Skákþing Norðlendinga í yngri flokkum fer fram á laugardaginn

Keppni í yngri flokkum á Skákþingi Norðlendinga fer fram á laugardaginn 29. mars og hefst kl. 13.15 í Íþróttahöllinni við Skólastig á Akureyri.

Keppt verður í fjórum flokkum: Unglingaflokki 13 - 15 ára, drengjaflokki 10 - 12 ára, barnaflokki 9 ára og yngri og stúlknaflokki 15 ára og yngri.

Fjöldi umferða ræðst á þátttöku. Tefldar verða 15 mínútna skákir

Opinn fundur um æskulýðsmál

Stjórn SÍ hefur boðað til opins fundar um æskulýðsmál sem haldinn verður laugardaginn 29. mars í húsakynnum Skákskóla Íslands, Faxafeni 12 og hefst um kl. 13:30. 

Dagskrá:

Barna og unglingamál frá A til Ö. þar með talið hugsanlegar laga og reglubreytingar, nýjar reglur, stigalágmörk-stúlkur og strákar, styrktarreglur barna og unglinga, skákstig o.s.frv., Íslandsmót í skólaskák. Kannski verður hlutunum ekki breytt en þá er a.m.k. hægt að fara af stað með umræðuna og hugsanlega er hægt að leggja fram einhverjar tillögur til stjórnar fyrir 2 apríl, ef vilji sé fyrir því sem og lagabreytingar eða ábendingar til stjórnar um reglugerðarbreytingar.

Þeir sem ekki geta komist á fundinn en hafa áhuga að leggja fram orð í belg er hægt að senda póst til Páls Sigurðssonar.

Riddarinn lagði FEB

Hin árlega sveitakeppni skákklúbba eldri borgara á höfuðborgasvæðinu Skákklúbbs FEB  og Skákklúbbsins Riddarans fór fram í gær í áttunda sinn. Teflt var í 3 flokkum á 7 borðum, allir við alla.  Heildarúrslit urðu þau aðRiddararnir unnu með 86 vinningum gegn 61 og er þetta í fimmta skiptið í röðsem úrslit verða á þennan veg. Alls tók um 50 öldungar þátt, því skipt var inn á B- og C. fl.  Elstu þátttakendurnir voru þeir Ársæll Sveinsson RID og Sveinbjörn Einarsson FEB, sem báðir verða 89 ára í ár.

•  Í A-flokki vann FEB með 27 v. gegn 22;
• í B-fl. vann  Riddarinn .... 34 v. gegn 15
•  og í C-fl. Riddarinn ....... 30 v. gegn 19.

Bestum árangri í hverjum flokki náðu:

• A-fl.  Björn Þorsteinsson FEB               6,5  v  (af 7 )
•         Jón Þóroddsson, RID                  5.5 v.
•         Gunnar Gunnarsson FEB             5.5. v
•         Magnús Sólmundarsson FEB       5.5 v.
• B.-fl. Björn Víkingur Þórðarsson RID     6.0 v.
•         Össur Kristinsson  RID                 5.5 v
•         Sigurður E. Kristjánsson  RID       5.5 v.
•         Jón Víglundsson FEB                  4.0 v
• C.fl.   Birgir Ólafsson FEB                    6.0 v 
•          Kristinn Bjarnason RID                 6.0 v.
•          Sigurberg Elentínusson RID         6.0 v.
•          Einar S. Einarsson RID                5.5 v.

Keppt var á Strandbergi, félagsheimili Hafnarfjarðarkirkju og voru liðstjórar þeir Birgir Sigurðsson FEB og Grímur Ársælsson, Riddurunum. Jói útherji  (Magnús V. Pétursson) hefur gefið veglegan bikar/farandgrip sem keppt er um.

Rétt er að benda á myndasafn frá mótinu sem finna má hér.   

Unglingameistaramót Reykjavíkur

Unglingameistaramót Reykjavíkur verður haldið í Skákhöllinni Faxafeni 12 laugardaginn 29. mars kl. 14. Þátttökurétt eiga allir unglingar á grunnskólaaldri en unglingameistaranafnbótina og farandbikarinn hlýtur efsti keppandi sem búsettur er í Reykjavík.

Umhugsunartími er 15 mínútur á mann til að ljúka skák og verða tefldar sjö umferðir. Veittir verða verðlaunagripir fyrir þrjú efstu sætin, auk þess verða happadrættisverðlaun. Núverandi Unglingameistari Reykjavíkur er Daði Ómarsson úr TR.

Grand Prix - mót í kvöld

Grand Prix mótaröðinni verður fram haldið í kvöld kl. 19:30 í  Faxafeninu. Það eru Skákdeild Fjölnis og Taflfélag Reykjavíkur sem sjá um mótaröðina í sameiningu.

Umhugsunartími er 7 mínútur á skák og tefldar verða 7 umferðir.

Góð tónlistarverðlaun verða í boði frá íslenskum útgefendum. Þáttökugjald er kr. 500 en frítt fyrir  15 ára og yngri.

