Fréttir af Grænlandsförum

Það var fallegur dagur í Tasiilaq i dag og félagsheimilið opnaði klukkan eitt með því að leiðangursmenn tóku nokkrar bröndóttar við krakkana. Farið var yfir nokkur atriði og svo tefldi spænski skákfræðingur sendinefndarinnar, Jorge Rodrigez Foncega, fjöltefli við á þriðja tug barna og unglinga. Þrír náðu jafntefli og fengu verðlaun fyrir vikið. 

Heldur rólega hafa skákæfingar farið af stað í Kulusuk, en vegna sviplegs fráfalls ungs pilts þar um helgina hefur sendinefnd Hróksins þar ekki farið geyst. Þó hefur þónokkur fjöldi kíkt við í skólanum og teflt en skákborð hafa verið sett upp bæði innan- sem utandyra. 

Barnaskákmót hefur verið auglýst um allan bæ, sem fram fer á morgun klukkan 15:00, Kaupþings bankamótið. Bros mótið verður haldið í Tasiilaq á sama tíma og Landsbankamótið í Kuummiut, en tveir Kátir biskupar komust til Kulusuk í dag, þar sem flugi var aflýst í gær vegna þoku, sem og restin af farangri leiðangursins.

Héldu þeir rakleiðis til Kuummiut þar sem Kátir hafnfirskir biskupar settu upp mikla skákhátíð um leið og þeir hoppuðu í land.

Á fimmtudaginn koma svo þeir sem staddir eru í Kulusuk og Kuummiut yfir til Tasiilaq, og auk þess nokkrir frá Reykjavík. Stórmót verður sett upp um kvöldið í samstarfi við skákfélagið Löberen - biskupinn - og vænst er góðrar þátttöku, enda þurfa allir að hita sig vel upp fyrir Greenland open á laugardag, sem haldið er til heiðurs Sigurði Péturssyni, ísmanni, sem verður sextugur í haust.

En í millitíðinni hefur verið auglýstur landsleikur i fótbolta, Grænland - Ísland, á hinum rómaða malarvelli í Tasiilaq, sem einmitt liggur beint fyrir framan Lionshúsið þar sem leiðangursmenn gista. Spurning hverjir verða á heimavelli...

Sjá nánar á bloggsíðu Grænlandsfaranna 

Guðni Stefán í Fjölni

Guðni Stefán Pétursson (2135) er genginn til liðs við Skákdeild Fjölnis úr Taflfélagi Reykjavíkur þar sem hann hefur alið manninn.

 

Omar vann í sjöundu umferð

Omar Salama (2212) sigraði norska skákmanninn Kai Ortoft (2099) í sjöundu umferð opins flokks skákhátíðirnar, sem fram fór í Olomouc í Tékklandi í dag.  Skákum íslensku skákmannanna lauk með jafntefli.   Hannes Hlífar Stefánsson (2566) gegn pólska alþjóðlega meistaranum Michal Luch (2412), Henrik Danielsen (2526) gegn tékkneska alþjóðlega meistaranum (2451) en þeir tefla í SM-flokki og Lenka Ptácníková (2259) gegn tékkneska alþjóðlega meistarann Lukas Klima (2439).

Henrik og Hannes hafa 4½ vinning eftir sjö skákir og eru í 2.-3. sæti, Lenka hefur  4½ vinning eftir átta skákir og er í 3.-7. sæti og Omar hefur 5 vinninga eftir sjö skákir og eru í 8.-18. sæti.  

Skákhátíðin í Olomouc fer fram dagana 30. júlí - 7. ágúst.  Hannes og Henrik tefla í 10 manna SM-flokki þar sem meðalstigin eru 2446 skákstig.  Lenka teflir í AM-flokki, 11 manna, þar sem meðalstigin eru 2306 skákstig og sjö vinninga þarf í áfanga að alþjóðlegum meistaratitli. Omar teflir í opnum flokki þar sem 144 skákmenn taka þátt og er 14. stigahæstur keppenda.

• Heimasíða mótsins
• Chess-Results
• Myndaalbúm mótsins (frá Omari)

Guðmundur gerði jafntefli í fjórðu umferð

FIDE-meistarinn Guðmundur Kjartansson (2328) gerði jafntefli við Tyrkjann Can Ertan (2149) í fjórðu umferð heimsmeistaramóts unglinga, sem fram fór í dag, í Gaziantep í Tyrrklandi.  Guðmundur hefur 1½ vinning og er í 74.-84. sæti.   

Aserski stórmeistarinn Eltaj Safarli (2527) er efstur með fullt hús.Í fimmtu umferð, sem fram fer á morgun, teflir Guðmundur við Tyrkjann Aydin Acarbay (1825).     

