Haustmót TR hefst á morgun - skráningu í a-flokk lýkur í dag

Sunnudaginn 20. september hefst Haustmót Taflfélags Reykjavíkur 2009. Mótið er eitt af aðalmótum vetrarins í reykvísku skáklífi og er jafnframt meistaramót T.R. Það er áratuga gömul hefð fyrir hinu vinsæla Haustmóti T.R. og er það flokkaskipt. Mótið er öllum opið. Skráning fer fram á heimasíðu TR.

Teflt verður í húsakynnum Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum og eru góð verðlaun í boði í öllum flokkum. Alls verða tefldar 9 skákir í hverjum flokki. Í efstu flokkunum verður teflt í lokuðum 10 manna flokkum, en í neðsta flokki verður teflt eftir svissnesku kerfi.

Skráning fer fram á [e-mail] eða í síma 895-5860 (Ólafur Ásgrímsson).

Skráningu í A-flokk lýkur laugardaginn 19. september kl. 18.

Skákstjóri er hinn gamalreyndi og síungi Ólafur S. Ásgrímsson og hin eina og sanna Birna sér um veitingar.


Valið verður í A-flokk eftir alþjóðlegum FIDE stigum.

Núverandi meistari T.R. er Hrafn Loftsson.

Dagskrá Haustmótsins er þessi:

1. umferð: Sunnudag 20. september kl.14.00
2. umferð: Miðvikudag 23. september kl.19.30

------Hlé vegna Íslandsmóts skákfélaga-------
3. umferð: Miðvikudag 30. september kl.19.30
4. umferð: Föstudag 2. október kl.19.30
5. umferð: Sunnudag 4. október kl.14.00
6. umferð: Miðvikudag 7. október kl.19.30
7. umferð: Föstudag 9. október kl.19.30
8. umferð: Sunnudag 11. október kl.14.00
9. umferð: Miðvikudag 14. október. kl.19.30

Verðlaun í A-flokki:
1. verðlaun kr. 100.000
2. verðlaun kr. 30.000
3. verðlaun kr. 20.000
4. og 5. sæti ókeypis í Skákþing Reykjavíkur 2010

Verðlaun í B-flokki:
1. verðlaun kr. 20.000
2. og 3. sæti ókeypis í Skákþing Reykjavíkur 2010

Verðlaun í C-flokki:
1. verðlaun kr. 15.000
2. og 3. sæti ókeypis í Skákþing Reykjavíkur 2010

Verðlaun í D-flokki:

1. verðlaun kr. 10.000
2. og 3. sæti ókeypis í Skákþing Reykjavíkur 2010

 

Bætist við fleiri flokkar verða verðlaun í þeim þau sömu og í D-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Fyrirkomulag: Flokkar A-D eru lokaðir 10 manna flokkar þar sem allir tefla við alla. E-flokkur er opinn þar sem tefldar eru 9 umferðir eftir Svissnesku kerfi. Ef þátttaka fer yfir 70 verður E-flokkur lokaður og opnum F-flokki bætt við.

Tímamörk: 1 klst. og 30 mín. + 30 sek. á leik.

Þátttökugjöld:
3.000 kr. fyrir félagsmenn T.R. 16 ára og eldri (3.500 kr. fyrir aðra).
1.500 kr. fyrir félagsmenn TR 15 ára og yngri (2.000 kr. fyrir aðra).

Athugasemdir

[Sigurður Daði Sigfússon (IP-tala skráð) 19.9.2009 kl. 21:26]

Þar sem ég get ekki stímað á Skákhorninu þá verð ég að koma pirringi mínum á framfæri hér.  Ég hef lítið teflt/stúderað undanfarið svo ég ákvað að sækja skákir úr Landsliðsflokki af heimasíðu SÍ svona til að rifja aðeins upp hvað snilingarnir eru að tefla þessa dagana.  En viti menn.  Þrátt fyrir að nánast allir skákmenn á Íslandi séu með skákgagnagrunna eins og ChessBase og Chess Assistant og það hvernig þeir virka séu flestum kunnugt þá er skemmst frá því að segja að ALLAR skákirnar úr Landsliðsflokki eru slegnar inn í gagnagrunninn með ÍSLENSKUM stöfum!!  Sem þýðir að maður þarf að fara inn í skrárnar og breyta allri stafsetningu ef maður vill geta samkeyrt þetta við önnur gögn sem maður hefur.  Síðan er vel þegið að í lok móts sé búinn til EIN pgn skrá sem inniheldur allar skákir mótisins þ.a. maður þurfi bara að hlaða niður einni skrá en ekki 11.

[Sigurður Daði Sigfússon (IP-tala skráð) 20.9.2009 kl. 11:25]

Vil þakka Skáksambandsmönnum skjót viðbrögð við þessu nöldri í mér en skákirnar eru nú allar komnar á heimasíðu mótsins með ensku stafsetningunni og í eina skrá