Carlsen með jafntefli við Leko í Nanjing - hefur 2ja vinninga forskot

Magnus Carlsen (2772) gerði jafntefli við Ungverjann Peter Leko (2762) í sjöttu umferð Pearl Springs-mótsins sem fram fer í Nanjing í Kína.  Búlgarinn Topalov (2813) sigraði Rússann Jakovenko (2742) og var þar með eini skákmaðurinn sem hefur unnið skák á mótinu fyrir utan Carlsen.  Norðmaðurinn hefur sem fyrr 2ja vinninga forskot á mótinu.  Í sjöundu umferð, sem fram fer á morgun, mætast Topalov og Carlsen. 

Alls taka sex skákmenn þátt í mótinu og eru meðalstig 2764 skákstig.  Tefld er tvöföld umferð. 

Úrslit 6. umferðar:

Leko, Peter	- Carlsen, Magnus	½-½
Radjabov, Teimour	- Wang Yue	½-½
Jakovenko, Dmitry	- Topalov, Veselin	0-1

Staðan:

• 1. Carlsen (2272) 5 v.
• 2.-3. Wang Yue (2736) og Topalov (2813) 3 v.
• 4.-5. Leko (2762) og Radjabov (2757) 2½ v.
• 6. Jakovenko (2742) 2 v.

Tilvalið er fyrir árrisula að fylgjast vel með mótinu en umferðirnar hefjast kl. 7 á morgnana.

• Heimasíða mótsins 
• Skákirnar í beinni