	Inarkiev Ernesto	2675	RUS	2

Heimasíða mótsins

Sverrir Þorgeirsson meistari Skákskóla Íslands 2009

Sverrir Þorgeirsson vann Bjarna Jens Kristinsson 2:0 í einvígi þeirra um meistaratitil Skakskóla Íslands fyrir árið 2009. Einvígið fór fram sl. mánudagskvöld. Sverrir vann fyrri skákina örugglega eftir full djarfa atlögu Bjarna í byrjun tafls en í seinni skákinni  átti Bjarni góð færi en missti tök á stöðunni og tapaði eftir harða baráttu. 

Tímafyrirkomulagið var með þeim hætti að hvor keppandi hafði klukkustund til að ljúka skákinni. Þetta er í fyrsta skipti sem Sverrir vinnur þetta mót en sigurvegari síðasta móts var Guðmundur Kjartansson.

Borgarskákmótið fer fram í dag í Ráðhúsinu

Borgarskákmótið fer fram þriðjudaginn 18. ágúst, og hefst það kl. 16:00.  Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, sem og síðustu ár.  Gera má ráð fyrir að margir af sterkustu skákmönnum þjóðarinnar taka þátt í því.   Skákmenn eru hvattir til að skrá sig sem fyrst. Mótið er öllum opið og er þátttaka ókeypis en skráning fer fram á www.hellir.blog.is.  Upplýsingar um skráða keppendur má hér.  

Einnig er hægt að skrá sig í  í síma 866 0116.   Tefldar verða 7 umferðir með 7 mínútna umhugsunartíma.     Þetta er í 24. sinn sem mótið fer fram og er þetta iðulega eitt best sótta skákmót hvers árs.  Í fyrra sigraði  Þröstur Þórhallsson, sem þá tefldi fyrir ÍSTAK.  Athyglisvert er að allir þeir sem hafa sigrað á mótinu frá upphaf eru nú ýmist stórmeistarar eða alþjóðlegir meistarar. 

Verðlaun:

1. 15.000 kr.
2. 10.000 kr.
3.   5.000 kr.

Myndin er af verðlaunahöfunum í fyrra.

Hjörvar sigraði á Stórmóti Árbæjarsafns og TR

Hin árlega skákhátíð Árbæjarsafns og Taflfélags Reykjavíkur fór fram í einmunablíðu sl. sunnudag, 16. ágúst.  Venju samkvæmt fór fyrst fram lifandi tafl, en þar öttu kappi Halldór Garðarsson og Kristján Örn Elíasson og lauk skákinni með sigri þess síðarnefnda.  Að loknu hinu velheppnaða lifandi tafli hófst hið árlega Stórmót Árbæjarsafns og Taflfélags Reykjavíkur.  Þar kom, sá og sigraði Hjörvar Steinn Grétarsson, en hann leyfði einungis eitt jafntefli, gegn Róbert Lagerman, og endaði með 6,5 vinning úr 7 skákum.

Í öðru sæti varð Arnar Gunnarsson, sem vann alla nema Hjörvar.  Torfi Leósson lenti svo í 3. sæti með 5,5 vinning.

Mótið var sterkt og vel sótt.  Alls tóku 27 þátt og meðal sterkra meistara má nefna Róbert Lagerman, Braga Halldórsson, Daða Ómarsson og marga fleiri góða.

Skákstjórar voru Kristján Örn Elíasson og Torfi Leósson

Heildarúrslit urðu þessi:

Place Name                        Feder Rtg Loc Score M-Buch. Buch. Progr.

 

