Skákhátíðin í Bolungarvík - breytingar

Opna Bolungarvíkurmótinu hefur verið breytt og í stað þess að tefla 3 atskákir og 4 lengri skákir verða eingöngu tefldar atskákir.  Mótið mun fara fram í Hvíta húsinu (safnaðarheimilinu) á mið- og fimmtudagskvöldið og hefst taflmennskan kl. 20 bæði kvöldin. Stefnt er að því að tefla 3 atskákir á miðvikudagskvöldinu en 4 á fimmtudagskvöldinu. Umferðafjöldi og umhugsunartími mun þó endanlega ráðast af fjölda keppenda.

Í ljósi þessarar breytingar hefur Taflfélag Bolungarvíkur ákveðið að styrkja skákmenn til að taka þátt í Hraðskákmóti Íslands. Hver þátttakandi í Hraðskákmóti Íslands utan stór-Bolungarvíkursvæðisins mun fá styrk upp á kr. 3.500,-  Keppendur sem hafa ekki kost á að fljúga beint vestur eða þurfa að keyra mjög langa leið (t.d. Vestmannaeyingar og Austfirðingar) munu fá tvöfaldan styrk eða kr. 7.000,-

Styrkurinn verður greiddur út eftirá.

Skráning í bæði mótin fer fram á heimasíðu Taflfélags Bolungarvíkur http://taflfelagbolungarvikur.blog.is.