EM landsliða: Viðureign dagsins

Þá liggur fyrir uppstilling liðanna í fyrstu umferð EM taflfélaga.  Eins og áður hefur komið fram mæta Íslendingar sterkri sveit Tékka í fyrstu umferð.  Umferðin hefst kl. 13 og ritstjóra sýnist að umferðin verði ekki sýnd beint.  Komi annað í ljós verður sérstök frétt um það birt á Skák.is 

Viðureign fyrstu umferðar:

 

Bo.	32	Iceland (ISL)	Rtg	-	13	Czech Republic (CZE)	Rtg	0 : 0
1	IM	Gunnarsson Jon Viktor	2462	-	GM	Navara David	2692
2	IM	Arngrimsson Dagur	2396	-	GM	Laznicka Viktor	2634
3	IM	Thorfinnsson Bjorn	2395	-	GM	Babula Vlastimil	2569
4	IM	Thorfinnsson Bragi	2360	-	GM	Cvek Robert	2518

Alls taka 38 lið í keppninni.  Íslenska liðið er það 32. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 22, Noregur (2477) - nr. 28, og Finnland (2453) - nr. 30 þátt. 

• Heimasíða mótsins
• Chess-Results