•   1   Hjörvar Steinn Grétarsson,                6.5      23.5  30.0   27.0
•   2   Arnar Gunnarsson,                         6        23.0  33.0   23.0
•   3   Torfi Leósson,                            5.5      20.0  28.0   22.5
•  4-5  Róbert Lagerman,                          5        23.5  33.5   23.0
•       Jóhanna Björg Jóhannsdótt,                5        20.0  27.0   20.0
•  6-9  Daði Ómarsson,                            4.5      20.5  29.0   19.0
•       Hallgerður Helga Þorstein,                4.5      20.5  27.5   19.5
•       Bragi Halldórsson,                        4.5      19.5  29.0   20.5
•       Stefán Már Pétursson,                     4.5      18.5  26.0   18.5
• 10-12 Kristján Þór Franklínsson,                4        17.5  25.0   16.0
•       Birgir Berndsen,                          4        16.5  23.5   14.0
•       Sverrir Freyr Kristinsson,                4        15.0  23.0   12.0
• 13-14 Kristján Örn Elíasson,                    3.5      19.0  28.0   15.5
•       Halldór Garðarsson,                       3.5      18.5  26.0   13.5
• 15-22 Kjartan Másson,                           3        21.0  29.5   15.0
•       Oliver Aron Jóhannesson,                  3        18.0  26.0   15.0
•       Pétur Jóhannesson,                        3        16.5  22.5   14.0
•       Brynjar Steingrímsson,                    3        16.0  22.5   10.0
•       Margrét Rún Sverrisdóttir,                3        16.0  21.0    9.0
•       Björgvin Kristbergsson,                   3        15.0  21.0   14.0
•       Einar Óli Guðnason,                       3        12.5  18.0   10.0
•       Hildur Berglind Jóhannsdó,                3        12.5  17.5   11.0
• 23-26 Jakob Alexander Petersen,                 2        17.0  24.0    6.0
•       Kristján Gabríel Þórhalls,                2        15.5  19.5    6.0
•       Friðrik Daði Smárason,                    2        15.0  21.0    5.0
•       Róbert Óðinn Kristjánsson,                2        14.0  19.0    6.0
•  27   Vignir Vatnar Stefánsson,                 1        15.5  23.5    7.0

Akureyringar lögðu Selfyssinga

Lokið er viðureign Skákfélags Selfoss og nágrennis og Skákfélags Akureyrar. Selfyssingar sóttu ekki gull í greipar Akureyringa í viðureign þeirra sem fram fór í kvöld.  Akureyringar sýndu það og sönnuðu að þeir hafa á að skipa gríðarlega öflugum mannskap þegar þeir lögðu Selfyssinga örugglega.

Akureyringar höfðu sigur 52,5-19,5. Þess má geta að Akureyringar mættu aðeins fimm til leiks og ekki laust við að það hafi komið Selfyssingum í opna skjöldu því þeir töpuðu öllum skákum sínum í fyrstu umferð og síðan allflestum eftir það. Það var þó gaman að sjá baráttuandann í Flóamönnum, sem gáfu sér tíma frá bústörfum, til að taka þátt í þessari skemmtilegu keppni.  Halldór Brynjar og Stefán Steingrímur fengu fullt hús hjá Akureyringum Páll Leó Jónsson var bestur heimamanna með 4 vinninga.

Akureyringar mæta Taflfélagi Garðabæjar í átta liða úrslitum.

Árangur
SA
Halldór Brynjar Halldórsson 12 af 12
Stefán S. Bergsson 12 af 12
Sigurjón Sigurbjörnsson 11 af 12
Þór Valtýsson 9,5 af 12
Jón Þ. Þór 8 af 12
"Skotti" 0 af 12

SSON
Páll Leó Jónsson 4,5 af 12
Magnús Gunnarsson 3,5 af 12
Magnús Matthíasson 3,5 af 12
Erlingur Atli Pálmarsson 3 af 12
Úlfhéðinn Sigurmundsson 3 af 12
Magnús Garðarsson 2 af 12

Vinnslustöðvarmót TV

Taflfélag Vestmannaeyja stendur fyrir hinu árlega Vinnslustöðvarmóti helgina 4.-6. september nk. eins og síðustu tvö ár.  Verðlaun verða að venju bikar og verðlaunapeningar fyrir efstu sæti en sérstök verðlaun eftir atvikum m.v. aldur og e.a. stigum.

Mótið er með hefðbundnu sniði, 7 umferðir alls, fyrst 3 atskákir á föstudagskvöldinu, svo þrjár kappskákir á laugardeginum og síðan síðasta skákin á sunnudeginum.

  DAGSKRÁ:

•   Föstudagur kl. 20 1. umf. atskák (25 mín)
•   Föstudagur kl. 21, 2. umf. atskák
•   Föstudagur kl. 22, 3. umf. atskák
•   Laugardagur kl. 10, 4. umf. kappskák (60 mín +30 sek)
•   Laugardagur kl. 14, 5. umf. kappskák
•   Laugardagur kl. 18, 6. umf. kappskák
•   Sunnudagur kl. 11, 7. umferð kappskák

Keppt er eftir svissneska kerfinu og er mótið opið gestum.  Búast skipuleggjendur við nokkrum keppendum frá SSON, en einnig félögum í TV úr Reykjavík og líklega fleiri áhugasömum.  Skráning fyrst um sinn er í athugasemdum á sömu frétt á heimasíðu TV en einnig hjá Sverri og Gauta.

