Jesper Skjoldborg sigraði á Hraðkvöldi Hellis

Erlendu skákmennirnir sem tóku þátt í alþjóðlega unglingamóti Hellis settu mikinn svip á hraðkvöld Hellis sem haldið var 4. febrúar sl. og röðuðu sér í fimm efstu sætin Þar fór fremstur í flokki fararstjóri dönsku keppendanna, FIDE-meistarinn, Jesper Skjoldborg sem sigraði með 6 vinninga sjö skákum. Jafnir í 2. - 5. sæti voru Morten Storgaard, Bjorn Moller Ochsner, Maximilian Berchtenbreiter og Kristian Seegert.

Lokastaðan á hraðkvöldinu:

• 1.  Jesper Skjoldborg               6v/7
• 2.  Morten Storgaard                5v
• 3.  Bjorn Moller Ochsner           5v
• 4.  Maximilian Berchtenbreiter   5v
• 5.  Kristian Seegert                  5v
• 6.  Helgi Brynjarsson                4v
• 7.  Geir Guðbrandsson              4v
• 8.  Mads Hansen                       3,5v
• 9.  Vigfús Ó. Vigfússon              3,5v
• 10. Páll Sigurðsson                   3v
• 11. Björgvin Kristbergsson        3v
• 12. Jóhanna Björg Jóhannsdóttir 3v
• 13. Birkir Karl Sigurðsson          3v
• 14. Ingi Þór Ólafsson                 2v
• 15. Pétur Jóhannesson               1v
• 16. Sóley Lind Pálsdóttir             0v

Eftir mótið fannst kennslubókin ,,Þýska fyrir þig" í salnum ásamt pennaveski og verkefnum í skáksalnum. Sá sem saknar þessara hluta getur haft samband í síma 866-0116 (Vigfús).

Íslandsmót grunnskólasveita - stúlknaflokkur

Íslandsmót grunnskólasveita 2008 - stúlknaflokkur fer fram laugardaginn 9. febrúar nk. í húsakynnum Skáksambands Íslands, Faxafeni 12, Reykjavík.

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 14.00 og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail].

Á sunnudaginn fer svo fram Íslandsmót stúlkna.

Benedikt í TR

FIDE-meistarinn Benedikt Jónasson er genginn aftur til liðs við TR en hann sagði sig úr félaginu sl. vor.

 

Dagur með jafntefli í fjórðu umferð

FIDE-meistarinn Dagur Arngrímsson (2359) gerði jafntefli við ungverska FIDE-meistarann Oliver Mikhok (2351) í fjórðu umferð First Saturdays-mótsins sem fram fór í gær í Búdapest í Ungverjalandi. Stefán Kristjánsson (2476) sat yfir.   Stefán hefur 2 vinninga í 3 skákum og er í 5.-6. sæti en Dagur hefur 1 vinning i fjórum skákum og er í 10.-13. sæti.

Báðir tefla í þeir í stórmeistaraflokki.   Alls taka 13 skákmenn þátt í flokknum og eru meðalstig 2435 skákstig.  Til að ná stórmeistaraáfanga þarf 9 vinninga.  

Stefán hefur náð öllum tilskyldum stórmeistaraáföngum en vantar 16 stig til að vera útnefndur stórmeistari.  Dagur hefur náð tilskyldum áföngum til að verða alþjóðlegur skakmeistari en vantar 13 skákstig til að vera útnefndur.  

Heimasíða mótsins 

 

Meistaramót Hellis hefst 11. febrúar

Meistaramót Hellis 2008 hefst mánudaginn 11. febrúar klukkan 19:00. Mótið er 7 umferða opið kappskákmót sem lýkur 25. febrúar.   Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik. Mótið er öllum opið og er reiknað til alþjóðlegra skákstiga.  Skráning fer fram á Hellir.com.  

Teflt er á mánu-, miðviku- og föstudögum.  Umferðir hefjast kl. 19:00. 

Núverandi skákmeistari Hellis er Björn Þorfinnsson en hann er langsigursælastur allra með sjö meistaratitla.

Skráning:

• Heimasíða: www.hellir.com
• Netfang: [e-mail]
• Sími: 866 0116 (Vigfús eða símsvari)
• Skráning á mótsstað til 18:45

Aðalverðlaun:

1. 35.000
2. 25.000
3. 20.000

Aukaverðlaun:

• Skákmeistari Hellis: Gold Chess Package: Chess Assistant 9.1 Professional, Rybka 2.3.2a
  UCI (multi-processor version, 32 & 64-bit versions) with Chess Openings 2007.
• Besti árangur undir 2200 skákstigum: Silver Chess Package: Chess Assistant 9.1 Professional, Rybka 2.3.2a
  UCI (single-processor version, 32 & 64-bit versions) with Chess Openings 2007.
• Besti árangur undir 2000 skákstigum: Rybka 2.3 UCI Multi-processor version, 32 & 64-bit versions.
• Besti árangur undir 1800 skákstigum: 5.000-
• Besti árangur undir 1600 skákstigum: 5.000-
• Besti árangur stigalausra: Skákklukka eða taflsett
• Unglingaverðlaun (15 ára og yngri): Vegleg bókaverðlaun
• Kvennaverðlaun: Þrenn vegleg bókaverðlaun

Hver keppandi hefur aðeins rétt á einum aukaverðlaunum. Stig verða látin ráða um aukaverðlaun verði skákmenn jafnir í verðlaunasætum.