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Úrslit á unglingalandsmótinu

Samkvæmt vefsíðu unglingalandalandsmótsins urðu úrslit í skákinni sem hér segir:

Strákar 11-12 ára
1	Dagur Ragnarsson	7,5
2	Emil Sigurðarson	7
3	Dagur Kjartansson	7
Stelpur 11-12 ára
1	Hulda Rún Finnbogadóttir	4
2	Rebekka Ágústsdóttir	1
Strákar 13-14 ára
1	Nökkvi Sverrisson	6
2	Örn Leó Jóhannsson	4,5
3	Tómas Jóhannsson	4
Stelpur 13-14 ára
1	Auður Eiðsdóttir	2
Strákar 15-16 ára
1	Jóhann Óli Eiðsson	6
2	Stefán Bragi Dalkvist	4
3	Magnús Jóhannsson	3
Stelpur 17-18 ára
1	Tinna Kristín Finnbogadóttir	5

Úrslit í skák

Strákar 11-12 ára
1	Dagur Ragnarsson	7,5
2	Emil Sigurðarson	7
3	Dagur Kjartansson	7
Stelpur 11-12 ára
1	Hulda Rún Finnbogadóttir	4
2	Rebekka Ágústsdóttir	1
Strákar 13-14 ára
1	Nökkvi Sverrisson	6
2	Örn Leó Jóhannsson	4,5
3	Tómas Jóhannsson	4
Stelpur 13-14 ára
1	Auður Eiðsdóttir	2
Strákar 15-16 ára
1	Jóhann Óli Eiðsson	6
2	Stefán Bragi Dalkvist	4
3	Magnús Jóhannsson	3
Stelpur 17-18 ára
1	Tinna Kristín Finnbogadóttir	5

 

Ef einhver hefur ítarlegri upplýsingar mætti gjarnan láta þær fljóta hér í athugasemdakerfinu.  

Fjöltefli í bongóblíðu á austurströndinni

Það hefur farið vel um leiðangursmenn Hróksins í blíðunni í Tasiilaq og Kulusuk.

Í gær, mánudag, hófst veislan og samkomuhúsið í Tasiilaq opnaði klukkan 13:00 og börnin kepptust við að setja upp borð og stóla og skora á Íslendingana þegar settin voru komin á sinn stað. Róbert Lagerman tefldi svo fjöltefli við 25 krakka við mikla hamingju, ekki síst hjá þeim þremur sem náðu jafntefli við meistarann. Fengu þeir Hróksnælu í barminn og lyklakippu að auki.

Róbert hafði reyndar verið bitinn rækilega af moskítóflugum hér í dalnum í gær, þar sem leiðangursmenn renndu fyrir silung, og stokkbólginn fór hann á sjúkrahúsið í bænum þar sem meistarinn var sprautaður og lyfjaður í bak og fyrir. Var skákhandleggurinn tvöfaldur og læknirinn sagði honum að tefla ekki á næstunni. En fjölteflið hafði verið auglýst og ekki mátti klikka á því.

Í Kulusuk eru fimm vaskir sveinar sem bíða eftir tveimur í viðbót svo hægt sé að setja upp hátíð bæði í Kulusuk og Kuummiut, en flugi var aflýst í dag. Er það fremur afleitt þar sem slatta af farangri vantar, varð hann eftir í Reykjavík en berst vonandi sem fyrst.Teflt var utandyra í Kulusuk enda hefur veðurblíðan verið með eindæmum.

Fyrsti dagur hefur því gengið vel og er unga fólkið að draga vini og vinkonur með að æfa sig, enda verða barnamót í Kulusuk, Kuummiut og Tasiilaq á miðvikudag kl. 15:00 að grænlenskum tíma. Má reikna með að aldrei áður hafi jafn margir setið að tafli sem á næsta miðvikudag á Grænlandi öllu.

En meira um það síðar...

Sjá nánar á bloggsíðu Austurfaranna Góður granni.  

Guðmundur vann í þriðju umferð

FIDE-meistarinn Guðmundur Kjartansson (2328) sigraði Rússann Rustam Zubaidullin (1929) í þriðju umferð heimsmeistaramóts unglinga, sem fram fór í dag í Gaziantep í Tyrrklandi. Guðmundur hefur 1 vinning og er í 64.-94. sæti.

Eftir með fullt hús eru stórmeistarnir Bassim Amin (2561), Egyptalandi, Eltai Safarli (2527), Aserbæjdan, og alþjóðlegi meistarinn Tornike Sanikdze (2486), Georgíu.  

Í fjórðu umferð, sem fram fer á morgun, teflir Guðmundur við Tyrkjann Can Ertan (2149).   