Mótshaldarar áskilja sér rétt til breytinga á dagskrá og keppnisfyrirkomulagi fram að móti.

Heimasíða TV

Einvígi Bjarna og Sverris fer fram í dag

Bjarni Jens Kristinsson og Sverrir Þorgeirsson munu heyja einvígi um meistaratitil Skákskóla Íslands 2008/2009. Einvígið hefst kl. 17 mánudaginn 17. ágúst og munu þeir tefla tvær skákir þar sem hvor keppandi hefur 1 klst. til að ljúka skákinni.  Verði jafnt mun verða gripið til hraðskáka. Þeir Bjarni og Sverrir urðu jafnir í efsta sæti á meistaramóti skólans sl. vor. 

EM-liðið valið

Stjórn SÍ valdi á stjórnarfundi 6. ágúst liðið sem teflir á EM landsliða sem fram fer í Nodi Sad í Serbíu dagana 21.-31. október.  Það skipa Héðinn Steingrímsson, Jón Viktor Gunnarsson, Stefán Kristjánsson, Dagur Arngrímsson og Björn Þorfinnsson sem er varamaður og liðsstjóri.

Meðal annarra samþykkta má nefna að stjórn SÍ stefnir að þátttöku á Ólympíuskákmótinu 2010 og beindi stjórnin því til afreksnefndar að við val landsliðsmanna á Ólympíuskákmótið verði skilyrt þátttaka þeirra á Skákþingi Íslands 2010.

Fundargerðir stjórnar SÍ má nálgast á heimasíðu SÍ.

 

 

 

Norðurlandamót kvenna og öldunga

Norðurlandamót kvenna og öldunga fara fram í Fredriksstad í Noregi dagana 19.-27. september.  Nánar má lesa um mótin í neðangreindri fréttatilkynningu sem reyndar er á norsku.

Nordiske Mesterskap 2009

Fredrikstad, Norge 19 - 27 september.

 

MESTERSKAPENE ER ÅPNE FOR MEDLEMMER AV ET AV DE NORDISKE SJAKKFORBUND.

 

NORDISK MESTERSKAP FOR KVINNER

Det er ingen aldersbegrensning I mesterskapet for kvinner.

 

NORDISK MESTERSKAP FOR SENIORER

Aldersbegrensningene for seniorer er: mannlige spillere født før 1.januar 1949 eller tidligere og kvinnelige spillere født 1.januar 1959 eller tidligere kan delta.

 

Hjemmesiden for begge turneringene er her: http://www.sjakk.net/nordisk-2009/

Her finnes invitasjonen, informasjon om overnattingsmuligheter,  spilleplan, påmeldingsskjema og ellers nyttige opplysninger.

 

Spillestedet er Hotell Victoria. som har hjemmeside: http://www.sjakk.net/nordisk-2009/victoria.php

Her finnes også et tilbud med pensjon.

Bortsett fra første runde spilles alle rundene fra kl.10.00.

 

Det er meget generøs premiering i begge turneringer.

Det har vært vanlig praksis at vinneren i seniorklassen får friplassen til den nordiske FIDE sone i Senior VM I det påfølgende år.

 

Spørsmål om turneringen kan rettes til

Per Ofstad  [e-mail]

eller til Bjørn Berg Johansen [e-mail]

Velkommen til Fredrikstad

 

Stórmót TR fer fram í dag

Stórmót Árbæjarsafns og Taflfélags Reykjavíkur fer fram í dag, sunnudag 16. ágúst.  Teflt verður í Árbæjarsafni og hefst taflið kl. 14. Tefldar verða 7 umferðir með umhugsunartímanum 7 mín. á skák.

Á undan, eða kl.13, fer fram lifandi tafl og stefnir í að það muni fara fram í einmunablíðu.

Veitt verða verðlaun fyrir þrjú efstu sætin í Stórmótinu, 10.000 kr., 5.000 kr. og 3.000 kr.

Þátttökugjöld í Stórmótinu eru kr.600 fyrir 18 ára og eldri, en ókeypis fyrir yngri en 18 ára og eru þátttökugjöld jafnframt aðgangseyrir í safnið.

Ekkert kostar að taka þátt í Stórmótinu fyrir þá sem taka þátt í lifandi taflinu.