Minningarmót um Tal: Kramnik, Carlsen og Mamedyarov efstir

Öllum skákum fjórðu umferðar á minningarmótinu um Mikhail Tal, sem fram fór í Moskvu í dag lauk með jafntefli.  Staðan er því óbreytt en sem fyrr eru Rússinn Vladimir Kramnik (2785), Norðmaðurinn ungi, Magnus Carlsen, (2714) og Aserinn Shakhriyar Mamedyarov (2752) efstir með 2,5 vinning.  

Alls taka 10 skákmenn þátt í mótinu og allir þeir eru yfir 2700 skákstig.  Meðalstig mótsins eru 2741 skákstig og er það í 20. styrkleikaflokki.

Úrslit 4. umferðar:

Carlsen, Magnus	- Mamedyarov, Shakhriyar	½-½
Gelfand, Boris	- Jakovenko, Dmitry	½-½
Lékó, Peter	- Alekseev, Evgeny	½-½
Shirov, Alexei	- Ivanchuk, Vassily	½-½
Kamsky, Gata	- Kramnik, Vladimir	½-½

 

Staðan:

1.	Kramnik, Vladimir	g	RUS	2785	*	½	.	.	½	1	.	½	.	.	2½	2824
2.	Carlsen, Magnus	g	NOR	2714	½	*	½	½	.	.	.	.	1	.	2½	2835
3.	Mamedyarov, Shakhriyar	g	AZE	2752	.	½	*	.	.	.	½	.	½	1	2½	2832
4.	Alekseev, Evgeny	g	RUS	2716	.	½	.	*	½	½	.	.	.	½	2	2748
5.	Gelfand, Boris	g	ISR	2736	½	.	.	½	*	.	.	½	½	.	2	2731
6.	Lékó, Peter	g	HUN	2755	0	.	.	½	.	*	1	½	.	.	2	2738
7.	Shirov, Alexei	g	ESP	2739	.	.	½	.	.	0	*	1	.	½	2	2752
8.	Kamsky, Gata	g	USA	2714	½	.	.	.	½	½	0	*	.	.	1½	2666
9.	Jakovenko, Dmitry	g	RUS	2710	.	0	½	.	½	.	.	.	*	½	1½	2660
10.	Ivanchuk, Vassily	g	UKR	2787	.	.	0	½	.	.	½	.	½	*	1½	2642

Heimasíða mótsins 

Björn Sölvi efstur á Guðbjargar/Þórdísarmótinu

Þar sem Guðbjörg Sveinsdóttir lét nýlega af störfum sem forstöðumaður Vinjar, athvarfs Rauða krossins, og Þórdís Rúnarsdóttir tók við, hélt skákfélag Vinjar mót þeim til heiðurs strax uppúr hádegi, mánudaginn 12. nóvember. 

7 þátttakendur voru tilbúnir í slaginn en þær stöllur, núverandi og fyrrum stjórar, fylgdust með. Segjast ekki tilbúnar í keppni.

Þórdís lék fyrsta leikinn í skák þeirra Björns Sölva Sigurjónssonar og Árna Jóhannssonar og svo tefldu allir við alla. Umhugsunartími 7 mínútur á mann og var mótið afar spennandi þrátt fyrir nokkrar frumlegar skákir.

Björn Sölvi sigraði að lokum, fékk 5 .5 vinninga í sex skákum en Guðmundur Valdimar Guðmundsson náði jafntefli við kappann.

Það var þó Haukur Halldórsson sem varð annar með fimm vinninga og þau Árni Jóhannsson, hinn síspræki unglingur sem kominn er yfir áttrætt og Embla Dís Ásgeirsdóttir, sem gengið hefur undir nafninu "súper dúper skakdronning" eftir frammiststöðu sína á Flugfélagsmótinu á Grænlandi í sumar, eða Greenland open, sem höfnuðu í þriðja sæti, saman.

Eftir fjórar umferðir var kaffipása með döðlubrauði og pönnukökum áður en ráðist var í tvær síðustu umferðirnar.

Allir fengu vinninga, bækur, geisladiska eða dvd diska og voru sáttir með sitt. 