Góð þátttaka á öðlingamóti

Skákmót öðlinga hófst í gær í félagsheimili TR.  Þátttaka er góð en 21 skákmaður tekur þátt í mótinu og þeirra á meðal Kristján Guðmundsson, Hrafn Loftsson, Björn Þorsteinsson og Páll Þórhallsson, sem tekur þátt í sínu fyrsta móti í mörg herrans ár.   Úrslit í fyrstu umferð voru að flestu leyti hefðbundin, þ.e. hinir stigahærri sigruðu hina stiglægri.  Hraðskákmeistari TR, Kristján Örn Elíasson, gerði sér þó lítið fyrir og gerði jafntefli við skákmeistara TR, Hrafn Loftsson og Bahama-meistarinn, Bjarni Sæmundsson, gerði jafntefli við Magnús Gunnarsson.

Á vinstri hluta síðunnar er kominn skoðanakönnun þar sem hægt er að spá fyrir hver verður sigurvegari mótsins. 

Úrslit 1. umferðar:

 

Name	Rtg	Result	Name	Rtg
Karlsson Fridtjofur Max	1365	0 - 1	Gudmundsson Kristjan	2240
Loftsson Hrafn	2225	½ - ½	Eliasson Kristjan Orn	1865
Gardarsson Hordur	1855	0 - 1	Thorsteinsson Bjorn	2180
Sigurjonsson Johann O	2050	1 - 0	Jonsson Sigurdur H	1830
Saemundsson Bjarni	1820	½ - ½	Gunnarsson Magnus	2045
Ragnarsson Johann	2020	1 - 0	Benediktsson Frimann	1790
Schmidhauser Ulrich	1395	0 - 1	Vigfusson Vigfus	1885
Fridthjofsdottir Sigurl  Regin	1670	0 - 1	Bjornsson Eirikur K	1960
Nordfjoerd Sverrir	1935	1 - 0	Jensson Johannes	1490
Thorhallsson Pall	2075	HP-HP	Gudmundsson Einar S	1750
Magnusson Bjarni	1735	1	bye

• Heimasíða TR
• Chess-Results 

Aðalfundur SÍ fer fram 3. maí - frestur til lagabreytingatillagna rennur út 2. apríl

Aðalfundur Skáksambands Íslands 2008 fer fram 3. maí í Reykjavík.

Lagabreytingatillögur þurfa að berast Skáksambandinu eigi siðar en 2. apríl nk.

Aronian öruggur sigurvegari Amber-mótsins

Armeninn Levon Aronian hefur þegar tryggt sér sigur á Amber-mótinu þrátt fyrir að einni umferð sé ólokið.  Aronian, sem gerði 1-1 jafntefli við Kramnik í dag hefur 2,5 vinnings forskot á næstu menn sem eru Kramnik, Topalov, Leko og Carlsen.  Aronian hefur einnig tryggt sér sigur í atskákhluta mótsins og er efstur ásamt Kramnik og Morozevich í blindskákinni. 

Úrslit 10. umferðar:
 

	Blind	Ivanchuk-Mamedyarov	0-1
		Van Wely-Topalov	1/2-1/2
		Gelfand-Anand	0-1
		Karjakin-Morozevich	1/2-1/2
		Aronian-Kramnik	1/2-1/2
		Carlsen-Leko	1/2-1/2
	At	Mamedyarov-Ivanchuk	1/2-1/2
		Topalov-Van Wely	1-0
		Anand-Gelfand	0-1
		Morozevich-Karjakin	1-0
		Kramnik-Aronian	1/2-1/2
		Leko-Carlsen	1/2-1/2

  

Staðan:

1.	Aronian, Levon	g	ARM	2739	13.5	2886
2.	Kramnik, Vladimir	g	RUS	2799	11.0	2785
3.	Topalov, Veselin	g	BUL	2780	11.0	2785
4.	Leko, Peter	g	HUN	2753	11.0	2789
5.	Carlsen, Magnus	g	NOR	2733	11.0	2789
6.	Anand, Viswanathan	g	IND	2799	10.0	2754
7.	Ivanchuk, Vassily	g	UKR	2751	10.0	2749
8.	Morozevich, Alexander	g	RUS	2765	10.0	2753
9.	Karjakin, Sergey	g	UKR	2732	8.5	2699
10.	Gelfand, Boris	g	ISR	2737	8.0	2681
11.	Mamedyarov, Shakhriyar	g	AZE	2760	8.0	2681
12.	Van Wely, Loek	g	NED	2681	8.0	2682

  Heimasíða mótsins

Grand Prix-mót á morgun

Grand Prix mót verður haldið nk. fimmtudagskvöld, og hefst kl. 19.30. Tefldar verða 7 umferðir með 7 mínútna umhugsunartíma.

Verðlaun verða í boði Zonets og fleiri aðila.

Skákstjóri Óttar Felix Hauksson

Skákgrein um Ísland

Búlgarski alþjóðlegi meistarinn Dejan Bojkov (2523) fjallar á skemmtilegan hátt um Íslandsferð sína á bloggi sínu.   Mjög skemmtileg frásögn þegar sem hann segir m.a. frá Rúnari Berg og „the Bear" sem er Björn Þorfinnsson.  Á Chessbase má svo finna enn ítarlegri frásögn reyndar á þýsku.   Þar fjallar Bojkov m.a um „Der Bär"!

Rétt er einnig að benda á skemmtilega grein eftir Bojkov um Íslandsmót skákfélaga.  Greinarnar eru allar skemmtilegar myndskreyttar. 

• Bloggsíða Bojkovs
• Chessbase-grein Bojkovs
• Chessbase-greinin um Íslandsmót skákfélaga