15 mínútna mót Goðans fer fram í dag

15 mínútna mót Goðans 2009 verður haldið að Laugum í Reykjadal laugardaginn 17 október nk. Mótið hefst kl 13:00 og því lýkur kl 17:00. Tefldar verða skákir með 15 mínútna umhugsunartíma á mann og er reiknað með því að tefldar verða 7 umferðir eftir Monrad-kerfi, en það fer þó eftir fjölda þátttakenda.

Veitt verða verðlaun fyrir þrjú efstu sætin auk farandbikars og nafnbótina "15 mínútna meistari Goðans 2009" fyrir efsta sætið. Núverandi 15 mínútna meistari Goðans er Smári Sigurðsson og á hann möguleika á því að vinna bikarinn til eignar, vinni hann mótið á laugardaginn. Einnig verða veitt verðlaun fyrir þrjá efstu í flokki 16 ára og yngri.

Keppnisgjald er 500 krónur fyrir fullorna en 250 krónur fyrir 16 ára og yngri.

Mótið verður reiknað til atskákstiga.

Æskilegt er að áhugasamir skrái sig til leiks í síðasta lagi kvöldið fyrir mót.