Hrókurinn hefur aðstoðað skákfélag Vinjar við æfingar og uppákomur undanfarin fjögur ár og alltaf er teflt á mánudögum kl. 13. Saman standa Hrókurinn og skákfélag Vinjar að ýmsum uppákomum og eru væntanleg jólamót á nokkrum stöðum á næstu vikum.

Ólafsvíkurmótið haldið 1. desember

Sjötta Ottósmótið verður haldið í félagsheimilinu Klifi Ólafsvík laugardaginn 1. desember. Mótið verður með sama hætti og undanfarin ár, þ.e. tefldar verða 8 umferðir 4 x 7 mín skákir og 4 x 20 mín skákir. Glæsileg verðlaun eru í boði.

Rútuferð frá BSÍ kl:10:00.  Verðlaunapottur: kr: 250.000-, sérstök barna- og kvennaverðlaun sem og verðlaun fyrir undir 2000 stigum.

Kaffiveitingar á milli umferða.  Öllum boðið í mat að móti loknu  Glæsileg aukverðlaun dregin út.  Karaoke og jasssveit Ólafsvíkur leikur undir borðhaldi.  Nánar kynnt síðar.  Skráning hjá Rögnvaldi í síma 840 3724 og [e-mail]

Skrár tengdar þessari bloggfærslu:

• _lafsvik2007.jpg

Hjörvar Steinn efstur á Unglingameistaramóti Hellis

Hjörvar Steinn Grétarsson er efstur eftir fyrri keppnisdaginn á unglingameistaramóti Hellis. Hjörvar er með 4 í fjórum skákum. Næstir koma Hörður Aron Hauksson, Dagur Andri Friðgeirsson, Páll Andrason og Mikael Máni Ásmundsson allir með 3v. Mótinu verður svo fram haldið í dag þriðjudaginn 13. nóvember kl. 16.30 þegar tefldar verða síðustu þrjár umferðirnar. 

 

 

 

 

 

Staðan á unglingameistaramóti Hellis eftir fyrstu fjórar umferðirnar:

• 1.    Hjörvar Steinn Grétarsson     4v/4
• 2.    Hörður Aron Hauksson          3v
• 3.    Dagur Andri Friðgeirsson       3v
• 4.    Páll Andrason                       3v
• 5.    Mikael Máni Ásmundsson       3v
• 6.    Jóhanna Björg Jóhannsdóttir  2,5v
• 7.    Eiríkur Örn Brynjarsson         2v
• 8.    Franco Soto                          2v
• 9.    Jóhannes Guðmundsson         2v
• 10.  Dagur Kjartansson                 2v
• 11.  Brynjar Steingrímsson            2v
• 12.  Jón Halldór Sigurbjörnsson      2v
• 13.  Guðmundur Kristinn Lee          1,5v
• 14.  Kristófer Orri Guðmundsson    1v
• 15.  Hildur Berglind Jóhannsdóttir    1v
• 16.  Sæþór Atli Harðarson              1v
• 17.  Hrund Hauksdóttir                   1v

Í fjórðu umferð tefla:

• Páll Andrason - Hjörvar Steinn Grétarsson
• Dagur Andri Friðgeirsson - Hörður Aron Hauksson
• Jóhanna Björg Jóhannsdóttir - Mikael Máni Ásmundsson
• Eiríkur Örn Brynjarsson - Franco Soto
• Jóhannes Guðmundsson - Dagur Kjartansson
• Jón Halldór Sigurbjörnsson - Brynjar Steingrímsson
• Kristófer Orri Guðmundsson - Guðmundur Kristinn Lee
• Hrund Hauksdóttir - Sæþór Atli Harðarson
• Hildur Berglind Jóhannsdóttir - Skotta

Kramnik, Mamedyarov og Carlsen efstir á minningarmóti um Tal

Dagana 10.-19. nóvember fer fram mikið ofurskákmót fram í Moskvu í Rússlandi til minningar um heimsmeistarann fyrrverandi Mikhail Tal.  Alls taka 10 skákmenn þátt í mótinu og allir þeir eru yfir 2700 skákstig.  Eftir þrjár umferðir eru Rússinn Vladimir Kramnik (2785), Norsarinn Magnus Carlsen (2714) og Armeninn Shakhriyar Mamedyarov (2752) efstir með 2 vinninga.

