Naumt tap gegn Tékkum

Íslenska liðið tapaði naumlega fyrir sterkri stórmeistarasveit Tékka í fyrstu umferð EM landsliða sem fram fór í Novi Sad í Serbíu í dag.  Dagur Arngrímsson (2396) sigraði Viktor Laznicka (2634) og Bragi Þorfinnsson (2360) gerði jafntefli við Robert Cvek (2518).  Jón Viktor Gunnarsson (2462) og Björn Þorfinnsson (2396) töpuðu hins vegar.   Þetta verða að teljast góð úrslit gegn sterkri sveit.  Ekki liggur enn fyrir pörun í 2. umferð sem fram fer á morgun

Úrslit 1. umferðar

 

Bo.	32	Iceland (ISL)	Rtg	-	13	Czech Republic (CZE)	Rtg	0 : 0
1	IM	Gunnarsson Jon Viktor	2462	-	GM	Navara David	2692	0-1
2	IM	Arngrimsson Dagur	2396	-	GM	Laznicka Viktor	2634	1-0
3	IM	Thorfinnsson Bjorn	2395	-	GM	Babula Vlastimil	2569	0-1
4	IM	Thorfinnsson Bragi	2360	-	GM	Cvek Robert	2518	½-½

Alls taka 38 lið í keppninni.  Íslenska liðið er það 32. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 22, Noregur (2477) - nr. 28, og Finnland (2453) - nr. 30 þátt. 

• Heimasíða mótsins
• Chess-Results