EM landsliða: Tékkar í fyrstu umferð

Íslenska landsliðið sem tekur þátt í Evrópumóti landsliða sem hefst í Novi Sad í Serbíu á morgun mætir sterkri stórmeistarasveit Tékka í fyrstu umferð. 

Íslenska liðið skipa alþjóðlegu meistararnir Jón Viktor Gunnarsson (2462), Dagur Arngrímsson (2396) og bræðurnir Björn (2395) og Bragi Þorfinnssynir (2360).  Meðalstig íslenska liðsins eru 2403 skákstig en til samanburðar eru meðalstig  Tékkanna eru 2625 skákstig en Tékkarnir hafa á að skipa 13. sterkasta liði keppninnar.  Það verður því við ramman reip að draga.

Lið Tékkanna:

 

1	GM	Navara David	2692
2	GM	Laznicka Viktor	2634
3	GM	Hracek Zbynek	2606
4	GM	Babula Vlastimil	2569
5	GM	Cvek Robert	2518

Alls taka 38 lið í keppninni.  Íslenska liðið er það 32. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 22, Noregur (2477) - nr. 28, og Finnland (2453) - nr. 30 þátt. 

• Heimasíða mótsins
• Chess-Results