Þátttökugjöld:

• Félagsmenn kr. 2.500-; Aðrir 3.000-
• Unglingar 15 ára og yngri: Félagsmenn: 2.000; Aðrir 2.500.

Umferðartafla: 

• 1. umferð, mánudaginn,11. febrúar, kl. 19:00
• 2. umferð, miðvikudaginn, 13. febrúar, kl. 19:00
• 3. umferð, föstudaginn, 15. febrúar, kl. 19:00
• 4. umferð, mánudaginn, 18. febrúar, kl. 19:00
• 5. umferð, miðvikudaginn, 20. febrúar, kl. 19:00
• 6. umferð, föstudaginn, 22. febrúar, kl. 19:00
• 7. umferð, mánudaginn, 25. febrúar, kl. 19:00

• Heimasíða Hellis
• Bloggsíða Hellis
• Chess-Results

Myndir og myndband frá Noregsmóti stúlkna

Eins og fram hefur komið fram á Skák.is stóðu þær Hallgerður Helga og Elsa María vel á Noregsmóti stúlkna sem fram fór 1.-3. febrúar sl. í Osló.  Myndir sem Omar Salama tók á skákstað má nú finna í myndaalbúmi hér á Skák.is.  

Einnig er til myndasería frá mótinu á vefsíðu Tostein Bae einum starfsmanni mótsins.

Þess má einnig geta að lokinni verðlaunaafhendingu var tefld hraðskák.  Þar vann íslenska liðið (Omar-Hallgerður-Elsa) 

Einnig tók Omar myndbandsbút frá mótinu sem sjá má hér að neðan: 

 

Skákþing Akureyrar hafið

Skákþing Akureyrar hófst sl. sunnudag í opnum flokki en alls taka 17 skákmenn þátt.

Úrslit 1. umferðar:

• Hermann Aðalsteinsson   -   Andri Freyr Björgvinsson        1 : 0
• Sigurður Eiríksson        -   Jakob Sævar Sigurðsson  1 : 0
• Hjörtur Snær Jónsson      -   Hjörleifur Halldórsson        0 : 1
• Sigurbjörn Ásmundsson    -   Sveinn Arnarsson                   0 : 1
• Sveinbjörn Sigurðsson    -    Gylfi Þórhallsson                     0 : 1
• Sigurður Arnarson          -    Hugi Hlynsson                         1 : 0
• Ulker Gasanova              -        "Skotta"                               1 : 0
• Hreinn Hrafnsson           -    Haukur Jónsson                                    ½ : ½
• Mikael Jóhann Karlsson -  Gestur Vagn Baldursson        frestað.

Skák Mikaels og Gests verður tefld á miðvikudagskvöld og eftir þá skák verður ljóst hverjir tefla saman í 2. umferð sem hefst kl. 19.30 á fimmtudag.

 

NM í skólaskák fer fram 14.-16. febrúar í Danmörku

Norðurlandamótið í skólaskák fer fram dagana 14.-16. febrúar nk. í Tjele í Danmörku.   Tíu íslenskir skákmenn taka þátt.

Fulltrúar Íslands eru: 

	Nafn	Ár	Stig/ELO
A	Gudmundur Kjartansson	1988	2350/2307
A	Atli Freyr Kristjansson	1989	2055/2019
B	Sverrir Thorgeirsson	1991	2145/2120
B	Dadi Omarsson	1991	2030/1999
C	Patrekur Maron Magnusson	1993	1730/1785
C	Svanberg Mar Palsson	1993	1705/1820
D	Dagur Andri Fridgeirsson	1995	1685/1798
D	Fridrik Thjalfi Stefansson	1996	1455/0
E	Kristofer Gautason	1997	1245/0
E	Dagur Ragnarsson	1997	0/0

Fararstjórar eru Páll Sigurðsson og Davíð Ólafsson. 

Heimasíða mótsins     

Íslandsmóti framhaldsskólasveita frestað

Íslandsmót framhaldsskólasveita sem er á mótaáætlun 9. febrúar nk. hefur verið frestað.  Gert er ráð fyrir að mótið verði haldið samhliða Íslandsmóti grunnskólasveita 12. og 13. apríl nk.

 

Stefán sigraði í þriðju umferð

Alþjóðlegi meistarinn Stefán Kristjánsson (2476) vann ungverska stórmeistarann Ivan Farago (2475) í þriðju umferð First Saturdays-mótsins, sem fram fór í gær í Búdapest í Ungverjalandi.  Dagur Angrímsson (2359) tapaði fyrir ungverska alþjóðlega meistaranum Peter Prohaszka (2495).  Stefán hefur tvo vinninga en Dagur hálfan.  

Báðir tefla í þeir í stórmeistaraflokki.   Alls taka 13 skákmenn þátt í flokknum og eru meðalstig 2435 skákstig.  Til að ná stórmeistaraáfanga þarf 9 vinninga.  

Stefán hefur náð öllum tilskyldum stórmeistaraáföngum en vantar 16 stig til að vera útnefndur stórmeistari.  Dagur hefur náð tilskyldum áföngum til að verða alþjóðlegur skakmeistari en vantar 13 skákstig til að vera útnefndur.  

Heimasíða mótsins