 

 

Staðan:

1.-3. Kramnik (2785), Carlsen (2714) og Mamedyarov (2752) 2 v.
4.-7. Alekseev (2716), Gelfand (2736), Leko (2755) og Shirov (2739) 1,5 v.
8.-10. Kamsky (2714), Jakovenko (2710) og Ivanchuk (2787) 1 v.

Heimasíða mótsins 

Hjörvar sigraði á Hraðskákmóti TR - Kristján Örn hraðskákmeistari TR

Hjörvar Steinn Grétarsson sigraði á Hausthraðskákmóti Taflfélags Reykjavíkur - MP-mótinu, sem fram fór í gærkvöldi en hann hlaut 6.5 vinning af 7 mögulegum. Í öðru sæti varð Bragi Halldórsson, sem fékk 6 vinninga og í þriðja sæti Kristján Örn Elíasson með 5 vinninga. Kristján er hraðskákmeistari TR 2007 þar sem Hjörvar og Bragi eru báðir í Helli.

Lokastaðan:

• 1....Hjörvar Steinn Grétarsson........6.5 vinning af 7.
• 2....Bragi Halldórsson.....................6.0 vinninga
• 3....Kristján Örn Elíasson................5.0 v
• 4....Hrannar Baldursson...................4.5 v
• 5....Brynjar Níelsson........................4.0 v
• 6....Elsa María Þorfinnsdóttir...........3.5 v
• 7....Vilhjálmur Pálmason..................3.5 v
• 8....Ólafur Gísli Jónsson....................3.0 v
• 9....Sigurlaug Regína Friðþjófsd.......3.0 v
• 10..Helgi Brynjarsson........................3.0 v
• 11..Friðþjófur Max Karlsson.............2.5 v
• 12..Birkir Karl Sigurðsson.................2.5 v
• 13..Örn Stefánsson.............................2.0 v
• 14..Margrét Rún Sverrisdóttir............0.0 v

Skákstjóri: Ólafur S. Ásgrímsson.

Unglingameistaramót Hellis hefst í dag

Unglingameistaramót Hellis 2007 hefst mánudaginn 12. nóvember n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 13. nóvember n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri en titilinn sjálfan getur aðeins félagsmaður í Helli unnið.

Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing verður mánudaginn 19. nóvember n.k. Keppnisstaður er Álfabakki 14a, inngangur við hliðina á Sparisjóðnum en salur félagsins er upp á þriðju hæð.

Verðlaunagripir verða fyrir þrjú efstu sætin. Allir þátttakendur fá skákbók. Að auki verða dregnar út tvær pizzur frá Dominós.

Umferðatafla:

1.-4. umferð:                Mánudaginn 12. nóvember kl. 16.³⁰

5.-7. umferð:                Þriðjudaginn 13. nóvember kl. 16.³⁰

Verðlaun:

1.   Unglingameistari Hellis fær farandbikar til varðveislu í eitt ár.

2.   Þrír efstu fá verðlaunagripi til eignar.

3.   Allir keppendur fá skákbók.

4.   Dregnar út tvær pizzur frá Dominós

Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur.

Róbert Aron efstur á sunnudagsmóti Taflfélags Vestmannaeyja

Sjötta sunnudagsmót Taflfélags Vestmannaeyja fór fram í gær og mættu 16 krakkar í þetta skipti.  Tefldar voru 6 umferðir og hlaut Róbert Aron fullt hús vinninga.

Sunnudagsmótin eru opin öllum krökkum í Eyjum, fyrir utan framhaldsflokkinn og er röð 10 eða fleiri móta þar sem krakkarnir safna stigum í mótaröðinni, en verðlaunaafhending er um áramót og svo aftur á vorin.  Þetta fyrirkomulag hefur verið vinsælt og verið í gangi í mörg undanfarin ár.

