Kramnik efstur í Moskvu

Kramnik (2772) er efstur á minningarmótinu um Tal sem fram fer þessa dagana í Moskvu.  Í sjöttu umferð, sem fram fór í dag, vann hann Ponomariov (2739) í mjög skemmtilegri og fjörlegri skák.   Gelfand (2758) vann Aronian (2786) og Ivanchuk (2739) lagði Morozevich (2750).   Öðrum skákum lauk með jafntefli og þar á meðal skák stigahæstu keppendanna Carlsen (2801) og Anand (2788).  Kramnik hefur 4½ vinninga, Anand er annar með 4 vinninga og Gelfand og Ivanchuk eru í 3.-4. sæti með 3½ vinning.  Carlsen hefur gert jafntefli í öllum sínum skákum.

Í sjöundu umferð, sem fram fer á morgun, mætast m.a.: Aronian-Kramnik, Anand-Morozevich og Svidler-Carlsen.  

Úrslit 6. umferðar:

Kramnik, Vladimir	- Ponomariov, Ruslan	1-0
Gelfand, Boris	- Aronian, Levon	1-0
Carlsen, Magnus	- Anand, Viswanathan	½-½
Morozevich, Alexander	- Ivanchuk, Vassily	0-1
Leko, Peter	- Svidler, Peter	½-½

Staðan:

Nr.	Nafn	Land	Stig	Vinn	Rpf.
1.	Kramnik, Vladimir	RUS	2772	4½	2958
2.	Anand, Viswanathan	IND	2788	4	2884
3.	Gelfand, Boris	ISR	2758	3½	2823
4.	Ivanchuk, Vassily	UKR	2739	3½	2821
5.	Carlsen, Magnus	NOR	2801	3	2765
6.	Aronian, Levon	ARM	2786	3	2759
7.	Ponomariov, Ruslan	UKR	2739	2½	2709
8.	Morozevich, Alexander	RUS	2750	2	2643
9.	Leko, Peter	HUN	2752	2	2637
10.	Svidler, Peter	RUS	2754	2	2637

Um er að ræða sterkasta skákmót ársins en meðal keppenda eru 10 af 13 stigahæstum skákmönnum heims.  Carlsen er stigahæstur með 2801 skákstig en næstir eru Anand (2788), Aronian (2786) og Kramnik (2772).  Meðalstig mótsins eru 2764 skákstig.

Ýmsar leiðir eru til að fylgjast með skákunum beint sem hefjast kl. 12.  Ritstjóri bendir á eftirfarandi síður. 

• Heimasíða mótsins
• Skákirnar beint á vefsíðu mótsins
• Skákirnar beint á Chessdom
• Skákirnar beint á Chessvibes
• Skákirnar beint á TWIC