Útgáfufélagið Sögur og TB halda alþjóðlegt skákmót

Dagana 20.-24. september fer fram alþjóðlegt skákmót á vegum Taflfélags Bolungarvíkur og er Útgáfufélagið Sögur styrktaraðili mótsins.  Teflt verður í húsakynnum Bridgesambands Íslands að Síðumúla 37. Um 20 keppendur munu taka þátt, þar af 3 stórmeistarar og 5 alþjóðlegir meistarar. Tefldar verða 9 umferðir og eru tímamörk 90 mín á skák að viðbættum 30 sekúndum eftir hvern leik. Fyrsta umferð fer fram kl. 14 á sunnudag en síðan verða tvær skákir á dag eftir það, kl. 11 og 17 mánudag-fimmtudags. Skákstjórar verða Gunnar Björnsson og Ólafur Ásgrímsson. Einn megin tilgangur mótsins er að gefa íslenskum skákmönnum tækifæri til að ná áföngum að stórmeistara- og alþjóðlegum titlum.  Nánari upplýsingar má finna á heimasíðu Taflfélags Bolungarvíkur.

 

• Útgáfufélagið sögur ehf 
• Chess Results 
• Taflfélag Bolungarvíkur