EM landsliða: Norðmenn í 2. umferð

Íslenska liðið mætir liði Noregs í 2. umferð EM landsliða sem fram fer á morgun í Novi Sad.  Norðmenn, sem hafa á að skipa tveimur stórmeisturum, eru heldur sterkari en íslenska liðið á pappírunum en þeir hafa meðalstigin 2477 skákstig á meðan íslenska liðið hefur 2403 skákstig.

Þar sem hvorugt liðið hefur varamenn liggur þegar fyrir hverjir mætast.  

Lið Norðmanna skipa:

 

1	GM	Hammer Jon Ludvig	2585
2	GM	Johannessen Leif Erlend	2532
3	IM	Elsness Frode	2458
4	FM	Thomassen Joachim	2332

Lið Íslendinga:

 

1	IM	Gunnarsson Jon Viktor	2462
2	IM	Arngrimsson Dagur	2396
3	IM	Thorfinnsson Bjorn	2395
4	IM	Thorfinnsson Bragi	2360

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results