Afmælismót til heiðurs forsetanum hefst kl. 13 í Vin í dag

Gunnari Björnssyni, forseta Skáksambands Íslands, verður haldið afmælismót í Vin, athvarfi Rauða krossins, á mánudaginn þann 21. sept, kl. 13:00.

Staðið hefur til um nokkurt skeið að bjóða heiðursmanninum formlega í vísíteringu en þar sem hann  á afmæli í vikunni, verður blásið til skákfagnaðar.

Tefldar verða sex umferðir eftir monradkerfi, með sjö mínútna umhugsunartíma. Hrannar Jónsson, Hrókspilturinn knái og fyrsta borðs maður Skákfélags Vinjar verður mótsstjóri.

Medalíur og geisladiskavinningar fyrir efstu menn, auk þess sem dregnir verða út þrír diskar í happadrætti.

Að sjálfsögðu verður tekin kaffipása og ráðist á hið rómaða kaffihlaðborð sem tilheyrir skákmótunum.

Allir eru hjartanlega velkomnir og það kostar ekkert að vera með.

Vin er að Hverfisgötu 47 í Reykjavík og síminn þar er 561-2612