Friðriksmót Landsbankans fer fram í dag

Friðrik Ólafsson verður meðal keppenda á Friðriksmóti Landsbankans sem fram fer í aðalútibúi Landsbankans sunnudaginn 20. desember.   Flestir sterkustu skákmenn landsins taka þátt.  Skráningu á mótið hefur verið lokað þar sem þátttaka takmarkast við um 70 keppendur.  

Skákáhugamenn eru hvattir til að fjölmenn en einni skák í hverri umferð verður varpað á risaskjá og kaffi og kex á boðstólum fyrir gefsti og gangandi.  

Meðal þegar skráðra keppenda fyrir utan Friðrik, má nefna stórmeistarana Jóhann Hjartarson (2585), Helga Ólafsson (2524), sigurvegara síðasta móts, og Þröst Þórhallsson (2426), alþjóðlegu meistarana Jón Viktor Gunnarsson (2454), Arnar E. Gunnarsson (2448), Braga (2401) og Björn Þorfinnssyni (2381) , Guðmund Kjartansson (2391) og Sævar Bjarnason (2164) og Lenku Ptácníková (2307) stórmeistara kvenna.   Upplýsingar um þegar skráða keppendur má nálgast á Chess-Results.  

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Verðlaun eru sem hér segir:

• 1) 100.000 kr.
• 2) 60.000 kr.
• 3) 50.000 kr.
• 4) 30.000 kr.
• 5) 20.000 kr.

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Aukaverðlaun eru miðað við nýjustu útgefin íslensk skákstig.  

Tefldar verða 11 umferðir með 7 mínútna umhugsunartíma á mann og er reiknað með að mótinu ljúki um kl. 16.30.

Þetta er sjötta árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Chess-Results