Staðan í mótaröðinni er nú þessi, en keppendur eru nú 24 :

• 1.       Róbert Aron Eysteinsson 244 stig
• 2.       Sigurður A. Magnússon 230 stig
• 3.       Daníel Már Sigmarsson 178 stig
• 4.       Óliver Magnússon 177 stig
• 5.       Jörgen Freyr Ólafsson 150 stig
• 6.       Guðlaugur G. Guðmundsson 144 stig
• 7.       Lárus Long 136 stig.

Sigurganga Sigurðar og Þórs heldur áfram fyrir norðan.

Fjórða umferð á Haustmóti Skákfélags Akureyrar var tefld í dag. Sigurður Arnarson og Þór Valtýsson halda áfram sigurgöngu sínum, en þeir lögðu tvo efnilega  pilta af velli í dag. Það var hins vegar öldungurinn Haukur Jónsson sem er rúmlega áttræður, sem stal senunni en hann tefldi tvær skákir  í dag og vann báðar. 

Úrslit í 4. umferð:

Þór Valtýsson    -    Ólafur Ólafsson  1 - 0 

Hugi Hlynsson   -    Haukur Jónsson  0 - 1

Mikael J Karlsson -  Sigurður Arnarson 0 - 1

Sveinbjörn Sigurðsson - Skúli Torfason   1/2

Gestur Baldursson - Sigurður Eiríksson frestað.

 

Frestuð skák úr 1. umferð.

 

Haukur Jónsson vann Skúla Torfason.

                           

Staðan:

 

1. Sigurður Arnarson    4

    Þór Valtýsson         4

3. Sigurður Eiríksson   2  + frestað skák

4. Haukur Jónsson      2

   Sveinbjörn Sigurðsson 2

6. Gestur Baldursson  11/2 + frestað skák

7. Skúli Torfason        1 1/2

8.  Hugi Hlynsson        1

    Ólafur Ólafsson       1

10. Mikael J Karlsson  0

 

Fimmta umferð fer fram á þriðjudagskvöld og tefla m.a. Sigurður Eiríksson og Þór Valtýsson,Sigurður Arnarson og Sveinbjörn Sigurðsson.

 

Heimasíða SA 

Smári 15 mínútna meistari Goðans

Smári Sigurðsson sigraði á nóvembermóti Goðans sem haldið var á Fosshóli í Þingeyjarsveit í dag. Hann fékk 8 vinninga af 9 mögulegum. Hann er því 15 mínútna meistari Goðans 2007. Tefldar voru skákir með 15 mínútna umhugsunartíma á mann.  Rúnar Ísleifsson varð í öðru sæti ásamt Sigurði Arnarssyni (S.A.) með 7,5 vinninga og Jakob Sævar Sigurðsson varð þriðji með 6 vinninga.

Alls tóku 10 keppendur þátt í mótinu.  Benedikt Jóhannsson sigraði í flokki 16 ára og yngri með 1,5 vinning, en Benedikt sem er mjög efnilegur, afrekaði það að ná jafntefli við Smára í fyrstu umferð.      

Lokstaðan:

1. Smári Sigurðsson                   8 af 9 mögul.       gull auk peningaverðlauna

2. Rúnar Ísleifsson                    7,5                       silfur auk peningaverðlauna

3. Sigurður Arnarsson               7,5                       peningaverðlaun

4. Jakob Sævar Sigurðsson       6                          brons

5. Hermann Aðalsteinsson        4                        

6. Sigurbjörn Ásmundsson        4                        

7. Ármann Olgeirsson               3,5

8. Sighvatur Karlsson                2

9. Benedikt Þ Jóhannsson        1,5                       gull

10. Jóhann Gunnarsson              1

Smári og Rúnar töpuðu ekki skák í mótinu og gerðu jafntefli sín á milli. Mótið var félagsmót hjá Goðanum og því fékk Sigurður ekki bronsverðlaun.

Með sigri í móti þessu bætti Smári fjórða félagstitlinum við sig og eru allir farandbikarar félagsins (4 að tölu) í hans umsjá.   Næsta mót félagsins er hraðskákmót Goðans og verður það haldið í desember.