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Hannes vann í sjöttu umferð

Stórmeistarinn Hannes Hlífar Stefánsson (2566) sigraði Svíann Axel Smith (2427) í sjöttu umferð SM-flokks skákhátíðinnar í Olomouc, sem fram fór í dag.  Henrik Danielsen (2526) gerði jafntefli við tyrkneska FIDE-meistarann Mark Erdogdu (2440).  Þeir hafa 4 vinninga og eru í 1.-3. sæti.  Lenka Ptácníkova (2259), sem teflir í AM-flokki, sat yfir og er í 3.-6. sæti með 4 vinninga í sjö skákum.   Omar Salama (2212), sem teflir í opnum flokki, tapaði fyrir rússneska alþjóðlega meistaranum Sergey Pozin (2436) og er í 15.-38. sæti með 4 vinninga.

Skákhátíðin í Olomouc fer fram dagana 30. júlí - 7. ágúst.  Hannes og Henrik tefla í 10 manna SM-flokki þar sem meðalstigin eru 2446 skákstig.  Lenka teflir í AM-flokki, 11 manna, þar sem meðalstigin eru 2306 skákstig og sjö vinninga þarf í áfanga að alþjóðlegum meistaratitli. Omar teflir í opnum flokki þar sem 144 skákmenn taka þátt og er 14. stigahæstur keppenda.

• Heimasíða mótsins
• Chess-Results
• Myndaalbúm mótsins (frá Omari)

Radjabov, Cheparinov og Grischuk efstir í Sochi

Stórmeistarnir Teimor Radjabov (2744), Aserbæjdan, Ivan Cheparinov (2687) og Alexander Grischuk (2728) eru efstir með 3 vinninga að lokinni fimmtu umferð FIDE Grand Prix-mótsins, sem fram fór í dag í Sochi í Rússlandi.  Öllum skákum umferðarinnar lauk með jafntefli nema að Radjabov ann Cheperinov.   Frídagur er á morgun.

Úrslit 5. umferðar:

 

 

Name	Rtg	Res.	Name	Rtg
Gelfand Boris	2720	½  -  ½	Kamsky Gata	2723
Radjabov Teimour	2744	1  -  0	Cheparinov Ivan	2687
Grischuk Alexander	2728	½  -  ½	Svidler Peter	2738
Wang Yue	2704	½  -  ½	Gashimov Vugar	2717
Navara David	2646	½  -  ½	Jakovenko Dmitry	2709
Ivanchuk Vassily	2781	½  -  ½	Al-Modiahki Mohamad	2556
Aronian Levon	2737	½  -  ½	Karjakin Sergey	2727

 

Staðan:

 

Rank		Name	Rtg	FED	Pts	SB.
1	GM	Radjabov Teimour	2744	AZE	3	8,00
2	GM	Cheparinov Ivan	2687	BUL	3	7,50
3	GM	Grischuk Alexander	2728	RUS	3	7,00
4	GM	Svidler Peter	2738	RUS	2½	7,00
5	GM	Gashimov Vugar	2717	AZE	2½	7,00
6	GM	Gelfand Boris	2720	ISR	2½	6,50
7	GM	Kamsky Gata	2723	USA	2½	6,25
8	GM	Jakovenko Dmitry	2709	RUS	2½	6,25
9	GM	Wang Yue	2704	CHN	2½	6,00
10	GM	Ivanchuk Vassily	2781	UKR	2½	5,50
	GM	Al-Modiahki Mohamad	2556	QAT	2½	5,50
12	GM	Aronian Levon	2737	ARM	2½	5,00
13	GM	Karjakin Sergey	2727	UKR	2	4,50
14	GM	Navara David	2646	CZE	1½	3,50

• Heimasíða mótsins
• Skákirnar í beinni (byrja kl. 11)

Skákhátíð Hróksins á Grænlandi 2008 hafin

Skákhátíð Hróksins á Grænlandi 2008 hófst í dag, í þremur þorpum á austurströndinni. Þetta er sjötta árið í röð sem liðsmenn Hróksins efna til hátíðar fyrir börn á Grænlandi.
 
Skákhátíð Hróksins nær að þessu sinni til þorpanna Kulusuk, Tasiilaq og Kuummiit, og nær hámarki um næstu helgi þegar VI. alþjóðamót Hróksins á Grænlandi verður haldið í Tasiilaq. Hróksmenn héldu fyrsta skákmótið í sögu Grænlands árið 2003, og leiðangurinn nú er sá fimmtándi sem vinnur að útbreiðslu skáklistarinnar meðal okkar næstu nágranna.
 
Hátíðin nú felur í sér kennslu, fjöltefli, barnaskákmót og fleiri viðburði í þorpunum þremur. Á miðvikudag verða þannig barnaskákmót í öllum þorpunum þremur og er gert ráð fyrir að hátt í 200 grænlensk börn taki þátt í mótunum.
 
Skákmótið um næstu helgi verður jafnframt afmælismót Sigurðar Péturssonar, sem kallaður er Ísmaðurinn, en hann býr í Kuummiit og hefur verið ómissandi hjálparhella við starfið á Grænlandi.
 
Nánari fréttir verða sagðar á bloggsíðu leiðangursins, www.godurgranni.blog.is